ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

باس شۋجيدىڭ قامقورلىعى: تۇرمىسىمىز بارعان سايىن باياشات بولۋدا

来源:央广网     |责编:古丽美热·霍孜汗|     发布日期: 2023-01-25 09:53

 

باس شۋجيدىڭ قامقورلىعى: تۇرمىسىمىز بارعان سايىن باياشات بولۋدا

ٴوز حابارىمىز.  باس شۋجي شي جينپيڭ: «توڭكەرىستىك بايىرعى رايوندار پارتيا مەن حالىق ارمياسىنىڭ جان تامىرى، بايىرعى رايونداعى حالىقتى جاقسى ومىرگە كەنەلتۋ-پارتيامىزدىڭ ايبىندى ۋادەسى» دەپ انىق ايتتى. بايىرعى رايونداعى حالىقتى باياشات ومىرگە كەنەلتۋگە باس شۋجي ەجەلدەن كوڭىل ٴبولىپ كەلەدى. 2016-جىلى كوكتەم مەرەكەسى قارساڭىندا، باس شۋجي شي جينپيڭ جيڭگاڭشان بايىرعى توڭكەرىستىك رايونىنداعى شىنشان قىستاعىنا بارىپ، كەدەي بۇقاراعا امانداسىپ، ولاردان حال سۇراپ، كەدەيلىكتەن قۇتىلىپ، اۋقاتتانۋ جولىن بىرلىكتە تالقىلادى. ارادا 7 جىل وتە شىقتى، شىنشان قىستاعىنداعى بۇقارانىڭ تۇرمىس جاعدايى قانداي ؟ بيىلعى وكتەم مەرەكەسى كەزىندە ءتىلشى شىنشان قىستاعىنا بارىپ، وسىناۋ توڭكەرىس توپىراعىنداعى باقىتتى-باياشات تىڭ تىرلىككە كۋا بولدى.

 

كوكتەم مەرەكەسى كەزىندەگى شىنشان قىستاعى ەرەكشە دۋمانعا بولەندى، بارلىق وتباسى، قارتتار مەن بالالار كوكتەم مەركەسىندىك بوساعالىق جاپسىرۋمەن، قوراپتى شام ىلۋمەن، جابىسقاق كۇرىش نان جاساۋمەن ابىگەر بولىپ كوكتەم مەرەكەسىن قارسى الۋ قاربالاستىعىنا كىرىسكەن. تۋىس-تۋعاندار جينالىپ، وشاققا وتتى لاۋلاتا جاعىپ، مايعا قۋىرىلعان تۇشپارا جاساپ، مەرەكەدە باس قوسقاندا جەيتىن تاعامداردى جاساپ قاربالاستىققا  ٴتۇستى.

 

ٴدامى ٴتىل ۇيىرەتىن قۋىرماشتار مەن ٴتۇرلى تاعامدار مول ٴونىم الىنعان جىلداعى مەرەكە شاتتىعىن شارىقتاتا تۇسكەندەي. سەلبەستىك كووپەراتيۆكە قاتىناسقان قىستاق تۇرعىندارى شاي ەگۋ جىلدىق تابىس بولىسىنەن ٴوز ۇلەستەرىن الدى، ٴاربىر ادامنىڭ جۇزىنەن باقىت لەبى ەسەدى.

 

