تۇبەگەيلى تەكسەرۋ جۇرگىزىلدى، تاعى 109 ادام ەلىمىزگە تاپسىرىلدى

بيرمانىڭ سولتۇستىگىندەگى ەلىمىزدىڭ ەلەكتروندى ينفورماتسيالىق الدامشىلىعىنا ساياتىن ينتەرنەت الدامكوستىگى قىلمىستارىنىڭ ءجيى تۋىلۋ جاعدايىن باتىل تەجەۋ ءۇشىن، قوعام حاۋىپسىزدىگى مينيسترلىگى يۇننان ولكەلىك قوعام حاۋىپسىزدىگى ورگاندارىنا شەكارالىق ساقشى ىستەرى سەلبەستىگىن كۇشەيتۋدى ورنالاستىرىپ، كوپ رەت سوققى بەرۋ قيمىلىن ۇزدىكسىز ورىستەتىپ، ىلگەرىندى-كەيىندى 1482 الدامكوستىك قىلمىسىنا ساياتىن قىلمىس كۇماندىلارىن ەلىمىزگە وتكىزىپ بەردى. 9-ايدىڭ 16-كۇنى، سوققى بەرۋ قيمىلىندا تاعى دا ءشۇيىنشىلى حابارلار تارالدى. يۇننان ولكەسىنىڭ پۋىر قالالىق قوعام حاۋىپسىزدىگى ورگانى شەكارالىق ساقشى ىستەرى سەلبەستىگىن ۇزدىكسىز كۇشەيتىپ، تاعى دا ەلەكتروندى ينفورماتسيالىق ينتەرنەت الدامكوستىگىمەن شۇعىلدانعان 109 قىلمىس كۇماندىسى مەن ءبىر توپ دەلو تۋدىرعان قۇرال-سايمانداردى ەلىمىزگە وتكىزىپ بەردى، مۇنىڭ ىشىندە، توراپتا قۋعىن سالىنعان 11 ادام بولىپ، بۇلارعا قاراتا ءۇرتىس سوققى بەرۋ جاعدايىن قالىپتاستىردى.

جاقىنعى جىلداردان بەرى، ەلىمىزدىڭ قوعام حاۋىپسىزدىگى ورگاندارىنىڭ سوققى بەرۋ تەبىنىنىڭ ۇزدىكسىز كۇشەيۋىنە جانە حالىقارالىق زاڭ اتقارۋ سەلبەستىگىنىڭ ءۇرتىس تەرەڭدەۋىنە بايلانىستى، بۇرىن شىعىس وڭتۇستىك ازيا ەلدەرىنە جاسىرىنعان ەلەكتروندى ينفورماتسيالىق ينتەرنەت الدامكوستىگى قىلمىستىق توپتارى بىرتىندەپ بيرمانىڭ سولتۇستىك رايونىنا قاراي قونىس اۋدارىپ، نەگىزىنەن ەلىمىزدىڭ يۇننان ولكەسىنىڭ شيشۋاڭباننا، پۋىر، لينساڭ، دىحۇڭ قاتارلى جەرلەرىمەن ىرگەلەسەتىن بيرمانىڭ ءبىر ءبۇيىرىن يەمدەنىپ الدى. قوعام حاۋىپسىزدىگى مينيسترلىگى بۇعان ايىرىقشا ءمان بەرىپ، يۇننان سياقتى جەرلەردەگى قوعام حاۋىپسىزدىگى ورگاندارىن ۇيىمداستىرىپ، تالداۋ جاساپ تۇراقتاندىرۋدى كۇشەيتىپ، زاڭمەن سوققى بەرۋ مەحانيزمىن جاڭالاپ، ساقشى ىستەرى سەلبەستىگىن كۇشەيتىپ، سوققى بەرۋ قىزمەتىن جان-جاقتى شارا قولدانىپ ىلگەرلەتتى. قيمىل ورىستەتىلگەننەن بەرى، شيشۋاڭباننا، پۋىر سياقتى جەرلەردەگى قوعام حاۋىپسىزدىگى ورگاندارىنىڭ تىنباي قۇلشىنۋىندا، ىلگەرىندى-كەيىندى بيرمانىڭ سولتۇستىگىندەگى الدامكوستىككە ساياتىن 1482 قىلمىس كۇماندىسىن ەلىمىزگە وتكىزىپ بەردى، مۇنىڭ ىشىندە توراپتا قۋعىن سالىنعان 58 ادام بولىپ، شەكارا سىرتىنداعى الدامكوستىككە ساياتىن قىلمىستى ارەكەتتەردىڭ ساقتالۋ كەڭىستىگىن پارمەندى تۇردە جانىشتادى. وسى نەگىزدە، پۋىر قوعام حاۋىپسىزدىگى ورگانى بيرمانىڭ قاتىستى جەرگىلىكتى زاڭ اتقارۋ تاراۋلارىمەن ساقشى ىستەرى سەلبەستىگىن ونان ارى كۇشەيتىپ، ارەكەتتى ۇزدىكسىز تەرەڭدەتىپ، كۇرەس ناتيجەسىن ۇزدىكسىز بەكەمدەدى جانە كەڭەيتتى. 

