10 جىلدا ءبىر ميلليارد يۋان جىلۋ اتاپ، وتباسى كەدەي 200 مىڭنان استام وقۋشىنىڭ داشۋە وقۋ ارمانىن ىسكە اسىرۋىنا قول ۇشىن بەردى

10-ايدىڭ 15-كۇنى، «جۇڭگو ماۋتاي. ەل تىرەگى» ءۇمىت ينجەنەرياسىنىڭ ارماندى ىسكە اسىرۋ قيمىلىنىڭ 10 جىلدىق جەتىستىكتەرىمەن ورتاقتاسۋ، اۋىس-كۇيىس جاساۋ ءماجىلىسى گۇيجوۋ ولكەسىنىڭ گۇيياڭ قالاسىندا وتكىزىلىپ، «جۇڭگو ماۋتاي. ەل تىرەگى ــ 2021 ءۇمىت ينجەنەرياسىنىڭ ارماندى ىسكە اسىرۋ قيمىلى» رەسمي باستالدى. وسى قيمىل باستالعاننان بەرى، ماۋتاي توبى جيىنى ءبىر ميلليارد يۋاننان استام جىلۋ اتاپ، وتباسى كەدەي 200 مىڭنان استام وقۋشىنىڭ داشۋە وقۋ ارمانىن ىسكە اسىرۋىنا قول ۇشىن بەردى. 

گۇيجوۋ ولكەسىندەگى ماۋتاي توبى بىلاي دەدى: 2021 «جۇڭگو ماۋتاي. ەل تىرەگى» ءۇمىت ينجەنەرياسىنىڭ ارماندى ىسكە اسىرۋ قيمىلى بۇرىنعى جىلدارداعى ءبىر رەتتىك قارجىلاي كومەك بەرۋ ۇلگىسىن جالعاستىرۋدان سىرت، بيىل اتاعان 100 ميلليون يۋاننان 10 ميلليون يۋان شىعارىپ، گۇيجوۋ ولكەسىندە تۇيىندە سىناق ەتىپ جانە ءۇرتىس قارجىلاي كومەك بەرىپ، اۋىل-قىستاقتى گۇلدەندىرۋگە شۇعىل قاجەتتى ماماندىعى بار 500 وقۋشىنىڭ داشۋە وقۋىن تامامداۋىنا كومەكتەسىپ، «جۇڭگو ماۋتاي. ەل تىرەگىنىڭ» وقۋعا كومەك بەرىپ، ادام تاربيەلەۋ ساپاسىن ونان ارى جوعارىلاتىپ، جاستار مەن ورەندەردىڭ ەسەيىپ-ەرجەتۋىنە تىڭ دەم بەرىپ، جاڭا ءۇمىت باعىشتادى. 

«1-شىلدە وردەنى» مەن «ءداۋىر ۇلگىسى» اتاعىنىڭ يەگەرى حۋاڭ دافا كومەككە يە بولعان وقۋشىلارعا ىستىق ىقىلاستى سالەم جولداۋدا. 

ــــ ءۇمىت ينجەنەرياسى ــ ۇلكەن سۇيىسپەنشىلىك، ول وقۋشىلارعا شەكسىز بولاشاق سيلايدى. ساباقتاستاردىڭ پارتيا مەن ۇكىمەتكە العىس ايتىپ، العىس ايتۋدى كۇش-قۋاتقا اينالدىرىپ، قۇلشىنا ءبىلىم ۇيرەنىپ، ونەر يگەرىپ، قابىلەتىن جوعارىلاتىپ، ەلگە تىرەك بولاتىن دارىندى بولىپ جەتىلىپ، اتا مەكەنىن ءتىپتى دە جاقسى قۇرىپ، وتاننىڭ كۇتكەن ءۇمىتىن اقتاۋىن ءۇمىت ەتەمىن،- دەدى «1-شىلدە وردەنى» مەن «ءداۋىر ۇلگىسى» اتاعىنىڭ يەگەرى حۋاڭ دافا كومەككە يە بولعان وقۋشىلارعا ىقىلاستى سالەم جولدادى ءارى «مەن ءبىر كوممۋنيستىك پارتيا مۇشەسىمىن» اتتى كىتاپتى تارتۋ ەتىپ، كومەككە يە بولعان وقۋشىلاردى شابىتتاندىردى. 

