شي جينپيڭ ەۆروپا ـ ازيا ەكونوميكا وداعىنىڭ 2 ـ كەزەكتى ەۆروپا ـ ازيا ەكونوميكا تالقىسى جالپى ءماجىلىسىنىڭ اشىلۋ سالتىنا قاتىناستى ءارى ءسوز سويلەدى

ءوز حابارىمىز. 5-ايدىڭ 24-كۇنى مەملەكەت ءتوراعاسى شي جينپيڭ ۇسىنىس بويىنشا بەينە ەكران تاسىلىمەن ەۆروپا-ازيا ەكونوميكا وداعىنىڭ 2-كەزەكتى ەۆروپا-ازيا ەكونوميكا تالقىسى جالپى ءماجىلىسىنىڭ اشىلۋ سالتىنا قاتىناستى ءارى ءسوز سويلەدى. شي جينپيڭ بىلاي دەپ انىق ايتتى: بۇگىنگى دۇنيە ءجۇزى 100 جىلدا بولماعان زور وزگەرىس جاعدايىندا تۇر، دۇنيە ءجۇزىنىڭ كوپ ۇيەكتەنۋ، ەكونوميكانىڭ جاھاندانۋ تاريحي اعىمىن بوگەۋگە كەلمەيدى. ناعىز كوپ جاقتىلىققا تاباندى بولىپ، وڭىرلىك سايكەستى دامۋدى ىلگەرىلەتۋ حالىقارالىق قوعامنىڭ كەڭ كولەمدى ورتاق تانىمى. ازيا-ەۆروپا ۇلى قۇرلىعى دۇنيە جۇزىندەگى جان سانى ەڭ كوپ، مەملەكەت سانى ەڭ كوپ، وركەنيەت ءتۇرى ەڭ كوپ رايون. اۋمالى-توكپەلى وزگەرىس جاعدايىندا ازيا مەن ەۆروپانىڭ سەلبەستىك جولىمەن قالاي ءجۇرۋ كەرەك؟ بۇل ءىس وسى وڭىردەگى حالىقتىڭ باقىتىنا عانا ەمەس، دۇنيە ءجۇزىنىڭ دامۋ بەتالىسىنا تەرەڭ ىقپال جاسايدى.

شي جينپيڭ بىلاي دەپ باسا دارىپتەدى: وسىنداي داۋىرلىك سۇراققا، تاريحي سۇراققا جۇڭگونىڭ جاۋابى ايقىن. مەن ىلگەرىندى-كەيىندى الەمدىك دامۋ دارىپتەمەسىن، الەمدىك حاۋىپسىزدىك دارىپتەمەسىن، الەمدىك وركەنيەت دارىپتەمەسىن العا قويىپ، ءار ەلدى باياندى، بەيبىت، جالپى بەتتىك حاۋىپسىز، ورتاق كوركەيەتىن، اشىق ۇستالاتىن، سيىسىمدى، تازا، كوركەم دۇنيە ءجۇزىن قۇرۋعا ورتاق كۇش سالۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ۇندەدىم. بيىل-مەنىڭ «ءبىر بەلدەۋ، ءبىر جولدى» ورتاق قۇرۋ دارىپتەمەسىن العا قويعانىما 10 جىل تولدى. بۇل دارىپتەمەنىڭ ءتۇبىرلى شىعار ءتۇيىنى مەن تابان تىرەر تياناعى الىس-جاقىن ەلدەردىڭ بارلىعىن ورتاق دامىتۋ جاڭا ءادىسىن قاراستىرىپ، ءار ەلگە باقىت جاراتاتىن، دۇنيە جۇزىنە يگىلىك جەتكىزەتىن «باقىت جولىن» اشۋ.

شي جينپيڭ بىلاي دەپ باسا دارىپتەدى: ازيا ـ ەۆروپا ۇلى شاڭىراعىنىڭ ءبىر مۇشەسى رەتىندە، جۇڭگونىڭ دامۋى ازيا-ەۆروپا وڭىرىنەن ايرىلا المايدى، ازيا ـ ەۆروپا وڭىرىنە دە تيىمدىلىك اكەلەدى. جۇڭگو «ءبىر بەلدەۋ، ءبىر جولدى» ورتاق قۇرۋدى ەۆروپا-ازيا ەكونوميكا وداعى قۇرىلىسىمەن ۇشتاستىرۋ سەلبەستىگىنىڭ تەرەڭدەۋىن، ناقتىلانۋىن، ءار ەلدىڭ ىنتىماقتاسا سەلبەسىپ، ءبىر جاعادان باس، ءبىر جەڭنەن قول شىعارا ازيا-ەۆروپا سەلبەستىك جاڭا جاعدايىن قول ۇستاسا جارىققا شىعارۋىن شىنايى ءۇمىت ەتەدى. بيىل سوڭعى جارىم جىلدا جۇڭگو 3 ـ كەزەكتى «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى تالقىسىن وتكىزەدى. جۇڭگو «ءبىر بەلدەۋ، ءبىر جولدى» ورتاق قۇراتىن ەلدەرمەن جانە ەۆروپا - ازيا ەكونوميكا وداعىنا مۇشە ەلدەرمەن بىرگە بەيبىتشىلىك، دامۋ، سەلبەستىك، ورتاق يگىلىكتەنۋ تۋىن ۇزدىكسىز بيىك ۇستاپ، ورايدان ورتاق يگىلىكتەنىپ، ۋاقىتتىق قيىندىقتى ورتاق كۇش سالا جەڭىپ، بولاشاقتى ورتاق كۇش سالا قۇرىپ، دۇنيە ءجۇزىنىڭ كوپ ۇيەكتەنگەن وركەنيەتىنىڭ العا باسۋىنىڭ جاڭا تاراۋىن قول ۇستاسا جازۋدى قالايدى.

ەۆروپا-ازيا ەكونوميكا وداعىنىڭ 2-كەزەكتى ەۆروپا-ازيا ەكونوميكا تالقىسى 5-ايدىڭ 24-كۇنى رەسەيدىڭ موسكۆا قالاسىندا جەلىدە جانە جەلىدەن تىسقارى فورمانى ۇشتاستىرۋ تاسىلىمەن وتكىزىلدى، نەگىزگى تاقىرىبى-«كوپ ۇيەكتەنگەن دۇنيە جۇزىندەگى ەۆروپا-ازيانى ءبىر تۇلعالاندىرۋ». 

来源：中央广播电视总台

主播、视频制作：叶里肯不拉

微信制作：阿依娜

تومەندەگى 阅读原文 جالعانىمىن باسىپ حاباردىڭ  كەسكىنىن كورىڭىز