فۋ جىڭحۋا مەن ۋاڭ ليكى ءولىم جازاسىنا ۇكىم ەتىلدى
فۋ جىڭحۋا مەن ۋاڭ ليكى ءولىم جازاسىنا ۇكىم ەتىلدى
فۋ جىڭحۋا مەن ۋاڭ ليكى ەكەۋى دە ءبىرىنشى سوتتا كەشىكتىرىپ اتقارىلاتىن ءولىم جازاسىنا ۇكىم ەتىلدى
مەملەكەتتىك ساياسي كەڭەس قوعام جانە زاڭ-تۇزىم كوميتەتىنىڭ بۇرىنعى ورىنباسار مەڭگەرۋشىسى فۋ جىڭحۋانىڭ پارا الۋ، بەتكە قاراپ زاڭدى بۇزۋ دەلوسى جونىندە ءبىرىنشى سوت ۇكىمى اشىق جاريالاندى.
2022-جىلى 9-ايدىڭ 22-كۇنى، جيلين ولكەسى چاڭچۇن قالالىق ورتا حالىق سوت مەكەمەسى مەملەكەتتىك ساياسي كەڭەس قوعام جانە زاڭ-ءتۇزىم كوميتەتىنىڭ بۇرىنعى ورىنباسار مەڭگەرۋشىسى فۋ جىڭحۋانىڭ پارا الۋ، بەتكە قاراپ زاڭدى بۇزۋ قىلمىسىنا اشىق ۇكىم جاريالادى، ايىپكەر فۋ جىڭحۋاعا پارا الۋ قىلمىسى بويىنشا ءولىم جازاسى بەرىلدى، 2 جىل كەشىكتىرىپ اتقارىلادى، ساياسي ۇقىعىنان ومىرلىك ماحۇرىم ەتىلدى، سونداي-اق، بارلىق جەكەلىك مال-مۇلكى ءمۇسادىرالاندى، ءولىم جازاسىن 2 جىل كەشىكتىرىپ اتقارۋ مەرزىمى تولعان سوڭ، زاڭ بويىنشا مەرزىمسىز قاماۋ جازاسىنا جەڭىلدەتىلگەننەن كەيىن، ءومىر بويى اباقتىعا جابىلادى، جازاسىن جەڭىلدەتۋگە، شارتتى بوساتۋعا بولمايدى، بەتكە قاراپ زاڭدى بۇزۋ قىلمىسى بويىنشا 14 جىلدىق مەرزىمدى قاماۋ جازاسى بەرىلدى، ءولىم جازاسىنا ۇكىم ەتىلىپ، 2 جىل كەشىكتىرىپ اتقارىلادى، ساياسي ۇقىعىنان ومىرلىك ماحۇرىم ەتىلدى، سونداي-اق، بارلىق جەكەلىك مال-مۇلكى ءمۇسادىرالاندى، ءولىم جازاسىن 2 جىل كەشىكتىرىپ اتقارۋ مەرزىمى تولعان سوڭ، زاڭ بويىنشا مەرزىمسىز قاماۋ جازاسىنا جەڭىلدەتىلگەننەن كەيىن، ءومىر بويى اباقتىعا جابىلادى، جازاسىن جەڭىلدەتۋگە، شارتتى بوساتۋعا بولمايدى؛ فۋ جىڭحۋانىڭ پارا الۋ قىلمىسىنان تاپقان تابىسى جانە ءوسىمى زاڭ بويىنشا قايتارىپ الىنىپ، مەملەكەت قازىناسىنا تاپسىرىلادى.