جۇزىنەن قۋانىش لەبى ەسكەن سول ادامداردىڭ ٴبىرىپىڭ شيايىڭ اپاي بۇرىن قىستاقتاعى كەدەي وتباسى بولاتىن. 2016-جىلى 2-ايدىڭ 2-كۇنى باس شۋجي شي جينپيڭ ويلى-قىرلى تاۋ جولىن بويلاپ، قارلى بورانعا قاراماي، شىنشان قىستاعىنا بارىپ، بۇقاراعا امانداسىپ، حال سۇرادىٴارى پىڭ شيايىڭنىڭ ۇيىنە كەلدى. سول كەزدەگى كورىنىس كۇنى بۇگىنگە دەيىن ونىڭ ەسىنەن كەتپەيدى، ونىڭ كونە ءۇيى شىت جاڭا جوندەلسە دە، تاعى ءبىر‍ بولمەلى كونە ءۇيدى وزگەرتپەي ساقتاپ قويعان ەدى. پىڭ شيايىڭ بىلاي دەدى: سول كەزدە باس شۋجي جوعارى جاقتاعى مىنا ورىندا وتىردى، باس شۋجي بىزدەن: «بيىلعى كىرىستەرىڭ قانداي، نەنى ەكتىڭدەر، نەنى باقتىڭدار» دەپ سۇرادى. ٴبىز جامىلاتىن كورپەلەردى كورگەننەن كەيىن باس شۋجي:« قازىر كۇن مىناداي سۋىق جاعدايدا، مىناداي كورپەدەن توڭاسىڭدار ما؟ تازالىق بولمەدە سۋمەن شايىلاتىن دارەتحانا بار ما، جوق پا ؟» دەپ سۇرادى. باس شۋجي ٴوزى بارىپ سۋ ساندىق كىنوفكاسىن باسىپ، سۋ-بار جوعىن كورىپ، ٴار ٴبىر ٴىستى تاپتىشتەي سۇرادى. مەن باس شۋجي بىزگە كوڭىل بولگەن، قامقورلىق جاساعان سول ساتتەردى ەسىمە السام ەرەكشە اسەرلەنەمىن، جان دۇنيەم ەرەكشە ىستىق مەيىرگە بولەنەدى.

 

كەزىندە شىنشان قىستاعى تيپتىك كەدەي قىستاق بولاتىن، قىستاقتاعىلار اتا-بابالارىنان بەرى نار قامىس شاۋىپ ساتىپ كۇنەلتىپ كەلگەن ەدى. كەدەي وتباسىلارىنىڭ ۇيىندە بولعاندا باس شۋجي ٴار ٴبىر اۋىز ءۇيدى ارالاپ كورىپ شىقتى، كوپشىلىكپەن بىرگە ۇستەلدى قورالاي وتىرىپ، ولاردىڭ كىرىس-شىعىس ەسەبىن ەسەپتەدى، سونداي-اق كەدەي وتباسىلارعا مەرەكەلىك بۇيىمدار، بالالارعا سومكا ۇسىندى، اۋىلداستارعا مەرەكە قۇتتى بولسىن ايتتى. ول اۋىلداستارعا بىلاي دەدى: بايىرعى رايوندار مەملەكەت بويىنشا دوڭگەلەك داۋلەتتى قوعام قۇرۋ ساپارىندا تەڭ قاداممەن العا باسۋ كەرەك، بىردە-ٴبىر ادامدى قالدىرىپ قويۋعا بولمايدى.

 

شىنشان قىستاعى پارتيا ياچەيكاسىنىڭ شۋجيى پىڭ جان-ياڭ بىلاي دەدى: باس شۋجي شي جينپيڭ شىنشان قىستاعىنداعىلاردىڭ جۇرەگىن تەبىرەنتتى. سودان بىلايعى ٴاربىر كوكتەم مەرەكەسىندە كوپشىلىك ٴبىر جەرگە باس قوسىپ، قالاي دامۋ جونىندە اقىلداسىلسا بولعانى، كوڭىل- كۇيلەرى تەبىرەنىپ، قايراتتارى تاسقىنداپ كەتەتىن بولدى. مەن دە سول جىلعى كوكتەم مەرەكەسىنەن كەيىن سىرتتاعى قىزمەتىمدى تاستاپ، شىنشان قىستاعىنا قايتىپ كەلدىم، باس شۋجي شي جينپيڭنىڭ ٴۇمىتىن ٴسوزسىز اقتاۋىمىز كەرەك، ٴسوز جوق، كوپشىلىكپەن بىرگە قىستاقتى دامىتۋعا ۇلەس قوسۋىم كەرەك دەگەن بەكىمگە كەلدىم.

