ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

ەينشتەيننىڭ سيرەك كەزدەسەتىن قولجازباسى باسەكەلەستىرىپ ساتىلادى

来源:央广网     |责编:古丽美热·霍孜汗|     发布日期: 2021-11-24 16:31

ەينشتەيننىڭ سيرەك كەزدەسەتىن قولجازباسى باسەكەلەستىرىپ ساتىلادى

بۇگىن 11-ايدىڭ 24-كۇنى، سارسەنبى، تومەندە ەل ٴىشى جانە حالىقارالىق قىسقا حابارلار توپتاماسىن تىڭدايسىزدار: 

您的浏览器不支持 audio标签

※شي جينپيڭ تاياۋدا بۇكىل ارميانىڭ ارتقى شەپ قىزمەتى ماجىلىسىندە ماڭىزدى نۇسقاۋ بەرىپ، وسىزامانعى ارتقى شەپتىڭ جوعارى ساپالى دامۋىن ىلگەرىلەتىپ، ارميا قۇرۋدىڭ 100 جىلدىق كۇرەس نىساناسىن جۇزەگە اسىرۋعا پارمەندى تىرەك ازىرلەۋ كەرەكتىگىن باسا دارىپتەدى.

 

※ج ك پ ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى 11-ايدىڭ 23-كۇنى نيە حايشىڭعا «1-دارەجەلى عارىش وردەنىن»، ليۋ بوميڭگە «2-دارەجەلى عارىش وردەنىن»، تاڭ حۇڭبوعا «ەرجۇرەك عارىشكەر» داڭقتى اتاعىن جانە «3-دارەجەلى عارىش وردەنىن» بەرۋدى ۇيعاردى. 

 

※رەسەي پرەزيدەنتىنىڭ اقپارات حاتشىسى تاياۋدا، پرەزيدەنت پۋتيننىڭ ٴتوراعا شي جينپيڭنىڭ بەيجيڭ قىسقى وليمپيادا سپورت جارىسىنىڭ اشىلۋ سالتىنا قاتىناسۋ ۇسىنىسىن تاپسىرىپ العاندىعىن ايتتى. جۇڭگو سىرتقى ىستەر مينيسترلىگىنىڭ مالىمدەمەشىسى 11-ايدىڭ 23-كۇنى بىلاي دەدى: ەكى جاق پرەزيدەنت پۋتيننىڭ جۇڭگوعا كەلۋى جونىندە تىعىز بايلانىس جاساۋدا. 

 

※ا ق ش-تىڭ باسقارىلمالى بومبىعا توتەپ بەرۋ كەمەسىنىڭ تايۋان بۇعازىنان كەس-كەستەپ ٴوتۋى جونىندە شىعىس بولەك سوعىس رايونى 11-ايدىڭ 23-كۇنى بىلاي دەدى: سوعىس رايونىنداعى اسكەري بولىمدەر بارلىق قاجەتتى شارالاردى قولدانىپ، حاۋىپ-قاتەرگە، ارانداتۋشىلىققا پارمەندى قارسى تۇرىپ، مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعايدى. 

 

※ج ك پ ورتالىق كوميتەتىنىڭ توراپ حاۋىپسىزدىگى مەن ينفورماتسيالاندىرۋ كوميتەتى كەڭسەسى تاياۋدا ۇقتىرۋ باسىپ تاراتىپ، ارتيس-اكتەرلەر جايلى توراپتاعى ينفورماتسيالارعا باعىتتامالىق ەتۋدى قاتاڭ يگەرىپ، ۇنامسىز تىزىمدىك جاساپ، ارتيس-اكتەرلەر جايلى توراپتاعى ينفورماتسيالاردا قالىپسىز ەستەتيكانى ۋاعىزداۋ، شولپاندارعا كوزسىزدىكپەن تابىنۋداي ينفورماتسيالاردىڭ تارالۋىنا تيىم سالۋدى تالاپ ەتتى. 

