جەر-جەر اۋرۋدان بىرگە ساقتانۋعا، ەمدەۋگە تاباندى بولىپ، وكپە قابىنۋ، جاڭا ٴتيپتى ايدارشا ۆيرۋسىنان بولعان وكپە قابىنۋ، جۇقپالى تۇماۋ، دەنگە قىزباسى، نورو ۆيرۋسىمەن جۇعىمدالۋ سياقتى تارالۋ جاعدايىنا قاداعالاي نازار اۋدارىپ، باقىلاۋ-تەكسەرۋدى، ساقتاندىرۋدى كۇشەيتىپ، ۆيرۋستىڭ تارالۋ كۇشەمەلىلىگى، ۆيرۋستىڭ وزگەرۋى سياقتى وزگەرىستەردى يگەرۋ؛ اۋىل-قىستاق رايوندارى، مەكتەپ، قارتتاردى كۇتىمدەۋ، بالالار باقشاسى قۇرىلىمدارى سياقتى ٴتۇيىندى رايوندار مەن ٴتۇيىندى ورىندار جۇقپالى اۋرۋدى باقىلاۋ-تەكسەرۋدى جانە دەنساۋلىق باسقارۋدى كۇشەيتۋ؛ قارتتار، نەگىزدىك اۋرۋعا شالدىققاندار، بالالار سياقتى ٴتۇيىندى قاۋىمعا امانداسا بارۋدى ويداعىداي ىستەپ، ۆاكسينا ەگۋ قىزمەت وتەۋىن ساپالىلاندىرۋ كەرەك؛ ەمدەۋ بايلىعىن ٴبىر تۇتاس جوسپارلاپ، ەمدەۋ ٴتارتىبىن ساپالىلاندىرىپ، شۇعىل قۇتقارۋ، بالالار ٴبولىمى، تىنىس جولى ٴبولىمى سياقتى ەمدەۋ بولىمدەرىن كەمەلدەندىرىپ، ٴتۇرلى ەمدەۋ، قۇتقارۋ قىزمەتىن ويداعىداي ىستەۋ؛ وركەنيەتتى، اقاۋسىز، جاسىل، قورشاعان ورتانى قورعايتىن تۇرمىس ٴتاسىلىن ۇزدىكسىز دارىپتەپ، تاماشا جەكە تازالىق ادەتىن ساقتاۋ كەرەك.

جۇرتشىلىق اۋرۋعا دياگنوز قويدىرعاننان كەيىن ٴدارىنى قالاي ىستەتىپ ەمدەلۋى كەرەك ؟ مامانداردىڭ ۇسىنىسى

جۋىردا توراپتا كوپتەگەن ادامدار وتباسىمىزداعىلار وكپە قابىنۋىمەن جۇعىمدالدى دەسە تاعى بىرەۋلەر كوپتەگەن ەرەسەكتەردىڭ جۇعىمدالعانى ٴىس جۇزىندە جاڭا ٴتيپتى ايدارشا ۆيرۋس دەپ قارادى. بۇل جونىندە بەيجيڭ قالالىق تىنىس جولى اۋرۋىن زەرتتەۋ ورنىنىڭ باستىعى تۇڭ چاۋحۇي بىلاي دەدى: وكپە قابىنۋ ۇنەمى كەزىگەتىن ينفەكسيالانۋ اۋرۋ قوزدىرعىشتارىنىڭ ٴبىرى، 2016 ـ جىلعى «جۇڭگو ەرەسەكتەرى وكپە قابىنۋىنا دياگنوز قويۋ جانە ونى ەمدەۋ قىبلاناماسىنا جانە قاتىستى باقىلاۋ-تەكسەرۋ ساندى مالىمەتىنە نەگىزدەلگەندە، وكپە قابىنۋى تىنىس الۋ جولدارى ارقىلى كەڭ تاراعان ماڭىزدى اۋرۋ قوزدىرعىشتاردىڭ ٴبىرى. 

