ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

بالاسى اناسىنىڭ 120000 يۋان وپەراتسيا قاراجاتىن قايدا ىستەتكەن؟

来源:央广网     |责编:达吾力别克|     发布日期: 2022-06-23 10:01

 

تولىقسىز ەكىنشى جىلدىقتا وقيتىن بالاسى اناسىنىڭ 120 مىڭ يۋان وپەراتسيا اقىسىن ىستەتىپ جىبەرگەن

جاقىندا، حىبەي ولكەسىنىڭ باۋديڭ قالاسىندا مىناداي ءىس تۋىلعان.

 

 قىستاق تۇرعىنى لي مىرزا، ءوزىنىڭ بالاسىنىڭ وزدەرى بەيحابار جاعدايدا، 120 مىڭ يۋانعا ەلەكتروندىق ويىنشىق ەسەبات ءنومىرى، قولفون، كيىم-كەشەك سياقتىلاردى ساتىپ العاندىعىن، ءارى، بۇل اقشانىڭ جۇبايىنىڭ بەلىنە وپەراتسيا جاساتۋ ءۇشىن دايارلاعان اقشا ەكەندىگىن ايتىپ، ساقشىعا مالىمدەگەن.

حالىق ساقشىلارى بىلاي دەدى: «تولىقسىز ەكىنشى جىلدىقتا وقىپ جاتقان بالالار وپالى بولۋ دەگەندى ونشا ءبىلىپ كەتپەيدى، ءىس تۋىلعاننان كەيىن، ساقشى جاق زات ساتىپ الۋ سايتىنىڭ الارماندارعا قىزمەت وتەۋشىسىمەن بايلانىس جاساپ، زات ساتىپ الۋشىنىڭ ازامات جاسىنا تولماعان بالا ەكەندىگىن ۇقتىردى. كوپ كۇن، الدە نەشە رەت راقايلاستىرۋ ارقىلى، زات ساتىپ الۋ سايتى قولفون سياقتى پايدالانعاننان كەيىن، اقشاسىن قايتارۋعا بولمايتىن بۇيىمداردان باسقا، ەلەكتروندىق ويىنعا تولەگەن اقشانى ءبىر-بىرلەپ قايتاردى، قازىرگە دەيىن 60 مىڭ يۋانىن قايتاردى».

 

توراپتاستار بىلاي دەپ قارادى: ەگەر، اتا-انالار بالاسىنا دۇرىس تاربيە  بەرمەسە، زاردابى اۋىر بولادى.

ال، كەيبىرەۋلەر بۇل استە وپاسىزدىق جاساعاندىق ەمەس، قايتا تەكسىزدىك دەستى.

جاقىنعى جىلداردان بەرى قاراي، كەيبىر ازامات جاسىنا تولماعان جاس وسپىرىمدەر ەلەكتروندىق ويىنعا اقشا تولەۋ جانە توراپتان زات ساتىپ الۋ سەبەپتى اتا-اناسىنىڭ تابان ەت، ماڭداي تەرىمەن كەلگەن اقشانى ىستەتىپ تاستاۋ جاعدايى كوپتەپ ءجۇز بەرگەن. اناسىن ەمدەتۋ ءۇشىن ىستەتكەلى وتىرعان اقشانى، ءوز بىلگەنىنشە توگىپ-شاشۋ اناسىن ولىمگە يتەرگەنمەن بىردەي ءىس.

 

الۋان ءتۇرلى ينفورماتسياعا تولى توراپ دۇنيەسىنە كىرگەننەن كەيىن، دۇرىس جەتەكشىلىك ەتۋ بولماسا، جاس وسپىرىمدەر ءوزىنىڭ نە ىستەپ وتىرعانىن بىلمەي، ۇلكەن قاتەلىك وتكىزىپ قويادى. ەگەر، اتا-انا بولعان ادام بالانى باسقارۋعا ءسال قاراپ، ءوزىنىڭ قۇپيا سيفرىن ازاماتتىق ىستەر قابىلەتى شەكتەۋلى بالاعا ايتىپ بەرەتىن بولسا، وندا، ءىستىڭ ۇلكەنى شىقتى دەي بەرىڭىز. 

