ءوز حابارىمىز. مەملەكەت ءتوراعاسى شي جينپيڭ 4-ايدىڭ 16-كۇنى تۇستەن بۇرىن بەيجيڭدە دياۋيۇيتاي مەملەكەتتىك قوناقتار سارايىندا گەرمانيانىڭ زۇڭليى ولاف شولزبەن كەزدەستى.

شي جينپيڭ بىلاي دەپ انىق ايتتى: بيىل جۇڭگو مەن گەرمانيانىڭ جالپى بەتتىك ستراتەگيالىق سەرىكتەستىك قاتىناس ورناتقاندىعىنىڭ 10 جىلدىعى. 10 جىلدان بەرى حالىقارالىق جاعدايدا وراسان زور وزگەرىستەر تۋىلعانىمەن، جۇڭگو-گەرمانيا قاتىناسى باستان-اياق ورنىقتى دامىپ، ءار سالاداعى سەلبەستىك ۇزدىكسىز بەكەمدەلىپ جانە تەرەڭدەپ، ەكى ەلدىڭ دامۋىنا قوزعاۋشى كۇش ازىرلەدى. قازىر دۇنيە جۇزىندە 100 جىلدا بولماعان وزگەرىس جەدەلدەپ، ادامزات قوعامى ءدوپ كەلگەن حاۋىپ-قاتەر، سىن-سايىستار كوبەيۋدە، وسى ماسەلەلەردى شەشۋ ءىرى ەلدەردىڭ سەلبەستىگىنەن ايرىلا المايدى. جۇڭگو مەن گەرمانيا دۇنيە جۇزىندەگى 2-جانە 3-ءىرى ەكونوميكالىق تۇلعالار، جۇڭگو-گەرمانيا قاتىناسىن بەكەمدەۋدىڭ جانە دامىتۋدىڭ ءمانى ەكى جاقتى قاتىناس كاتەگورياسىنان اسىپ ءتۇسىپ، ازيا-ەۆروپا ۇلى قۇرلىعى، اۋەلى، بۇكىل دۇنيە ءجۇزى جونىنەن ماڭىزدى ىقپال جاسايدى. ەكى ەل ەكى جاقتى قاتىناسقا ۇزاق بولاشاقتىق جانە ستراتەگيالىق تۇرعىدان مامىلە جاساپ جانە دامىتىپ، قول ۇستاسا وتىرىپ دۇنيە جۇزىنە اناعۇرلىم كوپ ورنىقتىلىق جانە تۇراقتىلىق ۇستەۋى كەرەك.

شي جينپيڭ بىلاي دەپ باسا دارىپتەدى: جۇڭگو مەن گەرمانيا ادامزات وركەنيەتىنىڭ العا باسۋىنا ەلەۋلى ۇلەس قوسقان. جۇڭگو مەن گەرمانيا اراسىندا ءتۇبىرلى مۇددە قاقتىعىسى جوق، ءبىر-بىرىنە حاۋىپسىزدىك قاتەر تۋدىرمايدى. جۇڭگو مەن گەرمانيانىڭ سەلبەستىگى ەكى جاققا دا، دۇنيە جۇزىنە دە پايدالى. دۇنيە ءجۇزى اۋمالى-توكپەلى بولعان سايىن، ەكى جاق ەكى ەل قاتىناسىنىڭ سەرپىمدىلىگىن، ومىرشەڭدىك كۇشىن سولعۇرلىم ارتتىرىپ، جۇڭگو-گەرمانيا قاتىناسى سەلبەستىگىنىڭ نەگىزگى ارناسى مەن دامۋ جالپى بەتالىسىنا تاباندى بولىپ، جۇڭگو مەن گەرمانيا جالپى بەتتىك ستراتەگيالىق سەرىك سىندى دەڭگەيدى مىقتى يگەرۋ كەرەك. جۇڭگونىڭ گەرمانياعا قاراتقان ساياساتىندا وسكەلەڭ ورنىقتىلىق جانە ۇلاسپالىلىق ساقتالىپ كەلەدى. ەكى جاق ۇزدىكسىز اشىق ۇستالعان پەيىلمەن ءجيى بارىس-كەلىس جاساپ، ستراتەگيالىق ءوزارا سەنىمدىلىكتى نىعايتۋى كەرەك. ەكى جاق ءوزارا قۇرمەت ەتۋگە، پارىقتى ساقتاي ورتاقتىققا ۇمتىلۋعا، اۋىس-كۇيىس جاساپ ءوزارا ۇلگى الۋعا، سەلبەسە ورتاق يگىلىكتەنۋگە تاباندى بولسا بولعانى، ەكى ەل قاتىناسى ءسوز جوق ورنىقتى، باياندى بولادى.

