ٴوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 3-ايدىڭ 15-كۇنى بەيجيڭدە جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر سۇحپاتىنا قاتىناستى ءارى «قول ۇستاسا وتىرىپ وسىزاماندانۋ جولىمەن بىرگە جۇرەيىك» دەگەن تاقىرىپتا نەگىزگى ماقساتتىق ءسوز سويلەدى. ول مىنالاردى باسا دارىپتەدى: وسىزاماندانۋ جونىندەگى ٴبىر قىدىرۋ سۇراۋلارعا، ساياسي پارتيا وسىزاماندانۋ اياق الىسىنا جەتەكشىلىك ەتەتىن جانە ىلگەرىلەتەتىن ماڭىزدى كۇش رەتىندە جاۋاپ بەرۋگە مىندەتتى. جۇڭگو كوممۋنيستىك پارتياسى ٴوز تاعدىرىن باستان-اياق ٴار ەل حالقىنىڭ تاعدىرىمەن تىعىز بايلانىستىرىپ، جۇڭگو ۇلگىسىندەگى وسىزامانداندىرۋ جاڭا تابىستارى ارقىلى دۇنيە ٴجۇزىنىڭ دامۋىنا جاڭا وراي جاراتىپ، ادامزاتتىڭ وسىزامانداندىرۋ جولى ىزدەنىسىنە تىڭ كۇش ۇستەپ، ادامزات قوعامىنىڭ وسىزاماندانۋ نازارياسى مەن امالياتىندا جاڭالىق جاراتۋعا تىڭ ۇلەس قوسىپ كەلەدى.

شي جينپيڭ بىلاي دەپ باسا دارىپتەدى: ادامزات قوعامىنىڭ دامۋ اياق الىسى بۇرالاڭ جولدار باسىپ، تولقىندى جىلداردى باستان كەشىرىپ كەلەدى، ٴار ەلدىڭ وسىزاماندانۋ جولىنداعى ىزدەنىس بارىسى ماشاقاتقا تولى بولدى. بۇگىنگى دۇنيەدە كوپتەگەن سىن-سايىستار مەن داعدارىستار ارالاسىپ، قاباتتاسىپ، دۇنيە ٴجۇزى ەكونوميكاسىنىڭ قالپىنا كەلۋى قيىنعا سوعىپ، دامۋ الشاقتىعى ۇزدىكسىز زورايىپ، ەكولوگيالىق ورتا ۇزدىكسىز ناشارلاپ، قىرعي قاباقتىق وي تۇمانى تورلاپ، ادامزات قوعامىنىڭ وسىزاماندانۋ اياق الىسى تاريحتىڭ ٴتورت كوشەسىنە تاعى دا تىرەلدى. سوندىقتان مەن مىناداي بەس ٴتۇرلى قۋاتتامانى ورتاعا قويامىن: حالىقتى بارىنەن جوعارى قويۋ كوزقاراسىنا تاباندى بولىپ، وسىزاماندانۋ باعىتىنىڭ حالىقتىق سيپاتىن كورنەكتەندىرۋ؛ دەربەس، ٴوز-وزىنە قوجايىن بولۋ پرينسيبىن ۇستانىپ، وسىزامانداندىرۋ جولىنىڭ الۋان تۇرلىلىگىن قاراستىرۋ؛ تۋراشىلدىقتان تايماي، جاڭالىق جاراتۋ تانىمىن ورناتىپ، وسىزاماندانۋ اياق الىسىنىڭ باياندىلىعىن ساقتاۋ؛ وزىنە دە، وزگەگەدە پايدا جەتكىزۋ رۋحىن اسقاقتاتىپ، وسىزاماندانۋ جەتىستىگىنىڭ جالپىعا ٴتيىمدى بولۋىن كۇشەيتۋ؛ قايراتتانا العا ۇمتىلۋ رۋحاني بەينەسىن ساقتاپ، وسىزاماندانۋعا باسشىلىق ەتۋ تاباندىلىعىنا شىنايى كەپىلدىك ەتۋ كەرەك. 

