ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

ا ق ش-ىندا ىندەتتەن ولگەن ادام 1 ميلليونعا جەتتى

来源:央广网     |责编:古丽美热·霍孜汗|     发布日期: 2022-05-13 16:52

ا ق ش-ىندا ىندەتتەن ولگەن ادام 1 ميلليونعا جەتتى

قۇرمەتتى تىڭدارمان قاۋىم، بۇگىن 5-ايدىڭ 13-كۇنى، جۇما، تومەندە ەل ٴىشى جانە حالىقارالىق حابارلار توپتاماسىن تىڭداڭىزدار.

您的浏览器不支持 audio标签

※مەملەكەتتىك دامۋ جانە رەفورما كوميتەتى: ب م ۇ-نىڭ ولشەمى بويىنشا جۇڭگو حالقىنىڭ تۇرمىسى سالىستىرمالى تۇرعىدا باي-باياشاتتى ورەگە جەتكەندىگىن ايتتى. 

 

※مەملەكەت بويىنشا كۇزگى استىقتى ساتىپ الۋ جۇمىسى اياقتادى، جالپى 370 ميلليارد 500 ميلليون جىڭ استىق ساتىپ الىنىپ، وتكەن جىلدىڭ ۇقساس مەزگىلىندەگىدەن 50 ميلليارد جىڭ ارتتى. 

 

※وقۋ-اعارتۋ مينيسترلىگى مەكتەپ سىرتىنداعى تاربيەلەۋگە قاتىستى ارىز-شاعىم جانە اشكەرەلەۋ ماسەلەسىن تەكسەرىپ ٴبىر جاقتى ەتۋدى كۇشەيتىپ، تۇسىن وزگەرتىپ جاسىرىن جۇرگىزىلىپ جاتقان تاربيەلەۋ ورىندارىن جونگە سالدى. 

 

※قوعام حاۋىپسىزدىگى مينيسترلىگى: ايەلدەر مەن بالالاردى الداپ ساتۋ قىلمىسىنا ساياتىن A دارەجەلى قۋعىنداۋ بۇيرىعى تۇسىرىلگەن 6 قىلمىسكەردىڭ ۇشەۋىنىڭ قولعا تۇسكەندىگىن ايتتى.

 

※مەملەكەتتىك كوشپەندىلەردى باسقارۋ مەكەمەسى جۇڭگو ازاماتتارىنىڭ قاجەت بولماسا شەكارادان شىعۋ ارەكەتىن قاتاڭ شەكتەۋدى جولعا قويدى.

 

※قالا تۇيىقتالادى، قالا تۇرعىندارىنىڭ جۇرىس-تۇرمىسىنا تيىم سالىنادى دەگەن حابارلاردىڭ بارلىعى وسەك بولىپ شىقتى! بەيجيڭ قالاسى 12 رايونعا 5-ايدىڭ 13-كۇنىنەن باستاپ 3 رەت نۋكلەين قىشقىلىن تەكسەرۋ قيمىلىن ورىستەتىپ، ادامداردى 3 كۇن ۇيلەرىندە جاتىپ قىزمەت ىستەۋدى دارىپتەدى. 

 

※اق ساراي: ا ق ش-ىندا ٴبىر ميلليون ادام جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ولگەندىگىن جاريالاپ، تۋدى جارتىلاي ٴتۇسىرىپ قازا بولعاندارعا ٴۇنسىز ازا ٴبىلدىردى. 

 

※جاپونيانىڭ قورعانىس مينيسترلىگى: چاۋشيان جاقتىڭ 3 وق جولدى باسقارىلمالى بومبىنى ۇشىرعاندىعىن، قازىرگە دەيىن ايروپلان نەمەسە كەمەلەردىڭ زيانعا ۇشىراعاندىعى جونىندە ينفورماتسيا جوق ەكەندىگىن ايتتى. 

