ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

فينانس كاسىبىندە «ەڭبەكاقىنى شەكتەۋ بۇيرىعى» شىعارىلدى

来源:央广网     |责编:古丽美热·霍孜汗|     发布日期: 2022-08-04 17:12

فينانس كاسىبىندە «ەڭبەكاقىنى شەكتەۋ بۇيرىعى» شىعارىلدى

 

قۇرمەتتى تىڭدارمان قاۋىم، بۇگىن 8-ايدىڭ 4-كۇنى بەيسەنبى، تومەندە مەملەكەتتىك جانە حالىقارالىق حابارلار توپتاماسىن تىڭدايسىزدار

مەملەكەتتىك كەڭەستىڭ تايۋان ىستەرى كەڭسەسى ساي يىڭ-ۋىننىڭ پەلوسيعا «وردەن بەرگەندىگى» جونىندە اڭىس قايتارىپ: جۇڭگو دەموكراتيانى ىلگەرىلەتۋ پارتياسى بيلەۋشىلەرىنىڭ پەلوسيگە «وردەن بەرۋى» ساياسي ماسقارالىق،-دەدى. 

 

كەدەن باس مەكەمەسى تايۋان رايونىنان اپەلسين تەكتەس جەمىس-جيدەكتەر مەن مۇزداتىلعان بالىقتىڭ بىرنەشە ٴتۇرىن ۇلى قۇرلىققا جوتكەۋدى ۋاقىتشا توقتاتتى، تايۋانداعى جەمىس-جيدەك ساۋداگەرلەرى: تايۋان بيلەۋشىلەرى ەكى جاعا قاتىناسىن ٴبۇلدىرىپ، ساۋداگەرلەر مەن ديقانداردى زياندادى،-دەپ قاتتى ايىپتادى. 

 

مەملەكەتتىك ەلەكتر تورابى تاعى 8 ٴتۇرلى ەرەكشە جوعارى كەرنەۋلى ينجەنەريانى باستايدى، بيىل سالىنىپ جاتقان نىساندارعا قوسىلعان قارجى 1تريلليون يۋاننان استى.

 

قوعام حاۋىپسىزدىگى مينيسترلىگى مەترو الەۋمەتتىك قاتىناسىندا ايەلدەرگە پاسىقتىق ىستەۋ جايىتىنە ارناۋلى سوققى بەرۋ قيمىلىن ورىستەتىپ، زاڭعا قايشى قىلمىستاردى جەدەل تەكسەرىپ انىقتادى. 

 

وقۋ-اعارتۋ مينيسترلىگى بۇكىل ەلدەگى بالالار مەن جاس وسپىرىمدەردىڭ الىستى كورە الماۋىنان ساقتانۋ تۇڭعىش توپتاعى بازالارىن تاڭدايدى. 

 

فينانس كاسىبىندە «ەڭبەكاقىنى شەكتەۋ بۇيرىعى» شىعارىلدى، ەڭبەكاقىداعى پارىق تەجەلىپ، ەڭبەكاقى ٴبىرىنشى شەپتەگى قىزمەتكەرلەرگە بەيىمدەلەدى.

 

«تايۋاندى دەربەستەندىرۋدى» كوزدەگەن بولشەكتەۋشىلىك قيمىلمەن ۇزاق ۋاقىتتار شۇعىلدانىپ كەلگەن تايۋان قاراستىلىعىنداعى ياڭ جىيۋان مەملەكەت حاۋىپسىزدىگى ورگانى جاعىنان قىلمىستىق ىستەر بويىنشا ايداپ اكەتىلىپ، تەكسەرۋگە الىندى. 

 

چاڭشادا ەكى بالالى جانە ودان كوپ بالالى بولعان جەرگىلىكتى نوپوستاعى وتباسىلارىنا تاعى ٴبىر ٴۇي ساتىپ الۋ كورسەتكىشى بەرىلەدى. 

 

رەسەي سىرتقى ىستەر مينيسترلىگى: ەگەر ا ق ش رەسەيدى لاڭكەستىكتى قولداعان مەملەكەتتەر قاتارىنا ەنگىزسە، رەسەي ا ق ش-مەن ديپلوماتيالىق قاتىناسىن ۇزەدى،-دەدى. 

 

اق ساراي ايەلدەردىڭ شتات اتتاپ بالا ٴتۇسىرۋ ۇقىعىن قامتاماسىزداندىرۋ جونىندە بايدەننىڭ اكىمشىلىك بۇيرىققا قول قوياتىندىعىن ايتتى. 

 

كانادانىڭ زۇڭلي سارايىنا ۇلكەن اۆتوبۋز كەلىپ سوعىلعان، ٴبىر ٴتاۋىرى جارالانعان ادام جوق. 

 

دونەتسكي رايونى ايەلدەردى، بالالاردى جانە قارتتاردى الدىمەن كەتىرىپ، ٴماجبۇري كوشىرۋ شارالارىن اتقارۋدا. 

 

جاپونيانىڭ فۋكۋسيما ارالىنداعى 1-يادرو ەلەكتر ستانسياسىنىڭ يادرولىق بىلعانعان سۋدى تەڭىزگە ىعىستىرۋ جوسپارىنا قاتىستى ينجەنەريالار بۇگىن باستالدى. 

 

يندونەزياداعى كومودو مەملەكەتتىك باقشاسىنىڭ ەسىك بەلەتى 200 مىڭ يندونەزيا رۋبيىنان 3 ميلليون 750 مىڭ رۋبيعا جوعارىلاپ، بارىنشا قىمباتتادى. 