شي جينپيڭ مىنالاردى انىق ايتتى: وسىزامانداندىرۋدى جۇزەگە اسىرۋ−تاياۋ زاماننان بەرگى جۇڭگو حالقىنىڭ تالىقپاي تالپىنىپ كۇرەس جاساپ كەلە جاتقان ارمانى. جۇڭگو كوممۋنيستىك پارتياسىنىڭ 100 جىلدان استام ۋاقىتتان بەرى جۇڭگو حالقىن ىنتىماقتاستىرىپ جانە باستاپ، ۇلتتىڭ كوركەيۋىنە تالپىنعان تاريحى دا وسىزامانداندىرۋ جولىندا ۇزدىكسىز ىزدەنىس جاسالعان تاريح. نەشە ۇرپاق ادامداردىڭ قاجىماي-تالماي قۇلشىنۋى ارقىلى ٴبىز جۇڭگو ۇلگىسىندەگى وسىزامانداندىرۋ جولىمەن جۇردىك. جۇڭگو ۇلگىسىندەگى وسىزامانداندىرۋدا ٴارى ٴوز مەملەكەت جاعدايى نەگىز ەتىلەدى، ٴارى ٴار ەلدىڭ تاجىريبەسىنەن ۇلگى الىنادى؛ ٴارى تاريحي مادەنيەتكە مۇراگەرلىك ەتىلەدى، ٴارى وسىزامانعى وركەنيەتپەن توعىستىرىلادى؛ ٴارى جۇڭگو حالقىنا باقىت جاراتىلادى، ٴارى دۇنيە ٴجۇزىنىڭ ورتاق دامۋى جەبەلەدى، مىنە، بۇل ٴبىزدىڭ قۇدىرەتتى ەل قۇرۋ، ۇلتتى كوركەيتۋ داڭعىل جولىمىزٴارى جۇڭگونىڭ ادامزاتتىڭ العا باسۋىنا، دۇنيە ٴجۇزىنىڭ ۇلى بىرلىگىنە تالپىنۋىندا، ٴسوز جوق، باسىپ وتەتىن جولى.

شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى جوعارى ساپالى دامۋدى ىلگەرىلەتۋگە كۇش سالىپ، بۇكىل دۇنيە ٴجۇزىنىڭ ورتاق دامۋىن، كوركەيۋىن جەبەيدى. ٴبىز جاڭا دامۋ جۇلگەسىن جەدەل ورناتىپ، جوعارى دەڭگەيدە سىرتقا ەسىك اشۋدى ۇزدىكسىز ۇلعايتىپ، بازارعا كىرۋ رۇقساتىن ۇزدىكسىز كەڭەيتىپ، اشىق ۇستالعان ەسىكتى بارعان سايىن ايقارا اشامىز. جۇڭگونىڭ وسىزاماندانعان كاسىپ جۇيەسى قۇرىلىسىنىڭ ىلگەرىلەۋىنە بايلانىستى، ٴبىز دۇنيە ٴجۇزىن اناعۇرلىم كوپ، اناعۇرلىم ابزال جۇڭگو جاساۋ كاسىبىمەن جانە جۇڭگو جاسامپازدىعىمەن، دۇنيە ٴجۇزىن اناعۇرلىم كەڭ كولەمدى جۇڭگو بازارى جانە جۇڭگو قاجەتىمەن قامدايمىز. ٴبىز دامۋ جولىنداعى قالىڭ ەلدەردىڭ جەدەل دامۋىن، ونەركاسىپتەنۋدى، وسىزاماندانۋدى جۇزەگە اسىرۋىن باتىل قولداپ جانە وعان كومەكتەسىپ، وڭتۇستىك پەن سولتۇستىكتىڭ پارقىن ازايتۋعا، ورتاق دامۋدى جۇزەگە اسىرۋعا جۇڭگو جوباسىن جانە جۇڭگو كۇش-قۋاتىن ۇسىنامىز. ٴبىز ٴار ەلدىڭ ساياسي پارتيالارىمەن بىرلىكتە «ٴبىر بەلدەۋ، ٴبىر جولدى» ورتاق قۇرۋدى جوعارى ساپالى دامىتۋدى ىلگەرىلەتۋدى، الەمدىك دامۋ دارىپتەمەسىنىڭ تياناقتانۋىن جەدەلدەتۋدى، الەمدىك دامۋدىڭ جاڭا قوزعاۋشى كۇشىن جەتىلدىرۋدى، الەمدىك دامۋدىڭ ورتاق تۇلعاسىن قۇرۋدى قالايمىز.

