11-ايدىڭ 24-كۇنى ساعات 19 دان 49 مينۋت وتكەندە، شينجياڭ ءۇرىمجى قالاسى تيانشان رايونى جيشياڭيۋان شاعىن رايونىنداعى ءبىر بيىك قاباتتى تۇرعىندار عيماراتىنا ءورت كەتتى. ساقشىعا مالىمدەۋدى تاپسىرىپ العاننان كەيىن، ءۇرىمجى قالالىق ءورت ءسوندىرۋ، ورتتەن ساقتانۋ قۇتقارۋ، كومەكتەسۋ تارماق اترەتى جەدەل ناق مايدانعا جەتىپ ءبىر جاقتى ەتتى، شۇعىل قۇتقارۋ، شۇعىل جاعدايعا توتەپ بەرۋ، قوعام حاۋىپسىزدىگى قاتارلى كۇشتەر دەرەۋ ناق مايدانعا جەتىپ قۇتقارۋ، كومەكتەسۋ قيمىلىن ورىستەتتى. ساعات 22 دەن 35 مينۋت مولشەرىندە، ناق مايدانداعى ءورت تۇگەل ءسوندىرىلدى. ۋلى ءتۇتىندى سىمىرگەن جارالانعان ادامدار شيپاحاناعا تىزگىن ۇشىندا جەتكىزىلدى، جەدەل قۇتقارۋ ءونىم بەرمەي 10 ادام كوز جۇمدى؛ 9 ادامنىڭ وكپەسى ورتاشا دارەجەدە زاقىمدالعان، تىرشىلىك بەلگىسى ورنىقتى، ومىرىنە حاۋىپ تونبەدى. جيشياڭيۋان شاعىن رايونى جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتى تومەن قاتەرلى رايون، تۇرعىنداردىڭ عيماراتتان ءتۇسىپ قيمىل جاساۋىنا بولادى. ءورت كەتكەن ورىن بيىك تۇرعىندار عيماراتىنىڭ 15-قاباتىندا بولىپ، جالاڭداعان ءورت 17-قاباتقا دەيىن كوتەرىلىپ، اشتى ءتۇتىن 21-قاباتقا دەيىن جەتكەن.

ناق مايداندى بارلاۋ جانە ىسكە قاتىستى ادامنىڭ بايانداۋى ارقىلى، ءورت اپاتىنىڭ وتباسىنداعى جاتىن بولمەسىنە قويىلعان ەلەكتر جابدىعىنىڭ سىم تاقتاسىنا ءورت كەتۋدەن تۋىلعاندىعى العاشقى ادىمدا تۇراقتاندى. قازىر جارالانعانداردى قۇتقارۋ، كوز جۇمعان ادامداردىڭ سوڭعى جۇمىستارىن ءبىر جاقتى ەتۋ جانە قاتىستى تەكسەرۋ قىزمەتى تارتىپپەن ورىستەتىلۋدە.

اۋدارعان: ساعىنبەك رابات ۇلى

来源：新疆新闻网

翻译：萨恒别克

审稿、制作：古丽美热