 

جياڭشيدە بالالار باقشاسىندا قولىنا قارۋ الىپ قانقۇيلىلىق ىستەپ، 3 ادامدى ٴولتىرىپ، 6 ادامدى جارالاعان ەر ادام قولعا ٴتۇستى، ساقشىلار كەزىندە ونى ۇستاپ بەرگەندەرگە 100 مىڭ يۋان سيلىق اقشا بەرمەك بولعان. 

 

چىن چۇنحۋا «وقۋ تاريحىن جالعاننان جاساۋ» كۇمانىنا جاۋاپ قايتارىپ: دوكتورلىق اتاعىم كۋالاندىرۋدان وتپەگەن،-دەدى، بەيجيڭ داشۋەسى چىن چۇنحۋانى ۇسىنىسپەن ىستەتۋ توقتامىن ٴۇزدى. 

 

گۋاڭجوۋدا ٴبىر سەرىكتىك قاريدارلارمەن بىرگە ۇيىقتايتىن كومەكشى قىزمەتكەر قابىلداماق بولعان، قىزمەت كورسەتۋشى: جاريالانعان قىزمەت ورنى تەكشەنىڭ ەرەجەسىنە ۇيلەسەدى،-دەدى. تەكشە جاق: قاتىستى جاعدايلارعا نازار اۋداردىق، قاتىستى سەرىكتىك پەن قىزمەتكەر قابىلداۋ تەكشە ٴنومىرى سول كۇنى تۇستەن كەيىن ساعات 2 دە مۇزداتىلدى،-دەدى. 

 

باس قۇراعان ٴبىر ايەل ٴبىر ۋاقىتتا 18 جىگىتپەن «ماحابباتتاسىپ»، ولارمەن ۇيلەنۋگە ۋاعدالاسىپ قانا قالماستان توي سۋرەتىنە دەيىن تۇسكەن، وسى بارىستا ولاردىڭ جيعان-تەرگەن اقشالارىن الداپ اكەتكەن، دەلوعا سايعان اقشا 2 ميلليون يۋاننان اسقان. 

 

نانجيڭدەگى ٴبىر زەرتتەۋ ورنى ماگيسترلىق وقۋ تامامداعان اماندىق ساقتاۋشى قابىلداۋ ٴۇشىن ۇقتىرۋ شىعارعاندىعىن ٴتۇسىندىرىپ: ٴوندىرىس حاۋىپسىزدىگى سياقتى جۇمىستارعا جاۋاپتى بولادى، 48 ادام ىشىنەن بىرەۋى تاڭدالادى،-دەدى. 

 

ٴبىر ٴۇيلى 5 جان ساياحاتقا شىققاندا، 12 جاستاعى بالا كولىكتى ايداپ 40 كيلومەتر جول باسقان، قاتىناس ساقشىلارى ولاردى توسىپ تەكسەرگەن كەزدە: ويىن ويناعاندا كولىكتى جاقسى جۇرگىزەتىن،-دەپ اقتالدى. 

 

«پىڭپاي اقپاراتى» حۋبەيدىڭ جيانلي قالاسىنداعى ٴبىر ەمتيحان بەرۋشىنىڭ 3.17 نومىرمەن ٴىسورىن ىشتاتىنا قابىلدانعاندىعى جونىندە ساراپتاما جاساپ: جەرگىلىكتى قاتىستى تاراۋلار ەڭ اۋەلى ەرەجەنى كۇڭگىرت بەلگىلەگەن، ونان سوڭ جاعدايدى انىق تۇسىندىرمەگەن، جاماعات پىكىرىنىڭ كۇمانىنا قالعاندا كۇرت قۇبىلىپ، قىزمەتكەر قابىلداۋ جوسپارىن تىكەلەي كۇشىنەن قالدىرعان. بەدەلدى جۇمىس ورىندارىنىڭ ەمتيحانمەن قىزمەتكەر قابىلداۋدى ويىن ساناۋىندا، ارينە، ماسەلە بار،-دەدى. 

 

ۋحى چيلين «ماريانىڭ نارەستە ۇرلاۋى» دەپ ات قويعان جاڭا سىزبا سۋرەت تۋىندىسىن جاريالادى. 

 

 8-يدىڭ 3-كۇنى سىچۋاننىڭ ابا وبىلىسى، ى-مىتاڭ گۇل تەڭىزى كورىنىس رايونىندا كۇن قورالانعان اسەم كورىنىس قالىپتاستى. 

 

21 جىلدىڭ الدىندا، «تەڭىز اسپانىن قورعاۋشى» ۋاڭ ۋي سوعىس ۇشاعىن ايداپ، ەلىمىزدىڭ نانحاي تەڭىزىنىڭ اۋە كەڭىستىگىنە سۇعىنىپ كىرگەن ا ق ش ارمياسىنىڭ بارلاۋشى ۇشاعىنىڭ الدىن بوگەۋ مىندەتىنە كەتكەننەن قايتىپ ورالمادى. بيىل ۋاڭ ۋيدىڭ جيەنى، 2000-جىلداردىڭ تۇلەگى جياڭ يۇيفان قات-قابات سارالاۋدان ٴوتىپ، ۇشقىش كۋرسانت بولىپ شىقتى. 

 

来源:中央广播电视总台

 

 

 

播音:阿尔达克

微信制作:古丽美热

       

中央广播电视总台 央广网 版权所有

فينانس كاسىبىندە «ەڭبەكاقىنى شەكتەۋ بۇيرىعى» شىعارىلدى

چاڭشادا ەكى بالالى جانە ودان كوپ بالالى بولعان جەرگىلىكتى نوپوستاعى وتباسىلارىنا تاعى ٴبىر ٴۇي ساتىپ الۋ كورسەتكىشى بەرىلەدى.