ۇلىنىڭ كاسىپ جاراتۋىنا جول اشۋ ءۇشىن، سۇقتى كوزىن بالالار باقشاسىنا قاداعان «مەكتەپ باسشىسى»

1-ايدىڭ 17-كۇنى، «استە كەشىرمەيمىز» اتتى 5 سەريالى ارناۋلى تاقىرىپتىق تەلە فيلمنىڭ 3-سەرياسى «وتكەندەگىدەن ساباق الىپ، كەيىنگىگە عيبرات ەتۋ» ورتالىق راديو-تەلەۆيزيا باس ستانسياسىنىڭ ورتالىق تەلەۆيزياسى امبەباپ ارناسىندا تاراتىلدى. فيلمدە بەيجيڭ پەداگوگيكا ۋنيۆەرسيتەتى پارتكومىنىڭ بۇرىنعى شۋجيى قىزمەت ۇقىعىنان پايدالانىپ، بەلگىلەمەگە قايشىلىق جاساپ، ۇلىنىڭ جەكە مۇددەسىن كوزدەۋىنە كومەكتەسكەندىگى تۋرالى دەلو جاريا ەتىلگەن. 

قىزمەت ۇقىعىنان پايدالانىپ، تەكسەرۋدەن وراعىتىپ وتكەن، بەلگىلەمەگە قايشىلىق جاساپ، ۇلىنا بالالار باقشاسىن اشىپ بەرگەن

ليۋ چۋانشىڭ 2005-جىلدان 2016-جىلعا دەيىن بەيجيڭ پەداگوگيكالىق ۋنيۆەرسيتەتى پارتكومىنىڭ شۋجيى بولىپ مىندەت وتەپ، 2018-جىلى 9-ايدا زەينەتكە شىعادى. 2021-جىلى 7-ايدىڭ 5-كۇنى، ول ورتالىق ءتارتىپ تەكسەرۋ كوميتەتى، مەملەكەتتىك باقىلاۋ-تەكسەرۋ كوميتەتىنە ءوزىن مالىمدەپ، پارتيانىڭ 18-قۇرىلتايىنان بەرى قاراي تۇڭعىش رەت ۇستاپ قالىنعان ورتالىق تىكەلەي باسقاراتىن جوعارى مەكتەپتىڭ «1-باسشىسىنا» اينالدى.

2011-جىلى، ليۋ چۋانشىڭنىڭ شەتەلدە وقىپ جاتقان ۇلى ەلگە ورالادى دا، وقۋعا تۇسۋدەن بۇرىنعى وقۋ-اعارتۋ سالاسىندا كاسىپ جاراتۋدى ويلايدى. الايدا، ونىڭ بۇل كاسىپپەن شۇعىلدانارلىق قارجىسى دا، ورنى دا، تاجىريبەسى دە، نەگىزى دە جوق ەدى. ليۋ چۋانشىڭ ۇقىعىنان پايدالانىپ، بەلگىلەمەگە قايشىلىق جاساپ، ۇلىنىڭ سىرتتا بەيجيڭ پەداگوگيكالىق ۋنيۆەرسيتەتىنىڭ اتىنان پايدالانىپ كاسىپ اشۋىنا جاعداي جاسايدى. سول كەزدە بەيجيڭ پەداگوگيكالىق ۋنيۆەرسيتەتىمەن سەلبەسىپ مەكتەپ اشۋ ءۇشىن، جۇمىستى ارناۋلى سەلبەستىك كەڭسەسى ارقىلى بىتىرۋگە تۋرا كەلەتىن، بەلگىلەنگەن جۇمىس ءتارتىبى بار بولىپ، بەيجيڭ پەداگوگيكالىق ۆنيۆەرسيتەتىنە بەلگىلى قاراجات تاپسىرۋ قاجەت ەدى. الايدا، ول وسى باسقىشتى وراعىتىپ ءوتىپ، قول استىنداعىلاردى بەلگىلەمەگە قايشى تۇردە ۇلىنا كومەكتەسىپ، العاشقى بالالار باقشاسىن اشىپ بەرۋگە ورنالاستىرادى. 

