جاڭا يدەيا ارقىلى جاڭا جورىققا جەتەكشىلىك ەتتىرۋ ۇردىستەرى: كۇرەسكەر بەينەمەن جاستىق كوكتەمدى جالىنداتىپ، ٴداۋىر ٴۇمىتىن اقتاۋ جولىندا

ٴوز حابارىمىز. جاستار ىستەرى گۇلدەنسە، مەملەكەت گۇلدەنەدى. باس شۋجي شي جينپيڭ جاستارعا باستان-اياق كوڭىل ٴبولىپ، قامقورلىق جاساپ كەلەدى، ول قالىڭ جاستاردى وتباسى جانە وتان سۇيىسپەنشىلىگىن تەرەڭدەتىپ، العا باسار قاسيەت جەتىلدىرىپ، كۇرەسكەرلىك بەينەمەن جاستىق كوكتەمدى جالىنداتىپ، ٴداۋىردىڭ جانە جاسىق شاقتىڭ ٴۇمىتىن اقتاۋعا شابىتتاندىردى. باس شۋجيدىڭ ىقىلاستى تاپسىرماسى جاڭا داۋىردەگى جاستاردى ٴداۋىر جۇكتەگەن ماڭىزدى مىندەتتى باتىلدىقپەن ارقالاپ، جاستىق كوكتەمدى جالپى بەتتىك سوتسياليستىك وسىزاماندانعان مەملەكەت قۇرۋ جالىندى امالياتىندا شۇعىلا شاشتىرۋعا جەتەكتەۋدە.

بيىلعى قىستىق دەمالىستا جۇڭگو حالىق داشۋەسىندەگى مىڭنان استام وقۋشى وتانىمىزدىڭ جەر-جەرىندە «جۇڭگوشا وسىزامانداندىرۋ رۋحاني قۇپيا سيفىرى» نەگىزگى تاقىرىبىندا تەكسەرۋ-زەرتتەۋ جۇرگىزدى. دەمالىس اياقتاعان كەزدە، ولار قوعامدىق اماليات جەتىستىكتەرىن قورىتىندىلاپ، جوعارى، ورتا، باستاۋىش مەكتەپ وقۋشىلارىمەن ورتاقتاستىردى.

وتانىمىزدىڭ بايتاق دالاسىندا ٴىز قالدىرىپ جۇڭگو رۋحىن ٴوز كوزىمەن كورۋ كەرەك. 2022-جىلى 4-ايدا، باس شۋجي شي جينپيڭ جۇڭگو حالىق داشۋەسىنە بارىپ قىزمەت تەكسەرگەن كەزدە قالىڭ جاستارعا وسىنداي ىقىلاستى تاپسىرما بەردى. باس شۋجي بىلاي دەپ انىق ايتتى: جاڭا ٴداۋىر، جاڭا جورىقتى تياناق ەتە، جۇڭگو جاستارىنىڭ كۇرەس نىساناسى مەن العا باسۋ بەتالىسىن ٴبىر تۇيىنگە جيناقتاعاندا، پارتيانىڭ سوزىنە بۇلجىماي قۇلاق اسىپ، پارتياعا ىلەسىپ، ۇلتتىڭ كوركەيۋى سىندى ماڭىزدى مىندەت ارقالاي الاتىن ٴداۋىردىڭ جاڭا ۇرپاقتارى بولۋعا قۇلشىنۋ بولىپ تابىلادى.

جۇڭگو حالىق داشۋەسى ماركسيزم شۇەيۋانىنىڭ 2022-جىلدىق دوكتور اسپيرانتى شۋە سىچي بىلاي دەدى: زامانىمىزداعى جاستارىمىزدىڭ جاستىق كوكتەمى بەرىك مۇرات-سەنىمگە مۇقتاج. پارتيانىڭ سوزىنە بۇلجىماي قۇلاق اسىپ، پارتياعا ىلەسىپ، جۇڭگو كوممۋنيستەرىنىڭ رۋحاني مايەگىنە ويداعىداي مۇراگەرلىك ەتىپ، باس شۋجيدىڭ بىزدەن كۇتكەن ٴۇمىتىن اقتايمىز. 

