بۇل ەسەپ نومىرلەرى ماڭگىلىك جابىلدى

ورتالىق ينتەرنەت ينفورماتسياسى كەڭسەسى 5-ايدىڭ 27-كۇنى جاريالاعان حابارعا قاراعاندا، «‹چيڭلاڭ› جەكەلىك مەديالارداعى بىلىقپالىقتاردى جونگە سالۋ» ارناۋلى ارەكەتىنىڭ تالابى بويىنشا، 3-ايدىڭ 10-كۇنىنەن باستاپ، ءار دارەجەلى ينتەرنەت ينفورماتسياسى تاراۋلارى جاۋاپكەرشىلىگىن بەلسەنە اتقارىپ، بەلگىلەمەگە قايشىلىق جاساعان ءتۇرلى جەكەلىك مەديا ەسەپ نومىرلەرىن قاتاڭ تەكسەرىپ ءبىر جاقتى ەتكەن. ميكرو بلوگ، تىڭشۇن، دوۋيىن، كۋايشوۋ قاتارلى ءتۇيىندى تەكشەلەر ينفورماتسيا مازمۇنىن باسقارۋ تۇلعالىق جاۋاپكەرشىلىگىن بەلسەنە اتقارىپ، جەكەلىك مەديالاردا ساقتالىپ وتىرعان وسەك ايتۋ، وسەك تاراتۋ، باسقانىڭ اتىن جامىلۋ، باسقاعا ەلىكتەۋ، بەلگىلەمەگە قايشى تۇردە پايداعا كەنەلۋ قاتارلى كورنەكتى ماسەلەلەردى زاڭ بويىنشا، كەلىسىم بويىنشا قاتاڭ ءبىر جاقتى ەتتى.

5-ايدىڭ 22-كۇنىنە دەيىن، ءتۇيىندى تەكشەلەر ەرەجەگە قايشى ينفورماتسيادان جيىنى 1 ميلليون 410 مىڭ 900 دەن استامىن تازالاپ، 927 مىڭ 600 دەن استام ەرەجەگە قايشى ەسەپ ءنومىرىن ءبىر جاقتى ەتتى. مۇنىڭ ىشىندە 66 مىڭ 600 دەن استام ەسەپ ءنومىرى ماڭگىلىك جابىلدى، سىرتقا قاراتا 110 نان استاپ حابارلاندىرۋ جاريالاپ، جەكەلىك مەديالارداعى زاڭعا، ەرەجەگە قايشى ارەكەتتەردى پارمەندى تۇردە جونگە سالىپ، ارناۋلى ارەكەت كەزەڭدىك ونىمدىلىككە قول جەتكىزدى.

1. وسەك-اياڭ، زياندى ينفورماتسيا جانە جالعان ينفورماتسيا جاريالاپ تاراتقان جەكەلىك مەديالارعا قاتاڭ سوققى بەردى. 

