قۇرمەتتى تىڭدارمان قاۋىم، بۇگىن 12-ايدىڭ 3-كۇنى، جۇما، تومەندە مەملەكەتتىك جانە حالىقارالىق قىسقا حابارلارعا توقتالامىز:

您的浏览器不支持 audio标签

ەلەكتروندىق شوفەرلىك كۋالىگى 12-ايدىڭ 10-كۇنىنەن باستاپ بۇكىل ەل بويىنشا جالپى بەتتىك اتقارىلادى. 

مەملەكەتتىك كەڭەستىڭ ينفورماتسيالاندىرۋ قىزمەت كەڭسەسى  دۋ-بان توراپ تەكشەسىنىڭ جاۋاپتىسىن زاڭ بويىنشا شاقىرىپ اڭگىمەلەسىپ، دۋبان تەكشەسىنە جيىنى ٴبىر ميلليون 500 مىڭ يۋان ايىپ سالۋ اكىمشىلىك جازاسىن بەردى. 

مەملەكەتتىك تەمەكىنى ارناۋلى ساتۋ مەكەمەسى مەملەكەت بويىنشا ٴبىر تۇتاس ەلەكتروندىق تەمەكى ساۋداسىن باسقارۋ تەكشەسىن قۇرۋدى بەلگىلەدى. 

جۇڭگو تۇتىنۋشىلار قوعامى «كانادا مامىق شاپانى» تۇتىنۋ ۇقىعىن قورعاۋ ۋاقيعاسىنا اڭىس قايتارىپ، ٴارقانداي ماركانىڭ تۇتىنۋشىلار الدىندا ەرەكشە ۇقىعى جوق دەدى.

سانشيدە 5 ادام قازا بولعان كومىر كەن شىرعالاڭى جونىندە تەكسەرۋ ناتيجەسى جاريالاندى، 38 ادام جاۋاپقا تارتىلدى.

شينجياڭ ٴوندىرىس-قۇرىلىس بيڭتۋانىنىڭ بۇرىنعى ورىنباسار قولباسشىسى، پارتكومنىڭ بۇرىنعى تۇراقتى مۇشەسى، ساياسي ـ زاڭ كوميتەتىنىڭ بۇرىنعى شۋجيى ياڭ فۋلين تارتىپكە جانە زاڭعا اۋىر قايشىلىق جاساعاندىعى سەبەپتى پارتيادان شىعارىلدى؛ حىنان ولكەلىك پارتكومنىڭ بۇرىنعى تۇراقتى مۇشەسى، ساياسي ـ زاڭ كوميتەتىنىڭ بۇرىنعى شۋجيى گان رۇڭكۇن تارتىپكە، زاڭعا اۋىر قايشىلىق جاساعاندىعى سەبەپتى پارتيادان شىعارىلدى جانە قىزمەتتەن ايدالدى. 

ب م ۇ-نىڭ بايانداماسىندا بىلاي دەلىندى: كەلەر جىلى دۇنيە ٴجۇزى بويىنشا 274 ميلليوننان استام ادام ادامگەرشىلىك كومەككە مۇقتاج بولادى. 

انگليا ماماندارى، مالايزيا اۆياتسيا سەرىكتىگىنىڭ كەزىندە دەرەكسىز كەتكەن 370 MH  تۇرپاتتى ايروپلانىنىڭ  يندى مۇحيتىنىڭ تەڭىز دەڭگەيىنەن 4000 مەتر تەرەڭ جەرىنە قۇلاعاندىعىن بايقادى. دەرەكسىز كەتكەن جولاۋشىلاردىڭ تۋىس ـ تۋعاندار قوعامى قۇجات شىعارىپ، ەڭ جاڭا تالداۋ تەحنيكاسىن تالقىلاۋدى جانە باعالاۋدى ٴۇمىت ەتتى. 

قول استىنداعى ايەل قىزمەتكەرمەن كوڭىلدەس بولعان جانە ونى ۇرىپ-سوققان  اۆستراليانىڭ وقۋ-اعارتۋ مينيسترى   قىزمەتىنەن توقتاتىلىپ، تەكسەرۋگە الىندى. 

جاپونيادا ٴبىر ەر ادامدى ارت-ارتىنان 4 اۆتوموبيل سوققان جانە مىجىپ وتكەن، بۇنىڭ ىشىندە ىسكە قاتىستى 3 شوفەر قاشىپ كەتكەن. 

حانگودا ۇيلەنگەن تۋىت جاسىنداعى 7 ايەلدىڭ ىشىندە بىرەۋى بالا كوتەرۋدى قالامايدى، مۇنىڭ تەڭ جارىمىندا بالالى بولۋ ويى جوق.

