ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شينجياڭعا تاعى قالىڭ قار جاۋادى، بيىل قىس اسا سۋىق بولا ما

来源:央广网     |责编:古丽美热·霍孜汗|     发布日期: 2022-11-22 16:15


كەي جەرگە نوسەر قۇيسا، ەندى ءبىر جەرلەرگە قالىڭ قار جاۋادى، ايتسە، بيىلعى قىس ءتىپتى سۋىق بولا ما؟

جۇڭگو اۋا رايى تورابىنىڭ حابارىنا قاراعاندا، كەشەدەن باستاپ وڭتۇستىكتە جاۋىن-شاشىن مولايعان، كۇشەيگەن، گۋاڭدۇڭ، حاينان قاتارلى جەرلەردىڭ ءىشىنارا وڭىرلەرىندە نوسەر نەمەسە ەرەكشە قاتتى نوسەر جاۋعان. بۇگىننەن باستاپ سولتۇستىك شينجياڭنىڭ سولتۇستىك بولەگى جانە ىلە اڭعارى قاتارلى جەرلەردىڭ ءبىر ءبولىم رايوندارىنا قالىڭ قار جاۋادى، ءىشىنارا جەرلەرگە ەرەكشە قالىڭ قار جاۋادى. 

وسى اپتادا، وڭتۇستىكتە 3 دۇركىن جاۋىن-شاشىندى اۋا رايى بارىسى وتەدى، شينجياڭدا الداعى 3 كۇندە قالىڭ قار جاۋادى

كەشەدەن باستاپ وڭتۇستىكتە جاۋىن-شاشىن مولايعان بولىپ، وسى اپتادا 3 دۇركىن جاۋىن-شاشىندى اۋا رايى بارىسى وتەدى، حۋنان، جياڭشي سياقتى جەرلەردىڭ قۋاڭشىلىق جاعدايى ونان ارى باسەڭدەپ، جاقسارا تۇسەدى.

ناقتىراق ايتساق، بۇگىن سولتۇستىك شينجياڭنىڭ سولتۇستىك بولەگى، چيڭحايدىڭ وڭتۇستىك بولەگى، شيزاڭنىڭ باتىس-سولتۇستىك بولەگى قاتارلى جەرلەردىڭ ءىشىنارا رايوندارىندا از نەمەسە ورتاشا قار جاۋادى، مۇنىڭ ىشىندە، سولتۇستىك شينجياڭنىڭ سولتۇستىگى جانە ىلە اڭعارى قاتارلى جەرلەردىڭ ءىشىنارا رايوندارىندا قالىڭ قار نەمەسە ەرەكشە قالىڭ قار جاۋادى (26 دا 30 ميلليمەتر). چاڭجياڭ وڭتۇستىگىنىڭ شىعىس بولەگى، وڭتۇستىك جۇڭگونىڭ ورتا-سولتۇستىك بولەگى جانە وڭتۇستىك بولەگى قاتارلى جەرلەردىڭ ءىشىنارا رايوندارىندا ورتاشا نەمەسە قالىڭ جاڭبىر جاۋادى. مۇنىڭ ىشىندە، فۋجياننىڭ شىعىس-وڭتۇستىك بولەگى، گۋاڭدۇڭنىڭ باتىس-وڭتۇستىك بولەگى جانە ورتا بولەگى، حاينان ارالىنىڭ شىعىس-سولتۇستىك بولەگى قاتارلى جەرلەردىڭ ءىشىنارا رايوندارىندا نوسەر نەمەسە ەرەكشە قاتتى نوسەر جاۋادى (100 دە 120 ميلليمەتر).