«حۋ شينيۇي وقيعاسى»، «جۇڭگو ەلەكترون عىلىم-تەحنيكا توبىندا تۋىلعان ۇستەمە جۇمىس وقيعاسى»، «شيپاگەر نارەستەنىڭ باسىن توڭقايتىپ، اياعىنان كوتەرىپ جابىرلەدى»، «بويجەتكەن مەن ناعاشى اپاسى كەزەك كۇتپەي، قاتارعا قىستىرىلدى» قاتارلى جۇرت تالقىسىنا مۇرىندىق بولعان وقيعالاردا، ءىشىنارا جەكەلىك مەديالاردىڭ قاتىستى كەسكىندەردى بەتالدى جاريالاپ كورىلىمىن ارتتىرىپ، ورايدان پايدالانىپ وسەك-اياڭ تاراتىپ، جات نيەتپەن ۋشىقتىرۋى سياقتى بەلگىلەمەگە قايشى ارەكەتتەرىنە سىلەيتە سوققى بەردى. وسەك-اياڭدى ەڭ العاش جاساپ تاراتقان، كوپتەپ تاراتقان جەكەلىك مەديالاردى زاڭ بويىنشا، كەلىسىم بويىنشا جاۋىپ تاستادى؛ ينفورماتسيانىڭ وسەك-اياڭ ەكەندىگىن، جالعان ەكەندىگىن انىق بىلە تۇرا بەتالدى تاراتقان، سونداي-اق، جات نيەتپەن شۋ كوتەرگەن جەكەلىك مەديالارعا قاراتا، جولداما جاريالاۋعا تيىم سالۋ، جانكۇيەرلەرىن تازالاۋ، ۋاقىتشا توقتاتۋ نەمەسە پايدا تابۋ ۇقىق شەگىن كۇشىنەن قالدىرۋ سياقتى ءبىر جاقتى ەتۋ شارالارىن قولداندى. ءتۇيىندى تەكشەلەر وسەك-اياڭ تاراتقان ەسەپ نومىرىنەن جيىنى 34 مىڭ 300 دەن استامىن ءبىر جاقتى ەتتى، مۇنىڭ ىشىندە 7541 ەسەپ ءنومىرىن ماڭگىلىك جاپتى، 26 مىڭ 800 دەن استام ەسەپ نومىرىنە جولداما جاريالاۋعا تيىم سالۋ، جانكۇيەرلەرىن تازالاۋ، ۋاقىتشا توقتاتۋ نەمەسە پايدا تابۋ ۇقىق شەگىن كۇشىنەن قالدىرۋ سياقتى ءبىر جاقتى ەتۋ شارالارىن قولداندى.

2. ۇكىمەت قۇرىلىمدارىنىڭ، اقپارات دانەكەرلەرىنىڭ، ەرەكشە قىزمەتكەرلەردىڭ اتىن جامىلعان، سولارعا ەلىكتەگەن جەكەلىك مەديالاردى قاتاڭ تەكسەرىپ ءبىر جاقتى ەتتى.