شي جينپيڭ بىلاي دەپ انىق ايتتى: جۇڭگو كوممۋنيستىك پارتياسى حالىقارالىق ادىلدىكتى، تەڭدىكتى قورعاۋعا، دۇنيە ٴجۇزىنىڭ بەيبىتشىلىگىن، ورنىقتىلىعىن جەبەۋگە كۇش سالادى. جۇڭگو ۇلگىسىندەگى وسىزامانداندىرۋ وتارشىلدىق، تالان-تاراجىلاۋ سىندى كونە سۇردەكپەن جۇرمەيدى، مەملەكەت قۇدىرەتتەنسە، ٴسوز جوق، زورەكەر بولاتىن تەرىس جولمەن جۇرمەيدى، بەيبىت داميتىن ادامزات دۇنيەسىندەگى دۇرىس جولمەن جۇرەدى. ٴبىز الاۋىزدىقتاردى سۇحپات ارقىلى ارىلتۋدى، داۋ-شاردى سەلبەستىك ارقىلى شەشۋدى دارىپتەپ، ٴارقانداي فورماداعى زورەكەرلىك پەن وكتەمدىك ساياسيعا باتىل قارسى تۇرىپ، ىنتىماق رۋحى مەن ورتاق يگىلىكتەنۋ وي جۇيەسى ارقىلى كۇردەلى دە شىرما-شاتۋ حاۋىپسىزدىك سىن-سايىستارىنا توتەپ بەرۋدى، ٴادىل، تەڭ بولاتىن، ورتاق قۇرىپ، ورتاق يگىلىكتەنەتىن حاۋىپسىزدىك جاعدايىن قالىپتاستىرۋدى دارىپتەيمىز. دۇنيە ٴجۇزى «جاڭا قىرعي قاباقتىقتى» قاجەت ەتپەيدى، دەموكراتيانى جەلەۋ ەتىپ، بولشەكتەۋ، قارسىلاسۋدىڭ ٴوزى دەموكراتيا رۋحىن اياق استى ەتكەندىك، بۇلاي ىستەۋ جۇرت كوڭىلىنە جاقپايدى، زاردابى شەكسىز بولادى. جۇڭگونىڭ وسىزاماندانۋدى جۇزەگە اسىرۋى دۇنيە ٴجۇزى بەيبىتشىلىك كۇشىنىڭ ارتۋى، حالىقارالىق ادىلەتتى كۇشتىڭ ۇلعايۋى بولىپ تابىلادى، مەيلى دامىپ قاي دارەجەگە جەتسىن، جۇڭگو ماڭگى زورەكەر بولمايدى، ماڭگى ىرگە كەڭەيتپەيدى.

شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى وركەنيەتتەر اۋىس-كۇيىسىن، ءوزارا ۇلگى الۋدى ىلگەرىلەتۋگە كۇش سالىپ، ادامزات وركەنيەتىنىڭ العا باسۋىن جەبەيدى. بۇگىنگى تاڭداعى دۇنيە جۇزىندەگى تۇرلىشە ەلدەردىڭ، تۇرلىشە وڭىرلەردىڭ وزىندىك ەرەكشەلىككە يە وسىزامانداندىرۋ جولى باي مازمۇندى، الۋان ٴتۇرلى، تاريحى ۇزاق، وركەنيەت مۇراگەرلىگىنە تامىر تارتقان. ادامزات قوعامى جاراتقان ٴتۇرلى وركەنيەتتەر شۇعىلا شاشىپ، ٴار ەلدىڭ وسىزاماندانۋىنا مىعىم نەگىز قالاپ، ايقىن ەرەكشەلىك قوستى ٴارى ۋاقىت پەن كەڭىستىكتەن، مەملەكەت شەكاراسىنان اتتاپ ٴوتىپ، ادامزات قوعامىنىڭ وسىزاماندانۋ اياق الىسىنا بىرلىكتە ماڭىزدى ۇلەس قوستى. جۇڭگو ۇلگىسىندەگى وسىزامانداندىرۋ ادامزات وركەنيەتىنىڭ جاڭا فورماتسياسى رەتىندە، دۇنيە جۇزىندەگى باسقا وركەنيەتتەرمەن ٴوزارا ۇلگى الۋ بارىسىندا، دۇنيە ٴجۇزى وركەنيەتىنىڭ الۋان گۇلدى باقشاسىن بارىنشا بايىتادى. 

