ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شي جينپيڭ رەسەي مەديالارىندا اۆتورلى ماقالا جاريالادى

来源:央广网     |责编:古丽美热·霍孜汗|     发布日期: 2023-03-23 10:34

شي جينپيڭ رەسەي مەديالارىندا اۆتورلى ماقالا جاريالادى

ٴوز حابارىمىز. 3-ايدىڭ 20-كۇنى موسكۆاعا بارىپ رەسەي فەدەراتسياسىندا مەملەكەتتىك ساپاردا بولۋ قارساڭىندا، مەملەكەت ٴتوراعاسى شي جينپيڭ «رەسەي گازەتى» مەن رەسەي حالىقارالىق اقپارات اگەنتتىگىنىڭ توراپ بەكەتىندە «ارشىنداي العا باسىپ، جۇڭگو مەن رەسەيدىڭ دوستىق سەلبەستىك، ورتاق دامۋ تىڭ داستانىن جازايىق» دەگەن تاقىرىپتا اۆتورلى ماقالا جاريالادى. ماقالانىڭ تولىق مازمۇنى تومەندەگىدەي:

 

پۋتين زۇڭتۇڭنىڭ ۇسىنىسىمەن، مەن تاياۋدا رەسەي فەدەراتسياسىندا مەملەكەتتىك ساپاردا بولامىن. 10 جىلدىڭ الدىندا، جۇڭگونىڭ مەملەكەت ٴتوراعاسى بولىپ سايلانعاننان كەيىن، مەن ساپارلاي بارعان تۇڭعىش مەملەكەت رەسەي بولدى. 10 جىلدان بەرى، مەن رەسەيگە 8 رەت ساپارلاي باردىم، ٴار رەت قۋانىشپەن بارىپ، تابىستى ورالىپ وتىردىم، پۋتين زۇڭتۇڭمەن بىرلىكتە جۇڭگو-رەسەي قاتىناسىنىڭ جاڭا پاراعىن اشتىق. جۇڭگو مەن رەسەي ەڭ ۇلكەن كورشى ەل جانە جالپى بەتتىك ستراتەگيالىق سەلبەستىك سەرىكتەر، دۇنيە جۇزىندەگى نەگىزگى ٴىرى ەل جانە ب م ۇ حاۋىپسىزدىك القالار كەڭەسىندەگى تۇراقتى القا مەملەكەت. ەكى ەل دە دەربەس، ٴوز-وزىنە قوجايىن بولۋ ديپلوماتيالىق ساياساتىن اتقارادى، ەكى ەل دە جۇڭگو-رەسەي قاتىناسىن ٴوز ەلىنىڭ ديپلوماتياسىندا الدىمەن ويلاستىراتىن بەتالىسقا قويادى. جۇڭگو-رەسەي قاتىناسىنىڭ دامۋى ايقىن تاريحي لوگيكاعا جانە قۋاتتى ىشكى قوزعاۋشى كۇشكە يە. 10 جىلدان بەرى، ەكى جاقتىڭ ٴار سالاداعى سەلبەستىگى ارشىندى قاداممەن دامىپ، جاڭا داۋىرگە تىڭ قادام تاستالدى.

 