 

※ەڭ جوعارى حالىق سوتى مەكەمەسى 11-ايدىڭ 23-كۇنى اقپارات جاريالاۋ جيىنىن اشىپ، جىل سوڭىنا تاياعاندا دەلو تۇرعىزباۋ احۋالىن استە بولعىزباۋدى باسا دارىپتەپ، ٴار دارەجەلى سوت مەكەمەلەرىنەن دەلو تۋىلسا دەرەۋ تەكسەرىپ ٴبىر جاقتى ەتىپ، حابارلاندىرۋ شىعارىپ، استە ىرقىنا جىبەرمەۋدى تالاپ ەتتى. 

 

※ج ك پ ورتالىق كوميتەتىنىڭ توراپ حاۋىپسىزدىگى مەن ينفورماتسيالاندىرۋ كوميتەتى كەڭسەسى، ورتالىق راديو-تەلەۆيزيا باس ستانسياسى، گۋاڭدۇڭ ولكەلىك پارتكومنىڭ توراپ حاۋىپسىزدىگى جانە ينفورماتسيالاندىرۋ كوميتەتى بىرلەسىپ ۇيىمداستىرعان 2021 جۇڭگو توراپ مەديالارى تالقىسى بۇگىن جانە ەرتەڭ گۋاڭدۇڭ ولكەسىنىڭ گۋاڭجوۋ قالاسىندا وتكىزىلەدى. 

 

※بەيجيڭ ۋاقىتى بويىنشا 11-ايدىڭ 23-كۇنى ساعات 7 دەن 45 مينۋت وتكەندە، ەلىمىز جيۋچۋان جاساندى سەرىك ۇشىرۋ ورتالىعىندا 3-ٴنومىرلى 02 جاساندى سەرىگىن ءساتتى ۇشىردى. جاساندى سەرىك بەلگىلەنگەن وربيتاعا ٴساتتى ەنىپ، ۇشىرۋ مىندەتى تابىستى ورىندالدى. 

 

※11-ايدىڭ 23-كۇنى، جۇڭگونىڭ 38-رەتكى وڭتۇستىك ۇيەكتى بارلاۋ اترەتىنىڭ 2-توپتاعى 101 مۇشەسى «شۋەلۇڭ 2» اتىنداعى كەمەگە وتىرىپ شاڭحايدان اتتاندى، ولار وڭتۇستىك ۇيەكتەگى چاڭچىڭ پۋنكتى سياقتى جەرلەرگە بارىپ عىلمي تەكسەرۋ مىندەتىن اتقارماقشى. 

 

※جۇڭگو ونەر سالاسى كاسىپتىك قوعامى 11-ايدىڭ 23-كۇنى ەسكەرتۋ بەرىلگەن 9-توپتاعى توراپ جۇرگىزۋشىلەرىنىڭ تىزىمدىگىن جاريالادى، وسى رەتكىسىندە ۋ يفان، جىڭ شۋاڭ، جاڭ جىحان قاتارلى جيىنى 88 ادامعا ەسكەرتۋ بەرىلدى. 

 

ونەركاسىپ جانە ينفورماتسيالاندىرۋ مينيسترلىگى مەن قوعام حاۋىپسىزدىگى مينيسترلىگى تاياۋدا الي يۇن، بايدۋ يۇن سياقتى ەكى كاسىپورىننىڭ قاتىستى جاۋاپتىلارىن سوزگە شاقىرىپ، وسى ەكى كاسىپورىننىڭ جۋىقتان بەرى الدامكوستىك توراپ بەكەتتەرىنە دانەكەر بولۋ ٴجايىتىنىڭ باسەيمەۋى سياقتى ماسەلەلەردى حابارلاندىردى. 

 

※11-ايدىڭ 23-كۇنى ساعات 15 تەن باستاپ حيلۇڭجياڭ ولكەسى حيحى قالاسى ايحۇي رايونى شيڭ-ان كوشەسى جىلۋ ەلەكتر الەۋمەتتىك اۋماعى ياڭ گۋاڭ تۇرعىندار شاعىن رايونى، شيشيڭ كوشەسى فۋلۇڭ الەۋمەتتىك اۋماعىنىڭ يمين 2-رايونى حاۋىپ-قاتەرى تومەن اۋماققا تەڭشەلدى رەتتەلدى. وسىدان حيلۇڭجياڭدا ىندەت قاتەرى ورتا، جوعارى جەرلەر جوق بولدى. 