ورتالىق ءتارتىپ تەكسەرۋ كوميتەتى، مەملەكەتتىك باقىلاۋ-تەكسەرۋ كوميتەتىنىڭ ورگان قىزمەتكەرى لي ميڭ بىلاي دەيدى: ليۋ چۋانشىڭ قول استىنداعىلار ارقىلى بەيجيڭ قالاسىنداعى ءمالىم رايونمەن بايلانىس جاساپ، ۇكىمەت باسقارۋىنداعى بەيجيڭ پەداگوگيكالىق ۋنيۆەرسيتەتى تاجىريبە بالالار باقشاسىنىڭ بولىمشە باقشاسىن قۇرۋعا ۋادەلەسەدى ءارى مۇنى استىرتىن ءوز ۇلىنىڭ باسقارۋىنا تاپسىرىپ بەرەدى. ءىس جۇزىندە، بۇل بالالار باقشاسىنىڭ بەيجيڭ پەداگوگيكالىق ۋنيۆەرسيتەتى تاجىريبە بالالار باقشاسىمەن ەش قاتىسى جوق-تى، قىزمەتكەرلەرىن وزدەرى ۇسىنىس ەتكەن، قازىناسى دا دەربەس بولاتىن.

ليۋ چۋانشىڭنىڭ ۇلى ەلىمىزدىڭ جەر-جەرىنەن «بەيجيڭ پەداگوگيكالىق ۋنيۆەرسيتەتىنە قاراستى بالالار باقشاسىن» اشادى

2015-جىلعا كەلگەندە، ليۋ چۋانشىڭ زەينەتكە شىعاتىن ۋاقىتى تاياپ قالعاندىعىن ەسكەرىپ، قولىندا ۇقىق تۇرعان ورايدان پايدالانىپ، ۇلىنىڭ كاسىپ جاراتۋ جولىن كۇرەپ قويۋعا بەكيدى. ورتالىق ءتارتىپ تەكسەرۋ كوميتەتى، مەملەكەتتىك باقىلاۋ-تەكسەرۋ كوميتەتىنىڭ ورگان قىزمەتكەرى لي ميڭنىڭ تانىسترۋىنا قاراعاندا، ليۋ چۋانشىڭ قول استىنداعىلارعا بەيجيڭ پەداگوگيكالىق ۆنيۆەرسيتەتىنە قاراستى بالالار باقشاسى دەگەن وسى ماركانىڭ ۇقىعىن ۇلىنىڭ سەرىكتەستىگىنە وتكىزىپ بەرۋدى تالاپ ەتەدى.

ليۋ چۋانشىڭ: ستراتەگيالىق كەلىسىمگە قول قويىلعان سوڭ، ۇلىم بەيجيڭ پەداگوگيكالىق ۋنيۆەرسيتەتىنە قاراستى بالالار باقشاسى دەگەن ۆيۋەسكانى اسۋىنا بولادى، سونىمەن ول ۋاكىلدىك ساۋداگەرگە اينالادى،ـ دەيدى.

ال، وسى اتالمىش «ستراتەگيالىق كەلىسىم» بەلگىلەمەگە قايشى تۇردە جاسىرىن جاسالادى، بەيجيڭ پەداگوگيكالىق ۋنيۆەرسيتەتىنىڭ بەكىتۋىنەن مۇلدە وتپەگەن. وسىدان سوڭ، ليۋ چۋانشىڭنىڭ ۇلى ەلىمىزدىڭ كوپتەگەن جەرىنەن «بەيجيڭ پەداگوگيكالىق ۋنيۆەرسيتەتىنە قاراستى بالالار باقشاسىن» اشادى.

تالاي رەتكى تەكسەرۋ مەن باسقالاردىڭ اشكەرەلەۋىنەن كەيىن، ليۋ چۋانشىڭ ىرىقتىلىقپەن ءوزىن مالىمدەۋ بەكىمىنە كەلەدى

