ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

​بال اشتىرىپ باقسىعا كورىنەمىن دەپ مول اقشاسىنان ايرىلدى

来源:央广网     |责编:古丽美热·霍孜汗|     发布日期: 2021-10-13 17:47

​بال اشتىرىپ باقسىعا كورىنەمىن دەپ مول اقشاسىنان ايرىلدى

قۇرمەتتى تىڭدارمان قاۋىم، بۇگىن 10-ايدىڭ 13-كۇنى، سارسەنبى، تومەندە مەملەكەتتىك جانە حالىقارالىق حابارلار توپتاماسىن تىڭدايسىزدار.

您的浏览器不支持 audio标签

※ ٴبىرىنشى توپتاعى مەملەكەتتىك باقشالاردىڭ تىزىمدىگى جاريالاندى، ٴۇش وزەن قاينارى مەملەكەتتىك باقشاسى، مىسىق ايۋ مەملەكەتتىك باقشاسى، شىعىس سولتۇستىك جولبارىس مەملەكەتتىك باقشاسى، حاينان ىستىق بەلدەۋ ىلعالدى ورمان مەملەكەتتىك باقشاسى، ۋ-يشان مەملەكەتتىك باقشاسى قاتارلى 5 ورىن تىزىمدىككە ەنگىزىلدى.

 

※وقۋ-اعارتۋ مينيسترلىگى مىنانى حابارلاندىردى: مەكتەپتەن سىرت تاربيەلەۋ قۇرىلىمدارى پايدا تابۋدى ماقسات ەتپەۋ تىزىمدىگىنە تىركەلمەي تۇرىپ وقۋشى قابىلداۋ اقىسىن الۋدى ۋاقىتشا توقتاتادى. 

 

※قوعام حاۋىپسىزدىگى مينيسترلىگى بۇكىل ەلىمىز بويىنشا موتورلى كولىكتەردىڭ 390 ميلليونعا، شوفەرلەردىڭ 476 ميلليون ادامعا جەتكەن جاڭا ساناعىن جاريالادى.

 

※«يۋانگۇي» اتتى تايفىڭ داۋىلىنىڭ ىقپالىنان شيامىن قالاسى تايفىڭ داۋىلىنان ساقتانۋدىڭ ٴۇش دارەجەلى شۇعىل جاعدايعا توتەپ بەرۋ ۇندەۋىن شىعاردى، ٴبىر ٴبولىم الەۋمەتتىك قاتىناستار جانە كەمەلەر توقتادى. 

 

※ كوپ جەردە بويىنىڭ بيىكتىگى 1.3 مەترگە جەتكەن بالالاردىڭ مەترو بەلەت اقىسى كەشىرىم ەتىلدى، بۇل ەكى بالالى جانە ٴۇش بالالى وتباسىن دا قامتيدى. 

 

※حىبەيدە وزەنگە قۇلاعان اۆتوموبيلدەگى ەڭ سوڭعى دەرەكسىز كەتكەن ادامنىڭ سۇيەگى تابىلدى، وسى رەتكى شىرعالاڭدا 14 ادام قازا بولدى.

 

※قىلشىن سۇيرەپ قىس تا تاياپ قالدى، جاڭا كەزەكتى سۋىق اعىس كىردى، تەمپەراتۋرا 16 سەلتسي گرادۋسقا تومەندەيدى.

 

※ انگليانىڭ جانار زات داعدارىسى تولاستامادى، انگليانىڭ شىعىس وڭتۇستىك بولەگىندەگى %10 ماي قۇيۋ پۋنكتى ٴالى دە تىعىرىققا تىرەلۋدە.

 

※ سانشيڭ ەل اتتاعان كاسىپورىن توبىنىڭ قوجايىنى لي زايرۇڭ تىنىشتاندىرعىش ٴدارىنى زاڭسىز پايدالانعان دەگەن كۇمانمەن، پروكۋراتۋرا جاق سوت مەكەمەسىنەن وعان 70 ميلليون حانگو اقشاسى شامامەن 376 مىڭ 800 يۋان حالىق اقشاسىنا بارابار اقشالاي ايىپ سالۋدى، 17 ميلليون 20 مىڭعا جۋىق حانگو اقشاسىن قايتارتقىزۋدى ٴوتىندى.

 

※ نەپالدا ٴبىر اۆتوبوز قۇزدان قۇلاپ 28 ادام قازا بولدى، ولاردىڭ دەنى وقۋشىلار مەن جالدامالى قىزمەتكەرلەر. 

 

※ قازاقستاندا ٴبىر ايەل 25 مەتر بيىكتىكتەگى عيماراتتان سەكىرۋ بارىسىندا سەرىپپەلى ٴجىپتى مىقتاپ بايلاماعاندىعى سەبەپتى تامعا سوعىلىپ جانىنان جۇدا بولدى. 

 

※ يزرايليادا 1500 جىلدىڭ الدىنداعى ٴجۇزىم شارابى زاۆودى بايقالدى، وندا جىلىنا 2 ميلليون ليتر شاراپ وندىرىلەدى ەكەن.

