الاقاندى جايمالاۋ ارقىلى اقشا تولەۋگە بولاتىن بولدى، ۋيچاتقا جانەدە جاڭا يقۋات قوسىلدى

5-ايدىڭ 21-كۇنى، ۋيچاتتىڭ اشىق ساباق الەۋمەتتىك ءنومىرى: ۋيچاتتىڭ الاقاندى جايمالاپ اقشا تولەۋ يقۋاتى رەسمي جاريالانعاندىعىن، پايدالانۋشىلار بەت الپەتىن جايمالاۋ جابدىعىندا الاقاندى جايمالاۋدى ورىنداۋعا بولاتىندىعىن ايتتى. مۇندا الدىمەن جابدىققا جەكەلىك ۋيچات ءنومىرىن بايلاپ، الاقان بەدەرىن كىرگىزۋ قاجەت. تۇتىنۋعا ىستەتكەن كەزدە، الاقاندى اقشا تولەۋ جابدىعىنىڭ جايمالاۋ اۋماعىنا تۋرالاپ، تۇراقتاندىرعاننان كەيىن اقشا تولەۋدى دەرەۋ ورىنداۋعا بولادى. 

بەت الپەتىن جايمالاپ اقشا تولەۋمەن سالىستىرعاندا، الاقاندى جايمالاپ اقشا تولەۋدىڭ حاۋىپسىزدىگى جانە دالدىگى ءتىپتى دە جوعارى بولادى. مۇنداعى ايىرماشىلىعى: ساۋساق بەدەرىن پارىقتاۋ بارماقتىڭ تەرى قىرتىسى جولاقتارىن تاني الادى، ال الاقان جولاقتارىن پارىقتاۋ جۇرەك قان تامىرلىق جولاقتارىن تاني الادى دا، سىرتتا ءبىلىنىپ قالۋدان جانە ەلىكتەپ جالعان جاساۋدان ساقتاندىرادى. 

وسى تۇردەگى قىزمەت وتەۋ ارقىلى، پايدالانۋشىلار مۇشەلىك كارتچكاسى، مەكتەپ كارتچكاسى، قاتىناس كارتچكاسى، ەسىك بەلەتىنىڭ ەلەكتروندى ءنومىرى سياقتىلاردى الاقانعا بايلاپ، الاقانىن جايمالاۋ ارقىلى مۇشەلىك سالاۋاتىن دالەلدەپ، بوگەتتەن وتەدى، تۇتىنۋعا قولايلى. قازىر ساۋداگەرلەردى ۇسىنىس ەتىپ، الاقاندى جايمالاۋ قولدانباسىن بىرتىندەپ بىرلەسىپ قۇرۋ ۇستىندە. 

5-ايدىڭ 21-كۇنى، بەيجيڭ قالا تۇرعىندارى الاقاندى جايمالاپ كولىككە شىعۋدى سىناپ كوردى

5-ايدىڭ 21-كۇنى، بەيجيڭ رەليستى قاتىناسى داشيڭ اۋەجايى جولىندا الاقاندى جايمالاپ كولىككە شىعۋ قىزمەتى رەسمي جەلىگە شىقتى. 

جولاۋشىلار تەك داشيڭ اۋەجايى جولىنداعى ءارقايسى بەكەتتەردەگى ەلەكتروندى بەلەت ساتىپ الۋ ورنىندا الاقاندى جايمالاپ تىركەلۋ اسپابىنا الاقان بەدەرىن كىرگىزۋى قاجەت، سونداي-اق ۋيچات شاعىن باعدارلاماسى «بەيجيڭ مەتروسىندا الاقاندى جايمالاپ كولىككە شىعۋ»دا رۇحسات ەتۋدى ورىنداعاننان كەيىن، الاقاندى جايمالاپ كولىككە شىعۋ يقۋاتىن ىسكە قوسادى. مەتروعا وتىرعان كەزدە، جولاۋشىلار ەسىكتەگى ساقينا بەلگىسى بار الاقان جايمالاۋ توسقاۋىل اسپابىنا بارىپ، الاقاندى ساقينانىڭ ىشىندەگى پارىقتاۋ وڭىرىنە تۋرالاۋى قاجەت. پارىقتاۋدى ورىنداعاننان كەيىن، ساقينا جاسىل تۇسكە وزگەرەدى دە، توسقاۋىل اسپابى اۆتوماتتى تۇردە جول اشادى. الاقاندى جايمالاپ بەكەتتەن شىققاننان كەيىن، قولفونىڭىزعا اقشا تارتىپ قالعان ەسكەرتپە كەلەدى. 

ۋيچات جاعى مىنانى ءبىلدىردى: جولاۋشىلار قولىن سوزىپ عانا بەكەتكە كىرىپ-شىعا الادى، ناقتىلى كارتچكانى ۇمىت قالدىرۋ، قولفوندا توك قالماۋ سياقتى ەرەكشە جاعدايلارعا تاپ بولعاندادا، مەتروعا وتىرۋعا بولادى، الاقاندى جايمالاپ توسقاۋىلدان ءوتۋ جاناسپاۋ تۇرىندەگى توسقاۋىلدان وتۋگە جاتادى، بۇل تازا ءارى حاۋىپسىز.

5-ايدىڭ 21-كۇنى، بەيجيڭ قالا تۇرعىندارى الاقاندى جايمالاپ كولىككە شىعۋدى سىناپ كوردى

ۇعىسۋعا قاراعاندا، قاتىناستان سىرت، «ۋيچات الاقاندى جايمالاۋ» يقۋاتى بىرتىندەپ قىزمەت ورنى، مەكتەپ اۋلاسى، دەنە شىنىقتىرۋ، بولشەك ساتۋ ساۋداسى، اس-سۋ سياقتى سالالاردا قولدانىلماقشى. 

اۋدارعان: مارالبەك ابدىكارىم ۇلى 

来源：科技日报

编辑，制作：阿依娜