ءوز حابارىمىز. ج ك پ ورتالىق كوميتەتىنىڭ باس شۋجيى شي جينپيڭ 4-ايدىڭ 10-كۇنى تۇستەن كەيىن بەيجيڭدە ما يىڭجيۋ جانە ونىڭ ساپارلاستارىمەن كەزدەستى.

شي جينپيڭ بىلاي دەدى: ەكى جاعالاۋداعى باۋىرلاستار—جۇڭحۋا ۇلتى. جۇڭحۋا ۇلتىنىڭ تاريحىندا اتا-بابالارىمىزدىڭ تايۋانعا كوشىپ كەلىپ، ءوسىپ–ونگەندىگى، ەكى جاعالاۋداعى باۋىرلاستاردىڭ شەتەل شاپقىنشىلارىنا ورتاق قارسى تۇرىپ، تايۋاندى قايتارىپ العاندىعى ەستەلىككە الىنعان. جۇڭحۋا ۇلتى وسىناۋ تاريحي كەشىرمەلەر بارىسىندا بۇعازدىڭ ەكى جاعالاۋىنىڭ بولىنبەس تاريحىن، ەكى جاعالاۋداعى باۋىرلاستاردىڭ تامىرلاس تاريحي شىندىعىن ورنەكتەي ويىپ جازدى. ەكى جاعالاۋداعى باۋىرلاستاردىڭ ءبارى جۇڭگولىق، شەشىلمەيتىن ەشقانداي كوڭىل تۇيىنشەگى جوق، اقىلداسۋعا بولمايتىن ەشقانداي ماسەلە جوق، ءبىزدى ءبولىپ تاستايتىن ەشقانداي كۇش جوق. بۇعاز ارالىعى ەكى جاعالاۋداعى باۋىرلاستاردىڭ ەتەنە سۇيىسپەنشىلىگىن توسا دا، ۇزە دە المايدى. ءتۇزىم ۇقساماستىعى ەكى جاعالاۋدىڭ ءبىر مەملەكەتكە، ءبىر ۇلتقا ءتان وبيەكتيۆ شىندىعىن وزگەرتە المايدى. سىرتتىڭ كيلىگۋى وتباسى مەن مەملەكەتتىڭ باس قوسۋىنىڭ تاريحي اۋقىمىن توسا المايدى. ەكى جاعالاۋداعى باۋىرلاستار باستان-اياق تامىرلاس، جۇرەكتەرى توعىسقان، ءوزارا قارايلاسىپ، كومەكتەسىپ كەلەدى.

شي جينپيڭ بىلاي دەدى: مەملەكەتتىڭ ءۇمىتى جاستاردا، ۇلتتىڭ بولاشاعى جاستاردا. ەكى جاعالاۋ جاستارىنىڭ بولاشاعى جاقسى بولعاندا عانا، ەكى جاعالاۋدىڭ بولاشاعى نۇرلى بولادى. ەكى جاعالاۋداعى جاستار جۇڭگولىق جىگەردى، قايسارلىقتى، نەگىزدى كۇشەيتىپ، جۇڭحۋا ۇلتى تاريحىندا ۇزدىكسىز شۇعىلالى تىڭ داستاندار جازۋ كەرەك.

شي جينپيڭ بىلاي دەپ باسا دارىپتەدى: ەكى جاعالاۋداعى باۋىرلاستاردا ورتاق تامىرلاستىق، ورتاق مادەنيەت، ورتاق تاريح بار، ونان دا ماڭىزدىسى، ءبىزدىڭ ۇلتقا ورتاق جاۋاپكەرشىلىگىمىز، بولاشاققا ورتاق ءۇمىتىمىز بار. ءبىز جۇڭحۋا ۇلتىنىڭ جالپى تۇلعالىق مۇددەسى مەن ۇزاق بولاشاقتىق دامۋى ارقىلى ەكى جاعالاۋ قاتىناسىنىڭ جالپى جاعدايىن يگەرىپ، جۇڭحۋا ۇلتىنىڭ ورتاق مەكەنىن باتىل قورعاپ، جۇڭحۋا ۇلتىنىڭ باياندى باقىتىن تاباندىلىقپەن ورتاق قۇرىپ، جۇڭحۋا ۇلتى ورتاق تۇلعاسى تانىمىن بەرىك ورناتىپ، جۇڭحۋا ۇلتىنىڭ ۇلى كوركەيۋىن باتىل جۇزەگە اسىرۋىمىز كەرەك.

شي جينپيڭ سوڭىندا بىلاي دەدى: 4-ايدىڭ 3-كۇنى حۋاليان اۋدانىنىڭ تەڭىز ايدىنىندا 7.3 بال جەر سىلكىنىپ، ءولىم-ءجىتىم، مال-مۇلىك شىعىنى تۋىلدى، مەن قازا بولعان باۋىرلاستارعا ازا بىلدىرەمىن، اپاتقا ۇشىراعان بۇقارادان حال سۇرايمىن.

ما يىڭجيۋ بىلاي دەدى: «92-جىلعى ورتاق تانىمعا» تاباندى بولۋ، «تايۋاندى دەربەستەندىرۋگە» قارسى تۇرۋ—ەكى جاعالاۋ قاتىناسىنىڭ بەيبىت دامۋىنىڭ ورتاق ساياسي نەگىزى. ەكى جاعالاۋ حالقى بىردەي جۇڭحۋا ۇلتى، تۇگەلدەي يان-حۋاڭ ۇرپاقتارى، اۋىس-كۇيىستى، سەلبەستىكتى تەرەڭدەتىپ، جۇڭحۋا مادەنيەتىن ورتاق كۇش سالا جالعاستىرىپ، ەكى جاعالاۋداعى باۋىرلاستاردىڭ ىرىس-قۇتىن ارتتىرىپ، قول ۇستاسا العا باسىپ، جۇڭحۋانى كوركەيتۋگە كۇش سالۋىمىز كەرەك.

كەزدەسۋدە بىرگە بولعان تايۋاندىق جاستاردىڭ ۋاكىلدەرى ءسوز سويلەدى.

ۋاڭ حۋنيڭ، ساي چي قاتارلىلار كەزدەسۋدە بىرگە بولدى.