«جۇڭگو ماۋتاي. ەل تىرەگى» ءۇمىت ينجەنەرياسىنىڭ ارماندى جۇزەگە اسىرۋ قيمىلىنىڭ 10 جىلدىق جەتىستىكتەرىمەن ورتاقتاسۋ، اۋىس-كۇيىس جاساۋ ءماجىلىسىنىڭ ساحناسىنا شىعىپ، ماۋتاي توبىنىڭ 2016-جىلعى كومەگىنە يە بولعان سول كۇندى ەسكە العاندا، لي ليڭ: اكەم اۋىل-قىستاق وقىتۋشىسى بولاتىن، سول كۇنى كەشتە ۇنەمى مەكتەپتە تۇراتىن ول ەرتە ۇيگە قايتىپ، وتباسىمىزداعىلارمەن بىرگە تاماقتانىپ، مەنى ءوز بولمەسىنە ارنايى شاقىرىپ 40 مينۋت اڭگىمەلەسىپ، مەنى وسى ورايدى قادىرلەۋگە، العىس ايتۋعا تاربيەلەدى،- دەدى. 

گۇيجوۋ ولكەسىندەگى نەگىزگى ءماجىلىس الاڭىندا جۇرگىزۋشى داشۋە وقۋ ارمانى ىسكە اسقان كومەككە يە بولعاندارمەن ناق مايداندا سۇحباتتاسۋدا.

اكەسىنىڭ ءسوزىن لي ليڭ ەسىنەن ەش شىعارمادى. تيانجين داشۋەسىنە وقۋعا تۇسكەننەن كەيىن، ول كوپ رەت ۇيىرمە ۇيىمداستىرىپ گۇيجوۋ، يۇننان قاتارلى جەرلەرگە بارىپ ەرىكتى قىزمەت وتەۋ جانە الەۋمەتتىك يگىلىك قيمىلدارىن ورىستەتتى. وقۋ تاۋىسقاننان كەيىن، ول داڭقتى تۇردە اۆياتسيادا قىزمەت وتەيتىن ادامعا اينالىپ، ۇيرەنگەن بىلىمدەرىمەن اتا مەكەنىنە قارايلاسۋدى ەسىنەن شىعارمادى. 

ـــ ماۋتاي توبى قارجىلاي كومەگىنىڭ ماعان جاساعان ىقپالى ـــ مەنى قوعامدا جاۋاپكەرلىك ارقالايتىن ادام بولۋعا جىگەرلەندىردى جانە تاربيەلەدى. بۇدان بىلاي قۇلشىنا قىزمەت ىستەپ، مەملەكەت قورعانىسى ىستەرىنە جاستىق كوكتەمىمدى ارنايمىن،- دەدى ساحنانىڭ ورتاسىندا جۇرگىزۋشىنىڭ سۇحباتىن قابىلداعاندا، بىرنەشە جىلدىڭ الدىندا ءالى دە جاسىق، ءتىپتى جاسقانشاق وسى وقۋشى قازىر تولىسىپ، سەنىمى ارتا تۇسكەن. 

لي ليڭنىڭ اڭگىمەسى «جۇڭگو ماۋتاي. ەل تىرەگى» ءۇمىت ينجەنەرياسىنىڭ ارماندى جۇزەگە اسىرۋ قيمىلىنىڭ 10 جىلدان بەرگى ىقشام كورىنىسى عانا. 