ٴار جىلى كۇزدە بالالار، جاستار مەن ورەندەر وڭاي جۇعىمدالادى، وكپە قابىنۋ نەگىزىنەن ۇشپا كوبىك ارقىلى تارالادى، سوندىقتان قورعانۋ بولماعان جاعدايدا، جان سانى تىعىز ورىنداردا، مىسالى، بالالار باقشاسىندا، مەكتەپتەردە شوعىرلى تارالادى، وتباسى مۇشەلەرىنىڭ وكپە قابىنۋىمەن جۇعىمدالۋى دا ٴبىرشاما كوپ كەزىگەدى. جەدەل ينفەكسيالانۋ ۇنەمى كەزىگەتىن ينفەكسيالانۋ اۋرۋى، وكپە قابىنۋىنىڭ ميكوپلازماسى، جاڭا  ٴتيپتى ايدارشا ۆيرۋسى، جۇقپالى تۇماۋ ۆيرۋسى قاتارلىلاردان پايدا بولاتىن اۋرۋ بەلگىلەرى ۇقساس، انتيگەن مەن نۋكلەين قىشقىلىن تەكسەرۋگە بولادى.

كوپشىلىكتىڭ اۋرۋ قوزدىرعىشقا دياگنوز قويعاننان كەيىن ٴدارى ىستەتىپ ەمدەلۋىن ۇسىنىس ەتەمىز.

اتا-انالار بالاعا اچيميتسين سياقتى دارىلەردى ىشكىزسە بولمايدى

جۋىردا ٴبىر ٴبولىم اتا-انالار توراپتا ايتىلعان مازمۇندارعا قۇلاق اسىپ، بالالارىنا اچيميتسين سياقتى دارىلەردى ٴوزبەتىنشە ىشكىزگەن. بەيجيڭ بالالار شيپاحاناسىنىڭ اعا شيپاگەرى ۋاڭ چۋان بىلاي دەدى: اتا ـ انالاردىڭ بالاعا اچيميتسين سياقتى دارىلەردى ٴوز بەتىنشە ٴىشۋ ٴادىسىن قولدانۋعا بولمايدى.

قازىر بالالاردىڭ جۇقپالى اۋرۋلارى كوپ تۋىلاتىن مەزگىل، وكپە قابىنۋىنىڭ جۇعىمدالۋ سالىستىرماسى از بولماعانىمەن، جالپى تۇلعالىق جاقتان قاراعاندا، ۆيرۋس ٴالى دە بالالاردىڭ جۇقپالى اۋرۋلارى ەڭ كوپ كەزىگەتىن اۋرۋ قوزدىرعىش، ۇنەمى كەزىگەتىن ۆيرۋستار بەز ۆيرۋسى، مۇرىن ۆيرۋسى، جۇقپالى تۇماۋ ۆيرۋسى، قوسىمشا جۇقپالى تۇماۋ ۆيرۋسى، ادامنىڭ وكپە ۆيرۋسى قاتارلىلاردى قامتيدى.

ال اچيميتسيننىڭ ۆيروسپەن جۇعىمدالۋدى ەمدەۋى ٴونىمسىز ٴارى ۇيلەسىمسىز. ونىڭ ۇستىنە بالالاردىڭ جاسى كىشى، ىشكى مۇشەلەرىنىڭ قىزمەتى تولىق جەتىلمەگەن، ٴدارىنى بەتالدى تۇتىنسا بالاعا كەرى اسەر تۋدىرۋى مۇمكىن، اچيميتسين رەتسەپتىك ٴدارى، ۇلكەن ساقينالى ەستەر تۇرىندەگى باكتەرياعا قارسى دارىلەرگە جاتادى، وكپە قابىندىراتىن ميكروپلازمامەن جۇعىمدالۋدا الدىمەن تاڭدالاتىن ٴدارى، شيپاگەردىڭ نەمەسە دارىگەردىڭ جەتەكشىلىگىندە جۇيەلى پايدالانۋ كەرەك، بۇل دوزاسى ۇيلەسىمدى، ەمدەۋ بارىسى ۇيلەسىمدى، ٴدارى بەرۋى دۇرىس بولۋ سياقتىلاردى قامتيدى. اتا-انالارعا ەسكەرتە كەتۋگە ٴتيىستىسى، بالالار ەرەسەك ادامعا ۇقسامايدى، ٴدارى ىستەتكەندە بەتالدى ىستەتۋگە بولمايدى، ونىڭ حاۋىپسىزدىگى مەن ونىمدىلىگىنە نازار اۋدارۋ كەرەك.

