ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

حاۋىپ-قاتەرى تومەن رايونداعىلار تىكە جۇرە بەرەتىن بولدى

来源:央广网     |责编:达吾力别克|     发布日期: 2022-06-23 10:02

 

حاۋىپ-قاتەرى تومەن رايونداعى ادامدار تىكە جۇرە بەرەتىن بولدى، بۇكىل ەلدەگى كوپتەگەن جەر حاۋىپ-قاتەرى تومەن رايوننان كەلگەن ادامنىڭ نۋكلەين قىشقىلىن تەكسەرتۋ انىقتاماسىن تەكسەرمەيدى

ءتىلشىنىڭ حابار-وشاردى جيناقتاۋ بارىسىندا بايقاۋىنشا، جياڭشي ولكەسى، انحۇي ولكەسىنىڭ حىفي قالاسى قاتارلى كوپتەگەن جەر حاۋىپ-قاتەرى تومەن رايونداعى ادامنىڭ نۋكلەين قىشقىلىن تەكسەرۋ انىقتاماسىن تەكسەرۋدى كۇشىنەن قالدىرعان، حاۋىپ-قاتەرى تومەن رايونداعى ادامنىڭ تىكە جۇرە بەرۋىنە بولادى ەكەن. 

 

جياڭسۋ ولكەسى جوعارى قارقىندى تاس جولدا جولاۋشى، جۇك تاسىمال كولىگىنىڭ نۋكلەين قىشقىلىن تەكسەرمەيدى

جياڭسۋ ولكەلىك قاتىناس-تاسىمال ۋيچات الەۋمەتتىك ءنومىرىنىڭ 6-ايدىڭ 3-كۇنگى حابارىنا قاراعاندا، جياڭسۋ ولكەسى حاۋىپ-قاتەرى تومەن رايونداعى جولاۋشى، جۇك تاسىمال كولىكتەرى مەن ادامعا قاراتا، بۇكىل ولكەنىڭ جەر-جەرى اۋرۋدىڭ الدىن الۋ تۇرعىسىنداعى قاتىناۋ شەكتەمەسىن جاپپاي كۇشىنەن قالدىرعان، جوعارى قارقىندى تاس جولدىڭ شىعار اۋزىندا 48 ساعات ىشىندە نۋكلەين قىشقىلىن تەكسەرتۋ انىقتاماسىن تەكسەرمەي-اق تەز ارادا قويا بەرۋدى ىسكە اسىرعان.

 

جياڭشي ولكەسى حاۋىپ-قاتەرى تومەن رايونداعى ادامنىڭ نۋكلەين قىشقىلىن تەكسەرتۋ انىقتاماسىن تەكسەرمەيدى، اۋاشالامايدى

6-ايدىڭ 2-كۇنى، جياڭشي ولكەلىك پارتكوم كەڭسە ىستەرى مەڭگەرمەسى، ولكەلىك ۇكىمەت كەڭسە ىستەرى مەڭگەرمەسى «جۇقپالى ىندەتتەن ساقتانۋ جانە ونى تىزگىندەۋ شارالارىن رەتتەۋ جونىندەگى شۇعىل ۇقتىرۋدى» باسىپ تاراتىپ، حاۋىپ-قاتەرى تومەن رايون مەن جەرگىلىكتى ورىندا ىندەت شىقپاعان اۋدان (قالا، رايون) اراسىنداعى ادامدار (ءار ءتۇرلى مەكتەپتەگى وقۋشىنى قامتيدى) ەركىن، ءتارتىپتى جۇرە بەرۋىنە بولادى، نۋكلەين قىشقىلىن تەكسەرتۋى بولىمسىز بولۋ انىقتاماسىن ەندىگارى تەكسەرمەيدى، ۇشاقتان تۇسكەن جولاۋشىلاردىڭ نۋكلەين قىشقىلىن ەندىگارى تەكسەرمەيدى، دەنساۋلىق اقاۋسىزدىق ەكىلىك سيفرى «سۇرى ءتۇستى»، «سارى ءتۇستى» بولسا، اۋاشالاپ باسقارۋ، مەڭگەرۋگە المايدى، تەك دەنساۋلىق اقاۋسىزدىق ەكىلىك سيفرىن جايمالاتۋ، دەنە تەمپەراتۋراسىن ولشەۋدەي ۇدايىلانعان ساقتانۋ، تىزگىندەۋ شارالارىن عانا اتقارادى. 