-جوعارى جىكتەگىلەردىڭ بارىس-كەلىسى ماڭىزدى ستراتەگيالىق جەتەكشىلىك رول اتقاردى. جۇڭگو مەن رەسەي جوعارى جىكتەگىلەر بارىس-كەلىسىنىڭ جانە ٴار سالاداعى سەلبەستىكتىڭ كەمەلدى مەحانيزمىن ورناتىپ، ەكى ەل قاتىناسىنىڭ دامۋىنا ماڭىزدى تۇزىلىستىك، مەحانيزمدىك كەپىل ازىرلەدى. سوڭعى جىلدارى پۋتين زۇڭتۇڭ ەكەۋىمىز قىزمەتتىك بايلانىستى ساقتاپ، ەكى جاقتى جانە حالىقارالىق ورىنداردا ىلگەرىندى-كەيىندى 40 رەت كەڭەس وتكىزىپ، ەكى ەل قاتىناسى مەن ٴار سالاداعى سەلبەستىكتەرگە جوبا جاساپ، ورتاق كوڭىل ٴبولىپ وتىرعان كەلەلى حالىقارالىق جانە وڭىرلىك ماسەلەلەر جونىندە دەر كەزىندە كەڭەسىپ، كارتينالانعان كەستەگە تۋرالانىپ، ەكى جاقتى قاتىناستىڭ باياندى، اقاۋسىز، ورنىقتى دامۋىنا باعدار بەلگىلەپ، رولدى مىقتى ۇستادىق.

 

-ەكى جاقتىڭ ساياسي ءوزارا سەنىمدىلىگى ۇزدىكسىز بەكەمدەلىپ، ءىرى ەلدەر قاتىناسىنا جاڭا ۇلگى قالىپتاستى. جۇڭگو مەن رەسەي ۇرپاقتان-ۇرپاققا جالعاسقان دوستىق، سەلبەسە ورتاق يگىلىتەنۋ تانىمىن ۇستانىپ، وداقتاسپاۋعا، قارسىلاسپاۋعا، ٴۇشىنشى جاققا باعىتتالماۋعا تاباندى بولىپ، ٴبىر-ٴبىرىنىڭ ٴوز ەلىنىڭ مەملەكەت جاعدايىنا ۇيلەسەتىن دامۋ جولىمەن ٴجۇرۋىن، ٴبىر-ٴبىرىنىڭ دامۋىن، كوركەيۋىن باتىل قولدادى. ەكى ەل قاتىناسى دامۋ بارىسىندا بارعان سايىن تولىسىپ، بەكەمدەلىپ، جاڭا جالىندى ومىرشەڭدىك كۇش ۇزدىكسىز قاۋلاپ، ٴوزارا قۇرمەت ەتەتىن، بەيبىت قاتار تۇراتىن، سەلبەسە ورتاق يگىلىكتەنەتىن جاڭاشا ٴىرى ەل قاتىناس ۇلگىسى ورنادى.

 

-ەكى جاق جالپى جۇزدىك، كوپ ساتىلى سەلبەستىك جاعدايىن قالىپتاستىردى. ەكى جاقتىڭ ورتاق قۇلشىنۋىندا، بىلتىر جۇڭگو مەن رەسەيدىڭ ەكى جاقتى ساۋدا سوماسى 190 ميلليارد امەريكا دوللارىنان اسىپ، 10 جىلدىڭ الدىنداعىدان %116 ارتتى، جۇڭگو ٴۇرتىس 13 جىل رەسەيدىڭ ٴبىرىنشى ۇلكەن ساۋدا سەرىگى بولىپ كەلدى. ەكى ەلدىڭ ەكى جاقتى قارجى قوسۋ كولەمى ۇزدىكسىز ارتىپ، ەنەرگيا، اۆياتسيا، عارىش، ٴوزارا بايلانىس سياقتى سالالارداعى ٴىرى نىساندار سەلبەستىگى ورنىقتى ىلگەرىلەدى. عىلىم-تەحنيكادا جاڭالىق جاراتۋ، شەكارا اتتاعان ەلەكتروندىق ساۋدا سياقتى جاڭادان گۇلدەنگەن سالالارداعى سەلبەستىكتەردە تەبىندى ارىن ساقتالدى، جەرلىك ورىندار سەلبەستىگى دامىپ، ەكى ەل حالقىنا ناقتى پايدا جەتكىزدى، سونداي-اق ەكى جاقتىڭ وزدەرىنىڭ دامۋىنا، گۇلدەنۋىنە قوزعاۋشى كۇش ازىرلەندى.