بەرىك مۇرات-سەنىم ارقىلى رۋحاني نەگىزدى بەكەمدەپ، ٴداۋىر جۇكتەگەن جاۋاپكەرشىلىك پەن بورىشتى ارقالاۋ كەرەك. پارتيا 20-قۇرىلتايىنىڭ بايانداماسىندا بىلاي دەپ انىق ايتىلدى: جالپى بەتتىك سوتسياليستىك وسىزاماندانعان مەملەكەت قۇرۋداعى ەڭ جاپالى، ەڭ اۋىر مىندەت ٴالى دە اۋىل-قىستاقتا. كوپتەگەن جاستار كەدەيلىكتەن قۇتىلدىرۋدان قامال الۋ تابىستارىن ويداعىداي بەكەمدەپ، اۋىل-قىستاقتى كوركەيتۋدىڭ كۇش جالعاۋ جارىسىن ويداعىداي ۇلاستىرۋ－جاستاردىڭ باس تارتۋعا بولمايتىن بورىشى دەپ بىلەدى.

سانشي ولكەسى فىنشي اۋدانىنىڭ دۋانسۇن قىستاعىندا قىستاق پارتيا ياچەيكاسىنىڭ شۋجيى لي جيالي تاياۋدان بەرى قاربالاستىققا ٴتۇستى. قالىڭ قاردا تەمپەراتۋرا نولدەن تومەن ون نەشە سەلتسي گرادۋسقا ٴتۇستى، قىستاق تۇرعىندارىنىڭ باعىمداعى مالىنىڭ شىعىنعا ۇشىراۋ حاۋپى ونى الاڭداتتى، لي جيالي قىستاق كادرلارىمەن بىرلىكتە ٴۇي-ٴۇيدى ارالاپ، ناق مايداندا احۋال ۇعىستى. بىلتىر كوكتەم مەرەكەسى قارساڭىندا، باس شۋجي شي جينپيڭ قارلى-بورانعا قاراماي دۋانسۇن قىستاعىنا بارىپ، شارۋا وتباسىلارىن ارالاپ، قىستاق تۇرعىندارىمەن اڭگىمەلەسىپ، حال-جاي ۇعىستى. باس شۋجيدىڭ قامقور بەينەسى كۇنى بۇگىنگە دەيىن لي جياليدىڭ كوز الدىنان كەتپەيدى.

لي جيالي بىلاي دەدى: قىستاعىمىز بۇرىن لۇيلياڭ تاۋلى وڭىرىندەگى شوعىرلى تۇتاسقان ەرەكشە كەدەي وڭىرگە جاتاتىن، باس شۋجي قىزمەت تەكسەرگەن كەزدە «قايتا كەدەيلەسۋدەن ساقتانۋ جاعدايىن باقىلاۋ-قاداعالاۋ جانە كومەكتەسۋ-سۇيەمەلدەۋ، شايقاس جۇرگىزۋ كارتاسىنا» ەرەكشە نازار اۋداردى. سول كەزدە ٴبىزدىڭ وسى شايقاس كارتامىزعا 12 ٴتۇرلى سۇيەمەلدەۋ شاراسى ەنگىزىلگەن ەدى، باس شۋجي ٴاربىر شاراعا ەرەكشە نازار اۋداردى، باس شۋجي بۇقارانى قاي-قاشان دا كوكەيىندە ساقتايدى. دۋانسۇن قىستاعىندا بولعاندا باس شۋجي شي جينپيڭ بىلاي دەپ انىق ايتتى: «وسىزاماندانعان مەملەكەت قۇرۋ اۋىل شارۋاشىلىعىن، اۋىل-قىستاقتى وسىزامانداندىرۋدان ايرىلا المايدى». وتكەن ٴبىر جىلدا لي جيالي قىستاقتاعى جاڭا داۋىردەگى شارۋالارمەن بىرلىكتە اۋىلداستاردى باستاپ وسىزاماندانعان زەيىندەسكەن جىلىجاي جانە كوكونىس جىلىجايىن سالىپ، اۋىل شارۋاشىلىعىن سيفرلاندىرا دامىتۋعا دەم بەردى. تاياۋدان بەرى، قىستاقتا جاڭادان سالىنعان ساڭىراۋقۇلاق جىلىجايلارىنىڭ بارىندە ساڭىراۋقۇلاقتىڭ ٴوسۋى جاقسى بولدى. لي جيالي بىلاي دەدى: جاستىق كوكتەمدە اۋىل-قىستاقتى كوركەيتۋ اتىزىنا تامىر تارتىپ، وتانمەن بىرگە دامىپ، بىرگە العا باسۋدى ەرەكشە ماقتانىش سەزىنەمىن. جاڭا جىلدا، مەن اۋىلداستاردى باستاپ، اۋىل-قىستاقتى كوركەيتۋ تاماشا جوباسىن جۇزەگە اسىرۋعا قۇلشىنامىن. 