شي جينپيڭ بىلاي دەپ انىق ايتتى: ءار ەلدىڭ بولاشاعى مەن تاعدىرى تىعىز بايلانىسقان بۇگىنگى تاڭدا، تۇرلىشە وركەنيەتتەردىڭ سيىسىمدى بولۋى، اۋىس-كۇيىس جاساپ، ءوزارا ۇلگى الۋى ادامزات قوعامىنىڭ وسىزاماندانۋ اياق الىسىن ىلگەرىلەتۋدە، دۇنيە ءجۇزى وركەنيەت باقشاسىن گۇلدەندىرۋدە ورنىن وگەيسىتۋگە بولمايتىن رول اتقارادى. سوندىقتان مەن الەمدىك وركەنيەت دارىپتەمەسىن مىناداي دەپ العا قويامىن: 

−ءبىز دۇنيە ءجۇزى وركەنيەتىنىڭ الۋان تۇرلىلىگىنە قۇرمەت ەتۋدى ورتاق دارىپتەپ، وركەنيەت تەپە-تەڭدىگىنە، ءوزارا ۇلگى الۋعا، سۇحپاتتاسۋعا، سيىسىمدى بولۋعا تاباندى بولىپ، وركەنيەتتەر اۋىس-كۇيىسى ارقىلى وركەنيەتتەر كىربەڭدىگىنەن، وركەنيەتتەردىڭ ءوزارا ۇلگى الۋى ارقىلى وركەنيەتتەر قاقتىعىسىنان، وركەنيەتتەردىڭ سيىسىمدى بولۋى ارقىلى وركەنيەت ۇستەمدىگىنەن اۋلاق بولۋىمىز كەرەك.

−ءبىز بۇكىل ادامزاتتىق ورتاق قۇندى ساۋلەلەندىرۋدى ورتاق دارىپتەۋىمىز كەرەك، بەيبىتشىلىك، دامۋ، ادىلدىك، تەڭدىك، دەموكراتيا، ەركىندىك−ءار ەل حالقىنىڭ ورتاق تالپىنىسى، تۇرلىشە وركەنيەتتىڭ قۇننىڭ ىشكى ءمانى جونىندەگى تانىمىن كەڭ پەيىلمەن ءتۇسىنۋىمىز، ءوزىمىزدىڭ قۇن كوزقاراسىمىز بەن ۇلگىمىزدى باسقالارعا زورلاپ تاڭباۋىمىز، يدەولوگيالىق قارسىلاستىق تۋدىرماۋىمىز كەرەك.

−ءبىز وركەنيەتكە مۇراگەرلىك ەتۋگە جانە جاڭالىق جاراتۋعا ءمان بەرۋدى ورتاق دارىپتەپ، ءار ەلدىڭ تاريحي مادەنيەتىنىڭ داۋىرلىك قۇنىن تولىق اشىپ، ءار ەلدىڭ تاڭداۋلى ءداستۇرلى مادەنيەتىنىڭ وسىزاماندانۋ بارىسىندا جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتۋىمىز كەرەك.

-ءبىز حالىقارالىق گۋمانيتارلىق اۋىس-كۇيىستى، سەلبەستىكتى كۇشەيتۋدى ورتاق دارىپتەپ، الەمدىك وركەنيەتتەر سۇحپاتتاسۋ، سەلبەسۋ تورىن ورناتۋ جونىندە ىزدەنىس جاساپ، اۋىس- كۇيىس مازمۇنىن بايىتىپ، سەلبەستىك ارناسىن كەڭەيتىپ، ءار ەل حالقىنىڭ ءبىرىن-ءبىرى ءتۇسىنۋىن، ەتەنەلىگىن جەبەپ، ادامزات وركەنيەتىنىڭ دامۋىن، العا باسۋىن ورتاق ىلگەرىلەتۋىمىز كەرەك.

شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى ساياسي پارتيالاردىڭ اۋىس-كۇيىسىن، سەلبەستىگىن كۇشەيتۋگە كۇش سالىپ، الەمدىك العا باسۋ داڭعىل جولىن قول ۇستاسا ورتاق اشادى. ءار ەلدىڭ ساياسي پارتيالارىمەن جانە ساياسي ۇيىمدارىمەن بارىس-كەلىستى تەرەڭدەتىپ، تانىمداردىڭ توعىسۋ ءتۇيىنىن، مۇددەلەردىڭ توعىسۋ ءتۇيىنىن ۇزدىكسىز كەڭەيتىپ، جاڭاشا ساياسي پارتيالار قاتىناسىن ورناتۋ ارقىلى جاڭاشا حالىقارالىق قاتىناس ورناتۋعا دەم بەرىپ، الەمدىك ساياسي پارتيالاردىڭ سەرىكتەستىك قاتىناسىن بەكەمدەۋ جانە كەمەلدەندىرۋ ارقىلى الەمدىك سەرىكتەستىك قاتىناستى تەرەڭدەتۋگە دەم بەرۋدى قالايدى. جۇڭگو كوممۋنيستىك پارتياسى ٴار ەلدىڭ ساياسي پارتيالارىمەن جانە ساياسي ۇيىمدارىمەن بىرلىكتە قۇلشىنىپ، پارتيانى، مەملەكەتتى باسقارۋ تاجىريبەلەرىن اۋىستىرىپ، وسىزاماندانۋ جولىمەن قول ۇستاسا العا باسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ داڭعىل جولىندا ارشىندى قاداممەن العا باسۋدى قالايدى.

شي جينپيڭ سوڭىندا بىلاي دەپ انىق ايتتى: ادامزات قوعامىن وسىزامانداندىرۋدىڭ ساپارىندا بۇراڭ جولداردان بۇلتارۋ قيىن، ٴبىراق بولاشاعى تۇبىندە نۇرلى بولادى. جۇڭگو كوممۋنيستىك پارتياسى ٴار قايسى جاقتارمەن بىرلىكتە قۇلشىنىپ، وزىندىك ەرەكشەلىككە يە وسىزامانداندىرۋ ىستەرىن دۇنيە ٴجۇزىنىڭ كوركەيىپ-گۇلدەنۋىن، العا باسۋىن ىلگەرىلەتەتىن ٴداۋىر تولقىنىنا اينالدىرىپ، تاريحتىڭ شالقار كوشىندە العا باسىپ، باياندى دامي بەرۋدى قالايدى !