 

-ەكى جاق ۇرپاقتان-ۇرپاققا جالعاسقان دوستىق تانىمىن امالياتتا ايگىلەپ، ءداستۇرلى دوستىقتى ۋاقىت كەرۋەنىندە سومداپ بەكەمدەي ءتۇستى. ەكى جاق «جۇڭگو مەن رەسەيدىڭ تاتۋ كورشىلىك، دوستىق سەلبەستىك شارتىنا» قول قويىلعاندىعىنىڭ 20 جىلدىعىن سالتاناتپەن اتاپ ٴوتتى، پۋتين زۇڭتۇڭ ەكەۋىمىز «شارتتىڭ» كۇشكە يە ۋاقىتى ۇزارتىلعاندىعىن ٴارى وعان جاڭا داۋىرلىك ٴمان بەرىلگەندىگىن جاريالادىق. ەكى جاق ىلگەرىندى-كەيىندى مەملەكەت دارەجەلى 8 نەگىزگى تاقىرىپتىق جىل قيمىلىن وتكىزىپ، دوستىق سەلبەستىك تىڭ داستانى جازىلدى. ەكى ەل حالقى جاڭا تيپتى ايدارشا ۆيرۋس وكپە قابىنۋ ىندەتىنە قارسى كۇرەستە ٴبىر-ٴبىرىن قولداپ، ٴبىر-بىرىنە دەم بەرىپ، قيىن-قىستاۋ ساتتەردە شىنايى دوسىقتىڭ ايگىلەنۋىنە تاعى ٴبىر رەت كۋا بولدى.

 

-ەكى جاق حالىقارالىق ساحنادا تىعىز سەلبەسىپ، ءىرى ەل جاۋاپكەرشىلىگىن اتقاردى. جۇڭگو مەن رەسەي بىرلەسكەن مەملەكەتتەر ۇيىمىن ۇيتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ٴتارتىپتى، بىرلەسكەن مەملەكەتتەر ۇيىمى ۋستاۆىنىڭ نەگىزگى ماقساتى مەن پرينسيبىن نەگىز ەتكەن حالىقارالىق قاتىناستىڭ نەگىزگى ولشەمىن باتىل قورعاپ، بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، بريكس ەلدەرى، 20 ەل توبى سياقتى حالىقارالىق كوپ جاقتى مەحانيزمدەردە تىعىز بايلانىس جاساپ جانە سەلبەسىپ، دۇنيە ٴجۇزىنىڭ كوپ ۇيەكتەنۋى مەن حالىقارالىق قاتىناستىڭ دەموكراتيالانۋىن ىلگەرىلەتۋگە ورتاق كۇش سالىپ، ناعىز كوپ جاقتىلىقتى بەلسەنە امالياتتا ايگىلەپ، بۇكىل ادامزاتتىق ورتاق قۇندى ساۋلەلەندىرىپ، جاڭاشا حالىقارالىق قاتىناس پەن ادامزاتتىڭ تاعدىرلاس ورتاق تۇلعاسىن قۇرۋدى كۇش سالا دارىپتەدى.

 

جۇڭگو-رەسەي قاتىناسى 70 جىلدان استام بوران-شاشىندى باستان كەشىردى. بۇگىنگى تاڭدا وتكەندى ەسكە العاندا، ٴبىز جۇڭگو-رەسەي قاتىناسىنىڭ بۇگىنگىدەي دامۋ ناتيجەسىنىڭ وڭاي-وسپاق قولعا كەلمەگەندىگىن، جۇڭگو-رەسەي دوستىعىنىڭ ۋاقىت كەرۋەنىندە تۇلەجىپ جاڭارىپ كەلە جاتقاندىعىن، ٴسوز جوق، بارىنشا قاستەرلەۋ كەرەكتىگىن تەرەڭ سەزىنەمىز. تاريح پەن اماليات بىزگە مىنانى ۇعىندىردى: جۇڭگو-رەسەي قاتىناسىنىڭ حالىقارالىق اۋمالى-توكپەلى وزگەرىستەردىڭ سىنىنان وتە الۋىنداعى تەتىك − مەملەكەت پەن مەملەكەتتىڭ تاتۋ-ءتاتتى ءوتۋ دۇرىس جولىن تاپقاندىعىندا.