زامانىمىزداعى جۇڭگو جاستارى ٴداۋىر جۇكتەگەن ماڭىزدى مىندەت ارقالاپ وتىر. ولار باس شۋجيدىڭ تاپسىرماسىن ەستە بەرىك ساقتاپ، عىلمي زەرتتەۋدىڭ ءبىرىنشى شەبىندە شايقاس جاساپ، اقىل-پاراساتتارىن شوعىرلاندىرۋ ارقىلى جاساندى سەرىك جۇلدىزدار الەمىندە قانات قاعا سامعادى؛ ەل-ٴىشى-سىرتىنداعى جارىس الاڭدارىندا ايانباي كۇرەس جۇرگىزىپ، بەرىك سەنىممەن، قايتپاس قايسارلىقپەن جۇڭگو كۇش-قۋاتىن ايگىلەدى؛ قارلى القاپتاعى شەكارا وڭىردە تاباندى تۇرىپ، ادالدىقپەن جاۋاپكەرشىلىك ارقالاپ، گۇلدەنىپ-كوركەيگەن جۇڭحۋانى قورعادى. جاڭا جورىق دابىلى قاعىلدى، جاڭا داۋىردەگى جۇڭگو جاستارى كۇرەسكەرلىك بەينەمەن جاستىق كوكتەمدى جالىنداتىپ، جاڭا داڭق جانە ارمان جىرلارىن ۇزدىكسىز جازۋدا! 

اۆياتسيا ونەركاسىبى شىنفي «لو ياڭ جاستار ەكپىندىلەر اترەتىنىڭ» مۇشەسى تيان فاڭ بىلاي دەدى: باس شۋجي ٴبىزدى مۇراتتى، جاۋاپكەرشىلىك ارقالاۋعا باتىل، جاپاعا شىدايتىن، كۇرەس جۇرگىزۋگە ىنتالى جاڭا داۋىردەگى جاقسى جاستار بولۋعا قۇلشىنۋعا شابىتتاندىردى. جاڭا جىلدا مەن قوسىن باستاپ قيىندىقتاردى جەڭە شايقاس جاساپ، اۆياتسيا عىلىم-تەحنيكاسىندا الۋەتتەنۋگە ەسە قوسا ەرلىكپەن العا ۇمتىلامىن.

شيزاڭ اسكەري رايونى «ۇستىرتتە شەكار قورعاۋ ۇلگىلى يىڭىنىڭ» ليانجاڭى پان حۇڭشۋاي بىلاي دەدى: كوكتەم مەرەكەسى دەمالىسىندا ٴبىز تەڭىز دەڭگەيىنەن ورتاشا بيىكتىگى 5100 مەتر كەلەتىن قارلى ۇستىرتتە بولدىق. جاڭا داۋىردەگى جاس كوماندير-جاۋىنگەرلەر رەتىندە، ٴبىز باس قولباسشىنىڭ تاپسىرماسىن باستان-اياق ەستە بەرىك ساقتاپ، قارلى ۇستىرتتە وتاندى قورعاۋ، شەكارانى قورعاۋ مىندەتىن ادالدىقپەن ويداعىداي اتقارىپ، مەملەكەتتى قۇدىرەتتەندىرۋ، ارميانى قۇدىرەتتەندىرۋ ساپارىندا جاستىق كوكتەمدەگى اسقاق ارماندى ىسكە اسىرامىز.

来源：中央广播电视总台

微信制作：古丽美热