وسى اپتادا شينجياڭدا تاعى ءبىر رەت سۋىق اعىس جۇرەدى

شينجياڭ اۋا رايى ستانسياسىنىڭ حابارىنا قاراعاندا، مەجەمەن وسى اپتادا شينجياڭ ەكى رەت سۋىق اعىستىڭ(ءالسىز) ىقپالىنا ۇشىرايدى. الداعى بىرنەشە كۇندە شينجياڭدا اۋا رايى مىناداي بولادى:

11-ايدىڭ 15-كۇنى كۇندىزدەن 18-كۇنى كۇندىزگە دەيىن،  تارباعاتاي ايماعىنىڭ سولتۇستىگى، التاي ايماعىنىڭ باتىسى، ءۇرىمجى قالاسىنىڭ وڭتۇستىك ىرگەسىنەن دابانچىڭعا دەيىنگى ءبىر بولەك رايوندا، سانجى وبلىسى قاتارلى جەرلەردىڭ ءشىنارا وڭىرلەرىندە 5~6 بال قيىس شىعىس جەلى سوعادى، بۇنىڭ ىشىندە، تارباعاتاي ايماعىنىڭ سارعۇسىن جانە مايتاس جەل رايونىندا، التاي ايماعىنىڭ نوعاي جەل رايونىندا، ءۇرىمجى قالاسىنىڭ ۇلانباي جانە حۇڭ يانچى قاتارلى جەل وتىندە جەل كۇشى 10 بال شاماسىندا بولادى. 

11-ايدىڭ 18-كۇنى تۇننەن 20-كۇنى كۇندىزگە دەيىن، سولتۇستىك شينجياڭنىڭ باسىم كوپ ءبولىم جەرلەرىندە، تيانشاننىڭ تاۋلى رايونىندا، قۇمىل قالاسىنىڭ سولتۇستىگى قاتارلى جەرلەردە از مولشەردە قار ارالاس جاڭبىر جاۋىپ، سوڭى قارعا اينالادى، بۇنىڭ ىشىندە، سولتۇستىك شينجياڭنىڭ باتىسى سولتۇستىگى، تيانشاننىڭ تاۋلى رايونى قاتارلى جەرلەردىڭ ءىشنارا وڭىرلەرىندە، ورتاشا قار جاۋىپ، قالىڭ قارعا وزگەرەدى، جوعارىدا ايتىلعان ءبىر ءبولىم وڭىرلەردە 5 بال شاماسىندا باتىس تەرىستىك جەلى سوعادى، جەل وتىندە جەل كۇشى 10 بال شاماسىندا، تەمپەراتۋرا 5 سەلتسي گرادۋس اينالاسىندا تومەندەيدى. تەمپەراتۋرا تومەندەپ، قارلى بوراندى اۋا رايىنىڭ جول قاتىناسقا، ەگىن جانە مال شارۋاشىلىعى وندىرىسىنە، ساياحات قاتارلىلارعا جاسايتىن تيىمسىز ىقپالىنان ساقتانعان ءجون. 

حاۋىپ-قاتەردەن ساقتانۋ ەسكەرتۋى: وسى ەكى كۇندە، سولتۇستىك شينجياڭنىڭ باسىم كوپ بولەگى، تيانشاننىڭ تاۋلى رايوندارى، شىعىس شينجياڭ قاتارلى جەرلەردە قارلى بوران سوعىپ، تەمپەراتۋرا تومەندەپ، جول تايعاق، ءبىر ءبولىم جول بولەكتەرىندە مۇز قاتىپ، كورۋ دارەجەسى ناشار، ءىشنارا وڭىرلەردە قارلى بوران سوعىپ، قاتىناس، ءجۇرىس-تۇرىس، ەگىن جانە مال شارۋاشىلىعى وندىرىسىنە، ساياحات جانە قالا اينالىمىنا تيىمسىز ىقپال جاساۋى مۇمكىن، ساقتىقتى كۇشەيتكەن ءجون. 

来源：新疆气象局

微信制作：阿依娜