 

مەنىڭ رەسەيگە ساپارلاي بارۋىم دوستىق ساپار، سەلبەستىك ساپارى، بەيبىتشىلىك ساپارى. مەن پۋتين زۇڭتۇڭمەن بىرگە الداعى ءبىر مەزگىلدەگى جۇڭگو مەن رەسەيدىڭ جالپى بەتتىك ستراتەگيالىق ىستەستىك سەرىكتەستىك قاتىناسىن دامىتۋدىڭ جاڭا بولاشاعىن، جاڭا جوباسىن، جاڭا شارالارىن ورتاق العا قويۋدى ٴۇمىت ەتەمىن.

 

ەكى جاق ٴبىر تۇتاس جوسپارلاۋدى كۇشەيتىپ، نازاردى ەكى ەلدىڭ ٴوز دامۋ، كوركەيۋ ىستەرىنە شوعىرلاندىرىپ، جاڭا وي جەلىسىن اشىپ، جاڭا وراي جاراتىپ، جاڭا قوزعاۋشى كۇش قوسۋ كەرەك. ٴوزارا سەنىمدىلىكتى كۇشەيتىپ، كومەسكى كۇشتى قاۋلاتىپ، جۇڭگو-رەسەي قاتىناسىندا جوعارى دەڭگەيلى اينالىمدى باستان-اياق ساقتاۋ كەرەك. 

 

قارجى قوسۋ ەكونوميكا-ساۋدا سەلبەستىگىندە سان مەن ساپانىڭ تەڭ جوعارىلاۋىن ىلگەرىلەتۋ، ساياساتتاردى سايكەستىرۋدى كۇشەيتۋ ارقىلى ەكى ەلدىڭ قارجى قوسۋ سەلبەستىگىنىڭ جوعارى ساپالى دامۋىنا ٴتيىمدى شارت-جاعداي ازىرلەۋ كەرەك. ەكى جاقتى ساۋدا كولەمىن كەڭەيتىپ، اناعۇرلىم كوپ مۇددە توعىسۋ ٴتۇيىنىن جانە سەلبەستىكتىڭ ارتۋ ٴتۇيىنىن قالىپتاستىرىپ، ٴداستۇرلى ساۋدا مەن جاڭادان گۇلدەنگەن سەلبەستىك ٴوزارا تولىقتايتىن، ورتاق داميتىن جاعداي قالىپتاستىرۋ كەرەك. «ٴبىر بەلدەۋ، ٴبىر جولدى» ورتاق قۇرۋدى ەۆروپا-ازيا ەكونوميكالىق وداعىمەن ۇشتاستىرۋ سەلبەستىگىن ۇزدىكسىز ىلگەرىلەتىپ، ەكى جاقتى جانە وڭىرلىك سەلبەستىككە اناعۇرلىم كوپ تۇزىمدىك ورنالاستىرۋ ازىرلەۋ كەرەك.

 

گۋمانيتارلىق اۋىس-كۇيىستى جيىلەتىپ، جۇڭگو-رەسەي دەنە تاربيە اۋىس-كۇيىس جىلىن ويداعىداي وتكىزۋ كەرەك. جەرلىك سەلبەستىك مەحانيزمىنەن ويداعىداي پايدالانىپ، ەكى ەلدىڭ دوس ولكە، دوس وبلىس، دوس قالالارىنىڭ باعىتتامالى بارىس-كەلىستى بەلسەنە ورىستەتۋىن ىلگەرىلەتۋ، ەكى جاقتىڭ ادامدارىن بارىس-كەلىس جاساۋعا شابىتتاندىرۋ، ەكى ەلدىڭ ساياحات سەلبەستىگىن بەلسەنە قالپىنا كەلتىرۋ كەرەك. جازدىق لاگەر، بىرلەسىپ مەكتەپ اشۋ سياقتى قيمىلداردى ويداعىداي ورىستەتىپ، ەكى ەل بۇقاراسىنىڭ، اسىرەسە، جاستار مەن ورەندەردىڭ ٴوزارا ٴتۇسىنىسۋى مەن دوستىعىن ۇزدىكسىز كۇشەيتۋ كەرەك.

