اۋىلعا قايتىپ ديقان-مالشى بولۋدا وڭاي شارۋا ەمەس
اۋىلعا قايتىپ ديقان-مالشى بولۋدا وڭاي شارۋا ەمەس
اۋىلدىڭ تىم-تىرىستىعىن اڭسادىڭىز با؟
جۇمىس ىزدەۋشىلەر جۇمىس ورنىنان باعى جانباسا، اينالىسار شارۋانى ءوزى تابادى. بالكىم، «قيىن قىلعاندا، ۇيگە قايتىپ، ەگىنىمدى سالىپ، اتىزىمدى جىرتارمىن»، -دەپ ءوز كوڭىلىن ءوزى اۋلايتىنداردا بار شىعار.
مۇندا كىرىس از، شىعىن كوپ بولاتىن جاعداي تاعى مەنمۇندالايدى. وسىندايدا تاعى اق سامايلى انالارى بالالارىنىڭ كوڭىلىن جۇباتىپ: «ەشتەڭە ەتپەيدى، ءجونى كەلمەسە، ۇيگە قايتىپ، ەگىنىڭدى سالارسىڭ، اشتان ءولىپ، كوشتەن قالمايسىڭ»، -دەيتىن دە شىعار.
اۋىلعا قايتىپ ەگىن سالۋ قالادا جۇمىس ىزدەگەن كوپتەگەن ادامداردىڭ تابانىنان تاۋسىلعاندا ەڭ سوڭعى تاماق تاۋىپ جەيتىن ورنىنا اينالدى.
تالىقپاۋ ماقساتى قايدان كەلەدى؟
راسىندا ەگىن سالعىسى كەلە مە؟
بالكىم، ولار سولبىر كەزدەردەگى شوپان جىرىندا جىرلانعان اۋىل تۇرمىسىن اڭسايتىن بولار.
اۋىل تۇرمىسى رەال جاعدايداعى ءبىر ءتۇرلى جاراسىمدى بەينە.
ادامدار قىسىمنان شارشاپ، قاجىعان كەزدەردە، باسقا جەرلەرگە بارىپ، تاعى ءبىر ءتۇرلى تۇرمىس تاسىلىمەن شۇعىلدانىپ، موينىن بوساتىپ، كوڭىلىن سەرگىتۋدى قيالدايتىن بولار.
مىسالى، تەڭىزگە جاناسقان ۇيلەر بولسىن، تاۋ قويناۋىنداعى كۇركەشەلەر بولسىن، اۋىلدىڭ دارالىعىن ۇناتپايتىن پەندە جوق. مىنە بۇل نە كەمشىل بولسا، سونى اڭساۋ دەگەن ءسوز.
ءار كۇنگى جۇمىستىڭ ريتىمدى جۇرىسىنەن، كوشە اۆتوبۋزىن توسىپ، كۇننىڭ تاڭعى شاپاعىمەن بىرگە جارىسا جۇمىسقا كىرىسپ، كۇن قىزارىپ باتقانشا تىنىم تاپپايتىن كۇندەردەن جالىعىپ، ۋاقىت شەكتەمەلىگىنىڭ قىسىمىنان باس اۋىرىپ، بۇگىنگى جۇمىستى ەرتەڭ تىندىراتىن ەركىندىكتى اڭساعانداردا؛ ادامدار اراسىنداعى كۇردەلى قارىم-قاتىناستىڭ ىشكى ءيتىس-تارتىسىنان ابدەن مەزى بولىپ، بەي-جاي جاتقان اۋىلدىڭ بەينەسىن اڭساعانداردا بار شىعار.ءيا، قاربالاستىققا تولى قالا تۇرمىسىمەن سالىستىرعاندا اۋىل تۇرمىسىنىڭ ريتىمى جايلى.
اۋىل تۇرمىسى كوپتەگەن ادامداردىڭ بالالىق شاعىنداعى تاماشا ەستەمەلەرىن ەسىنە ورالتىپ، تابيعي تۇردە اۋىلعا جاقىنداستىرادى.
مىسالى، اۋىلدا ەرجەتكەن بالالار قىرمان باسىندا، تاۋدا جۇمىس ىستەپ، اۋىل كەشىرمەلەرىن باستارىنان وتكەرەدى، بالكىم، سول كەزدەردە شارشاعاندى بىلمەيتىن بولار. ال قازىر سول شاقتاردىڭ ەشتەڭەگە باس اۋىرتپايتىن، قام-قايعىسىز شاق ەكەنىن ويلايسىڭ.
