※بۇكىل ەل بويىنشا بىرلىككە كەلگەن ەمدەۋ قامسىزداندىرۋى ينفورماتسيا تەكشەسى جالپى بەتتىك قۇرىلدى، قامسىزداندىرۋعا قاتىناسقاندار ءبىر ميلليارد 360 ميلليون ادامدى قامتىدى!

※مەملەكەتتىك دامۋ جانە رەفورما كوميتەتى: كومىردىڭ ورتا، ۇزاق مەرزىمدىك توقتامىندا ەكى ءتۇرلى ءونىمدى بايلاپ ساتۋ قاتارلى ناق زاتتىڭ ءتۇسىن وزگەرتىپ باعاسىن كوتەرۋگە بولمايدى،-دەدى.

※مەملەكەتتىك ساناق مەكەمەسى: الدىڭعى 4 ايدا جۇڭگونىڭ قورا جاي كوركەيتۋ قارجىسىنىڭ سالىستىرماسى ۇقساس مەزگىلدەگىدەن %2.7 تومەندەدى، تاۋار ءۇيدىڭ ساتىلۋ سوماسى %30 كە جۋىق تومەندەدى. 

※مەملەكەتتىك جايىلىم مەكەمەسىنىڭ قاتىستى جاۋاپتىسى بىلاي دەدى: بيىل ەلىمىزدىڭ ا ق ش-ىنداعى اق كوبەلەك ىندەتىنىڭ تارالۋ جاعدايى ءالى دە اۋىر، جەر جەر زاتتىق ماتەريالداردى ەرتەرەك دايىنداپ، بالاپان قۇرتتىڭ الدىن الۋدىڭ جانە ونى تىزگىندەۋدىڭ ەڭ تاماشا مەزگىلىن مىقتى يگەرىپ، ويداعىداي ساقتانۋ جانە جونگە سالۋ كەرەك. 

※جۇڭگو تىلشىلەر قوعامىنىڭ بايانداماسىندا: جۇڭگونىڭ اقپارات ىستەرىنىڭ جالپى تۇلعالىق، تەكشەلىك بەتالىسى كۇن سايىن كورنەكتىلەندى دەلىنگەن.

※ۇكىمەت قىزمەتكەرىنە قابىلداۋ ەمتيحانى قاشان باستالادى؟ كوپتەگەن جەر جۇقپالى اۋرۋدان ساقتانۋ-تىزگىندەۋ جاعدايىنا نەگىزدەلىپ تۇجىرىم جاسايتىندىعىن ايتتى.

※شاڭحايدا جۇقپالى اۋرۋ تارالۋ جاعدايى ءونىمدى تىزگىندەلىپ، قالىپتى ءوندىرىس، تۇرمىس ءتارتىبى ءۇش ساتىعا ءبولىنىپ قالپىنا كەلتىرىلدى. 

※بەيجيڭ رايونىنىڭ الدىڭعى جارىم جىلداعى اعىلشىن ءتىلى 4-، 6-دارەجەلى اۋىزشا ەمتيحانىنىڭ ۋاقىتى 9-ايدىڭ 3،-4-كۇندەرىنە دەيىن ۇزارتىلدى.

※چاۋشياندا ىندەت جۇقتىرعاندار تىڭنان 393 مىڭ ادام كوبەيدى، ساياسي بيۋرو شۇعىل كەڭەس ماجىلىسىندە جۇقپالى اۋرۋدىڭ الدىن الۋ ماسەلەسىن تالقىلادى. 4-ايدىڭ اياعىنان 5-ايدىڭ 15-كۇنىنە دەيىن بۇكىل ەل بويىنشا ءبىر ميلليون 214 مىڭ ادام قىزىپ اۋىرعان، مۇنىڭ ىشىندە 649 مىڭ ادام ساۋىقتى.

※پاكىستاننىڭ كاراچي قالاسىندا تاعى دا قوپارىلىس تۋىلىپ، پاكيستان زۇڭليى حاۋىپسىزدىكتى پارمەندى قامتاماسىزداندىرۋعا بۇيرىق ءتۇسىردى. 

※شۆەتسيانىڭ باس ءۋازىرى اندەرسون بىلاي دەدى: پارلامەنت تالقىلاۋ ارقىلى شۆەتسيا ۇكىمەتى ناتوعا كىرۋگە ءوتىنىش بەرەتىن بولدى. 

※حانگونىڭ بۇرىنعى«چيڭۋاتاي» دەپ اتالاتىن پرەزيدەنت سارايىنىڭ اتى «حالىق سارايى» دەپ وزگەرتىلدى.

※افعانستانداعى تاليبان قارۋلى ۇيىمى 150 مىڭ تۇراقتى ارميا قۇردى، كيىم-كەشەك ۇلگىسى ءالى تۇراقتانبادى.

※انگليانىڭ بۇرىنعى باس ءۋازىرى ساتچەر حانىمنىڭ ءمۇسىنى اتا مەكەنىندە ورناتىلىپ جۇرتقا كورسەتىلگەننەن كەيىن كەيبىر جەرگىلىكتى تۇرعىندار مۇسىنگە جۇمىرتقا لاقتىرىپ نارازىلىق بىلدىرگەن. 

※رەسەي مەدياسى مىنانى حابارلادى: ا ق ش-نىڭ بۇرىنعى پرەزيدەنتى ترامپ تەسلا سەرىكتىگىنىڭ باس اتقارۋشى ءمانساپتىسى يلون ماسىكتىڭ ا ق ش-نىڭ تۋيتەر سەرىكتىگىن ساتىپ الۋىن كەلەكە ەتتى، سونداي-اق وسى ميلليونەردىڭ تۋيتەر تەكشەسىنە قايتا ورالۋى جونىندەگى ۇسىنىسىنان تاعى دا باس تارتقان.

