ەۆروپادا بيىل جازداعى ەرەكشە جوعارى تەمپەراتۋرا نەشە 1000 ادامنىڭ جانىن جالمادى. بۇل عانا ەمەس-اۋ، جوعارى تەمپەراتۋرالى اۋا رايى بۇكىل جەر شارىن جانار زاتپەن قامداۋعا دا ىقپال ەتتى. 

ورتالىق تەلەۆيزياسى قازىنا-ەكونوميكا ارناسى «الەم ەكونوميكاسى» ايدارىنىڭ كەسكىنى

دۇنيە جۇزىلىك اۋا رايى ۇيىمى مەن ەۆروپا وداعى كليمات باقىلاۋ-تەكسەرۋ قۇرىلىمى كوپەرنيك كليمات وزگەرىسىنە قىزمەت وتەۋ مەكەمەسىنىڭ ەڭ جاڭا مالىمەتىندە كورسەتىلۋىنشە، بيىل 6-ايدان 8-ايعا دەيىنگى ۋاقىت، بۇكىل دۇنيە ءجۇزى بويىنشا اۋا تەمپەراتۋراسى ەستەلىككە الىنعاننان بەرگى ەڭ ىستىق جاز ماۋسىمى بولعان. دۇنيە جۇزىلىك اۋا رايى ۇيىمىنىڭ بۇرىنعى ساندى مالىمەتتەرىندە كورسەتىلۋىنشە، ەۆروپادا اۋا تەمپەراتۋراسىنىڭ جوعارىلاۋى بۇكىل جەر شارىنداعى ورتاشا ورەنىڭ 2 ەسەسىنەن اسىپ كەتكەن. ال، بيىل جازدا، ەۆروپادا نەشە 1000 ادام جوعارى تەمپەراتۋرالى اۋا رايى سالدارىنان جانىنان جۇدا بولعان.

سپانيا ۇكىمەتىنىڭ ايتۋىنشا، بيىل 6-ايدان 8-ايعا دەيىن، شامامەن 2800 ادام جوعارى تەمپەراتۋرا سەبەبىنەن اجال قۇشقان. ال، يتاليا دەنساۋلىق ساقتاۋ مينيسترلىگىنىڭ العاشقى ساناق مالىمەتتەرىندە كورسەتىلۋىنشە، يتاليانىڭ ورتا بولەگى مەن وڭتۇستىك بولەگىندەگى ماڭىزدى قالالاردا، عالىمدار مىنانى بايقاعان: بۇرىنعى ماۋسىمدىق ورتاشا مانمەن سالىستىرعاندا، بيىل 7-ايدا، 65 جاستان اسقاندار ىشىندە، مولشەردەن ارتىق ولگەن ادام سانى 9 پايىزعا جۋىق ارتقان. ال، گەرمانيا ۇكىمەتى دە بيىل ءدال قازىرگە دەيىن، جوعارى تەمپەراتۋرا سالدارىنان ولگەن ادام 2400 شاماسىندا ەكەندىگىن مولشەرلەپ وتىر.

ءىس جۇزىندە، ا ق ش-نىڭ وڭتۇستىك بولەگىندەگى باسىم كوپ رايونمەن سالىستىرعاندا، ەۆروپانىڭ جاز ماۋسىمىنداعى اۋا رايىن الدە قايدا سالقىن دەۋگە بولادى. دەي تۇرانمەن، مۇندا جوعارى تەمپەراتۋرانىڭ جان العىشقا اينالۋىنداعى ماڭىزدى سەبەپ ـ ەۆروپادا اۋا تەڭشەگىشتىڭ جالپىلاسۋى تىم جەتكىلىكسىز بولىپ وتىر.

