ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

قايعىلى جاعداي، دەرەكسىز كەتكەن 4 ادام تۇگەل قازا بولدى

来源:央广网     |责编:阿依娜|     发布日期: 2021-11-25 16:11

قايعىلى جاعداي، دەرەكسىز كەتكەن 4 ادام تۇگەل قازا بولدى

قايعىلى جاعداي، يۇننان ولكەسى اي-لاۋشان تاۋىندا حابار-وشارسىز كەتكەن 4 ادام تۇگەل قازا بولدى

ورتالىق راديو-تەلەۆيزيا باس ستانسياسى ءتىلشىسىنىڭ يۇننان ولكەسى اي-لاۋشان تاۋىندا دەرەكسىز كەتكەندەردى قۇتقارۋ قولباسشىلىق شتابىنان ۇعىسۋىنشا، حابار-وشارسىز كەتكەن 4 كىسى 11-ايدىڭ 22-كۇنى تاڭەرتەڭ تابىلعان، الايدا، 4 كىسى تۇگەل قازا بولعان ەكەن.

قۇتقارۋ قيمىلى الدىڭعى شەپ قولباسشىلىق شتابىنىڭ تانىستىرۋىنا قاراعاندا، 11-ايدىڭ 20-كۇنى، ىزدەۋ-قۇتقارۋ قىزمەتكەرلەرى دەرەكسىز كەتكەندەر قونالقىعا پايدالانعان بالاعاننىڭ تومەنگى جاعىن جاپپاي ءتىنتىپ ىزدەۋ سالۋ بارىسىندا، ولاردىڭ دارەتكە وتىرعان ورنىن بايقاعان. وسىدان قۇلداعان سوڭ، 2 بۇلاق ءوزارا قيىلىسقان ارالىقتان باستاپ 1 كيلومەتر شاماسىندا جۇرگەندە ءبىر جىرتىلعان سۋلىقتى بايقايدى. بۇل سۋلىقتى سالىستىرا كەلە جانە دەرەكسىز كەتكەندەر تۇرعان مەكەمەنىڭ شوفەرىنە كورسەتىپ تانىتۋ ارقىلى، بۇل سۋلىقتىڭ دەرەكسىز كەتكەندەردىڭ زاتى ەكەندىگىن تۇراقتاندىرادى.

 

وسى 4 گەولوگيالىق تەكسەرۋشىنىڭ ەڭ كىشىسى 25 جاستا بولىپ، ولار ءبىر جارىم كۇنگە جەتەتىن ازىق العان

وسىنىڭ الدىندا بەرىلگەن حابارعا قاراعاندا، وسى 4 گەولوگيالىق تەكسەرۋشى 11-ايدىڭ 13-كۇنى جوسپار بويىنشا اي-لاۋشان تاۋىنا جاياۋ بارعان ءارى تاۋدان اسىپ يۇيشي قالاسى شينپيڭ اۋدانىنا امان-ەسەن جەتىپ، الدىن الا بەلگىلەنگەن مىندەتتى ورىنداعان. ولار ءاسىلى 11-ايدىڭ 13-كۇنى تۇستەن كەيىن نەمەسە 14-كۇنى تۇستەن بۇرىن تاۋدان ءتۇسۋدى جوسپارلاعان ەكەن، الايدا، جوسپارلانعان ۋاقىتتا تاۋدان ءتۇسىپ كەتە الماعان. 

 

العاشقى تەكسەرۋگە نەگىزدەلگەندە، بۇل 4 قىزمەتكەر وسى رەت تاۋعا بارعاندا ورمان بايلىعى تەكسەرۋىن ورىستەتپەك بولعان، كومپاس، كۇرەك قاتارلى قۇرالدارمەن بىرگە شامامەن ءبىر جارىم كۇنگە جەتەتىن ازىق الا جۇرگەن. يۇننان ولكەسى اي-لاۋشان مەملەكەت دارەجەلى جاراتىلىستىق قورىق رايونى جىڭيۋان باسقارۋ-قورعاۋ مەكەمەسىنىڭ باستىعى ۋاڭ حۇڭدۇڭنىڭ تانىستىرۋىنا قاراعاندا، حابار-وشارسىز كەتكەندەردىڭ ىشىندە ەڭ ۇلكەنى 32 جاستا، ەڭ كىشىسى 25 جاستا بولىپ، بارلىعى بۇرىن اسكەر بولعان ەكەن. 

 

ولاردى قۇتقارۋعا 3000 نان استام ادام ۇيىمداستىرىلدى، جەرگىلىكتى ورىن ىزدەۋ-قۇتقارۋ جۇمىسىن جاپپاي جۇرگىزدى

 