تەكسەرۋ ارقىلى مىنالار انىقتالدى: 2005-جىلدان 2021-جىلعا دەيىن، ايىپكەر فۋ جىڭحۋا بەيجيڭ قالالىق قوعام حاۋىپسىزدىگى مەكەمەسى باستىعىنىڭ ورىنباسارى، مەكەمە باستىعى، بەيجيڭ قالالىق پارتكومنىڭ تۇراقتى مۇشەسى، قوعام حاۋىپسىزدىگى مينيسترلىگىنىڭ ورىنباسار مينيسترى، ورتالىق ساياسي زاڭ كوميتەتىنىڭ مۇشەسى، ءادىليا مينيسترلىگىنىڭ مينيسترى، سونداي-اق، مەملەكەتتىك ساياسي كەڭەس قوعام جانە زاڭ-ءتۇزىم كوميتەتىنىڭ ورىنباسار مەڭگەرۋشىسى قاتارلى مىندەتتەردى وتەگەن كەزدە قىزمەتتەگى قولايلىلىعىنان جانە قىزمەت ۇقىعى مەن دارەجە ورنى قالىپتاستىرعان قولايلى شارت-جاعدايدان پايدالانىپ، قاتىستى ورىندار مەن جەكەلەردىڭ كاسىپورىن قۇرىپ تيجارات جۇرگىزۋ، مىندەتىن رەتتەۋ، دەلونى ءبىر جاقتى ەتۋ قاتارلى جاقتارىنا كومەك كورسەتىپ، ءوزى تىكەلەي نەمەسە تۋىس-تۋعاندارى ارقىلى، قاتىستى ادامداردىڭ مال-مۇلكىن زاڭسىز قابىلداعان، مۇنى حالىق اقشاسىنا سىندىرعاندا جيىنى 117 ميلليون يۋاننان اسىپ تۇسكەن. 2014-جىلدان 2015-جىلعا دەيىن، ايىپكەر فۋ جىڭحۋا بەيجيڭ قالالىق قوعام حاۋىپسىزدىگى مەكەمەسىنىڭ باستىعى مىندەتىن وتەگەن كەزدە، ءىنىسى فۋ ۋيحۋانىڭ اۋىر قىلمىس ماسەلەسى جونىندەگى دەرەكتەرىن جاسىرىپ مالىمدەمەي، زاڭ بويىنشا ءبىرجايلى ەتپەي، فۋ ۋيحۋانىڭ ۇزاق ۋاقىت بويى جاۋاپكەرلىككە تارتىلماۋىن كەلتىرىپ شىعارعان.
چاڭچۇن قالالىق ورتا حالىق سوت مەكەمەسى ايىپكەر فۋ جىڭحۋانىڭ ارەكەتى پارا الۋ قىلمىسى مەن بەتكە قاراپ زاڭدى بۇزۋ قىلمىسىن قالىپتاستىردى دەپ قارايدى. فۋ جىڭحۋانىڭ العان پارا سوماسى توتەنشە قوماقتى، قىلمىس سالماعى ەرەكشە اۋىر، قوعامدىق ىقپالى ەرەكشە ناشار، مەملەكەت پەن حالىقتىڭ مۇددەسىنە جەتكىزگەن ەرەكشە اۋىر قىلمىسى بويىنشا ءولىم جازاسىنا ۇكىم ەتىلۋى كەرەك؛ فۋ جىڭحۋانىڭ بەتكە قاراپ زاڭدى بۇزۋ قىلمىسىنىڭ سيپاتى ەرەكشە اۋىر، قوعامدىق ىقپالى ەرەكشە ناشار، زاڭ بويىنشا قاتاڭ جازالاۋ ءارى پارا الۋ قىلمىسىن وتكىزگەن، ەكى قىلمىسىن قوسىپ اۋىر جازا بەرۋ كەرەك. فۋ جىڭحۋا تەرگەۋگە الىنعان سوڭ، قىلمىسىن قاز-قالپىندا باياندادى، قىلمىسىن تانىپ رايىنان قايتتى، ارام ولجانى بەلسەنە قايتارىپ، باسقا دا ءىرى دەلو ءجىپ ۇشىمەن قامدادى، تەكسەرۋ ارقىلى ونىڭ شىن ەكەندىگى راستالدى، ەلەۋلى ەڭبەك كورسەتۋ بەينەسى بولدى، سول ءۇشىن زاڭ بويىنشا جەڭىل جازالاۋعا بولاتىن بولىپ، ءولىم جازاسىنا ۇكىم ەتىلدى، دەرەۋ اتقارىلمايدى. فۋ جىڭحۋانىڭ قىلمىس فاكتىلەرىنە، سيپاتىنا جانە مەملەكەتكە، قوعامعا جەتكىزگەن اۋىر زالالىنا ساي، ءولىم جازاسىن 2 جىل كەشىكتىرىپ اتقارۋ مەرزىمى تولعان سوڭ، زاڭ بويىنشا مەرزىمسىز قاماۋ جازاسىنا جەڭىلدەتىلگەننەن كەيىن، ءومىر بويى اباقتىعا جابىلادى، جازاسىن جەڭىلدەتۋگە، شارتتى بوساتۋعا بولمايدى. سوت جوعارىداعىداي ۇكىم شىعاردى.
