ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

جازباشا ەمتيحاندا 3.17 نومىرمەن ءبىرىنشى بولىپ قابىلداندى ما

来源:央广网     |责编:阿依娜|     发布日期: 2022-08-04 10:31

جازباشا ەمتيحاندا 3.17 نومىرمەن ءبىرىنشى بولىپ قابىلداندى ما

جازباشا ەمتيحان ناتيجەسى 3.17 نومىرمەن ءبىرىنشى بولىپ قابىلدانعانى قالاي، بۇل ءىس جونىندە حابارلاندىرۋ شىقتى

8-ايدىڭ 1-كۇنى، ءبىر ءىسورىن قىزمەتكەر قابىلداعان كەزدەگى، جالپىلىق ناتيجە قۇلاقتاندىرۋى جۇرت نازارىن بىردەن وزىنە اۋداردى. 

حۋبەي ولكەسى جيانلي قالالىق ۇكىمەتتىڭ ۇكىمەت تورابىندا جاريالانعان «جيانلي قالاسىنىڭ ءىسورىندارى 2022-جىلى ءبىر تۇتاس اشىق قىزمەتكەر قابىلداۋ جالپىلىق ناتيجەسى حابارلاندىرۋىنا» ساي، جيانلي قالاسىنىڭ اۋا رايىنا جاساندى جولمەن ىقپال جاساۋ كەڭسەسىنىڭ تەحنيكالىق باسقارۋ قىزمەت ورنىنا ەمتيحان بەرگەن سۇن فاميليالى ءبىر وقۋشىنىڭ جازباشا ەمتيحان ناتيجەسى 3.17 ءنومىر، بەتپە-بەت ەمتيحان ناتيجەسى 83.76 ءنومىر بولىپ، ەڭ سوڭعى جالپىلىق ناتيجەسى 1-ورىندى يەلەگەن. ال، تاعى ءبىر وقۋشىنىڭ جازباشا ەمتيحان ناتيجەسى 54.17 ءنومىر، بەتپە-بەت ەمتيحان ناتيجەسى 0 ءنومىر، ەڭ سوڭعى جالپىلىق ناتيجەسى 2-ورىندى يەلەگەن.

 

 

تومەن ءنومىرلى وقۋشىنى قابىلداۋ ىسىنە قاراتا، 8-ايدىڭ 1-كۇنى، جيانلي قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ قىزمەتكەرى اقپارات دانەكەرى تىلشىلەرىنە: جازباشا ەمتيحاندا ەڭ تومەنگى ءنومىر شەگى بەلگىلەنبەدى، تەك ەمتيحان ناتيجەسى بولسا بولعانى دەپ جاۋاپ قايتاردى. 

8-ايدىڭ 2-كۇنى، جيانلي قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى حابارلاندىرۋ جاريالاپ بىلاي دەدى: جيانلي قالالىق ءىسورىندارىنا اشىق قىزمەتكەر قابىلداۋ باسشىلىق گرۋپپاسىنىڭ اقىلداسىپ ۇيعارۋىمەن، وسى قىزمەت ورنىندا تەك ءبىر ادام عانا بەتپە-بەت ەمتيحانعا قاتىناسقان، ونىڭ ۇستىنە جازباشا ەمتيحان ناتيجەسى تىم تومەن بولعانى ءۇشىن، سول قىزمەت ورنىنا ادام قابىلداۋ جوسپارى كۇشىنەن قالدىرىلدى. 

 

ۇعىسۋعا قاراعاندا، بۇل قىزمەت ورنىنىڭ قىزمەتكەر قابىلداۋ جوسپارى بىرەۋ عانا بولىپ، جيىنى 4 ادام اقى تاپسىرىپ ەمتيحان بەرۋگە تىزىمدەلگەن، 2 ادام ەمتيحاننان باس تارتقان، 2 ادام جازباشا ەمتيحانعا قاتىناسقان، 2 وقۋشىنىڭ جازباشا ەمتيحان ناتيجەسى بىرىكتىرىلگەننەن كەيىن، جەكە-جەكە 54.17 ءنومىر جانە 3.17 ءنومىر بولعان، تولىمدىلىعىن قايتا قاراۋ ارقىلى 2 وقۋشى بەتپە-بەت ەمتيحانعا قاتىناسۋ بۋىنىنا كىرگەن. 7-ايدىڭ 30-كۇنى، وسى قىزمەت ورنىنا جازباشا ەمتيحان ناتيجەسى 54.17 ءنومىر بولعان وقۋشى بەتپە-بەت ەمتيحانعا قاتىناسۋ تولىمدىلىعىنان ءوز ەركىمەن باس تارتىپ، تەك جازباشا ەمتيحان ناتيجەسى 3.17 ءنومىر بولعان وقۋشى عانا بەتپە-بەت ەمتيحانعا قاتىناسقان. 

 

جيانلي قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى بىلاي دەدى: توراپتاستاردىڭ اڭىس ەتكەن جاعدايىنا قاراتا جالعاستى ىشكەرىلەي تەكسەرۋ جۇرگىزەمىز، ەگەر تارتىپكە، بەلگىلەمەگە قايشى ارەكەت بايقالسا، زاڭ-ەرەجە بويىنشا قاتاڭ جاۋاپقا تارتامىز.

 

اۋدارعان: ساعىنبەك رابات ۇلى

来源:中国青年报

 

 

编辑、制作:阿依娜

      

中央广播电视总台 央广网 版权所有

جازباشا ەمتيحاندا 3.17 نومىرمەن ءبىرىنشى بولىپ قابىلداندى ما

8-ايدىڭ 1-كۇنى، ءبىر ءىسورىن قىزمەتكەر قابىلداعان كەزدەگى، جالپىلىق ناتيجە قۇلاقتاندىرۋى جۇرت نازارىن بىردەن وزىنە اۋداردى.