ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

ينفورماتسياڭىزدى شاشاتىن «ساتقىندارعا» قاتاڭ سوققى بەرەتىن بولدى

来源:央广网     |责编:达吾力别克|     发布日期: 2022-06-23 10:05

ينفورماتسياڭىزدى شاشاتىن «ساتقىندارعا» قاتاڭ سوققى بەرەتىن بولدى

 

ەڭ جوعارى حالىق پروكۋراتۋراسى ۇقتىرۋ جاريالادى: قىلمىستىق ىستەردى تەكسەرۋ مەن الەۋمەتتىك يگىلىك ارىز-شاعىمىن تەكسەرۋدى ۇشتاستىرۋدى كۇشەيتىپ، كاسىپ سالاسىنداعى «ساتقىنداردىڭ» ازاماتتاردىڭ جەكە ينفورماتسياسىن شاشۋ سىندى زاڭعا قايشى قىلمىستارىنا قاتاڭ سوققى بەرۋ كەرەك.

جۋىقتا ەڭ جوعارى حالىق پروكۋراتۋراسى «قىلمىستىق ىستەردى تەكسەرۋ مەن الەۋمەتتىك يگىلىك ارىز-شاعىمىن تەكسەرۋدى ۇشتاستىرۋدى كۇشەيتىپ، تەلەگراف، توراپ قىلمىستارىنا قاتاڭ سوققى بەرىپ، جەكەلەردىڭ ينفورماتسياسىن ءادىليالىق جاقتان قورعاۋدى كۇشەيتۋ جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەلىنەدى) باسىپ تاراتتى. ءار دارەجەلى حالىق پروكۋراتۋرا ورگاندارىنان جەكەلەردىڭ ينفورماتسياسىن قورعاۋ زاڭى سياقتى زاڭ-ەرەجەلەردىڭ ءبىر تۇتاس، دۇرىس اتقارىلۋىن بەلسەنە ىلگەرىلەتۋدى، توراپ كەڭىستىگىن جونگە سالۋعا قاتىناسىپ، قىلمىستىق ىستەردى تەكسەرۋ مەن الەۋمەتتىك يگىلىك ارىز-شاعىمىن تەكسەرۋ فۋنكتسيالارىنىڭ ۇشتاسۋىن، سايكەسۋىن كۇشەيتىپ، تۇتاس تىزبەكتى سوققى بەرۋدى، توراپتى ءبىر تۇلعالاندىرا جونگە سالۋدى جۇزەگە اسىرۋدى تالاپ ەتتى.

 

«ۇقتىرۋدا» مىنالار تالاپ ەتىلدى: كاسىپ سالاسىنداعى «ساتقىندار» ازاماتتاردىڭ جەكە ينفورماتسياسىن شاشۋ زاڭعا قايشى قىلمىستارىنا زاڭ بويىنشا قاتاڭ سوققى بەرۋ قىزمەتىن ىشكەرىلەي ورىستەتىپ، «چيڭلاڭ» جەلىلەس ارناۋلى قيمىلىنا بەلسەنە سايكەسىپ، دەلو ىستەۋدى باقىلاپ-باسقارۋدى ۇدايىلاندىرۋ جايىنداعى تيپتىك تاجىريبەلەردى توپتاۋ جونىندە ىزدەنىس جاساۋ كەرەك. نازاردى ءتۇيىندى كاسىپتەرگە، سالالارعا، ادامدار توبىنا شوعىرلاندىرا وتىرىپ، دەلونىڭ ىستەلۋ جاعدايىن باقىلاۋ كەرەك. بۇل جەكەلەردىڭ ينفورماتسياسىن، وتە-موتە، سەزىمتال ينفورماتسيالارىن كەڭ كولەمدە ءبىر جاقتى ەتەتىن، جەكەلەردىڭ ينفورماتسياسىن اشكەرەلەۋ حاۋىپ-قاتەرى وڭاي تۋىلاتىن ءتۇيىندى كاسىپ سالالارىن؛ فينانس، تەلەگراف، ينتەرنەت، جۇمىسقا ورنالاستىرۋ، قىزمەتكەر قابىلداۋ كاسىبى قاتارلىلارداعى تەلەكوممۋنيكاتسيا-توراپ الدامشىلىعى سىندى زاڭعا قايشى قىلمىس حاۋىپ-قاتەرى وڭاي تۋىلاتىن ءتۇيىندى سالالاردى؛ تەلەكوممۋنيكاتسيا-توراپ الدامشىلىعى سىندى زاڭعا قايشى قىلمىستى ارەكەتتەردىڭ زيانىنا وڭاي ۇشىرايتىن قارتتار، وقۋشىلار، ازامات جاسىنا تولماعاندار سياقتى ءتۇيىندى ادامدار توبىن قامتيدى.

