ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

اكە بولۋ الدىندا ەدى، باسقالار ءۇشىن قىرشىن جانىن قيدى

来源:央广网     |责编:阿依娜|     发布日期: 2021-11-25 16:13

اكە بولۋ الدىندا ەدى، باسقالار ءۇشىن قىرشىن جانىن قيدى

 

 

 

 

اشىنىشتى-اق، 28 جاستاعى كومەكشى ساقشى ءوزىن ولتىرمەك بولعان ايەلدى قۇتقارۋ ءۇشىن، قىزمەت ۇستىندە قازا بولدى، ەندى 2 ايدان سوڭ اكە بولماق ەدى

 

 

 

 

ۋاقيعا تۋىلعان جەر سۋرەتتىڭ كەلۋ قاينارى: سىچۋانعا نازار

 

باقۇل بول، باتىر ۇلان!

 

@سىچۋان گازەتىنىڭ حابارىنا قاراعاندا، 11-ايدىڭ 22-كۇنى ساعات 21:00 مولشەرىندە، سىچۋان ولكەسى ميانجۋ قالالىق قوعام حاۋىپسىزدىگى مەكەمەسى ەرەكشە شارلاۋشى ساقشى ۇلكەن اترەتىنىڭ كومەكشى ساقشىسى فىڭ يەجيا ءبىر ايەلدى قۇتقارۋ ءۇشىن ەش ءارى-ءسارى بولماستان «حالىق توعانىنا» سەكىرىپ ءتۇسىپ، باقىتقا قارسى قىزمەت ۇستىندە قازا بولعان. ءتىلشى 11-ايدىڭ 23-كۇنى ساعات 20:00 دا تىلشىلىك ىستەۋ بارىسىندا مىناداي مالىمەتتەرگە يە بولدى: 28 جاستاعى فىڭ يەجيا ميانجۋدىڭ تۋماسى، بيىل 6-ايدا وتاۋ كوتەرگەن، قازىر جۇبايىنىڭ اياعى اۋىر بولىپ، ەندى 2 ايدان سوڭ اكە اتالماق ەكەن.

كومەكشى ساقشى فىڭ يەجيانىڭ سۋرەتى سۋرەتتى دىياڭ قالالىق قوعام حاۋىپسىزدىگى مەكەمەسى قامداعان

 

سىچۋان ولكەسى ميانجۋ قالالىق قوعام حاۋىپسىزدىگى مەكەمەسى ەرەكشە شارلاۋشى ساقشى ۇلكەن اترەتىنىڭ باستىعى يە چاۋ تىلشىلىك قابىلداعاندا بىلاي دەدى: فىڭ يەجيا اتا-اناسىنىڭ جالعىزى ەدى، ول قىزمەتكە توتەنشە شوگەل بولىپ، ءوز ىسىنە جان-تانىمەن بەرىلە كىرىسەتىن. تالاي رەتكى نوسەرلى جاۋىنداردا تاسقىن اپاتىنان قۇتقارۋعا ات سالىسقان، ىندەتتەن ساقتانۋ-تىزگىندەۋ شايقاسىندا دا اتويلاپ الدا ءجۇردى، قيىنشىلىعى بار بۇقارانىڭ جانىنان تابىلاتىن جاردەمشىسى بولا ءبىلدى. 

 

ۇعىسۋعا قاراعاندا، فىڭ يەجيانىڭ جۇبايىندا قىزمەت جوق ەكەن. «جۇبايىنىڭ اياعى اۋىر بولاتىن، ەندى ەكى ايدان سوڭ اكە اتانام دەپ قۋانىپ جۇرگەن، الايدا، بالاسى ءومىر ەسىگىن اشپاي جاتىپ-اق، مەزگىلسىز ومىردەن وزعانى قابىرعانى قايىستىرادى»،ـ دەدى يە چاۋ قاسىرەتىن جاسىرا الماي.

 

ءتىلشىنىڭ ۇعىسۋىنا قاراعاندا، قۇتقارىپ الىنعان ايەلدىڭ دەنساۋلىق جاعدايى قازىر جاقسى ەكەن. 

11-ايدىڭ 22-كۇنى ساعات 21:00 مولشەرىندە، ميانجۋ قالالىق قوعام حاۋىپسىزدىگى مەكەمەسى الدە بىرەۋدىڭ وزەنگە سەكىرىپ ءولىپ الماق بولعاندىعى تۋرالى حابار تاپسىرىپ الادى. ەرەكشە شارلاۋشى ساقشى ۇلكەن اترەتىنىڭ كومەكشى ساقشىسى فىڭ يەجيا توعانعا سەكىرىپ ءتۇسىپ قۇتقارۋ قىزمەتىنە ات سالىسىپ، باسقا ساقشىلارمەن تىزە قوسا وتىرىپ، الگى ايەلدى قۇتقارىپ الادى. الايدا، سۋ زاردەي سۋىق، ونىڭ ۇستىنە اعىس تىم قاتتى بولعاندىقتان، دەنە قۋاتى السىرەگەن فىڭ يەجيانى اساۋ اعىس قاقپاقىلداي قاعىپ الا جونەلەدى دە، سول بەتى حابار-وشارسىز كەتەدى. كوپتەگەن قۇتقارۋ اترەتى اتتانىسقا كەلىپ تولاسسىز ىزدەۋ ارقىلى، 23-كۇنى ساعات 14:00 مولشەرىندە فىڭ يەجيانىڭ مۇردەسىن تاۋىپ جاعاعا الىپ شىقتى، الايدا، ول باقىتقا قارسى قىزمەت ۇستىندە قازا بولعان ەدى.

 

قوش بول، حالىقتىڭ قالاۋلى ۇلى، ەڭىرەپ تۋعان ەگەي ەر!

 

اۋدارعان: نۇرگۇل قۇمارقان قىزى

来源:中国新闻网

 

 

编辑、制作:阿依娜

: , 。 视频 小程序 赞 ,轻点两下取消赞 在看 ,轻点两下取消在看

中央广播电视总台 央广网 版权所有

اكە بولۋ الدىندا ەدى، باسقالار ءۇشىن قىرشىن جانىن قيدى

اشىنىشتى-اق، 28 جاستاعى كومەكشى ساقشى ءوزىن ولتىرمەك بولعان ايەلدى قۇتقارۋ ءۇشىن، قىزمەت ۇستىندە قازا بولدى، ەندى 2 ايدان سوڭ اكە بولماق ەدى