 

※حانگوداعى ەڭ ٴىرى بيلىكسىز پارتيا جىنىستىق مازالاۋ دەلوسى جونىندە كەشىرىم سۇراپ، مۇنداي جاعدايعا استە جول بەرمەۋ پرينسيپى بويىنشا قاتىستى ادامداردى قاتاڭ جازالايتىندىقتارىن ايتتى.

 

※چاۋشيان جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا شالدىققان تۇڭعىش ناۋقاستىڭ بايقالعاندىعىن جاريالاپ، جۇقپالى اۋرۋدان ساقتانۋ جانە ونى تىزگىندەۋ شارالارىن ەڭ جوعارى دارەجەگە كوتەردى.

 

※دۇنيە جۇزىندەگى ەڭ ۇلكەن اق تۇستى گاۋھار تاس 21 ميلليون 900 مىڭ امەريكا دوللارىندىق باعامەن ساتىلدى، ونىڭ سالماعى 228 كراعا جەتەدى.

 

※حاربين ساقشى جاعى «اۆتوموبيل جۋۋ ورنىندا ٴبىر ەر ادامنىڭ كۇيىپ ولگەن» جاعدايىن حابارلاندىرىپ، ول ادامنىڭ ٴوزى الىپ بارعان بەنزيندى تۇتاندىرعاندىعىن ايتتى، كەزەكتە وقيعا ىشكەرىلەي تەكسەرىلۋدە. 

 

※حاينان ولكەسىندە ٴبىر كارياعا دالادا وت جاعىپ تاماق جاساعاندىعى سەبەپتى 600 يۋان ايىپ سالىندى، ۇكىمەت جاق: ايىپ سوما الىنبادى، جاۋاپكەرشىلىكتى قىستاق كوميتەتى ۇستىنە الدى،-دەدى. 

 

※انحۇيدىڭ فۋياڭ قالاسىنداعى نيە فاميليالى ٴبىر ادام جۇمىسقا شىققىسى كەلمەي ىندەتتەن ساقتانۋعا قاتىستى سارى سيفر شارت بەلگىسىن جالعاننان جاساپ قىزمەت قوجايىنىنا جىبەرگەن، سوڭىنان وسى جالعاندىقتىڭ ٴشيى شىعىپ نيە فاميليالى اكىمشىلىك جازاعا تارتىلدى، وعان كومەكتەسكەن دۇكەن جەرگىلىكتى قوعام حاۋىپسىزدىگى جاعىنان تەكسەرىلدى.

 

※جىجياڭ ولكەسى پانان قالالىق ساقشى مەكەمەسى: ٴىز-توزسىز كەتكەنىنە ەكى كۇن بولعان 10 جاستاعى ەر بالا تابىلىپ ەمحاناعا جەتكىزىلگەندىگىن ايتتى.

 

※شىجياجۋاڭ قالالىق ساقشى مەكەمەسى: ٴبىر ايەلدىڭ سوڭعى 4 ٴنومىرى 6666 بولعان اۆتوموبيل ٴنومىر كۋالىگىنىڭ جوعالعان جاعدايىن حابارلاندىرىپ، بەلگىلەمە بويىنشا وعان قايتادان كولىك ٴنومىرىن ٴبىتىرىپ بەرگەندىكتەرىن ايتتى.

 

※جۇمىسشى-قىزمەتكەردىڭ ىندەت كەزىندە تۇرعان رايوندارىنىڭ تۇيىقتالىپ باسقارىلىپ جۇمىسقا بارا الماعاندىعى سەبەپتى سەرىكتىك ونى جۇمىستان بوساتقان جاعدايعا قاراتا، جىجياڭ شاۋشيڭ شاڭيۇي حالىق سوت مەكەمەسى: سەرىكتىككە وسى قىزمەتكەرگە 40 مىڭ يۋاننان استام ەڭبەكاقى جانە ەكونوميكالىق تولەم بەرۋ جونىندە ۇكىم شىعاردى.

