ورتالىق 120 ميلليون يۋان قارجى شىعارىپ، شينجياڭنىڭ التى اۋدانىنداعى اۋىل-قىستاقتاردىڭ تۇرعىن ءۇي ورتاسىن جاقسارتادى

ءتىلشىنىڭ اۆتونوميالى رايوندىق دامۋ جانە رەفورما كوميتەتىنەن ۇعىسۋىنشا، جاقىندا، مەملەكەتتىك دامۋ جانە رەفورما كوميتەتى اۋىل-قىستاقتاردى كوركەيتۋ ارناۋلى نىسانىنىڭ اۋىل-قىستاقتاردىڭ تۇرعىن ءۇي ورتاسىن رەتكە سالۋ ءتۇرى بويىنشا، ورتالىقتىڭ 2023-جىلعى مەجە ەسەپ ىشىنەن 120 ميلليون يۋان قارجى شىعارىپ، اۆتونوميالى رايونىمىزدىڭ تۇرعىن ءۇي ورتاسىن جاقسارتىپ، كاسىپتەنۋگە شارت-جاعداي جاراتۋىن جانە كوركەم اۋىل-قىستاق قۇرۋىن جەبەيدى ەكەن. 

ون مىڭ مۋلىق قىشى گۇلى اتىزىنا ورنالاسقان توعىزتاراۋ اۋدانى توعىزتاراۋ قالاشىعى باقىت الەۋمەتتىك اۋماعى (ماتەريالدىق سۋرەت)

بۇل قارجى قورعاس اۋدانى، ءدوربىلجىن اۋدانى، موري قازاق اۆتونوميالى اۋدانى، باركول قازاق اۆتونوميالى اۋدانى، اۋات اۋدانى، ۇلىقشات اۋدانى سىندى التى اۋدانداعى اۋىل-قىستاقتاردىڭ تۇرمىستان شىققان جاراقسىز سۋدى، قوقىر-قوقسىقتى ءبىرجاقتى ەتۋ قاتارلى اۋىل-قىستاق تۇرعىن ءۇي نەگىزدىك قۇرىلعى قۇرىلىسىن جاقسارتۋعا ءتۇيىندى تۇردە ىستەتىلەدى. 

5-ايدىڭ 20-كۇنى، ساياحاتشىلار ءدوربىلجىن اۋدانى مارالسۋ قالاشىعى قىزىل اعىن قىستاعىنداعى ماي تارتۋعا پايدالانىلاتىن مۋدان گۇلى اتىزىندا سۋرەتكە تۇسۋدە. سۋرەتتى انار بۇلت\شينجياڭ گازەتىنىڭ ءتىلشىسى تاڭ يۇڭ تۇسىرگەن

120 ميلليون قارجىنىڭ ىشىندەگى، 20 ميلليون يۋان قارجى سيلىق قاراجاتى بولىپ، «ون ءتورتىنشى بەسجىلدىق جوسپاردان» بەرى قارايعى، اۆتونوميالى رايونىمىزدىڭ نىساندى باسقارىپ اتقارۋ قىزمەتىن باعالاۋدا ءۇرتىس ءۇش جىل ۇزدىك بولىپ باعالانىپ، مەملەكەتتىك سيلىققا يە بولعاندىعى ءۇشىن بەرىلەدى.

موري قازاق اۆتونوميالى اۋدانىنىڭ ون مىڭ مۋلىق ءشولدى ەگىستىك اتىزىنىڭ كورىنىسى (ماتەريالدىق سۋرەت). سۋرەتتى انار بۇلت\شينجياڭ گازەتىنىڭ ءتىلشىسى ساي زىڭلى تۇسىرگەن

اۆتونوميالى رايوندىق دامۋ جانە رەفورما كوميتەتى بەلسەندىلىكپەن ارەكەتكە كەلىپ، باقىلاپ باسقارۋدى كۇشەيتىپ، نىسانداردىڭ جۇزەگە اسىرىلۋ بارىسىنىڭ تياناقتى اتقارىلۋى مەن كوركەم اۋىل-قىستاق قۇرۋدى مىقتى ۇستاۋدى، اۋىل-قىستاقتاردى جالپى بەتتىك كوركەيتۋدى ىلگەرىلەتۋدىڭ تاماشا نەگىزى ەتتى. 

اۋدارعان: اناربەك ءابىلماجىن ۇلى

来源：天山网

编辑，制作：阿依娜