شۇعىلا جۋرنالى مەكەمەسى نەگىزگى تاقىرىپتىق تاربيەسى قيمىلىن ورىستەتتى

تاياۋدان بەرى شينجياڭ ۇيعۇر اۆتونوميالى رايوننىڭ ٴارقايسى جەرلەرىندە شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قيمىلى كەڭ ورىستەتىلىپ،ٴار قايسى تاراۋلار نەگىزگى تاقىرىپتىق تاربيە قىزمەتى جونىندە پىكىر اۋىستىرۋ، ىلگەرىلەتۋ ءماجىلىسىن ۇيىمداستىرىپ، باس شۋجي شي جينپيڭنىڭ نەگىزگى تاقىرىپتىق تاربيە جونىندەگى جەلىلەس ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، نەگىزگى تاقىرىپتىق تاربيە قىزمەتىن تىڭعىلىقتى، ىشكەرىلەي ىلگەرىلەتۋ جونىندە ورنالاستىرۋ جاسالدى.

5-ايدىڭ 24-كۇنى، شينجياڭ ۇيعۇر اۆتونوميالى رايوندىق ادەبيەت -كوركەمونەرشىلەر بىرلەستىگى«شۇعىلا جۋرنالى» مەكەمەسىنىڭ نەگىزگى تاقىرىپ اياسىندا «ناقتىلى ٴىس ىستەپ، حالىقتىڭ قامىن ويلاۋ » جانە شۇعىلا جۋرنالىندا باسىلىم كورگەن «پارتيا 20-قۇرىلتايىن قارسى الۋ» تاقىرىبىنداعى تاڭداۋلى ماقالالاردى سيلاۋ جيىنى ٴۇرىمجى قالاسىندا اشىلدى. 

جيىندا، شينجياڭ ۇيعۇر اۆتونوميالى رايوندىق ادەبيەت-كوركەمونەرشىلەر بىرلەستىگى جۋرنال پارتگرۋپپا كەڭسەسىنىڭ ورىنباسار مەڭگەرۋشىسى ءىليار ابباسوۆ پارتيا 20-قۇرىلتاي بايانداماسىنداعى باس شۋجي شي جينپيڭنىڭ ادەبيەت كوركەمونەر قىزمەتى جونىندەگى ماڭىزدى نۇسقاۋلارىنىڭ رۋحىن جەتكىزدى ٴارى جيىنعا قاتىناسقان ٴار ۇلت قالامگەرلەرىمەن بىرلىكتە ۇيرەنىپ، وي ورتاقتاستى.

جيىندى اۆتونوميالى رايوندىق ادەبيەت كوركەمونەرشىلەر بىرلەستىگى «شۇعىلا» جۋرنالى مەكەمەسىنىڭ باس رەداكتورى مادەنيەت مۇقاتاي ۇلى باسقارىپ جۇرگىزدى ٴارى «شۇعىلا» جۋرنالىنىڭ وتكەن ٴبىر جىلدىق قىزمەتىنەن قورتىندى جاساپ، الداعى ىستەلەتىن جۇمىستار جونىندە وي،جوسپارىن ورتاعا قويدى.

وسىمەن بىرگە، شۇعىلا جۋرنالىندا باسىلىم كورگەن «پارتيا 20-قۇرىلتايىن قارسى الۋ» تاقىرىبىندا تاڭداۋلى ماقالالاردىڭ اۆتورلارىن سيلاۋ قيمىلىن وتكىزدى.

جيىنعا، ءۇرىمجى قالاسىندا تۇراتىن جازۋشى، اۋدارماشى، سىنشىلار ۋاكىلى؛ «شۇعىلا» جۋرنالىنىڭ 2022-جىلعى «پارتيانىڭ 20-قۇرىلتايىن قارسى الۋ» اتتى ماقالا قابىلداۋ قيمىلىندا سيلانعان جازۋشىلار ۋاكىلى؛ «مۇرا» جۋرنالى، «شينجياڭ قىرعىز ادەبيەتى» جۋرنالى، «ادەبي تارجىمەلەر»(ۇيعۇرشا) جۋرنالى، «شينجياڭ كوركەمونەرى»(حانزۋشا) جۋرنالى، «شينجياڭ ادەبيەت-كوركەمونەر سالاسى» (حانزۋشا) جۋرنالى سىندى جۋرنالداردىڭ جاۋاپتىلارى مەن رەداكتورلارى، شينجياڭ جازۋشىلار قوعامىنىڭ قىزمەتكەرلەرى قاتىناستى.

جيىننىڭ سوڭىندا، جيىنعا قاتىناسقاندار جۋرنال قىزمەتى جانە ادەبي شىعارماشىلىق جونىندە كەڭەس وتكىزدى.

来源：中央广播电视总台

记者：卡德尔汗

微信制作：阿依娜