 

باس شۋجيدىڭ قامقورلىعى مەن شابىتتاندىرۋى بايىرعى رايونداعى حالىقتىڭ كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋ سەنىمىن تاسقىنداتتى. پىڭ جان-نياڭ سياقتى سىرتتا جۇمىس ىستەيتىن كوپتەگەن قىستاق تۇرعىندارى قىستاققا قايتىپ شارۋاشىلىق قۇرۋ جولىن تاڭدادى. پىڭ شيايىڭ اپاي قىستاقتىڭ كومەگىندە شىنشان قىستاعىنداعى تۇڭعىش شارۋالار شاتتىعى ساياجايىن اشىپ، ەرەكشە ونىمدەردى ساتىپ، تۇسەلحانا اشتى. 7 جىلدا قىستاقتا ٴبىر تۇتاس جوسپارلانىپ، نەگىزدىك قۇرىلعىلار سالىنىپ، قونىس ورتاسى جاقسارىپ، شاپتول، شاي، نار قامىس سياقتى ەرەكشە اۋىل شارۋاشىلىعى دامىتىلۋمەن بىرگە، «توڭكەرىستىك ساياحات» جانە «جاسىل ساياحاتتى» نەگىزگى تاقىرىپ ەتكەن اۋىل-قىستاق ساياحات تۇرلەرى اشىلدى. كەدەي قىستاق قالپاعى الىپ تاستالۋدان اۋىل-قىستاقتى كوركەيتۋ جاڭا جولىن ۇزدىكسىز اشۋعا دەيىنگى بارىستا، بۇگىنگى شىنشان قىستاعىنىڭ تۇراقتى جان سانى 2016-جىلداعىنىڭ 10 ەسەسىندەي بولدى، كىرىستەرى سول جىلداعىنىڭ 10 ەسەسىنە تايادى.

 

كەزىندە باس شۋجيدىڭ شابىتتاندىرۋىندا، اۋىلداستاردى نار قامىس ونىمدەردى مانەرلەپ كەدەيلىكتەن قۇتىلىپ اۋقاتتانۋعا باستاعان زو شياڭيۇن تاياۋدا عانا 14- كەزەكتى مەملەكەتتىك حالىق قۇرىلتايىنىڭ ۋاكىلى بولىپ سايلاندى، ول ارنايى ٴبىر البوم جاساپ، شىنشان قىستاعىنداعى 7 جىلدىق كوركەيۋ وزگەرىستەرىن ەستەلىككە الدى. زو شياڭيۇن بىلاي دەدى: مەيلى ءبىزدىڭ قونىس ورتامىز بولسىن، الدە نەگىزدىك قۇرىلعى بولسىن، بارلىعىندا تىڭ وزگەرىس بار. مەن دە وسى البومدى ۇنەمى جاڭالاپ تۇرامىن، بيىلعى مەملەكەتتىك ەكى ماجىلىسكە الا بارىپ، باس شۋجيگە قىستاعىمىزدىڭ باقىتتى تۇرمىسىنان دوكلات بەرۋگە دايىنمىن.

 

