حۋلنبۋير قالاسى 4 باسشى كادردى ىندەتتەن ساقتانۋ جانە ونى تىزگىندەۋ مىندەتىن پارمەندى اتقارماعاندىعى ءۇشىن حابارلاندىرۋ شىعارىپ اشىق سىندادى

زالاينۇر رايونى ىندەتتەن ساقتانۋ جانە ونى تىزگىندەۋى پارمەندى بولماۋ ماسەلەسى جونىندە حابارلاندىرۋ شىعارىپ اشىق سىندالدى

2021-جىلى 12-ايدىڭ باسىندا، حۋلنبۋير قالالىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتى زالاينۇر رايونىنىڭ ىندەتتەن ساقتانۋ جانە ونى تىزگىندەۋ قىزمەتىن باقىلاۋ-تەكسەرۋ بارىسىندا، تومەندەگى 4 باسشى كادردىڭ ىندەتتەن ساقتانۋ جانە ونى تىزگىندەۋ مىندەتىن اتقارۋدا دارمەنسىزدىك ىستەۋ ماسەلەسىن بايقادى، سونداي-اق تومەندەگىدەي حابارلاندىرۋ شىعارىپ اشىق سىندادى. 

مانجوۋريا قالالىق پارتكومنىڭ تۇراقتى مۇشەسى، زالاينۇر رايوندىق پارتكومنىڭ شۋجيى شىن ميڭجيان جوعارىنىڭ تالابىن تياناقتاندىرۋدا، يكەمدى بولۋ مەن جەڭىل بولۋىنا بوي ۇرىپ، 12-ايدىڭ 3-كۇنگى «بىردە ءبىرىن قالدىرماي اداقتاۋ» ارەكەتىندە، قوعامداعى تىعىز جاناسقانداردان اۋاشالاۋ وبيەكتىسىن بەلگىلەمەي، قايتا مىڭما قوناق ۇيىندە شوعىرلى اۋاشالانعان 68 ادامدى تىكە جوتكەگەن. 

زالاينۇر رايوندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار رايون باستىعى جوۋ پىڭفي كوتەرمەگە العان حۋايۋان شاعىن اۋماعىنىڭ نۋكلەين قىشقىلىن تەكسەرۋ اياق الىسى باياۋ، ونىمدىلىگى تومەن بولعان؛ جاتاعان ءۇي ءوڭىرىنىڭ تۇيىقتالۋى مەن راديو ۇگىتى تياناقتانباي، ادامدار ەمىن، ەركىن ءجۇرىپ، باسقارۋسىز قالعان. 

زالاينۇر رايونىنىڭ ورىنباسار باستىعى، قوعام حاۋىپسىزدىگى مەكەمەسىنىڭ باستىعى لاڭ فىڭجيە، 12-ايدىڭ 4-كۇنى تىعىز جاناسقانداردى وتكىزىپ الىپ جوتكەپ تاسۋ قىزمەتىندە، تۇيىق مەڭگەرىلگەن شاعىن اۋماقتاعى تىعىز جاناسقاندار بەلگىلەمە بويىنشا ۇيىندە اۋاشالانعاندا قورعانۋ كيىمىن كيىپ، شوعىرلى اۋاشالاۋ ورنىنا بارۋى كەرەك ەدى، ءبىراق ولار بۇلاي ىستەمەگەن، كەيبىر تۇرعىندار پايدالانعان اۋاشالانعاندا كيگەن قورعانۋ كيىمى دورباسىن شاعىن اۋماقتىڭ ىشىنە بەتالدى تاستاپ، ىندەتتىڭ تارالۋ كومەسكى قاتەرىن تۋدىردى. ول كوتەرمەگە الىپ جاۋاپتى بولعان مىڭما قوناق ءۇيىنىڭ نەگىزگى ينفورماتسيا سانى انىق ەمەس، ءتىپتى مىڭما قوناق ۇيىندەگى تىعىز جاناسقانداردىڭ جوتكەلۋ ىسىنەن مۇلدە حابارسىز بولىپ، باقىلاپ، باسقارۋى مەڭگەرۋسىز قالعان. 

زالاينۇر رايوندىق دەنساۋلىق ساقتاۋ، سالاماتتىق كوميتەتىنىڭ ورىنباسار باستىعى جاڭ يانحۋانىڭ نۋكلەين قىشقىلىن تەكسەرۋ قىزمەتىن ىلگەرىلەتۋى پارمەندى بولماعان، ءىشىنارا شاعىن اۋماقتا ءتىپتى تۇرعىندار عيماراتىنداعى ادامدار عيماراتتان ءتۇسىپ الدىنا كەلسە تەكسەرۋ، عيماراتتان ءتۇسىپ كەلمەسە تاپجىلماي كۇتۋ قۇبىلىسى جارىققا شىققان. 12-ايدىڭ 4-كۇنى تۇستەن بۇرىن، اۆتونوميالى رايون باسشىلارى جاعىنان اۋاشالانعان ءۇي سانى، قازىرگى اۋاشالانعان ادام سانى قاتارلى شەشۋشى جاي ينفورماتسياسى انىق ەمەس دەپ سىندالدى، سول كۇنى كەشتە جوعارى دارەجەلى ءتارتىپ تەكسەرۋ كوميتەتىنىڭ تەكسەرۋ گرۋپپاسى قايتا اڭگىمەلەسىپ سۇراۋ سۇراعاندا دا، بىردە-ءبىر سۇراۋعا دۇرىس جاۋاپ بەرە الماعان. 

اۋدارعان: ساعىنبەك رابات ۇلى

来源：新华网

编辑、制作：古丽美热