وڭتۇستىك افريكا افريكالىقتار حالىقتىق جينالىسىنىڭ ءتوراعاسى، زۇڭتۇڭى راماپوسا، وڭتۇستىك سۋدان حالىق ازاتتىق قوزعالىسىنىڭ ءتوراعاسى، زۇڭتۇڭى كيەر، نيكاراگۋا ساندينو ۇلت ازاتتىق شەبىنىڭ باس شۋجيى، زۇڭتۇڭى ورتىگا، ۆەنەسۋەلا ءبىر تۇتاس سوتسياليستىك پارتياسىنىڭ ءتوراعاسى، زۇڭتۇڭى مادۋرو، سەربيا العا باسار پارتياسىنىڭ ءتوراعاسى، زۇڭتۇڭ ۋچيچ، موڭعۇليا حالىق پارتياسىنىڭ ءتوراعاسى، ۇكىمەت زۇڭليى اۋيۇن ەردەن، شىعىس تيمور حالىق ازاتتىق پارتياسىنىڭ ٴتوراعاسى، ۇكىمەتتىڭ زۇڭليى رۋاكي، پاپۋا-جاڭا گۆينەيا پانگۋ پارتياسىنىڭ كوسەمى، ۇكىمەت زۇڭليى ماراپە، گرەنادا ۇلتتىق دەموكراتيالىق كونگرەس پارتياسىنىڭ كوسەمى، ۇكىمەت زۇڭليى ميچەل، رەسەيدىڭ رەسەيدى بىرلىككە كەلتىرۋ پارتياسى ەڭ جوعارى كوميتەتىنىڭ ءتوراعاسى گريزلوۆ، قازاقستان «امانات» پارتياسىنىڭ ءتوراعاسى قوشانوۆ، توگو رەسپۋبليكا قورعاۋ وداعىنىڭ باس قولباسىسى، حالىقتىق پارلامەنتتىڭ باستىعى سەگون قاتارلىلار سۇحپاتتا ءسوز سويلەپ، جۇڭگو كوممۋنيستىك پارتياسى مەملەكەتتىك 20-قۇرىلتايىنىڭ جەڭىسپەن اشىلعانىن، شي جينپيڭنىڭ ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى بولىپ جالعاستى سايلانعانىن قۋانىشپەن قۇتتىقتايتىندىقتارىن، جۇڭگونىڭ جاڭا داۋىردەگى 10 جىلدىق تاريحي تابىسىن، تاريحي وزگەرىسىن قۋانا قۇپتاپ ماداقتايتىندىقتارىن، باس شۋجي شي جينپيڭنىڭ سۇحپاتتا سويلەگەن نەگىزگى ماقساتتىق سوزىندە العا قويىلعان ساياساتتىق قۋاتتامالارعا بەلسەنە ٴۇن قوسىپ، جۇڭگو كوممۋنيستىك پارتياسىمەن بىرلىكتە وسىزاماندانۋ بارىسىندا جەتەكشىلىك جانە ىلگەرىلەتۋ رولىن ويداعىداي ساۋلەلەندىرۋدى قالايتىندىقتارىن ٴبىلدىردى.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي سۇحپاتقا قاتىناستى ٴارى قورىتىندى ٴسوز سويلەدى. ول بىلاي دەدى: باس شۋجي شي جينپيڭ جاريالاعان نەگىزگى ماقساتتىق سوزدە جۇڭگو كوممۋنيستىك پارتياسىنىڭ وسىزامانداندىرۋ جولى ىزدەنىس تانىمى جۇيەلى بايىمدالىپ، الەمدىك وركەنيەت دارىپتەمەسى العا قويىلىپ، جۇڭگو كوممۋنيستىك پارتياسىنىڭ ٴار ەلدىڭ ساياسي پارتيالارىمەن بىرلىكتە ٴوز ەلىنىڭ ەرەكشەلىگىنە يە وسىزامانداندىرۋ ىستەرىن ىلگەرىلەتۋدى، الەمدىك وركەنيەتتەردىڭ اۋىس -كۇيىسىن، ٴوزارا ۇلگى الۋىن جەبەۋدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايتىن شىنايى تىلەگى بەينەلەنىپ، جۇڭگو كوممۋنيستىك پارتياسىنىڭ ادامزاتتىڭ ورتاق سىن-سايىسىنا بايسالماي تۋرا بەتتەيتىن ساياسي باتىلدىعى مەن جاۋاپكەرشىلىك ارقالاۋ رۋحى ايگىلەنىپ، دۇنيە ٴجۇزىنىڭ وسىزاماندانۋ اياق الىسىن ىلگەرىلەتۋگە، ادامزات وركەنيەتىنىڭ العا باسۋىن جەبەۋگە جۇڭگو جوباسى ۇسىنىلدى. جۇڭگو كوممۋنيستىك پارتياسى ٴار ەلدىڭ ساياسي پارتيالارىمەن جانە ساياسي ۇيىمدارىمەن وسىزامانداندىرۋ جولىن ورتاق قاراستىراتىن، وركەنيەتتىڭ العا باسۋىن ىلگەرىلەتەتىن ساياسي پارتيا جاۋاپكەرشىلىگىن ورتاق ارقالاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ساپارىندا قول ۇستاسا بىرگە ىلگەرىلەۋدى قالايدى.

ۋاڭ ي، يىن لي، لي شۋلي، چين گاڭ قاتارلىلار سۇحپاتقا قاتىناستى.

جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر سۇحپاتىندا «وسىزامانداندىرۋ جولى: ساياسي پارتيا جاۋاپكەرشىلىگى» دەگەن مازمۇن نەگىزگى تاقىرىپ ەتىلىپ، 150 نەشە مەملەكەتتەن 500 دەن استام ساياسي پارتيا مەن ساياسي ۇيىمنىڭ باسشىلارى ماجىلىسكە قاتىناستى.

来源：中央广播电视总台

主播：热德力

视频制作：叶里肯布拉

微信制作：古丽美热

تومەندەگى 阅读原文 جالعانىمىن باسىپ حاباردىڭ  كەسكىنىن كورىڭىز