«بەكىتۋ» دە مىنالار اتاپ كورسەتىلدى: لاڭفاڭ قالاسى، ساڭجوۋ قالاسى، يۇنچىڭ قالاسى، باۋتوۋ قالاسى، انشان قالاسى، يانجي قالاسى، تۇڭجياڭ قالاسى، باڭبۋ قالاسى، نانپيڭ قالاسى، نيڭدى قالاسى، پيڭشياڭ قالاسى، شينيۇي قالاسى، يچۇن قالاسى، جي-ان قالاسى، زاۋجۋاڭ قالاسى، جينيڭ قالاسى، تاي-ان قالاسى، دىجوۋ قالاسى،لياۋچىڭ قالاسى، بينجوۋ قالاسى، حىزى قالاسى، جياۋزو قالاسى، شۇيچاڭ قالاسى، حىڭياڭ قالاسى، جۋجوۋ قالاسى، ليۋجوۋ قالاسى، حىجوۋ قالاسى، يبين قالاسى، داجوۋ قالاسى، تۇڭرىن قالاسى، دالي بايزۋ اۆتونوميالى وبلىسى، لحاسا قالاسى، ىلە قازاق اۆتونوميالى وبلىسى سياقتى 33 قالا مەن رايوندا شەكارا اتتاعان ەلەكتروندىق ساۋدا جالپىلىق سىناق رايونى قۇرىلادى، اتالعان قالالارمەن رايوندا جەكە-جەكە جۇڭگو (قالا نەمەسە رايون) شەكارا اتتاعان ەلەكتروندىق ساۋدا جالپىلىق سىناق رايونى ناقتىلى اتقارۋ جوباسىن سول جەردەگى ولكە دارەجەلى حالىق ۇكىمەتى جەكە-جەكە باسىپ تاراتۋعا جاۋاپتى بولادى.

«بەكىتۋدە» مىنالار اتاپ كورسەتىلدى: قاتىستى ولكەلىك (اۆتونوميالى رايوندىق) حالىق ۇكىمەتتەرى جالپىلىق سىناق رايونى قۇرىلىسىنا ۇيىمدىق باسشىلىقتى شىن مانىندە كۇشەيتىپ، مەحانيزمدى اقاۋسىزداندىرىپ، جۇمىس ٴبولىسىن ايقىنداپ، جاۋاپكەرشىلىكتى تياناقتاندىرىپ، جالپىلىق سىناق رايونى قۇرىلىسىنىڭ دامۋىن پارمەندى، ٴتارتىپتى، ٴونىمدى ىلگەرىلەتۋ كەرەك.

تۇيىندە سىناق ەتۋ تالابىنا ساي، ناقتىلى اتقارۋ جوباسىن تەز ارادا كەمەلدەندىرۋ ٴارى ۇيىمداستىرىپ اتقارۋدى مىقتى يگەرۋ كەرەك. الدىمەن اتقارۋ، الدىمەن سىناۋ مىندەتىن ونان ارى اشالاپ، ٴتۇيىندى كورنەكتىلەندىرىپ، جاڭالىق اشۋ ارقىلى دەم بەرىپ، بازاردىڭ بايلىقتى ورنالاستىرۋداعى شەشۋشى رولىن تولىق ايگىلەپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، قوعامدىق بايلىققا ٴونىمدى جەتەكشىلىك ەتىپ، الەۋمەتتىك بايلىقتى ۇيلەسىمدى ورنالاستىرىپ، جالپىلىق سىناق رايونى قۇرىلىسىن تىڭعىلىقتى ىلگەرىلەتۋ كەرەك.

شەكارا اتتاعان ەلەكتروندىق ساۋدانى ينفورماتسيالاندىرۋدى باسقارۋ مەحانيزمىن ورناتىپ جانە كەمەلدەندىرىپ، قاتىستى تاراۋلاردىڭ باسقارۋ قاجەتىنە ساي، قاتىستى ەلەكتروندىق ينفورماتسيالاردى دەر كەزىندە بەرۋ كەرەك. ساۋدا مينيسترلىگى سياقتى تاراۋلارعا قىزمەت جوسپارىن، تۇيىندە سىناق ەتۋ تاجىريبەسىن جانە ونىمدىلىگىن مەرزىم بويىنشا جولداپ، شەكارا اتتاعان ەلەكتروندىق ساۋدانىڭ دامۋىن جەبەۋ ٴتۇزىلىس-مەحانيزمىن اقاۋسىزداندىرۋ، سايكەستى تىرەك جۇيەسى قۇرىلىسىن ىلگەرىلەتۋ سياقتى جاقتاردا تىڭ ىلگەرىلەۋشىلىكتەرگە، تىڭ ناتيجەلەرگە قول جەتكىزۋگە قۇلشىنۋ كەرەك. ۋنيۆەرسال سىناق رايوندارى قۇرىلىسىنا قاتىساتىن ماڭىزدى ساياسات جانە ماڭىزدى قۇرىلىس تۇرلەرىن بەلگىلەنگەن ٴتارتىپ بويىنشا بەكىتتىرۋ كەرەك. 