ۋاڭ ليكى ءبىرىنشى سوتتا كەشىكتىرىپ اتقارىلاتىن ءولىم جازاسىنا ۇكىم ەتىلدى
2022-جىلى 9-ايدىڭ 22-كۇنى، جيلين ولكەسى چاڭچۇن قالالىق ورتا حالىق سوت مەكەمەسى جياڭسۋ ولكەلىك پارتكومنىڭ بۇرىنعى تۇراقتى مۇشەسى، ساياسي زاڭ كوميتەتىنىڭ بۇرىنعى شۋجيى ۋاڭ ليكىنىڭ پارا الۋ، پارا بەرۋ، قورعاشتاۋ، قارا قوعام سيپاتىن العان ۇيىمداردى ىرقىنا جىبەرۋ، ازاماتتىق كۋالىكتى جالعاننان جاساتۋ دەلوسىنا ءبىرىنشى سوتتا اشىق ۇكىم جاريالاپ، ايىپكەر ۋاڭ ليكىعا پارا الۋ قىلمىسى بويىنشا ءولىم جازاسى بەرىلدى، 2 جىل كەشىكتىرىپ اتقارىلادى، ساياسي ۇقىعىنان ومىرلىك ماحۇرىم ەتىلدى، سونداي-اق، بارلىق جەكەلىك مال-مۇلكى ءمۇسادىرالاندى، ءولىم جازاسىن 2 جىل كەشىكتىرىپ اتقارۋ مەرزىمى تولعان سوڭ، زاڭ بويىنشا مەرزىمسىز قاماۋ جازاسىنا جەڭىلدەتىلگەننەن كەيىن، ءومىر بويى اباقتىعا جابىلادى، جازاسىن جەڭىلدەتۋگە، شارتتى بوساتۋعا بولمايدى؛ پارا بەرۋ قىلمىسى بويىنشا مەرزىمسىز قاماۋ جازاسى بەرىلدى، ساياسي ۇقىعىنان ومىرلىك ماحۇرىم ەتىلدى، سونداي-اق بارلىق جەكەلىك مال-مۇلكى ءمۇسادىرالاندى؛ قارا قوعام سيپاتىن العان ۇيىمداردى قورعاشتاۋ، ىرقىنا جىبەرۋ قىلمىسى بويىنشا 15 جىلدىق مەرزىمدى قاماۋ جازاسى بەرىلدى؛ ازاماتتىق كۋالىكتى جالعاننان جاساۋ قىلمىسى بويىنشا 6 جىلدىق مەرزىمدى قاماۋ جازاسى بەرىلدى، سونداي-اق، 10 مىڭ يۋان ايىپ سالىندى، بارلىق قىلمىسىن جيناقتاپ ءولىم جازاسىن بەرۋ ۇيعارىلدى، 2 جىل كەشىكتىرىپ اتقارىلادى، ساياسي ۇقىعىنان ومىرلىك ماحۇرىم ەتىلدى، سونداي-اق، بارلىق جەكەلىك مال-مۇلكى ءمۇسادىرالاندى، ءولىم جازاسىن 2 جىل كەشىكتىرىپ اتقارۋ مەرزىمى تولعان سوڭ، زاڭ بويىنشا مەرزىمسىز قاماۋ جازاسىنا جەڭىلدەتىلگەننەن كەيىن، ءومىر بويى اباقتىعا جابىلادى، جازاسىن جەڭىلدەتۋگە، شارتتى بوساتۋعا بولمايدى؛ ۋاڭ ليكىنىڭ پارا الۋ قىلمىسىنان تاپقان تابىسى جانە ءوسىمى زاڭ بويىنشا قايتارىپ الىنىپ، مەملەكەت قازىناسىنا تاپسىرىلادى.
