ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

اشىنىشتى، شىرعالاڭ تۋىلىپ 14 ادام قازا بولدى

来源:央广网     |责编:阿依娜|     发布日期: 2021-10-13 17:34

اشىنىشتى، شىرعالاڭ تۋىلىپ 14 ادام قازا بولدى

 

شىرعالاڭ تۋىلىپ 14 ادام قازا بولدى

 

 

 

 

 

 

汶川地震13周年祭

 

2021-جىلى 10-ايدىڭ 11-كۇنى تاڭەرتەڭ ساعات 7 شاماسىندا، حىبەي ولكەسى شىجياجۋاڭ قالاسى پيڭشان اۋدانىندا جولاۋشىلار اۆتوبۋزىنىڭ سۋعا اۋدارىلۋ شىرعالاڭى تۋىلدى. 

 

 

ورتالىق تەلەۆيزياسىنىڭ ەڭ جاڭا حابارىنا قاراعاندا، جيىنى 51 ادامدى قۇتقارىپ الىپ شىققان، مۇنىڭ ىشىندەگى 37 ادام امان قالعان (29 ادام وزدەرىنىڭ قىزمەت ورنىنا قايتقان، 7 ادام مەديتسينالىق باقىلاۋعا الىنعان، ولاردىڭ جاعدايى جاقسى، شىرعالاڭ تۋدىرۋشى شوفەر زاڭ بويىنشا قولدا ۇستاي تۇرىلعان)، 14 ادامدى كۇش سالا قۇتقارسادا قۇتقارۋ ٴونىم بەرمەي قازا بولعان؛ شىرعالاڭنىڭ سەبەبى ىشكەرلەي تەكسەرىلۋ ۇستىندە. 

شىرعالاڭ تۋىلعان ناق مايدانداعى كوپىردى سۋ باسىپ كەتكەن. تومەندەگى سۋرەتتەر تۇگەلدەي ورتالىق تەلەۆيزياسى حابارلارى تەرمينالىنان الىندى

ٴارقايسى تاراۋلار شۇعىل قۇتقارۋ قىزمەتىن جۇرگىزۋدە

ورتتەن ساقتانۋ ٴورت ٴوشىرۋ جاۋىنگەرلەرى جەل قايىقتارىن الىپ ناق مايدانعا اتتاندى

قۇتقارۋ قىزمەتكەرلەرى پيڭشان اۋدانىنداعى حۋتۋو وزەنىنىڭ ۋاڭمۋ كوپىرىنىڭ ماڭايىندا شۇعىل قۇتقارۋ الىپ بارۋدا

وزەنگە ٴتۇسىپ كەتكەن اۆتوبۋزدى ٴسۇزىپ الىپ شىقتى

ٴسۇزىپ الىپ شىققان وزەنگە قۇلاعان اۆتوبۋز

ٴسۇزىپ الىپ شىققان وزەنگە قۇلاعان اۆتوبۋز

 

شىرعالاڭ تۋىلعاننان كەيىن، حىبەي ولكەلىك كوميتەت، ولكەلىك ۇكىمەت بۇل ىسكە ەرەكشە كوڭىل ٴبولىپ، حىبەي ولكەلىك كوميتەتتىڭ شۋجيى ۋاڭ دۇڭفىڭ، ولكە باستىعى شۇي چين قولما-قول نۇسقاۋ بەرىپ، ٴارقانداي بوداۋ بەرۋدەن قورىقپاي جارالانعانداردى بار كۇشپەن ەمدەۋدى، شىرعالاڭنىڭ سەبەبىن تەز ارادا انىقتاپ، سوڭعى ىستەردى ويداعىداي ٴبىر جاقتى ەتۋدى تالاپ ەتتى. 

 

حىبەي ولكەلىك كوميتەتتىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ولكە باستىعى يۋان تۇڭلي ولكەلىك شۇعىل جاعدايعا توتەپ بەرۋ مەڭگەرمەسىنىڭ، ولكەلىك قوعام حاۋىپسىزدىگى مەڭگەرمەسىنىڭ قىزمەتكەرلەرىن ورنالاستىرىپ، ناق مايدانعا بارىپ قۇتقارۋ قىزمەتىنە جەتەكشىلىك ەتتى.