2017-جىلى، ورتالىقتىڭ شارلاپ تەكسەرۋ گرۋپپاسى بەيجيڭ پەداگوگيكالىق ۆنيۆەرسيتەتىنە شارلاۋ جۇرگىزگەندە، قاتىستى اڭىستاردى تاپسىرىپ الادى. شارلاپ تەكسەرۋ گرۋپپاسى سەلبەسىپ مەكتەپ اشۋ سياقتى سالالاردا پاكتىك حاۋىپ-قاتەرى كورنەكتى بولاتىندىعىن ايقىن اتاپ كورسەتىپ، دەرەۋ تۇزەتۋدى تالاپ ەتەدى. ليۋ چۋانشىڭ ۇلىنا بەيجيڭ پەداگوگيكالىق ۆۋنيۆەرسيتەتى دەگەن ۆيۋەسكانى الدىرىپ تاستايدى دا، وسىمەن «وتكەلدەن» امان-ەسەن ءوتتىم دەپ ويلايدى. 2021-جىلى، 19-كەزەكتى ورتالىق كوميتەتىنىڭ 7-كەزەكتى شارلاپ تەكسەرۋ گرۋپپاسى بەيجيڭ پەداگوگيكالىق ۆنيۆەرسيتەتىنە بارىپ شارلاپ تەكسەرۋ بارىسىندا، سەلبەسىپ مەكتەپ اشۋ سياقتى ءتۇيىندى سالالار مەن ماڭىزدى قىزمەت ورىندارىندا پاكتىك حاۋىپ-قاتەرى ورىن تەۋىپ وتىرعاندىعىن تاعى دا اتاپ كورسەتەدى. بۇل حاباردى ەستىگەن ليۋ چۋانشىڭ اقىرى ءوزىن مالىمدەۋ بەكىمىنە كەلەدى.

ليۋ چۋانشىڭ: 1-رەتكى شارلاۋ گرۋپپاسى ماسەلەنى اتاپ كورسەتكەندە، مەن شىنىندا قاتتى قورىقتىم، ويتكەنى، بۇل شىنىندا بەلگىلەمەگە، زاڭعا قايشى ءىس ەدى. 2021-جىلى، قايتالاي شارلاپ تەكسەرۋدە، بۇل ءىستى تاعى دا اڭىس ەتتى. مەن ماسەلەنىڭ اۋىر ەكەندىگىن سەزىندىم، ەندىگارى تالەي سىناۋ ويىندا بولماۋىم كەرەكتىگىن ءبىلدىم،ـ دەيدى. 

كوپ وتپەي، ليۋ چۋانشىڭ ءوزىنىڭ بەلگىلەمەگە قايشىلىق جاساپ، بەيجيڭ پەداگوگيكالىق ۆنيۆەرسيتەتى ماماندار عيماراتىنداعى 80 شارشى مەتر كەلەتىن ءۇيدى ۇزاق ۋاقىت يەمدەنىپ كەلگەندىگى، بەيجيڭ پەداگوگيكالىق ۆنيۆەرسيتەتى اشقان جينشىيۋان شاعىن رايونىنداعى تۇرعىن ءۇيدى بەلگىلەمەگە قايشىلىق جاساپ، تومەن باعادا ساتىپ العاندىعى، كادر قابىلداۋ سياقتى ىستەردە بەلگىلەمەگە قايشى تۇردە ءبىر جايلى ەتكەندىگى نەمەسە كيلىككەندىگى قاتارلى ماسەلەلەرىن تاپسىردى.

ليۋ چۋانشىڭ ءوزىن مالىمدەگەن سوڭ، ونىڭ ۇلى وزىنە قاراستى وقۋ-اعارتۋ قۇرىلىمىن رەتتەپ جانە وزگەرتىپ، تارتىپكە، زاڭعا قايشىلىق جاساپ تاپقان تابىسىن ىرىقتىلىقپەن تاپسىردى. ورتالىق ءتارتىپ تەكسەرۋ كوميتەتى، مەملەكەتتىك باقىلاۋ-تەكسەرۋ كوميتەتى 2021-جىلى 12-ايدا، ليۋ چۋانشىڭعا پارتيادان شىعارۋ جازاسىن بەرىپ، زەينەتكە شىعۋ مامىلەسىن 6-دارەجەلى قىزمەتكەر بويىنشا رەتتەدى.

اۋدارعان: نۇرگۇل قۇمارقان قىزى

来源：央视新闻

视频制作：阿依娜

编辑、制作：阿依娜

تومەندەگى 阅读原文 جالعانىمىن باسىپ حاباردىڭ تۇنىق كەسكىنىن كورىڭىز