زو شياڭيۇننىڭ ۇلى زو ۋيبو بىلتىر 611 نومىرلىك جاقسى ناتيجەمەن سىچۋان داشۋەسىنە قابىلداندى، وسى قىستاقتان شىققان تۇڭعىش ستۋدەنت بولعان ول بيىلعى كوكتەم مەرەكەسىندە ۇيگە قايتىپ كەلىپ، وتباسىنداعىلارمەن بىرگە مەرەكە شاتتىعىنا شومدى. 7 جىلدىڭ الدىندا، باس شۋجيدىڭ جانىندا تۇرىپ جابىسقاق كۇرىش ناندى تۇسىندىرگەن بالا-وسى زو ۋيبو ەدى. ول بىلاي دەدى: ول كەزدە مەن ٴالى كىشكەنە ەدىم، شي جينپيڭ اتام كۇرىشتەن جابىسقاق نان تۇيۋگە قانشا ۋاقىت كەتەتىنىن سۇراعاندا، مەن « 12 مينۋت» دەپ تىكە ايتتىم، ۇلى اتام مەنىڭ ارت جاعىمدا تۇردى، ول مەنى باس شۋجيدەن ونى-مۇنى سۇراپ شارشاتىپ تاستارما ەكەن دەپ الاڭداعان ەدى. ٴبىراق شي جينپيڭ اتا بىزبەن بىرگە كۇرىش نان تۇيۋگە وتە ىنتالى پەيىل كورسەتتى. مىنە مىناۋ-سول كەزدە شي جينپيڭ اتا ماعان ۇسىنعان سومكا، مەن مۇنى جانىمنان تاستاۋعا قيمايمىن، ويتكەنى بۇل سومكانى شي جينپيڭ اتانىڭ ماعان دەگەن قامقورلىعى مەن شابىتتاندىرۋى دەپ بىلەمىن. مەن بۇدان كەيىن ۇزدىكسىز قۇلشىنىپ، شي جينپيڭ اتانىڭ جاستاردان كۇتكەن ٴۇمىتىن ٴسوزسىز اقتايمىن.

 

شىنشان قىستاعىنا كىرە بەرىستە، كۇلىمسىرەۋ ايناسى اتتى قابىرعا تام بار، وسى قابىرعا تامدا كورىنەتىن ٴار ٴبىر قىستاق تۇرعىندارىنىڭ كۇلىمسىرەگەن جۇزدەرى استارلى كۇرەس حيكايالارىن اڭعارتىپ تۇرعانداي، اۋىلداستاردىڭ باياشات باقىتتى ومىرلەرىنەن سىر شەرتىپ تۇرعانداي سەزىلەدى. 

 

پارتيانىڭ 20-قۇرىلتاي بايانداماسىندا: اۋىل-قىستاقتى كوركەيتۋدى جالپى بەتتىك ىلگەرىلەتىپ، توڭكەرىستىك بايىرعى رايونداردىڭ، ۇلتتىق رايونداردىڭ جەدەل دامۋىن قولداۋ كەرەك دەپ العا قويىلدى. جاڭا جىلدا شىنشان قىستاعى اۋىل-قىستاقتى كوركەيتۋدى جالپى بەتتىك ىلگەرىلەتۋ جاڭا جورىعىندا ارشىندى قادام تاستاۋدا. شىنشان قىستاعى پارتيا ياچەيكاسىنىڭ شۋجيى پىڭ جان-ياڭ بىلاي دەدى: مەن باس شۋجيگە بىلاي دەپ دوكلات بەرگىم كەلەدى: ٴبىز پارتيانىڭ 20-قۇرىلتايىندا جاسالعان اۋىل-قىستاقتى كوركەيتۋدى جالپى بەتتىك ىلگەرىلەتۋ جونىندەگى جاڭا ورنالاستىرۋعا ساي، اۋىلداستاردىڭ تۇرمىسىنىڭ، ٴسوز جوق، كۇننەن-كۇنگە جاقسارا تۇسەتىندىگىنە كامىل سەنىمدىمىز! 

来源:中央广播电视总台

微信制作:古丽美热

      

中央广播电视总台 央广网 版权所有

باس شۋجيدىڭ قامقورلىعى: تۇرمىسىمىز بارعان سايىن باياشات بولۋدا

ٴبىز پارتيانىڭ 20-قۇرىلتايىندا جاسالعان اۋىل-قىستاقتى كوركەيتۋدى جالپى بەتتىك ىلگەرىلەتۋ جونىندەگى جاڭا ورنالاستىرۋعا ساي، اۋىلداستاردىڭ تۇرمىسىنىڭ، ٴسوز جوق، كۇننەن-كۇنگە جاقسارا تۇسەتىندىگىنە كامىل سەنىمدىمىز!