ەرتەڭ شينجياڭنىڭ سولتۇستىك بولەگى، شيزاڭنىڭ شىعىس-وڭتۇستىك بولەگى قاتارلى جەرلەردىڭ ءىشىنارا رايوندارىندا از نەمەسە ورتاشا قار جاۋادى، مۇنىڭ ىشىندە، تيانشان الابى، ىلە اڭعارى قاتارلى جەرلەردىڭ ءىشىنارا رايوندارىندا قالىڭ قار نەمەسە ەرەكشە قالىڭ قار جاۋادى (10 دا 20 ميلليمەتر). چاڭجياڭ وڭتۇستىگىنىڭ ورتا بولەگى، فۋجياننىڭ شىعىس-سولتۇستىك بولەگى، وڭتۇستىك جۇڭگونىڭ وڭتۇستىك بولەگى، حاينان ارالى، تايۋان ارالى قاتارلى جەرلەردىڭ ءىشىنارا رايوندارىندا ورتاشا نەمەسە قالىڭ جاڭبىر جاۋادى، مۇنىڭ ىشىندە، گۋاڭدۇڭنىڭ وڭتۇستىگىندەگى تەڭىز جاعالاۋى رايوندارى، تايۋان ارالىنىڭ ورتا-سولتۇستىك بولەگى قاتارلى جەرلەردىڭ ءىشىنارا رايوندارىندا نوسەر جاۋادى (50 دە 90 ميلليمەتر).

اۋا رايى ماماندارى مىنانى ەسكەرتەدى: الداعى 3 كۇندە، شينجياڭدا قار تىم سۇراپىل جاۋادى، ىلە وبلىسىنىڭ تاۋلى رايوندارى، تارباعاتاي ايماعىنىڭ سولتۇستىك بولەگى، التاي ايماعىنىڭ سولتۇستىك بولەگى مەن شىعىس بولەگى قاتارلى جەرلەردىڭ ءىشىنارا رايوندارىندا قالىڭ قار نەمەسە ەرەكشە قالىڭ قار جاۋۋى مۇمكىن، كەي جەرلەردە بۇرقاسىن جۇرەدى، جوعارىدا اتالعان رايونداعى جۇرتشىلىق ساپارعا شىققاندا قاتىناس حاۋىپسىزدىگىنە كوڭىل ءبولۋى، سونىمەن بىرگە، تولاسسىز جاۋعان قالىڭ قاردىڭ مال شارۋاشىلىق رايوندارىندا مال تۇلىگىنە اكەلەتىن ءتيىمسىز ىقپالىنان ساقتانۋى كەرەك.

سولتۇستىك جۇڭگو، حۋاڭحى، حۋايحى وڭىرلەرىندە اتموسفەرانىڭ تارالۋ شارت-جاعدايى ءبىرشاما جاقسى بولادى، ەلىمىزدەگى كوپ ساندى رايوننىڭ تەمپەراتۋراسى ءالى دە ءبىرشاما جوعارى

سولتۇستىك جۇڭگو جازىعى جونىنەن ايتساق، ءار جىلدىڭ 11- ايى جانە 12-ايى، تۇماندى كۇندەر ەڭ كوپ كەزىگەتىن مەزگىل. 20-كۇنى، بەيجيڭ، تيانجين، حىبەي، حىنان، شاندۇڭ قاتارلى جەرلەردە تۇمان ءتۇسىپ، كوپتەگەن جەر تۇماننان قىزىل ءتۇستى ساقتىق سيگنالىن جاريالادى، كوپتەگەن سايراقتار كورىنىمى تومەن بولعاندىقتان جابىلىپ قالدى.

الايدا، وسى ەكى كۇندە جاۋىن-شاشىن مەن سۋىق اۋانىڭ ىقپالىندا، ەلىمىزدەگى كوپ ساندى رايوندا اتموسفەرانىڭ تارالۋ شارت-جاعدايى جاقسارا باستايدى، تۇمان مەن مۇنارلى اۋا رايى باسەڭدەپ، تارالىپ جوعالادى.

