جەمەنەي كەدەن وتكەلى قالپىنا كەلدى

جەمەنەي كەدەن وتكەلىنىڭ مەملەكەت قاقپاسى (ورتالىق راديو-تەلەۆيزيا سايىتى تاراتقان سۇڭ ليپيڭ فوتوسى)

ورتالىق راديو-تەلەۆيزيا سايىتى 2-ايدىڭ 15-كۇنگى حابارى (ءتىلشى لوچىڭ ەرەكشە ۇسىنىس ەتىلگەن ءتىلشى ليۋ شينحاي ەرىكتى ءتىلشى سۇڭ ليپيڭ) 2-ايدىڭ 15-كۇنى، ەسكىشە جىل ەسەبىندە كوكتەم مەرەكەسىنىڭ 15-كۇنى، ياعني، يۋانشياۋ مەرەكەسى. سول كۇنى تۇستەن بۇرىن، شينجياڭ يەما توبى شەكتەۋلى سەرىكتەستىگى ۋاكلاتان ەكسپورتتاعان 48 توننا مۇناي قۇبىر جولى جابدىقتارى ەكى ۇلكەن اۋىر جۇك اۆتوموبيلىنە تيەلىپ، جەمەنەي وتكەلىندە شەكارا قاقپاسىنان باياۋ ءوتىپ، قازاقستان رەسپۋبليكاسى ماڭعىستاۋ وبلىسىنىڭ اقتاۋ قالاسىنا جول الدى. بۇل 2020-جىلدىڭ باسىنداعى ىندەت جاعدايىنان بەرى قاراي، جەمەنەي كەدەنىنىڭ زاتتاردى تاسىمالداپ وتكىزۋدى توقتاتۋدان بەرگى تۇڭعىش رەت كەدەننەن ءوتۋدى قالپىنا كەلتىرۋى. 

كەدەننەن وتەتىن اۋىر جۇك اۆتوموبيلى زاتتاردى تيەۋگە دايىندالۋدا (ورتالىق راديو-تەلەۆيزيا سايىتى تاراتقان سۇڭ ليپيڭ فوتوسى)

كەدەننەن ءوتۋ قىزمەتىنىڭ ءساتتى ءجۇرىلۋى ءۇشىن، جەمەنەي شەكارا ەكونوميكالىق سەلبەستىك بىرلەسكەن رايونى ەكسپورتتالاتىن زاتتاردى باسقارۋ ورنالاستىرۋ گرۋپپاسىن قۇردى، 80 نەن ارتىق كاسىپورىنمەن بەلسەنە حابارلاسىپ، سوڭىندا ەكسپورتتالاتىن زاتتاردىڭ تۇرلەرى مەن سانىن تۇراقتاندىردى. تاماشا ساۋدا-تيجارات ورتاسىن قۇرىپ، جەمەنەي وتكەلى ەكسپورت بازارىنىڭ ءادىل، تۋراشىل، جاريا، اشىق، پاك، جوعارى ءونىمدى بولۋ نىساناسىن جۇزەگە اسىرۋ ءۇشىن، وتكەل ورنالاستىرۋ گرۋپپاسى ارناۋلى تۇردە زاتتاردى ەكسپورتتاۋدا مالىمدەپ تىزىمگە الدىرۋ ۋيچات توبىن قۇرىپ، ەكسپورتتالاتىن زاتتاردى باسقارۋ ءادىسىن، تيەۋ-ءتۇسىرۋ كران ماشينا ۇلگىسىن، اقى جيناۋ ولشەمىن ۋاعىندا ۇگىتتەپ تانىستىردى، سونىمەن بىرگە «جەمەنەي وتكەلىندە زاتتاردى ەكسپورتتاۋدى باسقارۋدىڭ ۋاقىتتىق ءادىسىن» بەلگىلەپ، زاتتاردى ەكسپورتتاۋدىڭ پرينسىبىن، زاتتاردى ەكسپورتتاۋداعى ناقتى ءادىس-امال قاتارلىلاردى تۇراقتاندىردى. 

كەدەننەن وتەتىن اۋىر جۇك اۆتوموبيلى زاتتاردى تيەۋگە دايىندالۋدا (ورتالىق راديو-تەلەۆيزيا سايىتى سۇڭ ليپيڭ فوتوسى)

جەمەنەي اۋداندىق پارتكوم سونداي-اق وتكەلدىڭ ىندەتتەن ساقتانۋ-تىزگىندەۋ قولباسشىلىق شتابى كرانمەن كوتەرۋ، لاقتىرىپ ءىلۋ، كوپىر باسىندا الماسۋ قاتارلى كوپ ءتۇرلى تاسىلدەر قاتار قولدانىلاتىن ەكسپورت ءتاسىلىن پايدالانۋدى تۇراقتاندىرىپ، «بەستى ءبولۋ»، «بەستى جالعاۋ» جانە «وتكەلدە العا جىلجۋ، كەزەك اۋىستىرىپ جۇمىس ىستەۋ، توراپ ىشىندە بەكىتۋ، تۇتاس كىرىپ تۇتاس شىعۋ، قاتاڭ وڭاشالاپ باقىلاپ باسقارۋداي» تۇيىقتاپ باسقارۋ ىندەتتەن ساقتانۋ تالابىن جۇزەگە اسىرىپ، شەكارادان كىرەتىن جۇك اۆتوموبيلىنىڭ «سول كۇنى شەكارادان كىرىپ، سول كۇنى شەكارادان شىعۋىنا» باتىل تاباندى بولىپ، «جەدەل ءبىتىرۋ، جەدەل اۋىستىرۋ، جەدەل تيەۋ، جەدەل جولعا سالۋ»، «جەدەل كەلىپ جەدەل اتتانۋ» بارىسىن جۇزەگە اسىرىپ، يمپورتتالاتىن، ەكسپورتتالاتىن زاتتاردىڭ كەدەننەن جەدەل وتۋىنە كەپىلدىك ەتتى. 

جەمەنەي وتكەلى 100 جىلدان ارتىق تاريحقا يە شەكارا وتكەلى، جۇڭگو مەن قازاقستان اراسىنداعى شەكارا وتكەل. جەمەنەي وتكەلى جۇڭگو، قازاقستان، رەسەي فەدەراتسياسى، موڭعۇليا قاتارلى ءتورت مەملەكەتتىڭ تۇيىلىسكەن جەرىنە ورنالاسقان، ەلىمىزدىڭ قازاقستان، رەسەي فەدەراتسياسى، موڭعۇليا ءۇش مەملەكەتپەن حالىقارالىق ساۋدا جۇرگىزۋىندەگى ەڭ قولايلى وتكەل، شينجياڭ ساۋدا-زات تاسىمال وتكەلىنىڭ وڭتۇستىك، ورتا، سولتۇستىك ءۇش لەنيالىق ستراتەگياسىنداعى «سولتۇستىك لەنياسىنىڭ» ماڭىزدى تارماعى، «جىبەك جولى» ەكونوميكالىق بەلدەۋى شينجياڭ بولەگىنىڭ سولتۇستىككە قاتىناۋداعى ماڭىزدى قۇرامداس بولەگى، شينجياڭنىڭ سىرتقا ەسىك اشۋ جاعدايىندا وزگەشە ستراتەگيالىق ورىنعا يە. 

اۋدارعان: قۋات جۇماش ۇلى

来源：央广网

微信制作：阿依娜