شي جينپيڭ بىلاي دەپ انىق ايتتى: جۇڭگو مەن گەرمانيانىڭ كاسىپ سالاسى تىزبەگى مەن قامداۋ تىزبەگى ىشكەرىلەي توعىسۋدا، ەكى ەل بازارى جوعارى دەڭگەيدە ءوزارا ارقا سۇيەيدى. جۇڭگو مەن گەرمانيانىڭ ءوزارا ءتيىمدى سەلبەستىگى حاۋىپ-قاتەر ەمەس، قايتا ەكى جاق قاتىناسىنىڭ ورنىقتىلىعىنىڭ كەپىلى، بولاشاققا جول اشاتىن وراي سانالادى. مەيلى مەحانيكالىق جاساۋ، اۆتوموبيل سياقتى ءداستۇرلى سالالاردا بولسىن، الدە جاسىل تيپكە بۇرىلىس جاساۋ، جاساندى زەيىن سياقتى جاڭادان گۇلدەنگەن سالالاردا بولسىن، ەكى ەلدىڭ سەلبەسە ورتاق يگىلىكتەنۋدىڭ وراسان زور كومەسكى كۇشىن اشۋىنا تۋرا كەلەدى. ەكى جاق ءوزارا پايدا جەتكىزە ورتاق يگىلىكتەنۋدىڭ ايقىن ەرەكشەلىگىن ساۋلەلەندىرىپ، ءبىر-بىرىنە تابىس جاراتۋى كەرەك. جۇڭگو ەكسپورت ەتكەن ەلەكترلى اۆتوموبيل، ليتي باتەرياسى، فوتوۆولتتىق ونىمدەر دۇنيە ءجۇزىنىڭ قامداۋىن بايىتىپ، دۇنيە ءجۇزىنىڭ اقشانىڭ قۇنسىزدانۋ قىسىمىن جەڭىلدەتۋمەن بىرگە، دۇنيە ءجۇزىنىڭ كليمات وزگەرىسىنە توتەپ بەرۋىنە جانە جاسىل، تومەن كومىرتەكتى تۇتىنۋعا بۇرىلىس جاساۋىنا وراسان زور ۇلەس قوستى. جۇڭگو مەن گەرمانيانىڭ ءار ەكەۋى دە ناقتىلى كاسىپ ارقىلى مەملەكەتتى كوركەيتىپ قۇرۋعا قۇلشىنۋدا، ءار ەكەۋى دە ەركىن ساۋدانى جانە ەكونوميكانىڭ الەميلەنۋىن قولدايدى. ەكى جاق قورعانىمپازدىقتىڭ باس كوتەرۋىنەن قىراعى بولۋ؛ بازار كوزقاراسى مەن الەمدىك كوز اياعا تاباندى بولۋ؛ ەكونوميكالىق زاڭدىلىقتى شىعار ءتۇيىن ەتۋ؛ ءوندىرىس قۋاتى ماسەلەسىنە وبيەكتيۆ، ديالەكتيكالىق تۇرعىدان مامىلە جاساۋ؛ سەلبەستىكتى كوبىرەك تالقىلاۋ كەرەك. جۇڭگو سىرتقا ەسىك اشۋ سىندى نەگىزگى مەملەكەت ساياساتىنا تاباندى بولادى، گەرمانيانىڭ جۇڭگو كاسىپورىندارىنىڭ گەرمانياعا بارىپ دامۋىنا ءادىل، جاريا، اشىق، كەمسىتپەيتىن ساۋدا ورتاسىن ازىرلەۋىن ءۇمىت ەتەدى. جۇڭگو مەن گەرمانيانىڭ دۇنيە ءجۇزىنىڭ كوپ ۇيەكتەنۋى ماسەلەسىندە كوپتەگەن ورتاقتىعى بار. كوپ ۇيەكتەنۋ ءمانى جاعىنان تۇرلىشە وركەنيەت، تۇرلىشە ءتۇزىم، تۇرلىشە جولداعى ەلدەر اراسىنداعى ءوزارا قۇرمەت ەتۋ، بەيبىت قاتار تۇرۋ بولۋعا ءتيىس. جۇڭگو مەن گەرمانيا كوپ جاقتى سالالارداعى سەلبەستىكتى دەربەس، ءوز-وزىنە قوجايىن بولا وتىرىپ ورىستەتۋ؛ حالىقارالىق قوعامنىڭ ءىس جۇزىندىك ارەكەتتەرى ارقىلى كليمات وزگەرىسى، دامۋدىڭ بىركەلكى بولماۋى، وڭىرلىك قاقتىعىس سياقتى الەمدىك سايىستارعا اناعۇرلىم ويداعىداي توتەپ بەرۋىن ىلگەرىلەتۋ؛ دۇنيە ءجۇزىنىڭ تەپە-تەڭدىگى مەن ورنىقتىلىعىنا اناعۇرلىم كوپ ۇلەس قوسۋى كەرەك.