ال، تەمپەراتۋرا جاعىنان الىپ ايتساق، الداعى نەشە كۇندە سۋىق اۋا اعىسىنىڭ قۋاتى ادەتتەگەدەي عانا بولادى دا، تەمپەراتۋراعا زور ىقپال ەتە قويمايدى، كەزەكتەگى ەلىمىزدىڭ باسىم كوپ وڭىرىندە تەمپەراتۋرا ءبىرشاما جوعارى بولۋداي اۋقىمدى وزگەرتە المايدى. وسى اپتادا، ەلىمىزدىڭ كوپتەگەن رايوندارىندا ەڭ جوعارى تەمپەراتۋرا مەن ەڭ تومەنگى تەمپەراتۋرا بۇرىنعى جىلداردىڭ ۇقساس مەزگىلىندەگىدەن جوعارى بولادى. ايتالىق، سولتۇستىك جۇڭگو وڭىرىندە، بۇرىنعى جىلداردا 11-ايدىڭ سوڭىندا ەڭ جوعارى تەمپەراتۋرا تەك 7 دە 8 سەلتسي گرادۋس بولاتىن، ال، وسى اپتادا، سولتۇستىك جۇڭگودا ەڭ جوعارى تەمپەراتۋرا 10 سەلتسي گرادۋستان جوعارى بولادى؛ چاڭجياڭنىڭ ورتا-تومەنگى اعارىندا، بۇرىنعى جىلداردا 11-ايدىڭ سوڭىندا ەڭ جوعارى تەمپەراتۋرا 15 سەلتسي گرادۋس بولاتىن، ال، وسى اپتادا، ەڭ جوعارى تەمپەراتۋرا 20 سەلتسي گرادۋس توڭىرەگىندە بولادى.

بيىل قىس سۋىق بولا ما، جوق الدە جىلى بولا ما؟ بەلدى قۇرىلىم مەن اۋا رايى ماماندارى مەجە جاسادى

مەملەكەتتىك كليمات ورتالىعىنىڭ ەڭ جاڭا ولشەپ-تەكسەرۋىنە نەگىزدەلگەندە، قازىر ءالى دە جالعاسۋ ۇستىندەگى لانينا قۇبىلىسى مەجەمەن 2022/ 2023-جىلعى قىسقا دەيىن سوزىلاتىن كورىنەدى، ونىڭ ۇستىنە ورتاشا كۇشەمەلىلىك ولشەمىنە جەتەدى. بۇل 21-عاسىرداعى تۇڭعىش تۋىلعان «3 قاباتتى» لانينا قۇبىلىسى بولىپ، سولتۇستىك جارتى شاردا ارت-ارتىنان 3 لانينا قۇبىلىسى تۋىلعان قىس بولدى. لانينا قۇبىلىسى دەگەنىمىز ەكۆاتورداعى، شىعىس تىنىق مۇحيتتاعى تەڭىز سۋى بەتىنىڭ تەمپەراتۋراسى قالىپتى جىلدارداعى تەمپەراتۋرادان تومەن بولۋ قۇبىلىسى. ول تەڭىز سۋى بەتىنىڭ تەمپەراتۋراسى قالىپتى جىلدارداعى تەمپەراتۋرادان جوعارى كەلەتىن ەلنينو قۇبىلىسىنا قاراما-قارسى بولىپ، جەر شارى كليماتىنىڭ قالىپسىزدىعىن تۋدىراتىن ماڭىزدى سيگنال دەپ قارالادى.

ماتەريالدىق سۋرەت. فوتونى ەكونوميكا گازەتىنىڭ ءتىلشىسى جۋ شۋاڭجيان تۇسىرگەن.

جۇرتتىڭ نازارىندا لانينا دەگەن اتاۋ جايشىلىقتا قىستىڭ سۋىق بولاتىندىعىمەن قاتىسىپ جاتادى. ايتسە، بيىل قىس بۇرىنعى جىلداردان الدە قايدا سۋىق بولا ما؟

جۇڭگو كليمات ورتالىعىنىڭ كليماتقا قىزمەت وتەۋشى باس مامانى جوۋ بيننىڭ تانىسترۋىنشا، وسى رەتكى 3 قاباتتى لانينا قۇبىلىسى 2020-جىلى 8-ايدان 2021-جىلى 3-ايعا دەيىنگى جانە 2021-جىلى 9-ايدان باستالىپ قازىرگە دەيىن سوزىلعان 2 رەتكى لانينا قۇبىلسىىن، سونداي-اق، 2021-جىلى كوكتەم-جاز ماۋسىمدارىندا كورىلگەن بەيتاراپ سۋىق سۋ كۇيى ەرەكشەلىگىن قامتيدى. الايدا، «3 قاباتتى» لانينا قۇبىلىسى 3 ەسەلى لانينا قۇبىلىسى ەمەس عوي، بيىل قىستىڭ اسا سۋىق بولۋ مۇمكىندىگى از. جوۋ بين بىلاي دەدى: لانينا قۇبىلىسى ەلىمىزدىڭ قىسقى كليماتىنا ىقپال ەتەتىن بىردەن-ءبىر فاكتور ەمەس، قىستىڭ جىلى نەمەسە سۋىق بولۋى شىعىس ازيا قىسقى جەلىنىڭ كۇشتى-السىزدىگى، سولتۇستىك ۇيەكتەگى تەڭىز مۇزدىقتارىنىڭ ەرۋى، ەۆروپا مەن ازياداعى قاسات قاردىڭ وزگەرىسى سىندى كوپ ءتۇرلى كۇردەلى فاكتورلاردىڭ ىقپالىنا ۇشىرايدى.

