كومىر باعاسى تەڭشەلەتىن بولدى، مەملەكەتتىك دامۋ جانە رەفورما كوميتەتى ىسكە كىرىستى 

تاياۋدان بەرى كومىر باعاسى تەز جوعارىلاپ، تاريحتاعى ەڭ جوعارى دەڭگەيگە جەتتى، بۇل كاسىپتىڭ ءوندىرىس وزىندىك قۇنىن بارىنشا جوعارىلاتىپ، ەلەكترمەن جانە جىلۋمەن قامداۋعا ناشار ىقپال جاساپ، قوعام ءار سالاسىنىڭ كۇشتى اڭىسىن قوزعادى. مەملەكەتتىك دامۋ جانە رەفورما كوميتەتى وسى جاعدايلاردى كوزدە ۇستاي وتىرىپ، كومىر بازارىنىڭ قامداۋعا كەپىلدىك ەتۋ، باعانى ورنىقتىرۋ قىزمەتىن ويداعىداي ىستەۋ ءۇشىن، 10-ايدىڭ 19-كۇنى تۇستەن كەيىن ءتۇيىندى كومىر كاسىپورىندارىن، جۇڭگو كومىر ونەركاسىبى قوعامىن، جۇڭگو ەلەكتر كاسىپورىندارى بىرلەستىگىن ۇيىمداستىرىپ، بيىل قىس پەن كەلەر جىلى كوكتەمدە ەنەرگيامەن قامداۋعا كەپىلدىك ەتۋ قىزمەت مەحانيزمى كومىر باعاسى ارناۋلى تاقىرىپتىق اڭگىمە ءماجىلىسىن اشىپ، كومىر باعاسىنا زاڭ بويىنشا ارالاسۋ شارالارىن اتقارۋدى اقىلداستى. 

«باعا زاڭىنىڭ» 30-تارماعىندا بىلاي دەپ ايقىن بەلگىلەنگەن: ماڭىزدى تاۋارلار مەن قىزمەت وتەۋ باعاسى كورنەكتى جوعارىلاسا نەمەسە كورنەكتى جوعارىلاۋى مۇمكىن بولسا، مەملەكەتتىك كەڭەس پەن ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرىنىڭ ءىشىنارا باعا پارقى مولشەرىن نەمەسە پايدا مولشەرىن، شەكتى باعانى بەلگىلەۋ، باعانى ءوسىرۋدى مالىمدەۋ ءتۇزىمى مەن باعانى تەڭشەپ ەستەلىككە الۋ ءتۇزىمى سياقتى كيلىگۋ شارالارىن قولدانۋىنا بولادى. كومىر ماڭىزدى نەگىزدىك ەنەرگيا، ول مەملەكەت شارۋاشىلىعى مەن حالىق تۇرمىسىمەن تىعىز بايلانىستى، قازىر باعانىڭ قىمباتتاۋ مولشەرى قامداۋ مەن قاجەتسىنۋدىڭ نەگىزگى جاعدايىنان بۇكىلدەي قول ءۇزدى، ونىڭ ۇستىنە جىلۋمەن قامداۋ مەزگىلىنە تاياعاندا، باعانىڭ اناعۇرلىم بەتالدى ءوسۋ اۋقىمى جارىققا شىقتى. مەملەكەتتىك دامۋ جانە رەفورما كوميتەتى «باعا زاڭىندا» بەلگىلەنگەن بارلىق قاجەتتى تاسىلدەردەن تولىق پايدالانىپ، كومىر باعاسىنا تەڭشەۋ جۇرگىزۋدىڭ ناقتىلى شارالارىن زەرتتەپ، كومىر باعاسىنىڭ ۇيلەسىمدى ارالىقتا قالپىنا كەلۋىن، كومىر بازارىنىڭ دامۋىن جەبەپ، ەنەرگيامەن حاۋىپسىز، ورنىقتى قامداۋعا، حالىق بۇقاراسىنىڭ قىستان امان وتۋىنە كەپىلدىك ەتەدى.

مەملەكەتتىك دامۋ جانە رەفورما كوميتەتى قاتىستى تاراۋلارمەن بىرگە كومىر بازارىنىڭ اۋقىمى مەن باعا بەتالىسىنا قاداعالاي نازار اۋدارىپ، قامداۋعا كەپىلدىك ەتۋ، باعانى ورنىقتىرۋ قىزمەتىندە ورىن تەۋىپ وتىرعان قايشىلىقتار مەن ماسەلەلەردى رەتكە سالىپ، تەكسەرىپ، دەر كەزىندە سايكەستىرىپ شەشەدى؛ بازار باقىلاۋ-باسقارۋ تاراۋلارى زاڭنىڭ اتقارىلۋىن تەكسەرۋ تەبىنىن ارتتىرىپ، «استە جول بەرمەۋدەن» جازباي، جالعان ينفورماتسيا تاراتۋ، ءتىل بىرىكتىرۋ، باعانى دۇرمەكپەن كوتەرۋ، باسىپ قويۋ سياقتى زاڭعا قايشى ارەكەتتەرگە قاتاڭ سوققى بەرىپ، بازار ءتارتىبىن شىنايى قورعايدى. 

ءماجىلىس مىنالاردى تالاپ ەتتى: كومىر كاسىپورىندارى كاسىپتىك دەڭگەيدى شىن مانىندە جوعارىلاتىپ، جالپى جاعداي تانىمىن ورناتىپ، قامداۋعا كەپىلدىك ەتۋ، باعانى ورنىقتىرۋ قىزمەتىن ىرىقتىلىقپەن جاقسى ىستەۋى؛ زاڭ تانىمىن كۇشەيتىپ، زاڭ-ەرەجەگە ساي تيجارات جۇرگىزىپ، ورتا، ۇزاق مەرزىمدىك ساۋدا توقتامىن قاتاڭ اتقارۋى؛ قوعامدىق جاۋاپكەرشىلىكتى بەلسەنە اتقارىپ، جوعارى، تومەنگى سالاداعى كاسىپتەردىڭ سايكەستى دامۋىن جەبەپ، ەلەكتر شىعارۋ، جىلۋمەن قامداۋ جانە حالىق تۇرمىسىنا پايدالانىلاتىن كومىر قاجەتىن قامتاماسىزداندىرىپ، ەكونوميكانىڭ ورنىقتى اينالىمىنا دەم بەرۋ كەرەك.

اۋدارعان: مۇقامادي ءشارىپ ۇلى

来源：新华网

编辑、制作：古丽美热