شولز مىنالاردى ءبىلدىردى: قازىر گەرمانيا-جۇڭگو قاتىناسى جاقسى دامۋدا، ەكى جاقتىڭ ءار جىكتەگىلەرىنىڭ، ءار سالاداعىلارىنىڭ بارىس-كەلىسى جيىلەپ كەلەدى. ەكى جاق ەكى ەل ۇكىمەتىنىڭ كەڭەسىن، ستراتەگيا، قازىنا-فينانس سياقتى سالالارداعى جوعارى دارەجەلىلەر كەڭەسىن ءساتتى وتكىزدى، سونداي-اق الداعى كۇندەردە كليمات وزگەرىسى جانە جاسىل دامۋعا بۇرىلىس جاساۋ جونىندە كەڭەس وتكىزەدى. وتكەن ەكى كۇندە، مەن گەرمانيا كاسىپورىن سالاسىنىڭ ۋاكىلدەرىمەن بىرگە چۇڭچيڭ، شاڭحاي سياقتى جەرلەردە ساپاردا بولىپ، جۇڭگونىڭ ەكونوميكالىق دامۋىنىڭ سوڭعى جىلداردان بەرى قول جەتكىزگەن وراسان زور تابىستارىن شىنايى سەزىندىم، گەرمانيا مەن جۇڭگونىڭ كاسىپورىن سالاسىنداعىلاردىڭ تىعىز، تاماشا سەلبەستىگىنەن تەرەڭ اسەر الدىم. گەرمانيا جۇڭگومەن ەكى ەل قاتىناسىن ۇزدىكسىز كۇشەيتىپ، ءار سالاداعى ەكى جاقتى سۇحبات پەن سەلبەستىكتى تەرەڭدەتىپ، وقۋ-اعارتۋ، مادەنيەت سياقتى سالالارداعى گۋمانيتارلىق اۋىس-كۇيىستى ىلگەرىلەتۋدى قالايدى، بۇل گەرمانيا مەن جۇڭگو، سونداي-اق دۇنيە ءجۇزى جونىنەن توتەنشە ماڭىزدى. گەرمانيا جاق جۇڭگو جاقپەن تۇسىنىستىك پەن سايكەسۋدى كۇشەيتۋدى، كليمات وزگەرىسى سياقتى الەمدىك سىن-سايىستارعا ورتاق توتەپ بەرۋدى، كوپ جاقتى حالىقارالىق ءتارتىپتى قورعاۋعا كۇش سالۋدى، دۇنيە ءجۇزىنىڭ بەيبىتشىلىگى مەن دامۋىن جەبەۋدى قالايدى، قارسىلاستىقتى قۇپتامايدى. گەرمانيا جاق قورعانىمپازدىققا قارسى تۇرادى، ەركىن ساۋدانى قولدايدى. ەۆروپا وداعىنىڭ ماڭىزدى مۇشەسى بولعان گەرمانيا ەۆروپا وداعى مەن جۇڭگونىڭ بايلانىسىن ويداعىداي دامىتۋدا سەركەلىك رول ويناۋدى قالايدى. 

ەكى ەل باسشىلارى ۋكراينا داعدارىسى جونىندە ىشكەرىلەي پىكىر اۋىستىرىپ، جۇڭگو مەن گەرمانيانىڭ بىرلەسكەن مەملەكەتتەر ۇيىمى ۋستاۆىنىڭ نەگىزگى ماقساتى مەن پرينسيبىنە بويسۇنۋعا كۇش سالاتىندىعىن، يادرولىق قارۋ ىستەتۋگە نەمەسە بەيبىت يادرو قۇرىلعىلارىنا شابۋىل جاساۋعا قارسى تۇراتىندىعىن، حالىقارالىق استىق حاۋىپسىزدىگى ماسەلەسىن ۇيلەسىمدى شەشۋگە كۇش سالاتىندىعىن، حالىقارالىق ادامگەرشىلىك زاڭعا بويسۇناتىندىعىن ءبىلدىردى.