مەملەكەتتىك كليمات ورتالىعىنىڭ مەجەلەۋىنشە، بيىل قىستا ەلىمىزگە ىقپال ەتەتىن سۋىق اۋا اعسىنىڭ كۇشەمەلىلىگى جالپى جاتقان ايتقاندا ءبىرشاما ءالسىز، ىشكى موڭعۇلدىڭ شىعىس-سولتۇستىك بولەگى، حيلۇڭجياڭ، شانشيدىڭ باتىس بولەگى، گانسۋدىڭ ورتا بولەگى مەن شىعىس بولەگى، چيڭحايدىڭ شىعىس-سولتۇستىك بولەگى، نيڭشيا قاتارلى جەرلەردىڭ ءىشىنارا رايوندارىندا، تەمپەراتۋرا بۇرىنعى جىلداردىڭ ۇقساس مەزگىلىندەگىدەن 1 دە 2 سەلتسي گرادۋس تومەن بولادى دا، وسى جەرلەردە وڭىرلىك ايازدى قىس بولۋى مۇمكىن. ەلىمىزدىڭ قالعان جەرلەرىندە تەمپەراتۋرا بۇرىنعى جىلداردىڭ ۇقساس مەزگىلىندەگىگە جۋىقتايدى نەمەسە ءسال جوعارى بولادى، «قىستىڭ باسى جىلىراق، سوڭى سۋىعىراق بولۋداي» كليمات ەرەكشەلىگى بەينەلەنەدى. جوۋ بيڭ تاعى بىلاي دەدى: تەمپەراتۋرانىڭ ءسال تومەن بولۋى قىس ايازدى بولادى دەگەندىك ەمەس، جىلىراق نەمەسە سۋىعىراق بولادى دەگەن ءسوز تەك ورتاشا اۋا تەمپەراتۋراسىنا سالىستىرمالى تۇردە ايتىلعان، ال، ايازدى قىس نەمەسە جىلى قىس ەكەندىگىنە تۇجىرىم جاساۋدىڭ قاتاڭ ولشەمى بار.

وتكەندى ەسكە الساق، لانينا قۇبىلىسى تۋىلعاندا ەلىمىزدىڭ جاز ماۋسىمىنداعى جاڭبىرلى بەلدەۋى سولتۇسىككە قاراي قيىستايتىن دا، وڭتۇستىكتە قۋاڭشىلىق بولسا، سولتۇستىكتە تاسقىن اپاتى تۋىلۋداي جاۋى-شاشىن جاعدايى جارىققا شىعاتىن؛ ال، كۇز-قىس ماۋسىمىنا بارعاندا سۋىق اعىس مولايىپ، وڭتۇستىكتە كەزەڭدىك تومەن تەمپەراتۋرالى مۇزداقتى جاڭبىر اپاتى تۋىلاتىن، ءىشىنارا وڭىرلەردە قۋاڭشىلىق ءجيى كورىلىپ، ەگىس داقىلدارىنىڭ ءونىمى تومەندەپ، سۋ بايلعىمەن قامداۋدا تاپشىلىق بولاتىن. بيىل 7-ايدان بەرى، چاڭجياڭ وزەنى الابى 61 جىلدان بەرگى ەڭ كۇشتى قۋاڭشىلىققا ۇشىرادى، ەرەكشە جوعارى تەمپەراتۋرالى اۋا رايى ۇزدىكسىز جارىققا شىقتى، ءىشىنارا رايوندارداعى قۋاڭشىلىق جاز-كۇزىمەن جالعاستى، مىنە وسىنىڭ بارلىعى لانينا قۇبىلىسىمەن قاتىستى.