«ەڭ جوعارى پروكۋراتۋرا»، «پيڭ-ان قوعام حاۋىپسىزدىگى»، «حىنان دەنساۋلىق ساقتاۋ سالاماتتىعى» قاتارلى پارتيا، ۇكىمەت ورگاندارىنىڭ اتىن جامىلعان نەمەسە سولارعا ەلىكتەگەن ەسەپ نومىرىنەن 54 مىڭ 200 دەن استامىن شوعىرلى تۇردە ءبىر جاقتى ەتتى؛ «جۇڭگو قىزىل ارميا قولباسشىلىق شتابى»، «جۇڭگو لاڭكەستىككە قارسى اسكەري ءبولىمى»، «ستراتەگيالىق باسقارىلمالى بومبى قوسىنى» قاتارلى ارميانىڭ اتىن جامىلعان نەمەسە سولارعا ەلىكتەگەن ەسەپ نومىرىنەن 12 مىڭ 800 دەن استامىن ءبىر جاقتى ەتتى؛ «جۇڭگو عىلمي زەرتتەۋ اكادەمياسى»، «ۋحوۋ رايوندىق ارحيۆحانا»، «نانياڭ قالالىق اۋرۋدان ساقتانۋ-تىزگىندەۋ ورتالىعى» سياقتى ءىس ورىندارىنىڭ اتىن جامىلعان نەمەسە سولارعا ەلىكتەگەن ەسەپ نومىرىنەن 25 مىڭ 100 دەن استامىن ءبىر جاقتى ەتتى؛ «حالىق گازەتىنىڭ تۇڭعىش حابارلارى»، «جۇڭنان دۋشى گازەتى»، «تاڭەرتەڭگى حابار» قاتارلى اقپارات دانەكەرلەرىنىڭ اتىن جامىلعان نەمەسە سولارعا ەلىكتەگەن ەسەپ نومىرىنەن 187 مىڭ 500 دەن استامىن ءبىر جاقتى ەتتى؛ «سىچۋان ءوڭىرى»، «باۋتوۋ ءىس ءبىتىرۋ ورنى»، «حۋايجي تۇرمىسى» قاتارلى اۋدان دارەجەلىدەن جوعارى اكىمشىلىك رايوننىڭ جاعىراپيالىق اتاۋىن بەتالدى قولدانىپ، جۇرتتى الجاستراتىن ەسەپ نومىرىنەن 60 مىڭ 700 دەن استامىن ءبىر جاقتى ەتتى؛ «لياڭ مۇعالىمنىڭ ماتەماتيكا، فيزيكا، حيميا ساباقتارى»، «شياشۋاڭ ادۆوكادتارى»، «لۇڭچى شيپاگەر» سياقتى كاسىپتىك تولىمدىلىعى جوق ەسەپ نومىرىنەن 443 مىڭ 500 دەن استامىن ءبىر جاقتى ەتتى؛ ال، باسقالاردىڭ اتىن جامىلعان نەمەسە باسقالارعا ەلىكتەگەن باسقالاي ەسەپ نومىرىنەن 43 مىڭ 900 دەن استامىن ءبىر جاقتى ەتتى. ءتۇيىندى تەكشەلەر باسقانىڭ اتىن جامىلعان، باسقاعا ەلىكتەگەن ەسەپ نومىرىنەن جيىنى 827 مىڭ 700 دەن استامىن ءبىر جاقتى ەتتى، مۇنىڭ ىشىندە 14 مىڭ 300 دەن استام ەسەپ ءنومىرىن ماڭگىلىك جاپتى، 813 مىڭ 400 دەن استام ەسەپ نومىرىنە جولداما جاريالاۋعا تيىم سالۋ، جانكۇيەرلەرىن تازالاۋ، ۋاقىتشا توقتاتۋ نەمەسە پايدا تابۋ ۇقىق شەگىن كۇشىنەن قالدىرۋ سياقتى ءبىر جاقتى ەتۋ شارالارىن قولداندى.

3. قولامتالى ماسەلەلەردى ۋشىقتىرا تاراتىپ، كورىلىم سانىن ارتتىراتىن جانە ەرەجەگە قايشى تۇردە ناق اقشاعا اينالدىرىپ الاتىن جەكەلىك مەديالاردى جاپپاي جونگە سالدى.

«تاريحقا تەرەڭ وي»، «شياۋلينلين»، «تاۋەكەلشىل دولا» قاتارلى ەكونوميكالىق، قوعامدىق، حالىق تۇرمىسى سالاسىنا ساياتىن قولامتالى ماسەلەلەرگە ادەيى شۇقشيىپ، ورايدان پايدالانىپ بەلگىلەمەگە قايشى تۇردە جانكۇيەر باۋراپ، جولداماسىنىڭ كورىلىمىن ارتتىراتىن ەسەپ نومىرىنەن 47 مىڭ 800 دەن استامىن؛ «جين-ياڭ Jyan»، «جياڭ مىرزا»، «دۇنيەگە كوز سالىپ كورگەن-بىلگەنىم» قاتارلى تالاس-تارتىس تۋدىراتىن، جاڭساقتىق تۋدىراتىن ينفورماتسيالاردى جاريالاۋ ارقىلى، جات نيەتپەن جولداما كورىلىمىن ارتتىراتىن ەسەپ نومىرىنەن 15 مىڭ 900 دەن استامىن؛ «جانسەبىل ابين»، «جاز كوركى»، «بولە ءىنىم اشي» سياقتى قارتتار، مۇگەدەكتەر، ازامات جاسىنا تولماعاندار قاتارلى ءالسىز توپتاردان پايدالانىپ توراپتاستاردان سياقى الىپ، بەلگىلەمەگە قايشى تۇردە ناق اقشاعا اينالدىرىپ الاتىن ەسەپ نومىرىنەن 1919 ىن شوعىرلى تۇردە ءبىر جاقتى ەتتى. ءتۇيىندى تەكشەلەر قولامتالى ماسەلەلەرگە ادەيى شۇقشيىپ، ورايدان پايدالانىپ بەلگىلەمەگە قايشى تۇردە جانكۇيەر باۋراپ، جولداماسىنىڭ كورىلىمىن ارتتىراتىن، ءالسىز توپتاردان پايدالانىپ توراپتاستاردان سياقى الىپ، بەلگىلەمەگە قايشى تۇردە ناق اقشاعا اينالدىرىپ الاتىن ەسەپ نومىرىنەن جيىنى 65 مىڭ 600 دەن استامىن ءبىر جاقتى ەتتى، مۇنىڭ ىشىندە 44 مىڭ 800 دەن استام ەسەپ ءنومىرىن ماڭگىلىك جاپتى، 20 مىڭ 800 دەن استام ەسەپ نومىرىنە جولداما جاريالاۋعا تيىم سالۋ، جانكۇيەرلەرىن تازالاۋ، ۋاقىتشا توقتاتۋ نەمەسە پايدا تابۋ ۇقىق شەگىن كۇشىنەن قالدىرۋ سياقتى ءبىر جاقتى ەتۋ شارالارىن قولداندى.

