بيىل قىس سۋىق بولا ما

مەملەكەتتىك كليمات ورتالىعىنىڭ حابارىنا قاراعاندا، بيىل 7-ايدان بەرگى، ەكۆاتوردا جانە شىعىس تىنىق مۇحيت تەڭىزدە تەمپەراتۋرانىڭ ءۇرتىس تومەندەۋىنە بايلانىستى، بيىل قىستا ءالسىز جانە ورتاشا دەڭگەيدە «لانينا» قۇبىلىسى قالىپتاساتىندىعى مەجەلەنگەن. كليمات مالىمەتىنە نەگىزدەلگەندە، ادەتتە «لانينا» قۇبىلىسى بايقالعان كەزدە، ەلىمىزدە قىس ماۋسىمىنىڭ سۋىق بولۋ ىقتيمالدىعى ءبىر شاما جوعارى بولادى ەكەن. 

«لانينا» قۇبىلىسى دەگەنىمىز ەكۆاتور ورتاسى مەن شىعىس تىنىق مۇحيت تەڭىز بەتىنىڭ تەمپەراتۋراسىندا قالىپسىزدىق بولىپ، كولەمدى سۋىتۋ احۋالى تۋىلىپ، قارقىنى مەن جالعاسۋ ۋاقىتى بەلگىلى شارتقا جەتكەن سۋىتۋ قۇبىلىسى ەسەپتەلەدى. ول تەڭىز بەتىنىڭ تەمپەراتۋراسى تۇراقتى ۋاقىتتان ءۇرتىس ارتىپ كەلە جاتقان «ەرنينو» قۇبىلىسىنان جوعارى بولىپ، بۇكىل جەر شارىنىڭ قالىپسىز كليماتىن تۋدىرۋداعى ماڭىزدى سەبەپ دەپ قارالۋدا. ادەتتە، «لانينا» ىقپالىنا ۇشىراعان قىس ماۋسىمدارىندا، سولتۇستىك جارتى شاردا ەرەكشە سۋىتۋ قۇبىلىسىنىڭ تۋىلۋ جيىلىگى ارتا تۇسەدى. 

«لانينا»نىڭ ەلىمىزدىڭ كليماتىنا جاسايتىن ىقپالىن اۋا تەمپەراتۋراسى جانە جاۋىن-شاشىن سىندى ەكى جاقتان بايقاۋعا بولادى. كوپ ساندى جاعدايدا، «لانينا» قۇبىلىسى قىس ماۋسىمىندا كورنەكتى بولىپ، ەلىمىزدىڭ سۋىق اۋارايى قيمىلىنا ىقپال جاساۋى تۇراقتى ۋاقىتپەن سالىستىرعاندا ءتىپتى دە جيىلەيدى ٴارى قارقىنى دا كۇشەيە تۇسەدى. ەلىمىزدىڭ ورتا، شىعىس بولەگىندەگى باسىم كوپ ساندى رايونداردىڭ اۋا تەمپەراتۋراسى تۇراقتى ۋاقىتتىڭ ۇقساس مەزگىلىمەن سالىستىرعاندا ءبىر شاما تومەن بولۋ ىقتيمالدىعى زور؛ ال ەلىمىزدىڭ وڭتۇستىك رايوندارىنداعى سۋدىڭ بۋلانۋ شارت-جاعدايى تۇراقتى ۋاقىتتىڭ ۇقساس مەزگىلىندەگىدەن كورنەكتى اۋىتقىپ، جاۋىن-شاشىننىڭ قالىپتاسۋىنا ءتيىمسىز بولۋى مۇمكىن. 

اۋارايى تاراۋلارى 1951-جىلدان بەرگى، تاريحتاعى 15 رەتكى «لانينا» قۇبىلىسىنا تالداۋ جاساۋ ارقىلى، 10 رەتكى لانينا جىلىندا ەلىمىزدە قىستا اۋا تەمپەراتۋراسى كورنەكتى تومەندەگەندىگىن، 5 رەتكى لانينا جىلىندا قىستا اۋا تەمپەراتۋراسى كورنەكتى جوعارلاعاندىعىن بايقاعان.

بۇكىل جەر شارىنىڭ جىلىنۋى جاعدايىندا، ەلىمىزدىڭ قىسقى كليماتىنا ىقپال جاسايتىن فاكتورلار ءتىپتى دە كۇردەلىلەسۋدە. «لانينا» قۇبىلىسىنان سىرت، سولتۇستىك ۇيەكتەگى تەڭىز مۇزىنىڭ ەرۋى، ەۆرو-ازياداعى قالىڭ قاردىڭ وزگەرىسى، سونداي-اق باسقا تەڭىز ايدىندارىنداعى تەڭىز تەمپەراتۋراسىنىڭ قالىپسىزدىعى سياقتى فاكتورلاردىڭ دا ىقپالى بار. مەجەگە قاراعاندا، بيىل قىستا ەلىمىزدىڭ سولتۇستىك ءوڭىرى قاتارلى رايونداردا اۋا تەمپەراتۋراسى تۇراقتى ۋاقىتتىڭ ۇقساس مەزگىلىمەن سالىستىرعاندا تومەن بولىپ، سۇركەيلى اۋارايى تۋىلۋى مۇمكىن. 

اۋدارعان: مارالبەك ابدىكارىم ۇلى 

来源：央视财经

编辑、制作：古丽美热