وتىن-سۋ، ىشەر اسىڭ دايىن بولىپ، تابيعاتتىڭ قۇشاعىندا دەنساۋلىقتى كۇتىمدەپ، تاۋ-وزەندەردى ەمىن-ەركىن كەزىپ، رەالدىقپەن تۇرمىس كەشىپ، رومانتيكالى جۇرۋدەن ارتىق راحات جوق شىعار-اۋ.
اۋىل تۇرمىسىندا ادامداردىڭ جاندى تۇرمىس مازمۇنى قامتىلىپ جاتادى. مىسالى، ديقاندار سالقىن ۇيلەردە ەگىندەرىن سالىپ، قىرماندارىن ارالاپ، سامال جەلمەن تەربەلگەن اعاشتاردىڭ اراسىندا، جايقالعان اتىزداردا كولەڭكەلەي وتىرىپ اڭگىمە دۇكەنىن قۇرادى. مىنە وسىنداي جىم-جىرت اۋىلدىڭ قاراپايىم تۇرمىسى كوپتەگەن ادامداردىڭ كوڭىل كوكجيەگىنە ورناپ، باي باقىتتىلىقتى ءبىلدىرىپ جاتادى.
ەگىن ەگىلىپ، جيىن-تەرىن بولىپ تا جاتاتىن شىعار؟
ارمان بولعاندا عانا قاجەت بولادى، اۋىل تۇرمىسىنىڭ كوڭىلدى سەرپىلتەتىن ءلاززاتى بارلىق ادامدى قاناعاتتاندىرادى.
ەسىك الدىنداعى كوكونىس تاقتاسىنىڭ دابىراسى بارلىعىن باۋراپ، كوكونىستىڭ ساتىلۋى بازار يەلەپ، سوڭىنان جەكە مەديالار ەگىن سالۋ حيكاياسىن دالمە-ءدال تاۋىپ بايانداپ، اۋىلدىڭ بەينەسىن كارتينالايدى.
جازعى جيىن-تەرىن مەزگىلىندە، اتىزدا سارى ءبيداي جايقالعاندا، قىرمىزى قىزدار مەن سەرى جىگىتتەر اتىز باسىن كورىكتى دە اسەرلى تۇسكە بولەيدى. قىرمان باسىندا، ەگىس اتىزىندا ولار جاڭا پىسقان جەمىس-جيدەكتەردى ءۇزىپ، ءبىر كۇن ەڭبەكتەنىپ، كەشتە حوش ءيىسى مۇرىن جارعان كەشكى اسقا وتىرادى. اۋىل تۇرمىسى راسىندا راحات.
قازىر، اۋىل-قىستاقتىڭ بەت-بەينەسىندە وراسان زور وزگەرىستەر تۋىلدى، نەگىزدىك قۇرىلعىلاردان قونىستانۋ ورتاسىنا دەيىن، كوپتەگەن اۋىل-قىستاقتارداعى تۇرعىندار تاماشا تۇرمىستى باستان كەشىردى. سونىمەن بىرگە، اۋىل-قىستاقتاردان ءالى دە زور دامۋ كەڭىستىگىن بايقاۋعا بولادى.
كەيبىرەۋلەر تىكە تاراتىلىم، قىسقا كەسكىن جاساعاندا، قابىلداۋشىلاردىڭ كوڭىلىنە ۇناۋدى نىسانا ەتىپ، تەك توقۋ ونەرى ارقىلى ادامداردىڭ اۋىل-قىستاققا بولعان تاماشا قيالىن بەينەلەپ، جانكۇيەرلەر مەن اينالىم مولشەرىن باۋرايدى.
ءيا، ەگەر وسىلار اينالىم مولشەرىن قاجەت ەتكەن بولسا، ءبىز كوركەمدىكتى قاجەتسىنۋىمىز مۇمكىن، مىنە وسىلايشا ەكى جاقتىڭ ءوزارا قاناعاتتانۋى اۋىل تۇرمىسىنىڭ كوركەمدىگى مەن تاماشا قيالدى اسىرەلەيدى، سونىمەن ديقانداردىڭ ەگىس باسىنداعى جاپالى ەڭبەگى مەن بۇلجىماس كۇندەرى ەلەۋسىز قالادى.