تەكسەرۋ ارقىلى مىنالار انىقتالدى: 1993-جىلدان 2020-جىلعا دەيىن، ايىپكەر ۋاڭ ليكى لياۋنيڭ ولكەسى بەيجىن مانزۋ اۆتونوميالى اۋداندىق قوعام حاۋىپسىزدىگى مەكەمەسى باستىعىنىڭ ورىنباسارى، بەينيڭ قالالىق قوعام حاۋىپسىزدىگى مەكەمەسىنىڭ باستىعى، جينجوۋ قالالىق قوعام حاۋىپسىزدىگى مەكەمەسى باستىعىنىڭ ورىنباسارى، حۋلۋداۋ قالالىق ۇكىمەتتىڭ ورىنباسار باستىعى، قالالىق قوعام حاۋىپسىزدىگى مەكەمەسىنىڭ باستىعى، لياۋنيڭ ولكەلىك قوعام حاۋىپسىزدىگى مەڭگەرمەسى باستىعىنىڭ ورىنباسارى، داليان قالالىق ۇكىمەتتىڭ ورىنباسار باستىعى، قالالىق قوعام حاۋىپسىزدىگى مەكەمەسىنىڭ باستىعى، جياڭسۋ ولكەلىك ۇكىمەتتىڭ ورىنباسار باستىعى، ولكەلىك قوعام حاۋىپسىزدىگى مەڭگەرمەسىنىڭ باستىعى جانە جياڭسۋ ولكەلىك پارتكومنىڭ تۇراقتى مۇشەسى، ساياسي زاڭ كوميتەتىنىڭ شۋجيى قاتارلى مىندەتتەردى وتەگەن كەزدە قىزمەتتەگى قولايلىلىعىنان جانە قىزمەت ۇقىعى مەن دارەجە ورنى قالىپتاستىرعان قولايلى شارت-جاعدايدان پايدالانىپ، باسقالاردىڭ كاسىپورىن قۇرىپ تيجارات جۇرگىزۋ، قارىز اقشا الۋ، مىندەتىن رەتتەۋ، دەلونى ءبىر جاقتى ەتۋ قاتارلى جاقتارىنا كومەك كورسەتىپ، تىكەلەي نەمەسە وزىمەن جەمتىكتەس ەرەكشە بايلانىسى بار ادامدارىمەن بىرگە قىرۋار زاڭسىز مال-مۇلىك قابىلداعان، مۇنى حالىق اقشاسىنا سىندىرعاندا جيىنى 440 ميلليون يۋاننان اسىپ تۇسكەن. ۋاڭ ليكى ءوزىنىڭ جانە باسقالاردىڭ قىزمەت مىندەتىن ءوسىرۋ قاتارلى ورىنسىز مۇددەگە ۇمتىلۋ ءۇشىن، ىلگەرىندى-كەيىندى قوعام حاۋىپسىزدىگى مينيسترلىگى پارتكومىنىڭ بۇرىنعى مۇشەسى، ورىنباسار مينيسترى سۇن ليجۇن قاتارلىلارعا 97 ميلليون 310 مىڭ يۋان پارا بەرگەن. ۋاڭ ليكى لوۋحىداعى قارا قوعام قىلمىسىنا ساياتىن ۇيىمداردىڭ زاڭعا قايشى قىلمىستىق ارەكەتتەرمەن شۇعىلدانعانىن بىلە تۇرا، سول ۇيىمنىڭ «قورعاۋشىسى» بولىپ، ۇزاق ۋاقىت بويى وسى ۇيىمنىڭ زاڭعا قايشى قىلمىستىق ارەكەت جۇرگىزۋىنە ىرىق بەرىپ، سول ۇيىمنىڭ تەكسەرىپ، تيىم سالۋدان جانە سوققى بەرۋدەن قاشقالاقتاۋىنا كومەكتەستى ءارى وسى ۇيىمنىڭ بانكەدەن قارىز اقشا الۋىنا سايكەسىپ، ونى ۇزدىكسىز دامىتىپ، زورايتىپ، ءبىر جاقتان باسا بيلەپ، جەرگىلىكتى ورىننىڭ ەكونوميكالىق، قوعامدىق تۇرمىس ءتارتىبىن اۋىر دارەجەدە ءبۇلدىردى. ۋاڭ ليكى قىزمەت ۇقىعىنان پايدالانىپ، ءوزىنىڭ جانە تۋىس-تۋعاندارىنىڭ، ەرەكشە بايلانىسى بار ادامداردىڭ زاڭعا قايشىلىق جاساپ، كوپتەگەن جالعان ازاماتتىق كۋالىك جاساتۋىنا كومەكتەسكەن.