 

حىبەي ولكەلىك كوميتەتتىڭ تۇراقتى مۇشەسى، شىجياجۋاڭ قالالىق كوميتەتتىڭ شۋجيى جاڭ چاۋچاۋ، ورىنباسار ولكە باستىعى ليۋ كاي، شىجياجۋاڭ قالاسىنىڭ قالا باستىعى ما ۇيجۇن شىرعالاڭ تۋىلعان ورىنعا تىزگىن ۇشىمەن جەتىپ، ناق مايداندا شىرعالاڭدى ٴبىرجاقتى ەتۋگە قولباسشىلىق ەتتى. 

 

حىبەي ولكەلىك شۇعىل جاعدايعا توتەپ بەرۋ مەڭگەرمەسىنىڭ، ولكەلىك قوعام حاۋىپسىزدىگى مەڭگەرمەسىنىڭ، ولكەلىك دەنساۋلىق ساقتاۋ سالاماتتىق كوميتەتىنىڭ، ولكەلىك ورتتەن ساقتانۋ ٴورت ٴوشىرۋ مەڭگەرمەسى باس اترەتىنىڭ سونداي-اق شىجياجۋاڭ قالاسىنىڭ، پيڭشان اۋدانىنىڭ قاتىستى جاۋاپتى ادامدارى ناق مايداندا ٴار سالانىڭ قۇتقارۋشى كۇشتەرىن ۇيىمداستىرىپ، ادام قۇتقارۋ، شىرعالاڭدى تەكسەرۋ، ەمدەۋ قاتارلى ٴارتۇرلى ٴبىر جاقتى ەتۋ قىزمەتتەرىن كۇش سالا ورىستەتتى.

 

ەكى تاراۋ حىبەي ولكەسىنىڭ شىرعالاڭنىڭ سەبەبىن تەزىرەك انىقتاۋىنا قۋزاۋشىلىق ەتەدى

 

شۇعىل جاعدايدى باسقارۋ تاراۋلارى قىزمەت گرۋپپاسىن جىبەرىپ، قوعام حاۋىپسىزدىگى، قاتىناس-تاسىمال قاتارلى تاراۋلارمەن بىرلىكتە ناق مايدانعا بارىپ، قۇتقارۋ-ورنالاستىرۋ جانە تەكسەرىپ ٴبىر جاقتى ەتۋ قىزمەتتەرىنە جەتەكشىلىك ەتتى. 

 

كەلەسى قادامدا، مەملەكەتتىك كەڭەستىڭ ٴوندىرىس حاۋىپسىزدىگى كەڭسەسى، شۇعىل جاعدايدى باسقارۋ تاراۋى حىبەي ولكەسىنىڭ شىرعالاڭدى ناقتىلى قاتاڭ تەكسەرىپ، شىرعالاڭنىڭ سەبەبىن تەز ارادا انىقتاپ، قاتىستى جاۋاپكەرشىلىكتى زاڭ-ٴتۇزىم بويىنشا قۋزاستىرىپ، شىرعالاڭنان ساباق الىپ، وسى تەكتەس شىرعالاڭنىڭ قايتالاي تۋىلۋىنىڭ الدىن قاتاڭ تۇردە الۋعا قۋزاۋشىلىق ەتەدى؛ قاتىستى تاراۋلار مەن ورىنداردىڭ كۇز ماۋسىمىنداعى تاسقىن كەزىندەگى قاتىناس حاۋىپسىزدىگى قىزمەتىن ونان ارى كۇشەيتۋگە، قاتىناس حاۋىپسىزدىگىن، حاۋىپسىز ٴوندىرىستى ارناۋلى وڭاۋدىڭ ٴۇش جىلدىق قىزمەتىن ىشكەرىلەتىپ، ەرەكشە ۇلكەن شىرعالاڭنىڭ تۋىلۋىنان ٴونىمدى تۇردە ساقتانۋ مەن قاتاڭ تۇردە شەكتەۋگە قۋزاۋشىلىق ەتەدى. 

 

اۋدارعان: اناربەك ٴابىلماجىن ۇلى 

 

来源:央视新闻

 

 

编辑、制作:阿依娜

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

اشىنىشتى، شىرعالاڭ تۋىلىپ 14 ادام قازا بولدى

2021-جىلى 10-ايدىڭ 11-كۇنى تاڭەرتەڭ ساعات 7 شاماسىندا، حىبەي ولكەسى شىجياجۋاڭ قالاسى پيڭشان اۋدانىندا جولاۋشىلار اۆتوبۋزىنىڭ سۋعا اۋدارىلۋ شىرعالاڭى تۋىلدى.