 

※ ناننيڭداعى ٴبىر سەرىكتىك ٴوزى زەرتتەپ جاساعان گەنەراتور اگراگاتتارىنىڭ ەشقانداي شيكىزات قاجەت ەتپەيتىندىگىن ايتىپ «ەنەرگيانىڭ ساقتالۋ زاڭدىلعىن» جاڭالادىق دەپ جار سالعان، الايدا بۇعان پاتەنت ٴوتىنىشى ٴالى «ماندىك تەكسەرۋ كۇشكە يە بولۋ» ساتىسىندا تۇر، مەملەكەتتىك ٴبىلىم مەنشىك ۇقىعى مەكەمەسىنىڭ ۇقىق بەرۋىنە يە بولماعان، «جۇڭحۋا حالىق رەسپۋبليكاسىنىڭ جارناما زاڭىنداعى» قاتىستى بەلگىلەمەلەرگە قايشىلىق جاسادى دەگەن كۇمان تاعىلىپ، گۋاڭشيدىڭ ناننيڭ قالالىق بازار باقىلاۋ-باسقارۋ تاراۋى وسى سەرىكتىككە دەلو تۇرعىزىپ تەكسەرۋ جۇرگىزدى. 

 

※ شانشيداعى ٴبىر كومىر كەندە شىرعالاڭ تۋىلىپ، 4 ادام ٴولىپ، 4 ادام جارالاندى، ۋاقيعا تۋىلۋدان بۇرىن ولكەلىك شۇعىل جاعدايعا توتەپ بەرۋ مەڭگەرمەسى حاۋىپسىز وندىرىسكە قاداعالاي ٴمان بەرۋ كەرەكتىگىن باسا دارىپتەگەن بولاتىن.

 

※مەملەكەتتىك ٴتۇيىندى قورعالاتىن مادەني مۇرا «چيان ليۋ پاتشا قابىرىن ۇرلاپ قازۋ دەلوسىنا» ٴبىرىنشى سوتتا ۇكىم شىعارىلدى، ەكى جاۋاپكەر مەرزىمسىز قاماۋ جازاسىنا ۇكىم ەتىلدى. 

 

※توڭكەرىستىك قۇربانداردىڭ سۋرەتىن قاتە پايدالانعان جينشان دۋبا ۆيرۋسقا قارسى حاۋىپسىزدىك جۇمساق بولشەك شەكتى سەرىكتىگى توراپتاستاردان كەشىرىم سۇراپ، ەندىگارى بۇنداي قاتەلىك وتكىزبەيتىندىگىن ايتتى.

 

※ جوعارى قارقىندى پويەزدە وزگەنىڭ ورنىن تارتىپ الىپ، پويەز قىزمەتكەرىنە سۋ شاشىپ ياناتتاعان، سونداي-اق كولىككە تەككە وتىرعام جوق بەلەتتى ساتىپ العامىن دەپ ايعۇلاقتانعان ەر ادام 10 كۇن اكىمشىلىك جاقتان قاماي تۇرۋ جازاسىنا تارتىلدى.

 

※ تاييۋان قالاسىندا ماحابباتتا جولى بولماي كوڭىلى قامىققان ٴبىر ايەل توراپتا بال اشتىرىپ باقسىعا كورىنەمىن دەپ 5 ميلليون 820 مىڭ يۋان اقشاسىنان ايرىلعان، قازىر ەكى قىلمىس كۇماندىسى قىلمىستىق ىستەر بويىنشا قاماۋعا الىندى.

 

※جىجياڭداٴبىر بالا كۇتۋشى ايەل قوجايىننان ٴوش الۋعا نيەتتەنىپ قازانىن ۇرلاپ اكەتكەن، كۇتۋشى ايەلگە قىلمىستىق ىستەر بويىنشا ماجبۇرلەۋ شاراسى اتقارىلدى.

 

※ سانشيدەگى ٴبىر تاعامجايدىڭ قوجايىنى اسحانانى جاۋىپ، 1000 نان استام ەتتى قارما پىسىرىپ اپات رايونعا جەتكىزدى.

 

 

※ جۇڭگو اقپارات اگەنتتىگى «ەسىرتكى تۇتىنعان شولپاننىڭ وبالدى بولدىم دەپ اقتالماق بولعانى» جونىندە شولۋ جاريالاپ، ٴارقانداي ادام ٴوزىنىڭ ٴىس-ارەكەتى ٴۇشىن جاۋاپ بەرۋى كەرەك، ال ەسىرتكىگە ساياتىن ماسەلەدە كەڭشىلىك ەتۋدى تالقىلاۋدىڭ ەشقانداي مۇمكىندىگى جوق دەدى.

 

※جيلين ولكەسىندەگى كۇرىش وندىرەتىن نەگىزگى رايونداردىڭ ٴبىرى سانالاتىن جيلين قالاسى يۇڭجي اۋدانى ۋانچاڭ قالاشىعى كۇرىش جيناۋ مەزگىلىنە ٴوتتى، سارى التىنداي ەگىنجايدا كۇرىشتەر تەڭىزدەي تولقىپ، مولشىلىقتىڭ كوركەم كورىنسى كوز اربايدى.

 

※جىجياڭ ولكەسى ليشۇي قالاسى بايشانزۋ مەملەكەتتىك باقشاسىندا جەر شارىنداعى الىپ ساڭىراۋقۇلاقتىڭ جاڭا ٴتۇرى بايقالدى.

 

来源:中央广播电视总台

 

 

 

播音:巴拉番

微信制作:古丽美热

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

​بال اشتىرىپ باقسىعا كورىنەمىن دەپ مول اقشاسىنان ايرىلدى

قازاقستاندا ٴبىر ايەل 25 مەتر بيىكتىكتەگى عيماراتتان سەكىرۋ بارىسىندا سەرىپپەلى ٴجىپتى مىقتاپ بايلاماعاندىعى سەبەپتى تامعا سوعىلىپ جانىنان جۇدا بولدى