ۇشاقتا بومبى بار دەپ وتىرىك ايتقانعا ۇكىم شىعارىلدى

55 جاستاعى پان فاميليالى اراق ءىشىپ الىپ، ۇشاققا ۇلگىرمەي قالادى دا، ۇشاقتا بومبى بار دەپ وسەك-اياڭ تاراتادى. 4-ايدىڭ 15-كۇنى تۇستەن بۇرىن بەيجيڭ قالاسى چاۋياڭ رايوندىق حالىق سوت مەكەمەسى بۇل دەلونى اشىق سوت اشىپ قارادى، پان فاميليالى جالعان تەرروشىلدىق ينفورماتسيا جاساۋ قىلمىسىن وتكىزگەندىگى سەبەپتى، سوت مەكەمەسى زاڭ بويىنشا ونى 5 اي قولدا ۇستاۋ جازاسىنا ۇكىم ەتتى، 6 اي كەشىكتىرىپ اتقارىلادى.

2024-جىلى 3-ايدىڭ 1-كۇنى ساعات 15 مولشەرىندە جاۋاپكەر پان فاميليالى ۇشاققا ۇلگىرە الماعاندىقتان، بەيجيڭ قالاسى استانا حالىقارالىق اۋەجايىنىڭ قىزمەت وتەۋ ورنىنا بارىپ، سول جەردەگى تەلەفونمەن ءمالىم اۆياتسيا سەرىكتىگىنىڭ قىزمەتكەرىنە حابارلاسىپ، نارازىلىعىن ءبىلدىرۋ ءۇشىن، ۇشاقتا بومبى بار دەپ وتىرىك ايتادى، سونىمەن وسى ۇشاقتاعى بارلىق جولاۋشى مەن ولاردىڭ جۇكتەرىنە قوپارىلىستان ساقتانۋ جانە ەكىنشى رەتكى حاۋىپسىزدىك تەكسەرۋى جۇرىلەدى، دەسەدە تەكسەرۋ بارىسىندا قالىپسىز جاعداي بايقالمايدى، وسى سەبەپتەن ۇشاق شامامەن 2 ساعات كەشىگىپ ۇشادى. قوعام حاۋىپسىزدىگى، تەرروشىلدىققا قارسى تۇرۋ مەن ەرەكشە ساقشى تارماق اترەتى جانە اماندىق قورعاۋ سەرىكتىگى قاتارلىلار ناق مايدانعا كەلىپ شۇعىل جاعدايعا توتەپ بەرۋ، ءبىر جاقتى ەتۋ شارالارىن قولدانادى.

سوت مەكەمەسى بىلاي دەپ قارايدى: جاۋاپكەر پان فاميليالى جالعان تەرروشىلدىق ينفورماتسياسىن تاراتىپ، قوعام ءتارتىبىن اۋىر دارەجەدە ءبۇلدىردى، ونىڭ ارەكەتى جالعان تەرروشىلدىق ينفورماتسياسىن جاساۋ قىلمىسىنا جاتادى، ونى زاڭ بويىنشا جازالاۋ كەرەك.

پان فاميليالىنى زاڭ بويىنشا شاقىرعاننان كەيىن، ول وتكىزگەن قىلمىسىن قاز-قالپىندا تاپسىرىپ، مويىندادى، جازانى قابىلدايتىندىعىن ءبىلدىردى، سونىمەن سوت مەكەمەسى وعان جەڭىل جازا بەردى ءارى جازاسىن كەشىكتىرىپ اتقارۋدى ۇيعاردى، پان فاميليالىنىڭ وتكىزگەن قىلمىسىنىڭ فاكتىنە، سيپاتىنا، ءمان-جايىنا جانە قوعامدا تۋدىرعان ناشار ىقپالىنىڭ دارەجەسىنە قاراي جوعارىداعى ۇكىم شىعارىلدى. ۇكىم جاريالانعاننان كەيىن، پان فاميليالى ارىزدانبايتىندىعىن ءبىلدىردى.