كۇندەلىكتى تۇرمىستا جۇقپالى اۋرۋلاردان قالاي عىلمي ساقتانۋ كەرەك؟ مامانداردىڭ ۇسىنىسى

جۇڭگو اۋرۋدى تىزگىندەۋ ورتالىعى ۆيرۋس زەرتتەۋ ورنى مەملەكەتتىك جۇقپالى تۇماۋ ورتالىعىنىڭ مەڭگەرۋشىسى ۋاڭ دايان بىلاي دەپ تانىستىردى: قىس پەن كوكتەم جۇقپالى تۇماۋ سياقتى جۇقپالى اۋرۋلار كوپ تۋىلاتىن مەزگىل. جۇقپالى اۋرۋدان ساقتانۋدىڭ ەڭ ٴونىمدى، ەڭ ۇنەمدى ٴتاسىلى ۆاكسينا ەگۋ، جۇقپالى تۇماۋ ۆاكسيناسىن ەگۋ ارقىلى ينفەكسيالانۋ، اۋرۋ پايدا بولۋ جانە سالماقتى اۋرۋ تۋىلۋ قاتەرىن ٴونىمدى تۇردە ازايتۋعا بولادى. بۇدان سىرت، بۇقارا ۇنەمى كەزىگەتىن جۇقپالى اۋرۋلاردىڭ نەگىزگى بىلىمدەرىن يگەرۋ ارقىلى كۇندەلىكتى تۇرمىستا عىلمي ساقتانۋ ٴادىسىن قولدانىپ، ينفەكسيالانۋ مەن تارالۋ قاتەرىن تومەندەتۋى كەرەك.

 بىرىنشىدەن، اقاۋسىز تۇرمىس ادەتى قارسىلىق قۋاتتى ارتتىرۋدىڭ ماڭىزدى كەپىلى بولىپ تابىلادى. كۇندەلىكتى ومىردە ۇيلەسىمدى ۇيىقتاۋ، تاماقتانۋ، دەنە شىنقتىرۋ ادەتىن ساقتاۋ قاجەت.

ەكىنشىدەن، تاماشا جەكەلىك تازالىق ادەتىن قالىپتاستىرۋ ينفەكسيالانۋ قاتەرىن ازايتادى. مىسالى، جوتەلگەندە نەمەسە تۇشكىرگەندە قاعاز ورامال، ورامال نەمەسە شىنتاقپەن اۋىز، مۇرىندى باسۋ كەرەك؛ قولدىڭ تازالىعىنا كوڭىل ٴبولۋ، قولدى ۇنەمى جۋۋ، اسىرەسە جوتەلگەندە نەمەسە تۇشكىرگەننەن كەيىن قولدى جۋۋ، كوزدى، مۇرىندى نەمەسە اۋىزدى سيپاۋدان مۇمكىندىكتىڭ بارىنشا ساقتانۋ كەرەك.

ۇشىنشىدەن، وتباسى مەن قىزمەت ورنىنىڭ تازالىعىن ساقتاۋعا كوڭىل ٴبولۋ كەرەك. بولمە ىشىندە مەرزىم بويىنشا تەرەزە اشىپ اۋا الماستىرۋ، قىس ماۋسىمىندا سىرتتىڭ تەمپەراتۋراسى تومەن بولاتىندىقتان اۋا الماستىرۋ مەزگىلىندە دە جىلۋ ساقتاۋعا كوڭىل ٴبولۋ كەرەك. وتباسىندا ەگەر ينفەكسيالانعان ناۋقاس بولسا، ناۋقاسقا قارايلاسقاندا ماسكى تاعۋ كەرەك.

تورتىنشىدەن، قارتتار، بالالار نەگىزدىك اۋرۋعا شالدىققاندار سياقتى حاۋىپ -قاتەرى جوعارى ادامدار شوعىرى تىعىز الەۋمەتتىك ورىندارعا، اسىرەسە اۋا اينالىمى ىركىلىسسىز بولماعان جابىق ورىندارعا مۇمكىندىكتىڭ بارىنشا بارماي، اۋرۋعا شالدىققان ادامدارمەن جۇعىسۋدى ازايتۋ كەرەك. ادامدار شوعىرلانعان ورىندارعا نەمەسە الەۋمەتتىك قاتىناس قۇرالدارىنا وتىرعاندا، ماسكى تاعۋدى ٴارى دەر كەزىندە اۋىستىرۋعا كوڭىل ٴبولۋدى ۇسىنىس ەتەمىز.