ىشكى موڭعۇل اۆتونوميالى رايوندىق ەنەرگيا مەكەمەسى توراپ جەلىسىندە تارالعان وسى مەكەمەنىڭ 1-دارەجەلى شارلاۋشىسى حاربيندەگى جاڭا تيپتى ايدارشا ۆيرۋسپەن جۇعىمدالدى دەگەن حابارعا قاراتا قاتاڭ مالىمدەمە جاريالاپ، بۇنىڭ بۇكىلدەي  وسەك -اياڭ ەكەنىن حابارلاندىردى.

حىنان ولكەسى  گۋشى اۋدانىنداعى ورتالاۋ مەكتەپتىڭ ٴبىر وقۋشىسى بيىكتەن قۇلاپ جازىم بولدى، ۇكىمەت جاق بۇنىڭ قىلمىستىق ىستەر دەلوسىنا جاتپايتىندىعىن، ٴتان جازاسىن قولدانۋ جانە مەكتەپ اۋلاسىنداعى جابىرلەنۋ جايىتىنەن ەمەس ەكەندىگىن حابارلاندىردى. 

انحۇيدىڭ چيانشان قالاسىندا ٴبىر اۆتوبوز بەن جۇك اۆتوموبيلى  سوعىلىپ، 8 ادام ٴولىپ، 3 ادام جارالاندى. 

جياڭشي ولكەسىندەگى ٴبىر شيپاگەر ناۋقاس قابىلداعان كەزدە  تەلەفيلىمنىڭ قىزىعىنا بەرىلىپ قىزمەتتە سەلقوستىق ىستەدى، دوحتىرحانا جاق ٴبىر جاقتى ەتۋ ناتيجەسىن حابارلاندىرىپ، اكىمشىلىك كۇنا جازۋ جازاسىن بەرۋ، دوحتىرحانا حابارلاندىرۋ شىعارىپ سىن ايتۋ ، ىشكەرىلەي تەكسەرۋ جازىپ ٴوزىن تەكسەرۋ، سول جىلعى ۇزدىكتەردى باعالاۋ تولىمدىلىعىن كۇشىنەن قالدىرۋ، جىلدىق تەكسەرۋدە تولىمسىز بولۋ شاراسىن بەرگەندىگىن ۇقتىردى.

ۋحانداعى ٴبىر ەر ادام 350 يۋان كۇندىك  ەڭبەكاقىنى ازسىنىپ، اشتان ولسەم دە قىزمەتكە شىقپايمىن دەپ قاسارىسقان، سوقىر جارماعى بولماعان سوڭ  ۇرلىق ىستەپ قولعا تۇسكەن.

چيڭحاي ولكەسىندەگى ٴبىر كومەكشى ساقشى نولدەن تومەن 23 سەلتسيگرادۋستىق سۋىقتا كولگە سەكىرىپ ادام قۇتقارعاننان كەيىن تۇلا بويىنا مۇز قاتقان، ول تىلشىگە مەن قول قۋسىرىپ قاراپ تۇرسام ولاردىڭ ومىرىنە قاتەر تونەدى عوي دەدى. 

مەملەكەتتىك ەڭ جوعارى عىلىم ـ تەحنيكا سيلىعىنىڭ يەگەرى، 86 جاستاعى ۋاڭ زىشان اكادەميك نانجيڭ جاراتىلىستىق عىلىمدار ۋنيۆەرسيتەتىنە  10 ميلليون 500 مىڭ يۋان جىلۋ اتادى. 

لياۋنيڭ ولكەسىنىڭ شىنياڭ قالاسىنداعى حۇنحى وزەنىنىڭ جاعاسىندا  قوڭىرقاز كول بەتىندە ۇشىپ سايران سالىپ ٴجۇر.

يسلانديانىڭ سىنەي ارالىنا ورنالاسقان گرۋندارجور  قالاشىعىنىڭ كەڭىستىگىندە، كوركەم پوليار جارىعى تۇنگى اسپاندى جارقىراتتى.

قۇربان چىن شياڭرۇڭنىڭ اپەكەسى ارميانىڭ اكىمشىلىك قىزمەتىنە ورنالاستى.

ەلىمىز اۋميكرون باكتەريا تۇبىرىنە قارسى  ۆاكسينانى زەرتتەپ تاپقىرلاۋدى جەدەلدەتتى.

ب م ۇ-نىڭ 76-كەزەكتى جينالىسىندا جۇڭگو مەن حالىقارالىق وليمپيك سپورت كوميتەتى دايىنداعان وليمپيك جارىسى كەزىندە سوعىس توقتاتۋ قاۋلىسى ءبىر اۋىزدان ماقۇلداندى. 

ا ق ش-ندا قارۋ-جاراق ساۋداسى اسقىنىپ، زورلىقتى كۇش دەلولارى ءجيى تۋىلدى، بيىل ا ق ش-تىقتار 18 ميلليوننان استام مىلتىق ساتىپ العان.

اۋميكرون  وزگەرگەن جاڭا باكتەريا تۇبىرى ەۆروپاعا اۋىر قاتەر ٴتوندىرۋى مۇمكىن.

来源：中央广播电视总台

播音：热德力

微信制作：阿依娜