بۇگىن 10-ايدىڭ 18-كۇنى، دۇيسەنبى، ەندى ەل ٴىشى جانە حالىقارالىق حابارلار توپتاماسىن تىڭدايسىزدار. 

您的浏览器不支持 audio标签

@شي جينپيڭ حات جولداپ، ياڭشاۋ مادەنيەتى بايقالعاندىعىنىڭ جانە جۇڭگونىڭ وسى زامانعى ارحەولوگيا ٴىلىمى جۇيەسى دۇنيەگە كەلگەندىگىنىڭ 100 جىلدىعىن قۇتتىقتاپ، قاتاڭ دا شىنشىل بولۋ، قاجىرلىلىقپەن كۇرەس جۇرگىزۋ، كاسىپتى قاستەرلەۋ، ۇلەسكەرلىك تاڭداۋلى ٴداستۇردى ساۋلەلەندىرۋ، جۇڭگو ەرەكشەلىگىنە، جۇڭگو ىستىلىنە، جۇڭگو جىگەرىنە يە ارحەولوگيا ٴىلىم جۇيەسىن قۇرۋعا قۇلشىنۋ كەرەك،- دەپ باسا دارىپتەدى.

@10-ايدىڭ 17-كۇنى شىنجوۋ 13-ٴنومىرلى الەم كەمەسىنىڭ عارىشكەرلەرى زات بولمەسىنىڭ ەسىگىن اشىپ، تيانجوۋ 3-ٴنومىرلى جۇك تاسىمال الەم كەمەسىنە ٴساتتى كىرىپ، جۇك كەمەسىندەگى زاتتاردى رەتتەدى. 

@شىعىس بولەك سوعىس رايونىنىڭ اقپارات مالىمدەمەشىسى تاياۋدا ا ق ش پەن كانادا اسكەري كەمەسىنىڭ تايۋان بۇعازىنان ٴوتۋى جونىندە ٴسوز سويلەپ بىلاي دەدى: جۇڭگو حالىق ازاتتىق ارمياسىنىڭ شىعىس بولەك سوعىس رايونى تەڭىز بەن اۋە اسكەري كۇشىن ۇيىمداستىرىپ، جالپى بارىستى باقىلايدى. ا ق ش مەن كانادا ارانداتۋ ارەكەتىمەن شۇعىلدانىپ، سويقان شىعارىپ، تايۋان بۇعازىنىڭ بەيبىتشىلىگى مەن ورنىقتىلىعىنا اۋىر زيان جەتكىزدى.

@10-ايدىڭ 17-كۇنى 2021-جىلعى وڭتۇستىكتەگى كۇرىش رايونىنىڭ قوس ماۋسىمدا مۋ باسىنان 1500 كيلوگرام ٴونىم الۋ ناتيجەسىن تەكسەرىپ وتكىزىپ الۋ بارىسىندا، جاي پىساتىن كۇرىشتىڭ مۋ باسىندىق ورتاشا ٴونىمى 936.1 كيلوگرامعا جەتتى، ونىڭ ۇستىنە وسىدان بۇرىن ولشەنگەن ەرتە پىساتىن كۇرىشتىڭ 667.8 كيلوگرامدىق مۋ باسىندىق ورتاشا ٴونىمىن قوسقاندا، يۋان لۇڭپيڭ گرۋپپاسى زەرتتەپ تاپقىرلاعان بۋدانداستىرىلعان كۇرىشتىڭ قوس ماۋسىمدىق ٴونىمى 1603.9 كيلوگرامعا جەتىپ، جاڭا رەكورد جاراتتى. 

@10-ايدىڭ 16-كۇنى ەرلى-زايىپتى ەكى ساياحاتشىنىڭ شانشي ولكەسى شي -ان 8-شيپاحاناسىندا نۋكلەين قىشقىلىن تەكسەرۋ ناتيجەسىندە تەكسەرۋ ناتيجەسى العاشقى قادامدا بولىمدى بولعان، اۋرۋدى تىزگىندەۋ تاراۋلارىنىڭ قايتا تەكسەرۋىنەن كەيىن اۋرۋ جاعدايى رەسىمي بولىمدى بولىپ تۇراقتاندى. وسى ەكى ادامنىڭ جۇرگەن جولى شاڭحاي قالاسى، شانشي ولكەسىنىڭ شي-ان قالاسى، گانسۋ ولكەسىنىڭ جاڭيە قالاسى جانە جيايۇيگۋان قالاسى قاتارلى جەرلەرگە سايادى. قازىرگە دەيىن شانشي ولكەسىندە تۇراقتانعان ناۋقاس 6 ادامعا جەتتى.