 

※كەشكقۇرىم فۋجوۋ قالاسىنىڭ كەڭىستىگى تاڭعاجايىپ قىپ-قىزىل نۇرعا تولدى، اۋا رايى مەكەمەسى بۇل بالىقشى كەمەلەرىنىڭ جاققان شىراقتارىنان پايدا بولعان قۇبىلىس دەدى.

 

※استرونومدار قۇس جولى جۇيەسىنىڭ ورتالىعىنداعى قارا ۇڭگىر سۋرەتىن تۇڭعىش جاريالادى. 

 

※سيرەك كەزدەسەتىن سارى تورعايلار فۋجيان ولكەسىنىڭ شياپۋ وڭىرىنەن  توپ-توبىمەن بوي كورسەتتى. 

 

※2008-جىلى ورتا مەكتەپتە وقىپ جاتقان لو پان، قازىر قۇرلىق ارمياسى 75-قۇراما ارمياسىنىڭ بەلگىلى بريگاداسى جەر سىلكىنىسىنەن قۇتقارۋ اتىرەتىنىڭ ۇشقىشسىز ايروپلاندى مەڭگەرۋ قىزمەتكەرى؛ كەزىندە 13 جاستاعى لي تاۋ بۇگىنگى تاڭدا سولتۇستىك بولەك سوعىس رايونى تەڭىز ارمياسى بەلگىلى سۇڭگۋىر كەمە تارماق اترەتىنىڭ جاۋىنگەرى، ۋىنچۋان جويقىن جەر سىلكىنىسى تۋىلعانىنا بيىل 14 جىل بولدى، سول كەزدەگى قيىن جاعدايدا قامقورلىققا يە بولعان ورەندەر ەرجەتىپ كوبى اسكەر بولىپ ارمياعا قابىلداندى.

 

※رەسەي مەن ۋكراينانىڭ كوپتەگەن رايوندارداعى قاقتىعىسى ٴالى دە جالعاسۋدا، رەسەي مەن ۋكراينانىڭ ادامگەرشىلىك قۇتقارۋ كومەكتەسۋ قيمىلى جونىندەگى كەلىسسوزى دە جالعاستى جۇرگىزىلۋدە. 

 

※ا ق ش ەڭبەك مينيسترلىگى 5-ايدىڭ 12-كۇنى جاريالاعان ساندى مالىمەتكە قاراعاندا، ا ق ش-نىڭ 4-ايداعى وندىرىسشىلەردىڭ باعا كورسەتكىشى ( PPI ) وتكەن جىلعى ۇقساس مەزگىلدەگىدەن %11 ارتىپ، 3-ايداعىدان %0.5 كوبەيگەن، بۇل ساندى مالىمەت ا ق ش-نىڭ اقشانىڭ قۇنسىزدانۋ مولشەرىنىڭ ٴالى دە 40 جىلدان بەرگى ەڭ جوعارى ورەدە تۇرعاندىعىن كورسەتەدى.

 

※بۇكىل جەر شارىندا جاڭا تيپتى ايدارشا ۆيرۋسپەن جۇعىمدالعان وكپە قابىنۋىنا شالدىققاندار 516 ميلليون 922 مىڭ 683 ادامعا جەتتى، وسى جۇقپالى اۋرۋدان جيىنى 6 ميلليون 259 مىڭ 945 مىڭ ادام قازا بولعان.

来源:中央广播电视总台

 

 

 

播音:巴拉番

微信制作:古丽美热

中央广播电视总台 央广网 版权所有

ا ق ش-ىندا ىندەتتەن ولگەن ادام 1 ميلليونعا جەتتى

مەملەكەتتىك كوشپەندىلەردى باسقارۋ مەكەمەسى جۇڭگو ازاماتتارىنىڭ قاجەت بولماسا شەكارادان شىعۋ ارەكەتىن قاتاڭ شەكتەۋدى جولعا قويدى.