«بەكىتۋدە» مىنالار تالاپ ەتىلدى: مەملەكەتتىك كەڭەستىڭ قاتىستى تاراۋلارى فۋنكتسيالىق جۇمىس ٴبولىسى بويىنشا، جالپىلىق سىناق رايوندارىن سايكەستىرۋدى، وعان جەتەكشىلىك ەتۋدى جانە ساياساتتىق قولداۋدى كۇشەيتىپ، جالپىلىق سىناق رايوندارىنىڭ ۇلگى كورسەتۋ، جەتەكتەۋ رولىن شىن مانىندە ساۋلەلەندىرۋ كەرەك. جاڭالىق اشۋعا شابىتتاندىرۋ پرينسيبى بويىنشا، ماسەلەنى نىشان ەتۋدەن جازباي، سايكەسۋدى، سەلبەسۋدى كۇشەيتىپ، شەكارا اتتاعان ەلەكتروندىق ساۋدا كاسىپورىندارىنىڭ (B2B) تاسىلىنە قاتىستى بۋىنداردىڭ تەحنيكالىق ولشەمى، كاسىپتىك ءتارتىبى، باقىلاۋ-باسقارۋ ۇلگىسى جانە ينفورماتسيالاندىرۋ قۇرىلىسى سياقتى جاقتاردا ىزدەنىس جاساۋىنا، جاڭالىق اشۋىنا كۇش سالىپ، اناعۇرلىم كوپ قولداۋ شارالارىن اقىلداسىپ شىعارىپ، جالپىلىق سىناق رايونىنىڭ دامۋىنا تاماشا ورتا ازىرلەپ، شەكارا اتتاعان ەلەكتروندىق ساۋدا كاسىبىنىڭ دامۋىن، زورايۋىن اناعۇرلىم ويداعىداي جەبەۋ جانە ارناعا ٴتۇسىرۋ كەرەك. شەكارا اتتاعان ەلەكتروندى ساۋدا ستاتسيكا جۇيەسىن جالعاستى كەمەلدەندىرىپ،  ۋنيۆەرسال سىناق رايونى ىشىندەگى شەگارا اتتاعان ەلەكتروندى ساۋدادا پارشا ساتۋ ەكسپورت تاۋارلارىنا قاراتا،  بەلگىلەمە بويىنشا ۇستەمە  باجى جانە تۇتىنۋ باجىسىن كەشىرىم ەتۋ قاتارلى قولداۋ ساياساتىن جولعا قويۋ، كاسىپورىندار كاسىپورىن تابىس باجىسىن اداقتاپ جيناۋدى تالداسا بولادى، ولار تۇراتىن ورىنداعى كەدەن ورگانى باقىلاۋشىلىق ەتىپ، باسقارۋ تالابىنا سايكەس دەپ تۇراقتاندىرعان ۋنيۆەرسال سىناق رايونى ورنالاسقان قالالارعا (رايون) شەكارا اتتاعان ەلەكتروندىق ساۋدادا پارشا ساتۋ يمپورتىنىڭ سىناق ٴتۇيىنى ساياساتىن قولدانىپ،كاسىپورىنداردىڭ شەتەل قامبالارىن بىرگە قۇرۋىنا، ودان بىرگە يگىلىكتەنۋىنە قولداۋ كورسەتىلەدى. ساۋدا مينيسترلىگى ٴبىر تۇتاس جوسپارلاپ سايكەستىرۋدى، ىزىنە ٴتۇسىپ تالداۋ جاساۋدى جانە قۋزاپ جەتەكشىلىك ەتۋدى باستاماشىلدىقپەن ويداعىداي ىستەپ، باعالاۋ جانە شەگىنىپ شىعۋ مەحانيزمىن ورناتىپ جانە كەمەلدەندىرىپ، مەرزىم بويىنشا باعالاۋ جۇرگىزىپ، جارامدىسىن الىپ، جارامسىزىن قاتاردان قالدىرۋدى جەبەپ، قاتىستى تاراۋلارمەن بىرگە تۇيىندە سىناق ەتۋ تاجىريبەلەرىن دەر كەزىندە قورىتىندىلاپ، جالپىلاستىرىپ، كەلەلى ماسەلەلەر مەن احۋالداردى مەملەكەتتىك كەڭەسكە دەر كەزىندە مالىمدەۋ كەرەك.

 اۋدارعان: مۇقامادي ٴشارىپ ۇلى 

来源：中国政府网

翻译：木哈买提

审稿、制作：古丽美热