مىنە وسىنداي اۋىل-قىستاق دامۋىنداعى كىلتەڭ ماسەلەلەردى كورمەسكە سالۋ، ەستىمەگەن كىسىمسۋ ءبىر ءتۇرلى قيسىنسىزدىق تۋدىرادى.
ەگىن سالۋ وڭاي شارۋا ەمەس
ەگىن وڭايلىقپەن سالىنبايدى، تاۋ يۋانميڭ ەرتەدەن-اق ءوز باسىنان ونەگە كورسەتىپ، تاماشا اتىز جىرىن ديقاندارعا ارناعان.
ديقاندار ەگىس قاربالاستىعىندا ۋاقىتپەن جارىسا ىلگەرلەپ، ءتۇسىمدى شاپشاڭ جيناپ، دەز كەرىندە ەگەدى. ءسىز، ديقاندار ۇيقىنى سالىپ، ءتۇس اۋعاندا بارادى دەپ ويلايتىن شىعارسىز، ولاي ەمەس، اۋەلى تۇنىمەن ورىپ، تاڭ اتقانشا سۋاراتىن كەزدەردە بولادى. ءسىز، شىلدەدەگى ۋلترا كۇلگىن ساۋلەنىڭ اشتى نۇرى ديقانداردىڭ ءوڭىن قالىپتى قوڭىرقاي رەڭگە تەڭشەيدى دەپ ويلايتىن شىعارسىز، ولاي ەمەس، قاپىرىق ىستىق ولاردىڭ اجارلارىن قارايتىپ، قارا تەرگە مالشىندىرىپ، ارقالارىن كۇيدىرەدى.
ال رەالدىققا جۇگىنىپ، كىرىستى اۋىزعا الساق، ءبىر تال 6 يۋاندىق جۇگەرىدەن ديقاندار قانشا پايدا تاۋاتىنىن بىلەسىز بە؟
ارام ءشوبىن وتاۋ، تىڭايتقىش شاشۋ، سۋارۋ، ءدارى شاشۋ، اتىزدى قاراۋ سياقتى جۇمىستارعا قانشالىق قارجى قوسىلاتىنىن ەسەپتەپ كورگەن بە ەدىڭىز؟
سىزگە ءبىر مۋ ەگىستىك جەر بەرىپ، ءبىر جىل جاپاسىنا شىداپ ەكسەڭىز، ەڭ سوڭعى كىرىستە بالكىم كوڭىلدەگىدەي تاماشا ناتيجە جاراتا الماسسز.
ءبىز كوپتەگەن تالانتتى ازاماتتاردىڭ اۋىلىنا قايتىپ ەگىن سالۋىن، اۋىل-قىستاقتاعى كەڭ بايتاق جەردە دارىنىن ساۋلەلەندىرۋىن القايمىز. اۋىل-قىستاققا دارىندىلار قاجەت، جاس تالانتتى ديقانداردىڭ وزىق كوزقاراستاردى الا بارىپ، دامۋ ماسەلەسىن شەشىم ەتىپ، ديقانداردىڭ تۇرمىسى مەن اۋىل-قىستاق بەت-بەينەسىن جاقسارتۋى اۋاداي قاجەت.
ال وسى شارۋاعا بەل شەشە كىرىسە الۋ ءۇشىن تولىق دايىندىق بولۋ كەرەك، ەگىن سالۋدا تەك مەيىرىمدىلىك پەن تاجىريبە بولىپ قالماستان، تەحنيكالىق تەتىك پەن ۇزدىكسىز ۇيرەنۋدە قاجەتتى. ۇيتكەنى بۇل ماماندىعى جوعارى جۇمىستىڭ ءبىرى ەسەپتەلەدى.
قىزمەت پەن تۇرمىستىڭ قىسىمى اۋىر بولسا، اۋىلدىڭ كوركەمدىگىن ارقاۋ ەتىپ، رۋحاني جاقتان كوڭىلدى جۇباتۋعا بولادى، ءبىراق تا، «اۋىلعا قايتىپ ەگىن سالۋ» سياقتى قيالدان اۋلاق بولۋ كەرەك. «اس ىشكەن قۇدىعىڭا تۇكىرمە» دەگەندەي سولبىر توپىراقتاعى ماشاقاتپەن كەلگەن اسقا ەلەۋسىز قارامايىق.
اۋدارعان: مارالبەك ابدىكارىم ۇلى