 

تەلەفوننىڭ بەتىن ساۋساقپەن ءتۇرتىپ قانا اقشا جوتكەي بەرۋگە بولاتىندىقتان، ەرەسەك ادامداردىڭ ءوزى اقشاسىن قالاي ىستەتىپ تاستاعانىن بىلمەي قالادى، ال، كوپ ءىستى تۇسىنە بەرمەيتىن بالاعا، ءتىپتى، اقشا ىستەتپەگەن سياقتى سەزىنەدى، اقشا ىستەتۋگە كەلگەندە قولىن تارتۋ دەگەندى استە بىلمەيدى.

 

بالاسى اتا-اناسىنىڭ جيعان-تەرگەنىن سۋشا توگىپ-شاشقان جاعدايدا، ودان پايدا كورىپ وتىرعان زات ساتىپ الۋ سايتتارى ەشتەمەنى بىلمەگەندەي كوزىن جۇمىپ وتىرا بەرسە بولمايدى. 

 

قالىپتان تىس كوپ مولشەردە اقشا تۇتىنۋعا قاراتا، بەلگىلى دارەجەدە شەك قويۋ جانە ەسكەرتۋ جاساۋ مەحانيزمى بولۋ كەرەك، مىنە بۇل، تولىمدىلىعى بار سايتتاردىڭ موينىنا الۋعا ءتيىستى قوعامدىق جاۋاپكەرشىلىگى.

 

«اكەسى تاپسام دەيدى، بالاسى شاشسام دەيدى» دەگەن ءتامسىل بار. كىشكەنە بالالار اتا-اناسىنىڭ تىرلىك ءۇشىن قانشالىق جاپا-ماشاقات تارتاتىنىن بىلمەيدى، ولار زاتتىق دۇنيەنىڭ ەلىكتىرۋىن پارىق ەتە المايدى جانە ودان ءوز بويىن اۋلاققا سالا المايدى دا، ءبارىن ساتىپ الىپ، كوڭىلىندەگىدەي تۇرمىسقا كەنەلۋدى ويلايدى، ءسويتىپ، اقشانىڭ قالاي ىستەتىلىپ كەتكەنىن بىلمەي قالادى، ال، شىنايى تۇرمىسىندا ەشقانداي وزگەرىس بولمايدى. 

 

بالا ايتەۋ ءبىر ەرجەتەدى، ءبىر ادام شىنايى ەسەيىپ-ەرجەتىپ، ءوزىمنىڭ ارمانداعان تۇرمىسىما قول جەتكىزەمىن دەيدى ەكەن، ەڭ اۋەلى اتا-اناعا يەك ارتىپ الماۋ كەرەك ەكەنىن ءتۇسىنۋ كەرەك. 

 

اتا-انا وزىندە بارىن ۇرپاعىنان ەشقاشان ايامايدى، ال، بالا اتا-اناعا وپالى بولۋ دەگەننىڭ نە ەكەنىن تۇسىنبەسە دە، اتا-اناعا بورىشتى ەكەندىگىن، ەڭبەك ەتپەي بولمايتىندىعىن ءبىلۋى كەرەك.

 

اتا-انا ۇرپاعىنا قانداي كۇيىنە بىلسە، بالا دا اتا-اناعا سونداي كۇيىنە ءبىلۋى ءتيىس.

 

لەبىز قالدىرۋ رايونىنا لەبىز قالدىرىڭىز: ءسىز دە بالا كەزىڭىزدە، اتا-اناڭىزدىڭ تارتقان جاپاسىن ەرجەتكەن سوڭ بارىپ ءبىلىپ، ولارعا دەگەن كۇيىنۋ سەزىمى ويانعان با ەدى؟ 

 

اۋدارعان: اناربەك ءابىلماجىن ۇلى

 

中央广播电视总台 央广网 版权所有

بالاسى اناسىنىڭ 120000 يۋان وپەراتسيا قاراجاتىن قايدا ىستەتكەن؟

تولىقسىز ەكىنشى جىلدىقتا وقيتىن بالاسى اناسىنىڭ 120 مىڭ يۋان وپەراتسيا اقىسىن ىستەتىپ جىبەرگەن