 

انحۇي ولكەسىنىڭ حىفەي قالاسى حاۋىپ-قاتەرى تومەن رايوندا نۋكلەين قىشقىلىن ەندىگارى تەكسەرمەيدى

6-ايدىڭ 19-كۇنى، انحۇي ولكەسىنىڭ حىفي قالاسى جۇقپالى ىندەتتەن ساقتانۋ جانە ونى تىزگىندەۋدى ۇدايىلاندىرۋ، ساپالىلاندىرۋ جونىندەگى قاتىستى قىزمەت ورنالاستىرۋىن دەرەۋ اتقارۋدى جاريالادى، مۇندا بىلاي دەپ اتاپ كورسەتىلدى: حىفي قالاسىنداعى ءتۇرلى قاتىناس وتكەلىندە «حاۋىپ-قاتەرى تومەن رايوننان كەلگەن (قايتقان) حىفيلىقتار» جانە «حاۋىپ-قاتەرى ورتا، جوعارى رايون مەن باسقا دا ىندەتكە ساياتىن رايوننان كەلگەن (قايتقان) حىفيلىقتار» وتەتىن وتكەل سىندى ەكى ءتۇرلى ارنا بار. حاۋىپ-قاتەرى تومەن رايوننان كەلگەن (قايتقان) حىفيلىقتار ارناسىندا 48 ساعات ىشىندە نۋكلەين قىشقىلىن تەكسەرتۋى بولىمسىز بولۋ انىقتاماسى تەكسەرىلمەيدى، نۋكلەين قىشقىلىن تەكسەرۋ ۇلگىسى الىنبايدى، تىكە جۇرە بەرۋىنە بولادى. 

 

شاندۇڭ ولكەسىنىڭ دىجوۋ قالاسى كينو-تەاترحانادا كينو كورۋشىلەردىڭ نۋكلەين قىشقىلىن تەكسەرۋدى كۇشىنەن قالدىردى

6-ايدىڭ 15-كۇنى، شاندۇڭ ولكەسىنىڭ دىجوۋ قالاسى «جۇقپالى ىندەتتەن ساقتانۋ جانە ونى تىزگىندەۋگە قاتىستى ساياساتتى رەتتەۋ جونىندەگى حابارلاندىرۋدى» جاريالادى، كينو-تەاترحانادا كينو كورۋشىلەردەن «48 ساعات ىشىندە نۋكلەين قىشقىلىن تەكسەرتۋى بولىمسىز بولۋ انىقتاماسىن» كورسەتۋدى ەندىگارى تالاپ ەتپەيتىن بولدى. 

 

گۋاڭدۇڭ ولكەسىنىڭ حۇيجوۋ قالاسى اۋەجاي، پويەز بەكەتى قاتارلى ورىندا نۋكلەين قىشقىلىن تەكسەرمەيدى

«حۇيجوۋ تەلەۆيزيا ستانسياسى» ۋيچات الەۋمەتتىك ءنومىرىنىڭ حابارىنا قاراعاندا، 6-ايدىڭ 10-كۇنىنەن باستاپ، قالالىق جۇقپالى اۋرۋلاردان ساقتانۋعا جانە ونى تىزگىندەۋگە قاتىستى تاراۋلاردىڭ قىزمەت ورنالاستىرۋى بويىنشا، حۇيجوۋ قالالىق اۋەجاي، پويەز بەكەتى جانە اۆتوبۋز بەكەتى قاتارلى بەكەتتە جولاۋشىلاردان 48 ساعات ىشىندە نۋكلەين قىشقىلىن تەكسەرتۋى بولىمسىز بولۋ انىقتاماسىن كورسەتۋدى ەندىگارى تالاپ ەتپەيتىن بولعان. 

 

يۇننان ولكەسىنىڭ ۋىنشان قالاسى حاۋىپ-قاتەرى تومەن رايوننان ۇشاق ارقىلى كەلگەن جولاۋشىلاردىڭ نۋكلەين قىشقىلىن ەندىگارى تەكسەرمەيدى

6-ايدىڭ 17-كۇنى، ۋىنشان قالاسى ەڭ جاڭا حابارلاندىرۋ جاريالادى، حاۋىپ-قاتەرى تومەن رايوننان كەلگەن (قايتقان) ۋىنشاندىقتاردىڭ 48 ساعات ىشىندە نۋكلەين قىشقىلىن تەكسەرتۋى بولىمسىز بولۋ انىقتاماسىن تەكسەرمەيدى، ۇشاقتان تۇسكەن جولاۋشىلاردىڭ نۋكلەين قىشقىلىن ەندىگارى تەكسەرمەيدى. يۇنناننىڭ دەنساۋلىق اقاۋسىزدىق ەكىلىك سيفرىن، حابارلاسۋ ساپار كارتچكاسىن تەكسەرەدى جانە دەنە تەمپەراتۋراسىن ولشەيدى، مۇنىڭ بارىندە قالىپسىز جاعداي بايقالماسا، جۇرە بەرۋىنە بولادى.  

 

اۋدارعان: ساعىنبەك رابات ۇلى

 

中央广播电视总台 央广网 版权所有

حاۋىپ-قاتەرى تومەن رايونداعىلار تىكە جۇرە بەرەتىن بولدى

حاۋىپ-قاتەرى تومەن رايونداعى ادامدار تىكە جۇرە بەرەتىن بولدى، بۇكىل ەلدەگى كوپتەگەن جەر حاۋىپ-قاتەرى تومەن رايوننان كەلگەن ادامنىڭ نۋكلەين قىشقىلىن تەكسەرتۋ انىقتاماسىن تەكسەرمەيدى