 

بۇگىنگى دۇنيە ٴجۇزى 100 جىلدا بولماعان زور وزگەرىس جاعدايىندا تۇر. بەيبىتشىلىك، دامۋ، سەلبەستىك، ورتاق يگىلىكتەنۋ سىندى تاريحي اعىمىن توسۋعا كەلمەيدى، دۇنيەنىڭ كوپ ۇيەكتەنۋ، ەكونوميكانىڭ جەر شارىلانۋ، حالىقارالىق قاتىناستىڭ دەموكراتيالانۋ اۋقىمىن كەرى بۇرۋعا كەلمەيدى. سونىمەن بىرگە، ٴداستۇرلى جانە بەي ٴداستۇرلى حاۋىپسىزدىك سايىستار شىرما-شاتۋ قاباتتاسىپ، زورەكەرلىك وكتەمدىك اۋىر زيان تۋدىرىپ، دۇنيە ٴجۇزى ەكونوميكاسىنىڭ قالپىنا كەلۋ جولى كەدەرگىگە ۇشىرادى ٴارى ۇزارا ٴتۇستى. حالىقارالىق قوعام قاتتى الاڭداپ، داعدارىستى الاستايتىن سەلبەستىك تاماشا رەتسەبىن اسىعا كۇتۋدە.

 

2013-جىلى 3-ايدا مەن موسكۆا حالىقارالىق قاتىناس داشۋەسىندە ٴسوز سويلەگەندە: «ٴار ەلدىڭ ٴوزارا بايلانىس جاساۋ، ٴوزارا ارقا سۇيەۋ دارەجەسى بۇرىن بولىپ كورىلمەگەن دارەجەدە تەرەڭدەدى، ادامزاتتىڭ ۇقساس جەر شارى قىستاعىندا تۇرمىس كەشىرۋى بارعان سايىن ٴبىر-بىرىمەن بىتە قايناسقان تاعدىرلاس ورتاق تۇلعاعا اينالدى» دەگەن كوزقاراستى العا قويعان ەدىم. وسىدان كەيىن، مەن تاعى دا «ءبىر بەلدەۋ، ءبىر جولدى» ورتاق قۇرۋ دارىپتەمەسىن، الەمدىك دامۋ دارىپتەمەسىن، الەمدىك حاۋىپسىزدىك دارىپتەمەسىن، الەمدىك وركەنيەت دارىپتەمەسىن ىركەس-تىركەس العا قويىپ، ادامزاتتىڭ تاعدىرلاس ورتاق تۇلعاسى تانىمىنىڭ ءمانىن جانە امالياتتىق جولىن بايىتىپ، دۇنيە ءجۇزىنىڭ وزگەرىسىنە، ءداۋىردىڭ وزگەرىسىنە، تاريحتىڭ وزگەرىسىنە توتەپ بەرۋ ءۇشىن جۇڭگو جوباسىن ۇسىندىم.