شي جينپيڭ بىلاي دەپ باسا دارىپتەدى: قازىرگى جاعدايدا، قاقتىعىستىڭ بۇراندا فورماسىندا اسقىنۋىنان، ءتىپتى، مەڭگەرۋسىز كەتۋىنەن ساقتانۋ ءۇشىن، ءار قايسى جاقتاردىڭ بارلىعى بەيبىتشىلىكتى ەرتەرەك قالپىنا كەلتىرۋگە ورتاق كۇش سالۋى كەرەك. سوندىقتان مىناداي پرينسيپتەردى يگەرۋ كەرەك: ءبىرىنشى، بەيبىت، ورنىقتى بولۋ سىندى جالپى جاعدايدى ماڭىزدى ورىنعا قويۋ، جەكە مۇددەنى كۇيتتەمەۋ كەرەك. ەكىنشى، جاعدايدىڭ باسەڭدەۋى ءۇشىن، وتقا ماي قۇيماۋ كەرەك. ءۇشىنشى، بەيبىتشىلىكتى قالپىنا كەلتىرۋگە شارت جاعداي ازىرلەۋ، قايشىلىقتى ونان ارى شيەلەنىستىرمەۋ كەرەك. ءتورتىنشى، دۇنيە ءجۇزى ەكونوميكاسىنا كەرى ىقپالدى ازايتۋ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن بۇلدىرمەۋ كەرەك. جۇڭگو جاق ۋكراينا داعدارىسىنا قاتىستى جاق ەمەس، قاتىناسۋشى جاق تا ەمەس، ءبىراق باستان-اياق تاتۋلاسۋدى ءوز تاسىلىمەن جەبەپ كەلەدى. جۇڭگو داعدارىستى بەيبىت جولمەن شەشۋگە ءتيىمدى بارلىق قۇلشىنىستاردى شابىتتاندىرىپ جانە قولداپ، رەسەي مەن ۋكراينا جاقتارى مويىندايتىن، ءار جاق تەڭ تۇرعىدا قاتىناساتىن، بارلىق بەيبىتشىلىك جوباسى جونىندە ءادىل تالقى جۇرگىزەتىن حالىقارالىق ءماجىلىس وتكىزۋدى قولدايدى، وسى جونىندە گەرمانيانى قامتىعان قاتىستى جاقتارمەن تىعىز بايلانىستى ساقتاۋدى قالايدى. ەكى جاق پالەستين-يزرايل قاقتىعىسى سياقتى ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە پىكىر اۋىستىردى. ەكى جاق بىلاي دەپ قارادى: ب م ۇ حاۋىپسىزدىك كەڭەسىنىڭ 2728-ءنومىرلى قارارىن تياناقتاندىرۋ كەرەك؛ اۋقىمنىڭ كەڭەيىپ كەتۋىنىڭ الدىن الۋ، اۋقىمنىڭ ۇزدىكسىز ناشارلاۋىنىڭ الدىن الۋ، گازا وڭىرىنە ادامگەرشىلىك كومەكتەردىڭ كەدەرگىسىز، ۇدايى كىرۋىنە كەپىلدىك ەتۋ؛ پالەستين ماسەلەسىنىڭ «ەكى مەملەكەت جوباسى» نەگىزىندە ەرتەرەك سۇحبات ارقىلى شەشىلۋىنە دەم بەرۋ بەرۋ كەرەك. ىقپالدى ەلدەردى ءوڭىردىڭ بەيبىتشىلىگى مەن ورنىقتىلىعىن قورعاۋدا سىندارلى رول اتقارىپ، پالەستين ماسەلەسىنىڭ ەرتەرەك جالپى بەتتىك، ءادىل، باياندى شەشىلۋىن ىلگەرىلەتۋگە ۇندەۋ كەرەك. 

كەزدەسۋدەن كەيىن، شي جينپيڭ شولزبەن بىرلىكتە سەيىلدەدى ءارى تۇسكى استا بىرگە بولىپ، كەڭ كولەمدى كەڭەس تاقىرىبى جونىندە ىشكەرىلەي پىكىرلەستى.

ۋاڭ ي كەزدەسۋدە بىرگە بولدى.