چاڭچۇن قالالىق ورتا سوت مەكەمەسى ايىپكەر ۋاڭ ليكىنىڭ ارەكەتى پارا الۋ قىلمىسى، پارا بەرۋ قىلمىسى، قارا قوعام سيپاتىن العان ۇيىمداردى قورعاشتاۋ، ىرقىنا جىبەرۋ قىلمىسى، ازاماتتىق كۋالىكتى جالعاننان جاساتۋ قىلمىسىن قالىپتاستىردى دەپ قارايدى. ۋاڭ ليكىنىڭ العان پارا سوماسى توتەنشە قوماقتى، پارا العاننان كەيىن كوپ ادامنىڭ قىزمەت مىندەتىن ءوسىردى، رەتتەدى، قاتىستى كاسىپورىنداردىڭ بانكەدەن قارىز اقشا الۋىن سايكەستىرىپ كومەكتەسىپ، سول كاسىپورىندار قىرۋار قارىز اقشانى قايتارۋعا امالسىز قالدى، كوپ رەت قىزمەت ۇقىعىنان پايدالانىپ دەلو بىتىرۋگە كيلىگىپ، ءادىليانىڭ الەۋمەتتىك سەنىمدىلىگىن اۋىر دارەجەدە ءبۇلدىردى، قىلمىس سالماعى ەرەكشە اۋىر، قوعامدىق ىقپالى توتەنشە ناشار، مەملەكەت پەن حالىقتىڭ مۇددەسىنە جەتكىزگەن زالالى ەرەكشە اۋىر، وتكىزگەن قىلمىسى بويىنشا ءولىم جازاسى بەرىلۋى كەرەك؛ ۋاڭ ليكىنىڭ ورىنسىز پايداعا كەنەلۋ ءۇشىن، مەملەكەت قىزمەتكەرلەرىنە مال-مۇلىك بەرۋ قىلمىسىنىڭ سيپاتى ەرەكشە اۋىر؛ قارا قوعام سيپاتىن العان ۇيىمداردىڭ زاڭعا قايشى قىلمىستىق ارەكەتتەرمەن شۇعىلدانۋىن ۇزاق ۋاقىت قورعاشتاپ، ىرقىنا جىبەرىپ، كوپتەگەن ازاماتتىق كۋالىكتى جالعاننان جاساتقان، مۇنىڭ ءبارى اۋىر قىلمىسقا جاتادى، پارا بەرۋ قىلمىسى، قارا قوعام سيپاتىن العان ۇيىمداردى قورعاشتاۋ، ىرقىنا جىبەرۋ قىلمىسى، ازاماتتىق كۋالىكتى جالعاننان جاساتۋ قىلمىسىن زاڭ بويىنشا قاتاڭ جازالاۋ كەرەك ءارى پارا الۋ قىلمىسىن وتكىزدى، بارلىق قىلمىسىن قوسىپ جازا بەرۋ كەرەك. ۋاڭ ليكى تەرگەۋگە الىنعاننان كەيىن، دەلونى ءبىرجاقتى ەتۋ ورگانى ءالى يگەرە قويماعان ءبىر ءبولىم قىلمىس فاكتىلەرىن ىرىقتىلىقپەن تاپسىرعانىن، زاڭعا قايشى تابىسىنىڭ باسىم كوپ بولەگىن بەلسەنە قايتارىپ بەرگەنىن ەسكەرە وتىرىپ، جازا جەڭىل كەسىلىپ، ءولىم جازاسىنا ۇكىم ەتىلدى، دەرەۋ اتقارىلمايدى. ۋاڭ ليكىنىڭ قىلمىس فاكتىلەرىنە، سيپاتىنا جانە مەملەكەتكە، قوعامعا سالعان اۋىر زالالىنا ساي، ءولىم جازاسىن 2 جىل كەشىكتىرىپ اتقارۋ مەرزىمى تولعان سوڭ، زاڭ بويىنشا مەرزىمسىز قاماۋ جازاسىنا جەڭىلدەتىلگەننەن كەيىن، ءومىر بويى اباقتىعا جابىلادى، جازاسىن جەڭىلدەتۋگە، شارتتى بوساتۋعا بولمايدى. سوت جوعارىداعىداي ۇكىم شىعاردى.
اۋدارعان: ساعىنبەك رابات ۇلى
来源:央视新闻
翻译:萨恒别克
审稿、制作:古丽美热