@10-ايدىڭ 16-كۇنى تۇندە، ەلىمىزدىڭ شىعىس تەڭىز ايدىنىندا ٴبىر بالىقشى كەمە سۋعا باتقان، قازىرگە دەيىن 2 ادام قۇتقارىلدى، 11 ادام دەرەكسىز كەتتى. 

@مەملەكەتتىك كينو مەكەمەسىنىڭ ساندى مالىمەتىندە كورسەتىلۋىنشە، 10-ايدىڭ 10-كۇنىنە دەيىن، بيىل جىل باسىنان بەرگى بۇكىل ەل بويىنشا كينو بەلەتىنىڭ جالپى ساتىلىم سوماسى 40 ميلليارد يۋاننان اسىپ، دۇنيە ٴجۇزى بويىنشا الدىڭعى ورىندى يەلەگەن.

@10-ايدىڭ 17-كۇنى يۋبەر ساۋىتى قاۋىرسىن دوپ توپتىق جارىسىنىڭ شەشۋشى جارىسىندا، جۇڭگو كومانداسى الدىمەن ٴبىر نومىردەن ايىرىلعان جاعدايدا، وتكەن كەزەك اعا جۇلدەگەر جاپونيا كومانداسىن ارت-ارتىنان جەڭىپ، 15-رەت اعا جۇلدەگەر لوڭقاسىنا يە بولدى. 

@10-ايدىڭ 18-كۇنى يۋانميڭيۋان باقشاسىندا قازا بولعانداردى ەسكە الۋ كۇنى، وسى كۇنى يۋانميڭيۋان باقشاسى جۇرتقا تەگىن اشىلدى. 

@10-ايدىڭ 17-كۇنى تايۋاننىڭ گاۋشيۇڭ قالاسىنداعى عيماراتقا ٴورت كەتۋ اپاتىندا قازا بولعان 46 ادامنىڭ سالاۋاتى تولىق تۇراقتاندىرىلدى، پروكۋراتۋرا جاعى قىلمىس كۇماندىسى حۋاڭ فاميليالى ايەلدىڭ ٴوز بولمەسىندە ۇيلەسىمسىز وت جاعۋى سەبەبىنەن ٴورت كەتكەندىگىن العاشقى ادىمدا تۇراقتاندىردى. قاتىستى زاڭ-ەرەجەلەرگە نەگىزدەلگەندە، حۋاڭ فاميليالى ايەل جازاتايىم ولىمگە سەبەپكەر بولعاندىقتان، ەڭ اۋىر بولعاندا 5 جىلدىق مەرزىمدى قاماق جازاسىنا ۇكىم ەتىلەدى. 

@رەسەي مەملەكەت قورعانىسى قولباسشىلىق ورتالىعىنىڭ حابارىنا قاراعاندا، جەرگىلىكتى ۋاقىت 10-ايدىڭ 17-كۇنى باسقالاردىڭ اۋە كەڭىستىگىنە سۇعاناقتىق جاساۋىنان ساقتانۋ ٴۇشىن، رەسەيدىڭ ميگ 31 تۇرپاتتى سوعىس ۇشاعى جاپونيانىڭ تەڭىز كەڭىستىگىندە ا ق ش ارمياسىنىڭ ستراتەگيالىق بومبىلاۋشى ۇشاعىمەن بىرگە ۇشىپ، ا ق ش ايروپلانىنىڭ وسى وڭىردەن كەتۋىن تالاپ ەتتى. 

@انگليانىڭ ومىردەن وتكەن بيولوگى چارلز دارۆين قولدانعان ميكروسكوپ 12-ايدىڭ 15-كۇنى باسەكەلەستىرىپ ساتىلادى، مەجەلەنگەن ساۋدا باعاسى 250 مىڭ دا 350 مىڭ فۋنت ستەرلينگ (شامامەن 2 ميلليون 213 مىڭ يۋاننان 3 ميلليون 100 مىڭ يۋان) اينالاسىندا.

@10-ايدىڭ 16-كۇنى دۇنيە جۇزىلىك استىق كۇنى، بيىلعى قيمىلدىڭ باستى تاقىرىبى-«ارەكەت بولاشاققا ىقپال جاسايدى». ب م ۇ استىق جانە اۋىل شارۋاشىلىق ۇيىمى بيىل 25 ادام مەن ۇيىمدى «استىق قاھارمانى» دەپ باعالاپ، اۋىل شارۋاشىلىق استىق جۇيەسىنىڭ بۇرىلىس جاساۋىن ىلگەرىلەتىپ، بىردە-ٴبىر ادامدى قاعىس قالتىرماۋعا ۇندەدى.

来源：中央广播电视总台

播音：热德力

微信制作：古丽美热