الدىڭعى بىرنەشە كۇندە ىزدەۋ-قۇتقارۋ قىزمەتكەرلەرى نەگىزىنەن دەرەكسىز كەتكەندەردەن قالعان شوكلات، سۋسىن سياقتى نارسەلەردى نەگىز ەتە وتىرىپ ىزدەۋ سالعان بولاتىن. 11-ايدىڭ 20-كۇنى، يۇننان ولكەلىك ءورت ءوشىرۋ باس اترەتى مەن پۋ-ىر قالالىق ورمان ءورتىن ءوشىرۋ تارماق اترەتى 50 قىزمەتكەر جىبەرىپ، ىزدەۋ-قۇتقارۋ قىزمەتىنە ات سالىستى، ىزدەۋ جوباسىنا دا ازداپ رەتتەۋ جۇرگىزىلدى. سول كۇنى تۇستەن بۇرىن ساعات 7:00 دە، ىزدەۋ-قۇتقارۋ اترەتى 13 گرۋپپاعا ءبولىندى، مۇنىڭ ىشىندە 3 گرۋپپا تاۋدى ەندەي ءوتىپ ىزدەۋ مىندەتىن ارقالاسا، 10 گرۋپپا جاپپاي قاراپ ىزدەۋ مىندەتىن الدى. تاۋدى ەندەي ءوتىپ ىزدەۋشىلەر گرۋپپاسىنداعى 24 ادام 5 كۇنگە جەتەتىن ازىق-تۇلىك پەن كورپە-جاستىعىن كوتەرىپ، اي-لاۋشان تاۋىنان اسىپ، شينپيڭ باعىتىنا قاراي ىلگەرىلەي ىزدەۋ سالدى، ال، قالعان 10 گرۋپپاداعى ىزدەۋشى-قۇتقارۋشى قىزمەتكەر دەرەكسىز كەتكەندەر جۇرگەن وڭىرلەردى نەگىز ەتىپ، تور جايۋ فورماسىندا جاپپاي ىزدەۋ-قۇتقارۋ جۇمىسىن جۇرگىزدى. 

 

11-ايدىڭ 20-كۇنى ىستەلگەن قىزمەتتەردەگى بايقاۋعا نەگىزدەلە وتىرىپ، 21-كۇنگى ىزدەۋ-قۇتقارۋ قىزمەتىنە باعىتتامالى تۇردە رەتتەۋ جۇرگىزىلدى. ىزدەۋ-قۇتقارۋ قىزمەتكەرلەرى سۋلىق بايقالعان جەردىڭ ماڭىنداعى رايوندارعا بولعان ىزدەۋ قىزمەتىن كۇشەيتتى. سونىمەن بىرگە، قۇتقارۋ، كومەك بەرۋگە بارىپ-كەلەتىن ۋاقىتتىڭ وزىندىك قۇنىن ۇنەمدەۋ ءۇشىن، 20-كۇنى تاۋدا ىزدەۋ-قۇتقارۋ قىزمەتىنە قاتىناسقان تاۋلى ءوڭىر قۇتقارۋ اترەتىندەگىلەر سول كۇنى تۇندە تاۋعا تۇنەدى. قولباسشىلىق شتابى ولارعا ازىق-تۇلىكتى اۋەدەن تاستاپ بەرۋ ءتاسىلىن قولدانىپ، ىزدەۋ-قۇتقارۋ قىزمەتكەرلەرىنىڭ بارىپ-كەلۋگە جۇمسايتىن ۋاقىتىن مۇمكىندىكتىڭ بارىنشا قىسقارتتى. 

ۇعىسۋعا قاراعاندا، وسى رەت تەكسەرۋ قىزمەتكەرلەرى دەرەكسىز كەتكەن ءوڭىر اي-لاۋشان مەملەكەت دارەجەلى جاراتىلىستىق قورىق رايونىنىڭ ەڭ وزەكتى ءوڭىرى ەكەن دە، بۇل ارانىڭ تاۋى بيىك، ورمانى بىتىك وسكەن بولىپ، جىرا-جىقپىتى وتە كوپ. ىزدەۋ-قۇتقارۋ اترەتىندەگىلەر تەڭىز دەڭگەيىنەن 1700 مەتر بيىك كەلەتىن تاۋ ەتەگىنەن اتتانىپ، تەڭىز دەڭگەيىنەن 2800 مەتر بيىكتىكتەگى كوپتەگەن تاۋدان اسقان سوڭ، ىزدەۋ-قۇتقارۋ قىزمەتى قات-قابات قيىنشىلىقتارعا جولىقتى.

 

تەكسەرۋشىلەر دەرەكسىز كەتكەن رايون يۇيشي قالاسى شينپيڭ اۋدانىمەن ىرگەلەس جاتقاندىقتان، پۋ-ىر، يۇيشي قاتارلى 2 ورىن تىعىز سايكەسە وتىرىپ سەلبەسىپ، ەكى باسىنان ورتاسىنا قاراي قۋسىرا ىزدەۋ سالدى. يۇيشي الدىڭعى شەپ قولباسشىلىق شتابى دا ۇزدىكسىز الدىعا قاراي كوشىپ وتىردى ءارى قۇتقارۋ بارىسىندا ۇشقىشسىز ۇشاق پەن تىك ۇشاقتان پايدالانىپ، دەرەكسىز كەتكەندەرگە تولاسسىز ايعايلاپ دىبىس بەردى. 11-ايدىڭ 20-كۇنى كەشكە دەيىن، پۋ-ىر، يۇيشي قاتارلى 2 جەردەن قۇتقارۋ قىزمەتىنە قاتىناسقان ادام سانى 3000 نان استى.

 

اۋدارعان: نۇرگۇل قۇمارقان قىزى

来源:央视网

 

 

编辑、制作:阿依娜

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

قايعىلى جاعداي، دەرەكسىز كەتكەن 4 ادام تۇگەل قازا بولدى

ورتالىق راديو-تەلەۆيزيا باس ستانسياسى ءتىلشىسىنىڭ يۇننان ولكەسى اي-لاۋشان تاۋىندا دەرەكسىز كەتكەندەردى قۇتقارۋ قولباسشىلىق شتابىنان ۇعىسۋىنشا، حابار-وشارسىز كەتكەن 4 كىسى 11-ايدىڭ 22-كۇنى تاڭەرتەڭ تابىلعان، الايدا، 4 كىسى تۇگەل قازا بولعان ەكەن.