وقۋشىلاردى كومپيۋتەر ساتىپ الۋىنا قاراي كلاسقا بولگەن ءىس انىقتالدى 

جۇڭگو ۇكىمەت تورابىنىڭ 7-ايدىڭ 4-كۇنگى حابارىندا، پۋەر قالاسىنداعى جاڭ مىرزا مەملەكەتتىك كەڭەستىڭ «ينتەرنەت + باقىلاپ تەكسەرۋ» تەكشەسى ارقىلى، سىماۋ رايوندىق 4-ورتا مەكتەبىنىڭ وقۋشىلاردى تاقتا كومپيۋتەر ساتىپ العان-الماعانىنا قاراي زەردەلى كلاس جانە ادەتتەگى كلاسقا ءبولىپ، زەردەلى كلاستاعى وقۋشىلار تاقتا كومپيۋتەر ساتىپ الۋعا 5800 يۋان ىستەتكەنىن اڭىس ەتتى. 

مەملەكەتتىك كەڭەس كەڭسەسىنىڭ باقىلاپ تەكسەرۋ كەڭسەسى قاتىستى پىكىردى تاپسىرىپ العاننان كەيىن، العاشقى ساتىدا انىقتاۋ ارقىلى، دەر كەزىندە قاتىستى جەرگىلىكتى ۇكىمەتتىڭ تەكسەرىپ ءبىر جايلى ەتۋىنە تابىستادى. يۇننان ولكەلىك ۇكىمەتى مەملەكەتتىك كەڭەس كەڭسەسى باقىلاپ تەكسەرۋ كەڭسەسىنىڭ اتقارۋعا تابىستاعان ماسەلەلەرىنىڭ دەرەگىن تاپسىرىپ العان سوڭ، دەرەۋ تەكسەرۋگە ۇيىمداستىردى. 

تەكسەرۋ ارقىلى، بۇقارا اڭىس ەتكەن جاعدايلار شىن ەكەندىگى انىقتالدى. 2020-جىلى كۇزگى وقۋ ماۋسىمىنان باستاپ، يۇننان ولكەسى پۋەر قالاسى سىماۋ رايوندىق 4-ورتا مەكتەبى تاقتا كومپيۋتەر ساتىپ الۋ-الماۋدى دالەل ەتىپ، جاڭادان 7-جىلدىققا تۇسكەن وقۋشىلاردى زەردەلى كلاس جانە ادەتتەگى كلاس دەپ ءبولىپ، 14 زەردەلى كلاستاعى 719 وقۋشىدان ءبىر داناسى 5800 يۋاندىق ولشەم بويىنشا، تاقتا كومپيۋتەر جانە سايكەستى جابدىعى مەن بايلىققا قىزمەت وتەۋىن ساتىپ الۋدى تالاپ ەتكەن. قازىرگە دەيىنگى باقىلاپ تەكسەرۋ بارىسىندا، 719 وقۋشىنىڭ ءارقايسىسى 3400 يۋاننان اقشا (مۇندا تاقتا كومپيۋتەر، سايكەستى جابدىعى مەن 1-ماۋسىمدىق بايلىققا قىزمەت وتەۋ اقىسى قامتىلعان) تاپسىرعاندىعى، جيىنى 2 ميلليون 444 مىڭ 600 يۋان اقشا العاندىعى انىقتالعان. 

جوعارىداعى ارەكەتتەر وقۋ-اعارتۋ مينيسترلىگى قاتارلى 5 تاراۋدىڭ «وقۋ-اعارتۋداعى اقى الۋدى باسقارۋدى ىشكەرلەي كۇشەيتۋ جانە ارناعا ءتۇسىرۋ جونىندەگى پىكىرىندەگى» [وقۋ-اعارتۋ، قازىنا مينيسترلىگىنىڭ (2020) 5-ءنومىرلى قۇجاتى] وقۋشىلاردى جانە اتا-انالاردى بەلگىلەنگەن وقىتۋ قوسىمشا جۇمساق بولشەكتەرىن جانە ماتەريالدارىن ساتىپ الۋعا زورلاۋعا نەمەسە ەمەۋرىن بىلدىرۋگە بولمايدى دەگەن بەلگىلەمە مەن وقۋ-اعارتۋ مينيسترلىگى قاتارلى 8 تاراۋدىڭ «وقۋ-اعارتۋداعى جىلجىمالى ينتەرنەتتەردىڭ قولدانىلۋىن ءتارتىپتى، اقاۋسىز دامىتۋدى ارناعا تۇسىرۋگە جەتەكشىلىك ەتۋ جونىندەگى پىكىردەگى» وقىتۋ، باسقارۋ قۇرالدارى رەتىندە ءبىر تۇتاس پايدالانۋ تالاپ ەتىلگەن وقۋ-اعارتۋ جىلجىمالى قولدانىمىندا وقۋشىلاردان جانە اتا-انالاردان ەشقانداي اقى الۋعا بولمايدى،-دەگەن بەلگىلەمەگە قايشى كەلىپ، وقۋشىلاردىڭ وتباسى اۋىرتپالىعىن اۋىرلاتتى. 

پۋەر قالالىق قاتىستى تاراۋلار بۇل مەكتەپتى بەلگىلەمەگە قايشى اقى الۋ ارەكەتتەرىن دەرەۋ توقتاتۋعا، زەردەلى كلاس پەن ادەتتەگى كلاسقا ءبولۋدى كۇشىنەن قالدىرۋعا بۇيىردى. بۇل مەكتەپتەگى 719 وقۋشىعا بەلگىلەمەگە قايشى الىنعان 2 ميلليون 444 مىڭ 600 يۋان اقشانى قۋزاستىرىپ قايتاردى ءارى تاقتا كومپيۋتەردى، سايكەستى جابدىقتاردى جانە وقىتۋ بايلىعىن قايتارىپ الىپ، ءبىرتۇتاس وقىتۋعا پايدالانۋعا بەردى. سونىمەن بىرگە، سىماۋ رايوندىق وقۋ-اعارتۋ مەكەمەسى بۇكىل رايوننىڭ وقۋ-اعارتۋ جۇيەسىندە ارناۋلى تاقىرىپتىق ءماجىلىس اشىپ، 4-ورتا مەكتەپتىڭ بەلگىلەمەگە قايشى ماسەلەلەرىن حابارلاندىرىپ سىن تەزىنە الىپ، بىرەۋى ارقىلى وزگەسىن تۇسپالداي وتىرىپ، بەلگىلەمەگە قايشى اقى الۋ ماسەلەلەرىن شوعىرلى تەكسەرۋ جانە جونگە سالۋ قيمىلىن ۇيىمداستىرىپ ورىستەتىپ، باقىلاۋ-باسقارۋدى اناعۇرلىم كۇشەيتتى. 

اۋدارعان: مارالبەك ابدىكارىم ۇلى 

来源：中国政府网

翻译：马然力

编辑、制作：阿依娜