قازىر، قوعام حاۋىپسىزدىگى مينيسترلىگى حىبەي، جياڭسۋ، جىجياڭ، حىنان، گۋاڭدۇڭ، چۇڭچيڭ سياقتى جەرلەردىڭ قوعام حاۋىپسىزدىگى ورگاندارىنا ورنالاستىرعان ەلىمىزگە وتكىزىپ بەرگەن قىلمىس كۇماندىلارى ارت-ارتىنان يۇننان ولكەسىنەن اكەلىنىپ، دەلونى بارلاۋ جانە قاراۋ قىزمەتىن بار كۇشپەن ورىستەتىپ، قىلمىس فاكتتەرىن تۇبەگەيلى تەكسەرىپ، جوعارى-تومەنگى جاقتارداعى قىلمىس جەلىلەرىن ىشكەرلەي قازبالاپ، قىلمىستىق توپتارعا سوققى بەرۋگە، تور جەلىسىن كۇيرەتۋگە، جولىن ءۇزىپ تاستاۋعا تاباندى بولىپ، الدامكوستىك، جاسىرىن ءوتۋ سياقتى زاڭعا قايشى قىلمىستارعا زاڭ بويىنشا قاتاڭ سوققى بەرۋمەن قاتار، شەكارا ىشىندەگى توراپتىق قىلمىستى كاسىپتەر سياقتى ىلىكتەس قىلمىستاردى ىشكەرلەي قازبالاپ، شەكارا ىشىندەگى سەلبەسكەن قىلمىسكەرلەرگە زاڭ بويىنشا اۋىر سوققى بەرىپ، تەگەۋرىندى كۇيدى ۇزدىكسىز قالىپتاستىردى.

قوعام حاۋىپسىزدىگى مينيستىرلىگىنىڭ قاتىستى جاۋاپتىسى بىلاي دەدى: «كەزەكتەگى، بيرمانىڭ سولتۇستىگىندەگى ەلىمىزدىڭ ەلەكتروندى ينفورماتسيالىق الدامشىلىعىنا ساياتىن ينتەرنەت الدامكوستىگى قىلمىسىنىڭ اۋىر دا كۇردەلى جاعدايىنا قاراتا، الدىڭعى مەرزىمدىك سوققى بەرۋ قيمىلىندا كورنەكتى ونىمدىلىككە قول جەتكىزدى. قوعام حاۋىپسىزدىگى مينيسترلىگى مەن يۇننان ولكەلىك قوعام حاۋىپسىزدىگى مەڭگەرمەسى قاتىستى جەرگىلىكتى قوعام حاۋىپسىزدىگى ورگاندارىنا شەكارالىق ساقشى ىستەرى زاڭ اتقارۋ سەلبەستىگىنە سۇيەنۋدى ورنالاستىرىپ، قىزمەت تەبىنىن ۇزدىكسىز كۇشەيتىپ، سوققى بەرۋ قيمىلىن ىشكەرلەي ىلگەرلەتىپ، الدامكوستىك اپاندارىن جويىپ، دەلوعا قاتىستى ادامداردى قولعا الىپ، حالىق بۇقاراسىنىڭ مال-مۇلىك حاۋىپسىزدىگى مەن زاڭدى ۇقىق-مۇددەسىن باتىل قورعادى».

اۋدارعان: مارالبەك ابدىكارىم ۇلى 

来源：央视财经

编辑、制作：阿依娜