ا ق ش-تىڭ 18 ىشتاتىندا اۋميكرونمەن جۇعىمدالعاندار بايقالدى
ا ق ش-تىڭ 18 ىشتاتىندا اۋميكرونمەن جۇعىمدالعاندار بايقالدى
قۇرمەتتى تىڭدارمان قاۋىم، سالەمەتسىزدەرمە، بۇگىن 12-ايدىڭ 8-كۇنى، سارسەنبى، تومەندە مەملەكەتتىك جانە حالىقارالىق حابارلار توپتاماسىن تىڭدايسىزدار:
您的浏览器不支持 audio标签
*مەملەكەتتىك كەڭەستىڭ تايۋان ىستەرى كەڭسەسى تايۋانداعى وق شىعارۋ دەلوسىنا قاتىستى قىلمىس كۇماندىسىنىڭ شيامىنعا قاشىپ بارعاننان كەيىن ۇستالىپ، تايۋانعا قايتارىلعاندىعىن مالىمدەدى.
* بازار باقىلاۋ-باسقارۋ باس مەكەمەسى زاڭسىز ماسكى ٴوندىرىپ ساتۋ سياقتى 45 مىڭ 700 ٴجايتتىڭ تەكسەرىلىپ انىقتالىپ، 712 ميلليون يۋان ايىپ سالىنعاندىعىن، ٴمۇسادىرالانعاندىعىن جاريالادى.
* گانسۋ ولكەسى ورگان، كاسىپورىن، ٴىسورىنداردىڭ ورتاشا، شاعىن كاسىپورىنداردىڭ اقشاسىن كەشەۋىلدەتۋىنە تيىم سالۋ جونىندە تۇڭعىش رەت زاڭ-بەلگىلەمە شىعاردى.
* گۋ شىنشيڭ 1-ٴنومىرلى الىستان مەڭگەرىلەتىن 2-تاسىمال راكەتاسى ٴساتتى ۇشىرىلدى.
*جياڭشي ولكەلىك ساياسي كەڭەس پارتگرۋپپاسىنىڭ بۇرىنعى مۇشەسى، جياڭشي ولكەلىك ساياسي كەڭەستىڭ ورىنباسار ٴتوراعاسى شياۋ ي قولعا الىندى.
* شىنجوۋ 12-ٴنومىرلى عارىش كەمەسىندەگى عارىشكەرلەر ەمدەلىپ، كۇتىمدەلىپ، قالپىنا كەلدى، دەنە سالماقتارى ۇشۋدان بۇرىنعى كۇيگە كەلدى.
*تيانجين تايدا فۋتبول كلۋبىنىڭ بۇرىنعى باس جوراسى دۇڭ ۋىنشىڭ مەن بۇرىنعى باس مەڭگەرۋشىسى لي گۋاڭ ي تەكسەرۋگە الىندى.
*حالىقارالىق وليمپيك سپورت جارىسىن ۇيىمداستىرۋ كوميتەتى وليمپيك سپورت جارىسى جانە سپورتشىلاردىڭ جارىسقا قاتىناسۋى ساياسيمەن قاتىسسىز دەپ اتاپ كورسەتتى.
*ا ق ش مەديالارى شيفرلانعان اقشاعا بايلانىستى قىرۋار ۇرلىق دەلوسىنىڭ اشكەرەلەنگەندىگىن، ينتەرنەت قاسكەرلەرى 200 ميلليون دوللارعا جۋىق اقشانى ۇرلاپ اكەتكەندىگىن حابارلادى.
*ا ق ش اۋرۋدى تىزگىندەۋ ورتالىعىنىڭ ساناعىنا نەگىزدەلگەندە، ا ق ش-تىڭ 18 ىشتاتىندا ىندەتتىڭ اۋميكرون تۇبىرشىگىمەن جۇعىمدالعاندار بايقالدى. مامانداردىڭ قاراۋىنشا، وسى رەتكى ىندەت جاعدايى بىلتىر قىس مەزگىلىندەگى جاعداي سياقتى اسقىنۋى مۇمكىن.