※ءبىر ايەل رۋحاني اۋرۋى قوزعالعان كەزدە توراپ شولپانىنا 150 مىڭ يۋان قارجى اتاعان، وسى تەكشەنىڭ ۇستىنەن ارىز ايتىلعاننان كەيىن يەسىنە 100 مىڭ يۋان قايتارىلدى. 

※جىجياڭ ولكەسى پيڭياڭ اۋدانىنداعى ءبىر شاعىن رايونىنىڭ توك جولىن جوندەۋ جۇمىسشىنىڭ ءبىرقانشا كەزبە مىسىقتى ءولتىرىپ تاستاعان ۋاقيعاسىنا ساقشى جاق ارالاستى. 

※انحۇي جاراتىلىستىق عىلىمدار داشۋەسى كوپتەگەن وقۋشىنىڭ تاماقتانعاننان كەيىن ءىشى ءوتىپ اۋىرعان كەلەڭسىز جاعدايعا اڭىس قايتارىپ، ىسكە قاتىستى اسحانا جابىلدى،-دەدى. 

※شي-ان قالاسىندا جەر استى سۋ ىعىستىرۋ قۇبىرىنا ءتۇسىپ كەتكەن 3 جاستاعى ۇل بالانىڭ دەرەكسىز كەتكەنىنە 80 ساعاتتان اسىپ، ىزدەۋ-قۇتقارۋ كولەمى ۋيحى وزەنىنە دەيىن كەڭەيدى. 

※گۋاڭجوۋداعى ءبىر ايەل قايتىس بولعان شەشەسىنىڭ قول تەلەفون ءنومىرىن كۇشىنەن قالدىرماقشى بولعاندا قاتىستى ورىن تەلەفون يەسىنىڭ ءوزى كەلىپ ءبىتىرۋىن ايتىپ ورىنسىز تالاپ قويعان.

※حىبي ولكەسىنىڭ يانجياۋ كوركەيتۋ رايونىنداعى ءبىر شاعىن الەۋمەتتىك اۋماقتا جويقىن قوپارىلىس داۋىسى شىعىپ، عيماراتتىڭ تامدارى جارىلىپ، تەرەزە اينەكتەرى سىنىپ كۇل پارشاسى شىقتى.

※سىچۋان ولكەسىنىڭ چىڭدۋ قالاسىنىڭ اسپانىندا «قارا ءتۇستى شەڭبەر» پايدا بولىپ عاجايىپ كورىنىس قالىپتاستىرعان. ۇكىمەت جاق: ەلەكتر جابدىقتارىنىڭ كىناراتىنان تۋىلعان دەپ اڭىس قايتاردى. 

※ شىنجىن قالاسىندا ءبىر ادام ءورت ءسوندىرۋشىنىڭ اتىن جامىلىپ، جالعان كۋرس ۇيىمداستىرىپ، ءورت ءوشىرۋ اسپاپتارىن ساتقان.بۇل ءىستى قوعام حاۋىپسىزدىگى مەكەمەسى تەكسەرۋگە الدى.

※تەڭىز قايراڭىندا توقتاتىلعان اۆتوموبيلدى تولقىن كومىپ كەتكەن، سوت مەكەمەسى تولقىننىڭ كوتەرىلەتىن مەزگىلىن بولجاۋعا كەلەدى دەپ قامسىزداندىرۋ سەرىكتىگىنىڭ تولەم بەرۋدەن باس تارتۋىن قولدادى.

※ءوز كولىگىمەن ساياحاتتاۋشى كولىك تەرەزەسىن اشىپ جەم بەرمەكشى بولعاندا ايۋدىڭ شابۋىلىنا ۇشىراۋعا شاق قالعان، جابايى حايۋاناتتار باقشاسى: ومىرمەن ويناۋعا بولمايدى ،-دەدى.

※بەيجيڭ سىماتاي ۇلى قورعانىنىڭ ايباتتى كەشكى كورىنىسى مەن دوڭگەلەنگەن تۇنىق اي جاراسىم تاۋىپ كوز جاۋىن الدى.

※جاپونيانىڭ باتىس بولەگى مەن گىشان اۋدانىنداعى ورماندى القاپتا «جاسىل ساڭىراۋقۇلاق» پايدا بولدى.بۇل قاراڭعىدا جاپ-جاسىل ساۋلە شاشىپ، ادامداردى بەينە ەرتەگى الەمىنە ەنگەندەي كۇيگە بولەيدى.

※ جارىم جاسىندا ويلاماعان جەردەن ەستۋ قۋاتىنان ايرىلعان جياڭ مىڭنان كىشكەنتاي كەزىنەن باستاپ اكە-شەشەسىنىڭ كومەگىمەن جانە ءوزىنىڭ ەرەن قۇلشىسىنى، قاجىماس قايراتىمەن ءومىردىڭ ورىنەن كورىنىپ، چيڭحۋا ۋنيۆەرسيتەتىنىڭ دوكتورانتى بولدى.

※رەسەيدىڭ پرەزيدەنتى پۋتين 5-ايدىڭ 16-كۇنى بىلاي دەدى: رەسەيدىڭ فينلانديامەن جانە شۆەتسيامەن قايشىلىعى جوق، سوندىقتان فينلانديا مەن شۆەتسيانىڭ ناتوعا كىرۋى رەسەيگە تىكەلەي حاۋىپ توندىرمەيدى. 

来源：中央广播电视总台

播音：阿尔达克

微信制作：达吾力