تاڭ سارىدە حابارلاندىرۋ جاريالاندى، تاعى 2 جەردە تىڭنان دياگنوز قويىلعان ناۋقاس بايقالدى

ىشكى موڭعۇلدىڭ ىجينا اۋدانىندا 5 ادامعا تىڭنان دياگنوز قويىلىپ، اۋدان بويىنشا بارلىق ادامنىڭ نۋكلەين قىشقىلىن تەكسەرۋ جۇمىسى ورىستەتىلدى

ىشكى موڭعۇل ىجينا اۋدانى جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنەن ساقتانۋ-تىزگىندەۋ قولباسشىلىق شتابى حابارلاندىرۋ جاريالاپ بىلاي دەدى: 10-ايدىڭ 18-كۇنى، ىشكى موڭعۇل اۆتونوميالى رايونى جالپىلىق اۋرۋدان ساقتانۋ-تىزگىندەۋ ورتالىعىنىڭ شانشي ولكەسىنەن كەلگەن ساياحاتشىلار يان فاميليالى مەن جياڭ فاميليالىنىڭ نۋكلەين قىشقىلىن تەكسەرۋ ناتيجەسى بولىمدى بولعاندىعى تۋرالى حابارلاندىرۋىن تاپسىرىپ العاننان كەيىن، ىجينا اۋدانى جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنەن ساقتانۋ-تىزگىندەۋ قولباسشىلىق شتابى دەرەۋ يان فاميليالى، جياڭ فاميليالى قاتارلى 8 ادامنىڭ ىجينا اۋدانىنداعى ساپار بارىسىن جانە ولارعا تىعىز جاناسۋشىلاردى، سونداي-اق، وسى دياگنوزى تۇراقتانعان ناۋقاستارمەن تىعىز جاناسۋشىلارعا جاناسقانداردى تەكسەرىپ ءبىر جاقتى ەتۋ قىزمەتىن ورىستەتتى. ەپيدەميولوگيالىق تەكسەرۋ جانە نۋكلەين قىشقىلىن تەكسەرۋ ارقىلى، ءارى اۆتونوميالى رايوندىق كلينيكالىق مامانداردىڭ دياگنوز قويۋىمەن، 10-ايدىڭ 19-كۇنى 0:40 قا دەيىن، 5 ادامنىڭ جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە شالدىققاندىعى تۇراقتاندىرىلدى. سونىمەن بىرگە، العاشقى تەكسەرۋدە جاڭا تيپتى ايدارشا ۆيرۋس نۋكلەين قىشقىلىن تەكسەرۋ ناتيجەسى بولىمدى بولعان 2 ادام قايتالاي تەكسەرىلۋ ۇستىندە.

ىجينا اۋدانى جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنەن ساقتانۋ-تىزگىندەۋ قولباسشىلىق شتابى اقىلداسا كەلىپ، 10-ايدىڭ 19-كۇنى ساعات 9:00 دان باستاپ، بۇكىل اۋدان كولەمىندە بارلىق ادامنىڭ نۋكلەين قىشقىلىن تەكسەرۋ قىزمەتىن ورىستەتۋدى ۇيعاردى (تۇراقتى جان سانى، جىلجىمالى جان سانى، قىسقا ۋاقىت ايالداۋشىلاردى تۇگەل قامتيدى).

حۋنان ولكەسىنىڭ چاڭشا اۋدانىنان 1 باسقا ولكەدەن كىرگەن دياگنوزى تۇراقتانعان ناۋقاس بايقالدى

@چاڭشا اۋدانىنىڭ 10-ايدىڭ 19-كۇنگى حابارىنا قاراعاندا، 10-ايدىڭ 18-كۇنى، حۋنان ولكەسى چاڭشا اۋدانى 1 باسقا ولكەدەن كىرگەن جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە شالدىققاندىعىنا دياگنوز قويىلعان ناۋقاستىڭ تىڭنان ارتقاندىعى تۋرالى مالىمەت بەرگەن.

العاشقى تەكسەرۋگە قاراعاندا ناۋقاستىڭ جاعدايى تومەندەگىدەي: جياڭ فاميليالى، ەر، 40 جاستا. 10-ايدىڭ 17-كۇنى ساعات 13:15ـ17:45 تا، EU2446 كەزەكشى ۇشاعىنا وتىرىپ جيايۇيگۋاننان چاڭشاعا كەلگەن، سوسىن حۋاڭحۋا اۋەجايىنان （湘AT9468） ءنومىرلى تاكسيگە وتىرىپ حۋالياڭ حۋاتيان قوناق ۇيىنە كەلىپ تۇسكەن. قوناق ۇيدە كەشكى اسىن ىشكەن سوڭ، قوناق ءۇي ماڭىنداعى چاڭجۇي حۋنان قۋىرماشتارى اسحاناسىنان تۇنگى تاماق ىشكەن.

10-ايدىڭ 18-كۇنى، جياڭ فاميليالى قوناق ۇيدەگى داياشىسىز تاعامنان تاڭەرتەڭگى اسىن ىشكەن سوڭ، （湘AX67H5）ءنومىرلى تاكسيمەن چاڭشا اۋداندىق 2-حالىق شيپاحاناسىنا بارىپ نۋكلەين قىشقىلىن تەكسەرتەدى. نۋكلەين قىشقىلىنان ۇلگى الدىرعان سوڭ، （湘AT8660）ءنومىرلى تاكسيگە وتىرىپ سەرىكتەستىككە ەكسكۋرسياعا باراتىن （湘A09685D）ءنومىرلى اۆتوبۋزعا كەلىپ وتىرادى ءارى وسى اۆتوبۋزبەن 3 كىر جۋۋ سەرىكتەستىگىنە بارىپ ەكسكۋرسيالايدى، تۇستە قوناق ۇيگە قايتىپ تۇسكى اسىن ىشەدى. تۇستە چاڭشا اۋداندىق 2-حالىق شيپاحاناسى نۋكلەين قىشقىلىن تەكسەرۋ ناتيجەسى بولىمدى بولعاندىعىن ۇقتىرعان سوڭ، جالعىز كىسىلىك بولمەگە اۋاشالانادى.

قازىر جياڭ فاميليالى چاڭشا قالالىق الەۋمەتتىك دەنساۋلىق ساقتاۋ، قۇتقارۋ ورتالىعىنا اپارىلدى، ونىڭ چاڭشا اۋدانىنداعى قيمىل بارىسى ىشكەرىلەي تەكسەرىلۋدە. ونىمەن ساپارلاس بولعان 3 ادامنىڭ نۋكلەين قىشقىلىن تەكسەرۋ ناتيجەسى قازىرگە دەيىن تۇگەلدەي بولىمسىز بولدى.

اۋدارعان: نۇرگۇل قۇمارقان قىزى

来源：中国经济网

编辑、制作：古丽美热