*جاپونيا مەديالارىنىڭ حابارىنا قاراعاندا، جاپونيادا ورتا، باستاۋىش مەكتەپ وقۋشىلارىنىڭ %10 ىنە جۋىعى ينتەرنەتكە قۇمار بولعان، وسى احۋال ولاردىڭ كۇندەلىكتى تۇرمىسىنا اۋىر ىقپال جاساعان.
* ينديادا نەشە ٴجۇز ادامنىڭ مەكتەپكە تاس لاقتىرۋىنان وقىتۋ عيماراتىندا ۇلكەن تەسىك پايدا بولعان، بۇدان ەمتيحان بەرىپ جاتقان وقۋشىلاردىڭ زارەسى ۇشقان.
*حىنان ولكەسى شاڭچيۋ قالاسىنىڭ ساقشى جاعى 4885 پارشا تۋىلۋ كۋالىگىنىڭ ۇرلانعاندىعى جونىندە اڭىس قايتارىپ، بارلاۋ تەبىنى ارتتىرىلاتىندىعىن ايتتى.
*شي-ان قالاسىندا ٴتان ساتۋعا ماجبۇرلەنگەن ازامات جاسىنا تولماعان قىز بالا قۇتقارىلدى، ساقشى جاق قاتىستى 7 ادامنىڭ قولعا الىنعاندىعىن حابارلادى.
*سىچۋان ۋنيۆەرسيتەتىندە ٴبىر ۇل وقۋشى ايەلدەر دارەتحاناسىن جاسىرىن سۋرەتكە ٴتۇسىرىپ تۇرعان جەرىندە بايقالىپ قالىپ، سوڭىندا وقۋدان ايدالدى.
*جىجياڭدا ٴبىر ايەل ادام تۇرمەگە كىرىپ «جاتىپ ٴىشۋ» ٴۇشىن باكىمەن 100 دەن استام ۆەلەسيپەدتىڭ ەرشىگىن تىلگەن، دەلوعا سايعان سوما 10 مىڭ يۋانعا تاياعان.
* حۋبەيدە ٴبىر ورتا مەكتەپ وقۋشىسى جىعىلىپ قالعان قارتقا ٴوزىنىڭ ۇستىندەگى مەكتەپ كيىمىن شەشىپ كيىندىردى. وسى وقۋشى قارتتىڭ توڭىپ قالۋىنان الاڭداعان ەكەن.
*جىڭجوۋ قالاسىندا قىزىن جوعالتىپ العانىنا 12 جىل بولعان ەرلى-زايىپتىلار دۇكەندەرىنىڭ اتىن «قىزىن ىزدەگەندەردىڭ قولفون دۇكەنى» دەپ وزگەرتىپ، قىزىن كۇن ساناپ ٴتورت كوزبەن كۇتتى.
*«عارىش فوتوگرافىنىڭ» جاڭا تۋىندىسى جاريالاندى! شىنجوۋ 12- ٴنومىرلى عارىش كەمەسىنىڭ عارىشكەرلەرى تۇنىق سۋرەت ٴتۇسىرىپ جاريالادى.
*وزەن دەلفينى حۋبەي ولكەسى يچاڭ قالاسى گىجوۋبا قالاسىنىڭ تومەنگى اعارىنداعى وزەن سۋىندا شورشىپ، ويناق سالىپ جۇزگەندىگىن بىرەۋلەر سۋرەتكە ٴتۇسىردى.
*فان جىندۇڭ مەن سۇن يىڭشا جەكە-جەكە WTT دۇنيە جۇزىلىك ۇستەل دوپ ساۋىتىنا تالاسۋ جارىسىنىڭ ەرلەر جانە ايەلدەر اعا جۇلدەگەرى بولدى.
来源:中央广播电视总台
播音:古丽江
微信制作:古丽美热
: , 。 视频 小程序 赞 ,轻点两下取消赞 在看 ,轻点两下取消在看