مىنا جەرلەردە بوران سوعىپ، قار جاۋادى

2-ايدىڭ 2-كۇنى ساعات 9 دان 41 مينۋت وتكەندە، ٴۇرىمجىنىڭ اۋا رايى شايداي اشىلىپ، كۇن باياۋ كوتەرىلدى. سۋرەتتى انار بۇلىت\ شينجياڭ گازەتىنىڭ ٴتىلشىسى جاڭ ۋاندى تۇسىرگەن

جۋىردان بەرى بۇلتتى، قارلى اۋا رايى ٴبىرشاما كوپ بولىپ، كۇن ادەتتەگىدەن سۋىق بولدى، سوندىقتان مويىن ٴبولىمىنىڭ جىلۋلىعىن ساقتاۋعا كوڭىل ٴبولۋ كەرەك. قارتتار مويىن قان تامىرلارىنىڭ قىسىمعا ۇشىراۋىنان، ميعا قان جەتىسپەۋىنەن ساقتانۋ ٴۇشىن شاما بار جاعاسى تار جوعارى جاعالى پوپايكالاردى مۇمكىندىگىنشە از كيۋى كەرەك. قالىڭ مويىن سالى، كەڭ مويىن قابىن ىستەتۋدىڭ ٴبارى جاقسى تالعام.

2-ايدىڭ 2-كۇنى شينجياڭ اۋا رايى ستانسياسىنان ۇعىسۋىمىزشا، بۇگىن تارباعاتاي ايماعىنىڭ سولتۇستىگى، التاي ايماعىنىڭ باتىسى، سانجى حۇيزۋ اۆتونوميالى وبلىسىنىڭ شىعىس بولەگى سياقتى جەرلەردىڭ ٴىشىنارا وڭىرلەرىندە 5-4 بال قيىس شىعىس جەلى سوعادى ەكەن، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەلدى ٴوڭىرى، التاي ايماعىنىڭ نوقاي بوراندى ٴوڭىرى، ٴۇرىمجى قالاسىنىڭ ۇلانباي جانە حۇڭيانچى سياقتى جەل وتتەرىندە جەل كۇشى 9 بال اينالاسىندا بولىپ، ٴىشىنارا جەرلەردە بوران سوعىپ، قار جاۋادى؛ بۇراتالا موڭعۇل اۆتونوميالى وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، قارامايلى قالاسى، شىحىزى قالاسى، ٴۇرىمجى قالاسى، سانجى وبلىسى سياقتى جەرلەردىڭ ٴىشىنارا وڭىرلەرىندە كۇن بۇلتتى بولادى.

ٴۇرىمجى قالاسىندا كۇن اشىلعاننان كەيىن تۇمان تۇسەدى، ەڭ جوعارى اۋا تەمپەراتۋراسى نولدەن تومەن 5 سەلتسي گرادۋس، ەڭ تومەنگى اۋا تەمپەراتۋراسى نولدەن تومەن 15 سەلتسي گرادۋس بولىپ، 3 بال جەل سوعادى، وڭتۇستىك قالا ماڭىندا 6 بالدان 7 بالعا دەيىن شىعىس وڭتۇستىك جەلى سوعادى، جەل وتىندە جەل كۇشى 9 بال اينالاسىندا بولادى. سوندىقتان دەنە شىنىقتىرۋدى كۇشەيتىپ، دەنە قۋاتىن ارتتىرۋ، سىرتقا شىققاندا سۋىقتان ساقتانىپ، كيىمدى قالىڭ كيىنۋ،ساپارعا شىققاندا ەڭ جاڭا اۋا رايى مالىمەتىنە، ساقتىق ينفورماتسياسىنا نازار اۋدارۋ كەرەك.

بۇگىن 4 بالدان 5 بالعا دەيىنگى قيىس شىعىس جەلىنىڭ ىقپالىنا ۇشىراعان جول بولەكتەرى: G216 لەنياسىنىڭ شاكۇرتىدەن قامىستىعا دەيىنگى جول بولەگى، G217 لەنياسىنىڭ بۋىرشىننان قوستولاعايعا دەيىنگى جول بولەگى؛ 6 بال اينالاسىنداعى قيىس شىعىس جەلىنىڭ ىقپالىنا ۇشىراعان جول بولەكتەرى: G3015 جەلىسىنىڭ ٴدوربىلجىننەن تەمىرتامعا دەيىنگى بولەگى، S201 جەلىسىنىڭ مايتاس جەل ٴوتى بولەگى، S221 جەلىسىنىڭ تولىنىڭ سارعۋسىن جەل ٴوتى بولەگى،S319جانە S229 جەلىسىنىڭ التاي نوقاي جەل ٴوتى بولەگى، G30 لەنياسى حيميالىق تىڭايتقىش زاۆودىنىڭ ايقاسپالى جول بولەگىنەن ساياپىل ايقاسپاسىنا دەيىنگى جول بولەگى، K3 جەلىسىنىڭ K15 كە دەيىنگى بولەگى بولىپ، جوعارىداعى تاس جول بويىنداعى ٴىشىنارا جەرلەردە بوران سوعىپ، قار جاۋدى. G30 ،G312 لەنياسىنىڭ جىڭ-ٴۇرىمجى بولەگى، G3014 جانە G217 لەنياسىنىڭ قارامايلىدان كۇيتۇنگە دەيىنگى بولەگى جالعاستى تۇماندى اۋا رايىنىڭ ىقپالىنا ۇشىرايدى. 

اۋدارعان: مۇقامادي ٴشارىپ ۇلى

来源：新疆日报

翻译：木哈买提

编辑、制作：阿依娜