 

10 جىلدان بەرى بەيبىتشىلىك، دامۋ، تەڭدىك، ادىلدىك، دەموكراتيا، ەركىندىك سىندى بۇكىل ادامزاتتىق ورتاق قۇن بارعان سايىن جۇرت جۇرەگىنە تەرەڭ ۇيالاپ، باياندى، بەيبىت، جالپى بەتتىك حاۋىپسىز، ورتاق كوركەيەتىن، اشىق ۇستالاتىن، سيىسىمدى، تازا، كورىكتى دۇنيە قۇرۋ بارعان سايىن كوپ ەلدىڭ ورتاق تالپىنىسىنا اينالدى. حالىقارالىق قوعام دۇنيە جۇزىندە ەلدەن ەرەك مەملەكەتتىڭ، توڭىرەكتىڭ ٴتورت بۇرىشىنا تۇگەل ۇيلەسەتىن مەملەكەت باسقارۋ ۇلگىسىنىڭ، ٴمالىم ٴبىر ەلدىڭ ايتقانى ەسەپ بولاتىن حالىقارالىق ٴتارتىپتىڭ ٴومىر سۇرمەيتىندىگىن ايقىن تانىپ جەتتى. ىنتىماقتاساتىن استە بولشەكتەنبەيتىن، بەيبىت تۇراتىن، استە الاساپىران بولمايتىن دۇنيە ٴجۇزى بۇكىل ادامزاتتىڭ ورتاق مۇددەسىنە ۇيلەسەدى.

 

بىلتىردان بەرى ۋكراينا داعدارىسى جالپى جۇزدىك اسقىندى. جۇڭگو جاق باستان-اياق ءىستىڭ دۇرىس-بۇرىس،ٴتۇزۋ-قيسىقتىعىنا كوز جىبەرىپ، وبيەكتيۆ، ءادىل تۇرعىدا تۇرىپ، بەلسەنە ءناسيحاتتاپ، كەلىسسوزگە جەبەدى. مەن ب م ۇ ەرەجەسىنىڭ نەگىزگى ماقساتى مەن پرينسيپتەرىنە بويسۇنۋ، ٴار ەلدىڭ ۇيلەسىمدى حاۋىپسىزدىك جاعىندا كوكەيتەستى قاداعالاپ وتىرعان ماسەلەلەرىنە قۇرمەت ەتۋ، ۋكراينا داعدارىسىن بەيبىت جولمەن شەشۋگە كۇش سالۋداعى بارلىق قۇلشىنىستاردى قولداۋ، بۇكىل جەر شارىندىق كاسىپ تىزبەگىمەن قامداۋ تىزبەگىنىڭ ورنىقتىلىعىنا شىنايى كەپىلدىك ەتۋ سياقتىلاردى قامتىعان كوپتەگەن قۋاتتامالاردى ىركەس-تىركەس العا قويدىم، بۇل قۋاتتامالار جۇڭگونىڭ ۋكراينا داعدارىسىن ٴبىر جاقتى ەتۋدەگى ٴتۇبىرلى ولشەمىنە اينالدى. تاياۋدا جۇڭگو «ۋكراينا داعدارىسىن ساياسي جولمەن شەشۋدەگى جۇڭگو مايدانى» قۇجاتىن جاريالاپ، ءار جاقتىڭ ۇيلەسىمدى كوكەيتەستى قاداعالاپ وتىرعان پىكىرلەرىن قابىلداپ، حالىقارالىق قوعامنىڭ ۋكراينا داعدارىسى ماسەلەسىندەگى ەڭ ۇلكەن ورتاق بولگىشىن بەينەلەپ، داعدارىستىڭ سىرتقا كەڭەيۋىن باسەڭدەتۋدە، ساياسي جولمەن شەشۋدى ىلگەرىلەتۋدە سىندارلى رول اتقاردى. كۇردەلى ماسەلەلەردى قاراپايىم ٴادىس ارقىلى شەشۋگە كەلمەيدى. ٴبىز ٴار جاق ورتاق، جالپىلىق، سەلبەستىك، باياندى حاۋىپسىزدىك كوزقاراسىن ۇستانىپ، تەڭ، اقىلعا سيىمدى بولۋعا، ناقتى تىلدەسۋگە، كەڭەسۋگە تاباندى بولسا بولعانى، ۋكراينا داعدارىسىن شەشۋدىڭ ۇيلەسىمدى جولىن، ٴسوز جوق، تاۋىپ، دۇنيە ٴجۇزىنىڭ باياندى بەيبىتشىلىگىن، جالپى بەتتىك حاۋىپسىزدىگىن جۇزەگە اسىرۋدىڭ نۇرلى جولىن اشۋعا بولاتىندىعىنا سەنەمىز.