 

※ورتالىق اۋارايى ستانسياسىنىڭ مەجەلەۋىنشە، بۇگىن كەشكى ساعات 8 گە دەيىن، حيلۇڭجياڭنىڭ شىعىس بولەگى مەن سولتۇستىك بولەگى، شينجياڭ سولتۇستىك بولەگىنىڭ سولتۇستىگى سياقتى جەرلەردە شاعىن قار، ورتاشا قار نەمەسە جاڭبىر ارالاس قار جاۋادى، ٴىشىنارا جەرلەردە قالىڭ قار جاۋادى؛ شيزاڭ، سىچۋان، يۇننان قاتارلى ولكە-رايونداردىڭ ٴىشىنارا جەرلەرىندە از جاڭبىر جاۋادى، كەي جەرلەرىندە ورتاشا جاڭبىر جاۋادى. 

 

※ جاقىندا، يندياداعى ٴبىر شارۋا وتباسىندا 4 كوز، ەكى اۋىزدى بۇزاۋ دۇنيەگە كەلگەن. جەرگىلىكتى حالىق مۇنى «قاسيەتتى حايۋان» دەپ، تۇس-تۇستان كەلىپ تابىناتىن كورىنەدى، مال يەسىنىڭ ايتۋىنا قاراعاندا، بۇل بۇزاۋ ەكى اۋزىمەن دە ەمە بەرەدى ەكەن، دەنە تۇرقىندا ەش اقاۋ جوق، دەنساۋلىعى وتە جاقسى ەكەن. 

 

※جەرگىلىكتى ۋاقىت 11-ايدىڭ 23-كۇنى اتاقتى عالىم، تەوريالىق فيزيك البەرت. ەينشتەيننىڭ سيرەك كەزدەسەتىن قولجازباسى فرانسيانىڭ پاريج قالاسىندا باسەكەلەستىرە ساتىلۋعا قويىلدى. باسەكەلەستىرە ساتۋ ورنىنىڭ تانىستىرۋىنا قاراعاندا، بۇل قولجازبادا ەينشتەيننىڭ سالىستىرمالىلىق نازارياسىنىڭ دايىندىق جۇمىستارىنا بايلانىستى اسا قۇندى دەرەكتەر جازىلعان ەكەن. قولجازبانىڭ باعاسى مەجەمەن 2 ميلليون دا 3 ميلليون ەۆرو، حالىق اقشاسىمەن ەسەپتەگەندە 14 ميلليون 350 مىڭ دا 21 ميلليون 500 مىڭ يۋان ارالىعىندا بولادى.

 

※جەرگىلىكتى ۋاقىت 11-ايدىڭ 23-كۇنى كۇنى بۇلعاريانىڭ باتىس بولەگىندەگى ٴبىر جوعارى قارقىندى تاسجولدا اۆتوكولىك شىرعالاڭى تۋىلىپ، 45 ادام قازا بولدى، ولگەندەردىڭ اراسىندا شوفەر مەن 12 بالا بار. 

 

※ا ق ش اق سارايىنىڭ مالىمدەمەشىسى جەرگىلىكتى ۋاقىت 11-ايدىڭ 22-كۇنى بىلاي دەدى: بايدەن 2024-جىلى ا ق ش پرەزيدەنت سايلامىنا تاعى دا ٴتۇسۋدى جوسپارلاۋدا. 

 

※ينديا ٴمانساپتىلارى مەن مەديالارى تاياۋدا بىلاي دەدى: وسى ايدىڭ 18-كۇنىنەن بەرى ينديانىڭ وڭتۇستىگىندە جاۋعان نوسەردەن كەم دەگەندە 60 ادام قازا بولىپ، نەشە مىڭ ادام باسپاناسىز قالدى. 

 

来源:中央广播电视总台

 

 

 

播音:古丽娜尔

微信制作:古丽美热

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

ەينشتەيننىڭ سيرەك كەزدەسەتىن قولجازباسى باسەكەلەستىرىپ ساتىلادى

ينديا ٴمانساپتىلارى مەن مەديالارى تاياۋدا بىلاي دەدى: وسى ايدىڭ 18-كۇنىنەن بەرى ينديانىڭ وڭتۇستىگىندە جاۋعان نوسەردەن كەم دەگەندە 60 ادام قازا بولىپ، نەشە مىڭ ادام باسپاناسىز قالدى