ءدال بيىلعى جوعارى تەمپەراتۋرادان رەكورد جاراتىلعان جاعدايدا، ەۆروپا جۇرتشىلىعى كوپ مولشەردە اۋا تەڭشەگىش ورناتا باستادى. «ۋوللستريت كوشەسى گازەتىنىڭ» حابارىنا قاراعاندا، بيىل ەۆروپادا نەشە ميلليون اۋا تەڭشەگىش ورناتىلعان بولۋى مۇمكىن. الايدا، بۇل قارقىن ءالى دە جەتكىلىكسىزدىك ەتەتىن بولىپ، مۇنداعى وتباسىلاردىڭ ءالى دە تەڭ جارتىسىنان استامىنا اۋا تەڭشەگىش ورناتىلماعان. ال، حالىقارالىق ەنەرگيا مەكەمەسىنىڭ ساندى مالىمەتتەرىنە جۇگىنسەك، بىلتىر ەۆروپادا اۋا تەڭشەگىشتىڭ جالىپلاسۋ مولشەرى 2000-جىلعى 10 پايىزدان جوعارىلاپ، 19 پايىزعا جەتكەن. الايدا، مۇنى ا ق ش-نداعى 90 پايىزبەن سالىستىرعاندا، ءالى دە الدە قايدا تومەن.

جوعارى تەمپەراتۋرانىڭ تاعى ءبىر ۇلعاۋسار ءتيىمسىز ىقپالىنا كەلسەك، ا ق ش مەن ەۆروپاداعى ءبىر ءبولىم مۇناي ايىرۋ زاۆودتارىندا ەلەكتر توقتاۋ، ءوندىرىس توقتاۋ جايتى تۋىلۋىنا اپارىپ سوقتى. ەنەرگيا قاينارىنان كەڭەس بەرۋ سەرىكتەستىگى FGE دىڭ مەجەسىنە قاراعاندا، بىلتىرعى ۇقساس مەزگىلدەگىمەن سالىستىرعاندا، بيىل ەۆروپانىڭ جاز ماۋسىمىنداعى مۇناي مانەرلەۋ مولشەرى كۇنىنە 700 مىڭ باررەلدەن ازايىپ وتىرعان. تالداۋ جاساۋشىلار مۇنىڭ قالايدا تەڭ جارتىسى جوعارى تەمپەراتۋرانىڭ ىقپالىنا ۇشىراۋدان بولدى دەپ قاراۋدا. اۆستراليانىڭ ميگري توبى بىلاي دەدى: بيىل 6-، 7-ايلاردا، دۇنيە جۇزىندەگى مۇناي ايىرۋ زاۆودتارىنىڭ مۇناي ايىرۋ مولشەرى كەمىندە 2 پايىز ازايدى.

جوعارى تەمپەراتۋرانىڭ كەسىرى تەك مانەرلەۋگە كەدەرگى كەلتىرۋمەن عانا تىنعان جوق، مۇنان تىس، جوعارى تەمپەراتۋرانىڭ سالدارىنان رەين وزەنى جانە پاناما كانالى قاتارلى ماڭىزدى سۋ جولدارى تارتىلىپ قالدى دا، جانار زات تاسىمالىنىڭ وزىندىك قۇنىن ارتتىردى.

ا ق ش ەنەرگيا ينفورماتسياسى مەكەمەسىنىڭ جۋىقتاعى ساندى مالىمەتتەرىندە كورسەتىلۋىنشە، وڭدەلگەن ماي جاعىن الىپ ايتساق، قازىر ا ق ش-ندا بەنزيننىڭ قامباداعى قورى 214 ميلليون باللەر شاماسىندا، ال، بۇل ورە وتكەن 5 جىلدان بەرگى ءبىرشاما تومەن دەڭگەي بولىپ تابىلادى.

كەيبىر كليمات ماماندارى مىنانى اتاپ كورسەتتى: سولتۇستىك جارتى شاردا، بيىل قىس ماۋسىمىندا سۇركەيلى اۋا رايى جارىققا شىعۋى مۇمكىن، بۇل دا ەنەرگيامەن قامداۋعا ءتىپتى دە ناشار ىقپال اكەلەتىن بولادى.

اۋدارعان: نۇرگۇل قۇمارقان قىزى

来源：央视财经

翻译：努尔古丽

审稿、制作：古丽美热