الدا بوران سوعىپ، قار جاۋادى، تەمپەراتۋرا تومەندەيدى
الدا بوران سوعىپ، قار جاۋادى، تەمپەراتۋرا تومەندەيدى
تۇماندى، بوراندى، قارلى اۋا رايى قالىپتاسادى، كوكتەمگى تاسىمال تۇسىندا، شينجياڭدا مەجەمەن 4 رەت تەمپەراتۋرا تومەندەيدى
قىس كۇندەرىنىڭ ەڭ ايازدى مەزگىلى اتالعان «4-جۋ» كىردى، سونىمەن بىرگە، 2022-جىلعى كوكتەمگى تاسىمال دا كەلىپ جەتتى. كوكتەمگى تاسىمال قارساڭىندا شينجياڭنىڭ اۋا رايى جاعدايى قانداي بولادى؟
1-ايدىڭ 15-كۇنى، اۆتونوميالى رايوندىق اۋا رايى ستانسياسى 2022-جىلعى كوكتەمگى تاسىمال كەزىندەگى بۇكىل شينجياڭنىڭ كليمات بەتالىسى تۋرالى مەجەنى جاريالادى.
مەجەمەن كوكتەمگى تاسىمال كەزىندە، سولتۇستىك شينجياڭنىڭ باتىسى، سولتۇستىگى جانە تيانشاننىڭ سولتۇستىك بەتكەيى قاتارلى جەرلەردىڭ ورتاشا اۋا تەمپەراتۋراسى بۇرىنعى جىلدارداعىدان ℃0.5 تان ℃0.9 قا دەيىن جوعارى بولادى، شىعىس شينجياڭدا ℃0.1 تان ℃0.8 قا دەيىن جوعارى بولادى، ال، وڭتۇستىك شينجياڭدا ℃0.4 تان ℃0.8 قا دەيىن تومەن بولادى؛ سولتۇستىك شينجياڭنىڭ سولتۇستىگىندە، وڭتۇستىك شينجياڭنىڭ باتىسىندا جانە اقسۋ ايماعىندا جاۋىن-شاشىن بۇرىنعى جىلدارداعىدان 20 ـ 50 پايىز كوپ بولادى، سولتۇستىك شينجياڭنىڭ باتىسى، تيانشاننىڭ سولتۇستىك بەتكەيى قاتارلى جەرلەردە 10 ـ 20 پايىز از بولادى، بايىنعولين وبلىسى مەن شىعىس شينجياڭ وڭىرىندە 20 ـ 50 پايىز نەمەسە 50 پايىزدىڭ ۇستىندە از بولادى.
مەجەمەن كوكتەمگى تاسىمال كەزىندە نەگىزىنەن مىناداي 4 رەتكى اۋارايى بارىسى رايونىمىزعا ىقپال جاسايدى:
1-ايدىڭ 22-كۇنىنەن 24-كۇنىنە دەيىن جانە 28-كۇنىنەن 30-كۇنىنە دەيىنگى بارىس ورتاشا اۋا رايى بارىسى بولىپ، نەگىزىنەن سولتۇستىك شيبنجياڭنىڭ جەر-جەرىنە، وڭتۇستىك شينجياڭنىڭ باتىسى مەن اقسۋ ايماعىنا ىقپال جاسايدى، تەمپەراتۋرا ℃5 تا ℃7 تومەندەيدى؛ 2-ايدىڭ 3-كۇنىنەن 5-كۇنىنەن دەيىنگى بارىس ورتاشا ءالسىز اۋا رايى بارىسى، ال، 22-كۇنىنەن 23-كۇنىنە دەيىنگى بارىس ورتاشا اۋا رايى بارىسى بولىپ، نەگىزىنەن سولتۇستىك شينجياڭنىڭ باسىم كوپ بولەگىنە، تيانشان تاۋلى رايونىنا، وڭتۇستىك شينجياڭنىڭ باتىسىنا جانە اقسۋ ايماعىنا ىقپال جاساپ، تەمپەراتۋرا ℃4 تا ℃7 تومەندەيدى.
1-ايدىڭ 16-كۇنى تاڭەرتەڭ، ۇرىمجىدە كۇن اشىق. سۋرەتتى انار بۇلت/شينجياڭ گازەتىنىڭ ءتىلشىسى جاڭ ۋاندى تارتقان
اۆتونوميالى رايوندىق اۋا رايى ستانسياسى مىنانى ەسكەرتەدى: كوكتەمگى تاسىمال كەزىندە، رايونىمىزعا ىقپال جاسايتىن سۋىق اۋا قيمىلى نەگىزىنەن 1-ايدىڭ سوڭعى وندىعىنىڭ الدىڭعى مەزگىلى مەن سوڭعى مەزگىلىنە جانە 2-ايدىڭ العاشقى وندىعىنىڭ الدىڭعى مەزگىلىنە شوعىرلانعان. سولتۇستىك شينجياڭدا، وڭتۇستىك شينجياڭنىڭ باتىسىندا جانە اقسۋ ايماعىندا قار جاۋىپ، تەمپەراتۋرا تومەندەۋى مۇمكىن، الايدا، جالپى تۇلعالىق جاقتان ءبىرشاما ءالسىز بولادى، قاتىناس-تاسىمالعا، جۇرتشىلىقتىڭ كۇندەلىك ءجۇرىس-تۇرىسىنا بەلگىلى ىقپال جاسايدى.
مەجەمەن 1-ايدىڭ سوڭعى وندىعىنىڭ ورتا مەزگىلى مەن 2-ايدىڭ العاشقى وندىعىنىڭ سوڭعى مەزگىلىندە تيانشاننىڭ سولتۇستىك بەتكەيى مەن بايىنعولين وبلىسىنىڭ سولتۇستىگىندە تۇماندى اۋا رايى وڭاي قالىپتاسادى. اتموسفەراداعى لاس زاتتاردىڭ تارالۋ شارت-جاعدايى ناشار بولاتىندىقتان، ساقتىقتى كۇشەيتۋ كەرەك.
1-ايدىڭ 17-كۇنى تاڭعى ساعات 9:05 مينۋت وتكەن مەزگىل، ۇرىمجىدە كۇن اشىق، كۇن كوتەرىلۋدەن ىلگەرگى كوزايىم ساتتە شىعىس كوك جيەك التىن ءتۇستى نۇرعا مالىندى. انار بۇلت/شينجياڭ گازەتى
الداعى 7 كۇندىك اۋا رايىنان الدىن الا مالىمەت:
ءۇرىمجى
سانجى
شىحىزى
قارامايلى
التاي
شاۋەشەك
قۇلجا
بۇراتالا
تۇرپان
قۇمىل
كورلا
اقسۋ
اتۇش
قاشقار
حوتان
اۋدارعان: نۇرگۇل قۇمارقان قىزى
来源:新疆日报
编辑、制作:阿依娜