ەڭ سوڭىندا، ەسكەرتە كەتۋگە ٴتيىستىسى، قىزۋ، جوتەلۋ سياقتى ينفەكسيالانۋ بەلگىلەرى بايقالسا، ناۋقاس ۇيدە دەمالىپ، اۋرۋ ۆيرۋسىن باسقا ادامدارعا جۇقتىرۋدان ساقتانۋ كەرەك. ەگەر اۋرۋ بەلگىسى ٴبىرشاما اۋىر بولسا، جەكە باسىنىڭ قورعانۋىن جاقسى ىستەپ، ەرتەرەك شيپاحاناعا بارىپ دەركەزىندە ەمدەلۋى كەرەك. 

قازىر ەلىمىزدە جاڭا ٴتيپتى ايدارشا ۆيرۋسىنىڭ تارالۋ جاعدايى قانداي؟ ورلەۋ اۋقىمى بولا ما ؟ جۇڭگو اۋرۋدى تىزگىندەۋ ورتالىعى بۇعان جاۋاپ قايتاردى

جۇڭگو اۋرۋدى تىزگىندەۋ ورتالىعى ۆيرۋس زەرتتەۋ ورنى مەملەكەتتىك جۇقپالى تۇماۋدىڭ الدىن الۋ ورتالىعىنىڭ مەڭگەرۋشىسى ۋاڭ دايان بىلاي دەدى: تاياۋدا ەلىمىزدىڭ جاڭا ٴتيپتى ايدارشا ۆيرۋسىمەن جۇعىمدالۋ ىندەتىنىڭ جالپى تۇلعالىق جاقتان تولقۋ، تومەندەۋ اۋقىمى جارىققا شىقتى، بيىل 8-ايدىڭ سوڭىنان قازىرگە دەيىن بۇكىل ەل بويىنشا جاڭا ٴتيپتى ايدارشا ۆيرۋسىمەن جۇعىمدالۋ مولشەرى ٴۇرتىس 10 اپتا تومەندەدى، بۇكىل ەل بويىنشا قىزۋ امبۋلاتورياسى ٴتۇيىندى شيپاحاناسىنىڭ جاڭا ٴتيپتى ايدارشا ۆيرۋسىنىڭ نۋكلەين قىشقىلىن تەكسەرۋ بولىمدىلىعى دا ۇزدىكسىز تومەندەدى.

بۇكىل جەر شارى مەن ەلىمىزدىڭ باقىلاۋ ساندى مالىمەتىندە كورسەتىلۋىنشە، قازىر بۇكىل جەر شارى مەن ەلىمىزدە تارالعان جاڭا ٴتيپتى ايدارشا ۆيرۋسىنىڭ وزگەرگەن تۇبىرشىگى وميكەروننىڭ وزگەرگەن تۇبىرشىگىنە جاتادى ەكەن، ەڭ جاڭا ٴبىر اپتادا ۇلگى الىنعان ۆيرۋستىڭ رەت-ٴتارتىبىن ولشەۋ ناتيجەسىندە كورسەتىلۋىنشە، تۇگەلدەي XBB نىڭ قوسالقى تۇبىرشىگى بولىپ، بيولوگيالىق ەرەكشەلىگىندە كورنەكتى وزگەرىس تۋىلعان، وزگەرگەن تۇبىرشىك بايقالماعان، مەملەكەت جاڭا ٴتيپتى ايدارشا ۆيرۋسىنا ٴالى دە جۇيەلى كوپ ارنالى باقىلاۋ جۇرگىزۋدە، ساندى مالىمەت مەرزىم بويىنشا جۇڭگو اۋرۋدى تىزگىندەۋ ورتالىعىنىڭ توراپ بەكەتىندە جاريالانادى.

اۋدارعان: مۇقامادي ٴشارىپ ۇلى 

来源：央视新闻

翻译：木哈买提

审稿、制作：古丽美热