ماۋتاي توبى جاق بىلاي دەپ تانىستىردى: 2012-جىلدان باستاپ گۇيجوۋ ولكەسىندەگى ماۋتاي توبى جۇڭگو جاستار قوعامى جانە بۇكىل ەلدەگى ولكە دارەجەلى 33 جاستار قوعامىمەن بىرلەسىپ «جۇڭگو ماۋتاي. ەل تىرەگى» ءۇمىت ينجەنەرياسىنىڭ ارماندى جۇزەگە اسىرۋ قيمىلىن باستادى، ماۋتاي توبى ءار جىلى 100 ميلليون يۋان قارجى شىعارىپ، وتباسى كەدەي 20 مىڭ وقۋشىنىڭ داشۋە وقۋ ارمانىن ىسكە اسىرۋىنا قارجىلاي كومەك بەردى. ال بۇگىن 10 جاسقا تولعان تۋعان كۇنىن قارسى العان «جۇڭگو ماۋتاي. ەل تىرەگى» الەۋمەتتىك يگىلىك سيپاتتى وقۋعا كومەك بەرۋ نىسانىنان 200 مىڭنان استام وقۋشى كومەككە يە بولدى، بۇل بۇكىل ەلدەگى 31 ولكەنىڭ (قالا، رايون) 2700 دەن استام اۋدانىن قامتىدى. 

مىڭ شاقىرىم شالعاي بەيجيڭ قالاسىنداعى «جۇڭگو ماۋتاي. ەل تىرەگى» ءۇمىت ينجەنەرياسىنىڭ ارماندى ىسكە اسىرۋ قيمىلىنىڭ 10 جىلدىق جەتىستىكتەرىمەن ورتاقتاسۋ، اۋىس-كۇيىس جاساۋ ءماجىلىسىنىڭ بولىمشە ءماجىلىس الاڭىندا، ماۋتاي توبىنىڭ كومەگى ارقىلى داشۋە وقۋ ارمانى ىسكە اسقان بىرنەشە وقۋشى دا جۇرگىزۋشىمەن مۇرات جانە كۇرەس جونىندە بۇكپەسىز اڭگىمەلەسىپ، ەلگە تىرەك بولاتىن دارىندى بولۋعا قۇلشىناتىندىقتارىن ءبىلدىردى. 

ماۋتاي توبى پارتكومىنىڭ ورىنباسار شۋجيى، باس ديرەكتورى، گۇيجوۋ ماۋتاي اراق شەكتى جارنا سەرىكتەستىگىنىڭ ۋاقىتتىق باس ديرەكتورى لي جيڭرىن ءسوز سويلەۋدە. 

ـــ وتكەن 9 جىلدا، 6 كەزەكتە ماۋتاي توبىنىڭ كومەگىنە يە بولعان 120 مىڭ وقۋشى وقۋىن تاۋىسىپ، قوعامعا بەت الدى، ولاردىڭ كەيبىرەۋى وقىتۋشى، كەيبىرەۋى ساقشى، كەيبىرەۋى شيپاگەر بولدى، ولار ارمانعا تالپىنۋ ارقىلى وزدەرىن تابىسقا جەتكىزىپ، وتباسىن جاقسارتىپ قانا قويماي، قىزمەت ورنىندا ۇلەس قوسۋ، الەۋمەتتىك يگىلىك ىستەرىنە ات سالىسۋ قاتارلى تاسىلدەر ارقىلى اتا مەكەندەرىنە قارىمجى قايتارىپ، قوعامعا ۇلەس قوسقانىن كورگەندە ەرەكشە قۋاندىق،- دەدى ماۋتاي توبى پارتكومىنىڭ ورىنباسار شۋجيى، باس ديرەكتورى، گۇيجوۋ ماۋتاي اراق شەكتى جارنا سەرىكتەستىگىنىڭ ۋاقىتتىق باس ديرەكتورى لي جيڭرىن.

ـــ بۇل دا ماۋتاي توبى سىندى ۇلتتىق ماركانى ايرىقشا مەيىرگە بولەدى، ماۋتاي توبى وسى ءبىر ماعىنالى ءىسىن باياندى جالعاستىرا بەرەدى،- دەپ ۋادە بەردى لي جيڭرىن ءماجىلىس سوڭىندا.

اۋدارعان: ساعىنبەك رابات ۇلى

来源：人民网

编辑、制作：古丽美热