ماتەريالدىق سۋرەت. فوتونى ەكونوميكا گازەتىنىڭ ءتىلشىسى جۋ شۋاڭجيان تۇسىرگەن.

كليمات وزگەرىسى بۇكىل جەر شارى ەكونوميكاسىنا ىقپال ەتەدى. ىلگەرىرەكتە جۇڭجين سەرىكتەستىگى زەرتتەۋ ءبولىمى 2000-جىلدان بەرى تۋىلعان 6 رەتكى لانينا قۇبىلىسنا تالداۋ جاساي كەلىپ، مىنانى بايقاعان: ءار رەتكى لانينا قۇبىلسى دەرلىك ەگىس داقىلدارىنىڭ قالىپتى وسۋىنە ىقپال ەتە بەرمەيتىن بولسا دا، «لانينا قۇبىلىسى سالدارىنان ايازدى قىس بولادى» دەيتىن تۇسىنىكتىڭ ءوزى بازاردا ەگىس داقىلدارىنىڭ ءونىمى كەمەيەدى، ەنەرگيا تاپشىلىعى تۋىلادى دەگەن الاڭداۋشىلىقتاردى كەلتىرىپ شىعارىپ، وسىنىڭ سالدارىنان تۇيە بۇرشاق، ءبيداي قاتارلى اۋىل شارۋاشىلىق ونىمدەرىنىڭ باعاسى قىباتتاپ وتىرعان، قاتىستى ەنەرگيا جانە ونەركاسىپ بۇيىمدارىنىڭ باعاسىندا دا بەلگىلى دارەجەدە تولقۋ تۋىلعان.

بيىل قىستا جانە كەلەر جىلى كوكتەمدە تۋىلۋى مۇمكىن بولعان اۋا رايى اپاتىنا قاراتا، اۋا رايى ماماندارى مىنانى ەسكەرتەدى: چاڭجياڭ وزەنىنىڭ وڭتۇستىگىندەگى باسىم كوپ رايونداردا، جاز، كۇز، قىس ماۋسىمدارىنا جالعاسقان قۋاڭشىلىق بولۋ مۇمكىندىگى ءبىرشاما زور، سۋ بايلىعىن لايىقتى ورنالاستىرۋ، باسقارۋدى كۇشەيتىپ، قۋاڭشىلىققا قارسى تۇرۋ دايىندىق قىزمەتىن ويداعىداي ىستۋگە كوڭىل بولىڭىزدەر؛ حۋنان، گۇيجوۋ قاتارلى ولكەلەردە كەزەڭدىك تومەن تەمپەراتۋرالى جاڭبىرلى، قارلى اۋا رايى جارىققا شىعۋى مۇمكىن، ونىڭ قاتىناس-تاسىمالعا، ەلەكتر قۋاتى، اۋىل شارۋاشىلىق ءوندىرىسى قاتارلىلارعا اكەلەتىن ءتيىمسىز ىقپالىنان ساقتانۋعا كوڭىل بولىڭىزدەر؛ ىشكى موڭعۇلدىڭ شىعىس بولەگى مەن باتىس بولەگى، شىعىس-سولتۇستىك رايوننىڭ سولتۇستىك بولەگى، باتىس-سولتۇستىك ءوڭىردىڭ باسىم كوپ رايوندارى قاتارلى جەرلەردە كەزەڭدىك تەمپەراتۋرا كۇرت تومەندەۋ، قالىڭ قار جاۋۋ قاتارلى اۋا رايى بارىسى جارىققا شىعادى، قار اپاتى مەن ۇسىكتەن ساقتانۋعا كوڭىل بولىڭىزدەر.

 اۋدارعان: نۇرگۇل قۇمارقان قىزى

来源:中国经济网

 

 

审稿、制作:古丽美热

中央广播电视总台 央广网 版权所有

شينجياڭعا تاعى قالىڭ قار جاۋادى، بيىل قىس اسا سۋىق بولا ما

وسى اپتادا، وڭتۇستىكتە 3 دۇركىن جاۋىن-شاشىندى اۋا رايى بارىسى وتەدى، شينجياڭدا الداعى 3 كۇندە قالىڭ قار جاۋادى