 

قىلمىستىق ارەكەتتەرگە قاتاڭ سوققى بەرۋمەن بىرگە، الەۋمەتتىك يگىلىك ارىز-شاعىمىن تەكسەرۋ فۋنكتسياسىن تولىق ساۋلەلەندىرىپ، زاڭعا قايشىلىق جاساعان تۇلعالاردىڭ ازاماتتىق ىستەر جاۋاپكەرشىلىگىن زاڭ بويىنشا قۋزاستىرىپ، اكىمشىلىك ورگانداردى مىندەتىن، جاۋاپكەرشىلىگىن وتەۋگە قۋزاپ، جازالاۋ، الدىن الۋ ونىمدىلىگىن كۇشەيتۋ كەرەك.

 

«ۇقتىرۋ» مىنالاردى اتاپ كورسەتتى: قىلمىستىق ىستەردى تەكسەرۋ مەن الەۋمەتتىك يگىلىك ارىز-شاعىمىن تەكسەرۋ سەلبەستىك مەحانيزمىن كەمەلدەندىرۋ كەرەك. بۇلار دەرەكتەردى وتكىزىپ بەرۋ مەحانيزمىن، بىرلىكتە ارالاسۋ مەحانيزمىن، قىزمەتكەرلەردىڭ سەلبەستىك مەحانيزمى مەن اقىلداسىپ تۇجىرىم جاساۋ مەحانيزمىن ورناتۋ قاتارلىلاردى قامتيدى. تەلەكوممۋنيكاتسيا-توراپ الدامشىلىعى زاڭعا قايشى قىلمىستى ارەكەتتەرى مەن جەكەلىك ينفورماتسيا الەۋمەتتىك يگىلىك زيانىندا رايون اتتاعان ەرەكشەلىك جارىققا شىعۋداي جايتكە قاراتا، ءىرى ساندى مالىمەتتەرگە ەنەرگيا بەرۋدى ونان ارى كۇشەيتىپ، قىلمىس اتى، سالاسى، كاسىبى سياقتى ءتۇيىندى سوزدەر ارقىلى اۆتوماتتى ۇستاۋ جانە اقىلدىق ەسەپتەۋ تەحنيكاسى تۋرالى ىزدەنىس جاساپ، دەلو دەرەكتەرى ءونىمىنىڭ قامداۋ جاعىنا رەفورما جاساپ، كاسىپتىك جەلى اراسىنداعى ساندى مالىمەت قامالىن بۇزۋ كەرەك. وڭاي تۋىلاتىن، كوپ تۋىلاتىن زاڭعا قايشى قىلمىستى ارەكەتتەردىڭ جۇيەلىلىك، جالپىلىق، كاسىپتىك سيپات الۋى سىندى ماسەلەگە قاراتا، ولكە دارەجەلىدەن جوعارى پروكۋراتۋرالاردىڭ بىرلەسىپ بەلگى سالىپ قۋزاپ اتقارتۋىنا نەمەسە ارناۋلى وڭاۋ قيمىلىن ورىستەتۋ جونىندە ورنالاستىرۋ جاساپ، «قىلمىستىق ىستەر + الەۋمەتتىك يگىلىك ارىز-شاعىمى + تەحنيكا» فورماسىنداعى پروكۋراتۋرا، دەلو ءبىتىرۋ توبىن قۇرىپ، ءىرى، ماڭىزدى دەلولاردى شوعىرلى ءبىر جاقتى ەتۋىنە بولادى.