 

الەمدىك ىستەردى ويداعىداي ىستەۋ ٴۇشىن، ەڭ اۋەلى، ٴوز ٴىسىن جاقسى ىستەۋ كەرەك. جۇڭگو حالقى جۇڭگو كوممۋنيستىك پارتياسىنىڭ باسشىلىعىندا ىنتىماقتاسا كۇرەس جۇرگىزىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى كوركەيۋىن جالپى بەتتىك ىلگەرىلەتۋدە. جۇڭگو ۇلگىسىندەگى وسىزاماندانۋ، جيناقتاپ ايتقاندا، جان سانى وراسان زور ەلدىڭ وسىزاماندانۋى، جالپى حالىق ورتاق اۋقاتتانعان، زاتتىق وركەنيەت پەن رۋحاني وركەنيەت ٴوزارا سايكەسكەن، ادام مەن تابيعات جاراسىمدى قاتار ٴومىر سۇرگەن وسىزاماندانۋ، بەيبىت دامۋ جولىمەن جۇرگەن وسىزاماندانۋ.

 

وسى جۇڭگوشا ەرەكشەلىكتەرگە ٴبىزدىڭ ۇزاق ۋاقىتتان بەرگى امالياتتىق ىزدەنىستەرىمىز سىڭگەن، ول ٴبىزدىڭ حالىقارالىق تاجىريبەلەردى تەرەڭ قورىتىندلاعاندىعىمىزدى كورسەتەدى. بولاشاقتا ٴبىز جۇڭگو ۇلگىسىندەگى وسىزامانداندىرۋ ىستەرىن تاباندىلىقپەن ىلگەرىلەتىپ، جوعارى ساپالى دامۋدى قۇلشىنا جۇزەگە اسىرىپ، جوعارى دەڭگەيدەگى سىرتقا ەسىك اشۋدى كەڭەيتەمىز، مۇنىڭ رەسەيدى قامتىعان دۇنيە جۇزىندەگى ٴار ەلگە جاڭا دامۋ ورايىن بەرەتىندىگىنە سەنەمىز.

 

جىل ەسەبى كوكتەمدە. بارلىق ىستە تىڭنان جول اشىپ ىستەۋگە تۋرا كەلەدى. ٴبىز سەبەپتى تۇردە مىناداي ٴۇمىت ارتا الامىز: دامۋ، كوركەيۋ جولىنداعى مۇراتتاستار رەتىندە، جۇڭگو مەن رەسەي ٴسوزسىز، ادامزات وركەنيەتىنىڭ العا باسۋىنا اناعۇرلىم زور تىڭ ۇلەس قوسادى.

来源:中央广播电视总台

主播:热德力

视频制作:阿依努尔

微信制作:古丽美热

تومەندەگى 阅读原文 جالعانىمىن باسىپ حاباردىڭ  كەسكىنىن كورىڭىز


中央广播电视总台 央广网 版权所有

شي جينپيڭ رەسەي مەديالارىندا اۆتورلى ماقالا جاريالادى

بارلىق ىستە تىڭنان جول اشىپ ىستەۋگە تۋرا كەلەدى. ٴبىز سەبەپتى تۇردە مىناداي ٴۇمىت ارتا الامىز: دامۋ، كوركەيۋ جولىنداعى مۇراتتاستار رەتىندە، جۇڭگو مەن رەسەي ٴسوزسىز، ادامزات وركەنيەتىنىڭ العا باسۋىنا اناعۇرلىم زور تىڭ ۇلەس قوسادى.