ءار دارەجەلى ينتەرنەت ينفورماتسياسى تاراۋلارى قاراستى جەردىڭ باسقارۋ جاۋاپكەرشىلىگىن تىڭعىلىقتى اتقارىپ، قوعام حاۋىپسىزدىگى، بازار باقىلاۋ-باسقارۋ سياقتى تاراۋلارمەن بەلسەنە سەيكەسىپ، ءبىر تۇتاس جوسپارلاپ، زاڭعا، ەرەجەگە قايشى جەكەلىك مەديالاردى قاتاڭ جونگە سالىپ، زاڭ بويىنشا جەكەلىك مەديا جۇرگىزۋ تۇلعالارىنان 2089 ادام-رەت شاقىرىپ اڭگىمەلەسىپ، 2268 دەرەكتى قوعام حاۋىپسىزدىگى ورگاندارىنىڭ ىشكەرىلەي تەكسەرىپ ءبىر جاقتى ەتۋىنە تاپسىردى، تيپتىك دەلولاردى سىرتقا اشىق جاريالاپ، توراپ ەكولوگياسىن جالعاستى تازارتتى.

كەلەسى قادامدا ورتالىق ينتەرنەت ينفورماتسياسى كەڭسەسى جەكەلىك مەديالارداعى بىلىقپالىقتاردى جونگە سالۋ ءىسىن قىزمەتتىڭ ءتۇيىنى رەتىندە ۇستاپ، كۇندەلىك باقىلاپ-باسقارۋدى كۇشەيتىپ، قاتاڭ باسقارۋ كۇيىن جالعاستى ساقتاپ، جەكەلىك مەديالارداعى زاڭعا، ەرەجەگە قايشى ارەكەتتەردى قاتاڭ تەكسەرىپ ءبىر جايلى ەتىپ، ماسەلەسى كورنەكتى، تۇزەتۋى پارمەندى بولماعان توراپ تەكشەلەرىن زاڭ بويىنشا ءبىر جاقتى ەتەدى. سونىمەن بىرگە، قالىڭ توراپكەرلەردى باقىلاۋ-اشكەرەلەۋگە بەلسەنە قاتىناسىپ، شىنايى ماسەلە دەرەكتەرىمەن قامداپ، توراپ كەڭىستىگىنىڭ تازالىعىن بىرلىكتە قورعاۋعا ۇندەيدى.

اۋدارعان: نۇرگۇل قۇمارقان قىزى

来源：人民日报

编辑，制作：阿依娜