 

«ۇقتىرۋ» مىنالاردى تالاپ ەتتى: تەكسەرىپ دالەل-ىسپات الۋ قابىلەتىن اناعۇرلىم  جوعارىلاتىپ، قىلمىستىق ىستەرگە قوسارلانعان ازاماتتىق ىستەر الەۋمەتتىك يگىلىك ارىز-شاعىمىنىڭ ساپالىق ءونىمىن جوعارىلاتۋ كەرەك. قىلمىستىق ىستەر پروكۋراتۋرا تاراۋلارىمەن الەۋمەتتىك يگىلىك ارىز-شاعىم پروكۋراتۋرا تاراۋلارىنىڭ الدىن الا ارالاسۋىن كۇشەيتىپ، بارلاۋ بارىسىنداعى سەلبەسۋگە جەتەكشىلىك ەتۋ كەرەك. قىلمىسىن تانىعاندارعا كەڭشىلىك ەتۋ، از ۇستاۋ، ارىزدانۋدا اباي بولۋ، قاماۋدا اباي بولۋ، دەلوعا ساياتىن كاسىپورىندارعا ەرەجەگە ۇيلەسىمدى ۋادە بەرگىزۋ رەفورماسى قاتارلىلاردى بەلسەنە اتقارىپ، الەۋمەتتىك يگىلىك زيانىنىڭ ورنىن باسۋ، قالپىنا كەلتىرۋ تاسىلىندە جاڭالىق جاراتىپ، زاڭعا قايشىلىق جاساعان تۇلعالاردى الەۋمەتتىك يگىلىك زيانىن تولەۋ جاۋاپكەرشىلىگىن دەر كەزىندە ءونىمدى اتقارۋعا قۋزاۋ جانە جەتەكتەۋ كەرەك.

 

«ۇقتىرۋ» مىنالاردى باسا دارىپتەدى: توراپ كەڭىستىگى جۇيەسىن جونگە سالۋدى جانە قۋزاستىرۋدى جونگە سالۋدى اناعۇرلىم كۇشەيتۋ كەرەك. دەلو ىستەۋدى باقىلاۋمەن ۇشتاستىرا وتىرىپ، ۇقساس دەلولاردى جونگە سالۋ جاعدايىنا تالداۋ جانە تۇجىرىم جاساپ، زاڭ اتقارۋ، كاسىپتى باقىلاپ-باسقارۋ، ينفورماتسيانى جاريا ەتۋ، جان-جاقتىلى جونگە سالۋ سياقتى قىزمەتتەردەگى ماسەلەلەر مەن ولقىلىقتاردى بايقاۋعا نازار اۋدارىپ، قاتىستى تاراۋلارعا باقىلاۋ-باسقارۋدى كەمەلدەندىرۋ جونىندەگى پروكۋراتۋرالىق ۇسىنىستى دالمە-ءدال ورتاعا قويىپ، قاتىستى توراپ تەكشەلەرىنە قوعامدىق جاۋاپكەرشىلىكتى زاڭ بويىنشا اتقارۋ جونىندە پروكۋراتۋرالىق ۇسىنىس بەرۋ ۇستىندە ىزدەنىس جاساۋ كەرەك.

 

اۋدارعان: نۇرگۇل قۇمارقان قىزى

中央广播电视总台 央广网 版权所有

ينفورماتسياڭىزدى شاشاتىن «ساتقىندارعا» قاتاڭ سوققى بەرەتىن بولدى

ەڭ جوعارى حالىق پروكۋراتۋراسى ۇقتىرۋ جاريالادى: قىلمىستىق ىستەردى تەكسەرۋ مەن الەۋمەتتىك يگىلىك ارىز-شاعىمىن تەكسەرۋدى ۇشتاستىرۋدى كۇشەيتىپ، كاسىپ سالاسىنداعى «ساتقىنداردىڭ» ازاماتتاردىڭ جەكە ينفورماتسياسىن شاشۋ سىندى زاڭعا قايشى قىلمىستارىنا قاتاڭ سوققى بەرۋ كەرەك.