ازامات جاسىنا تولماعان 4 بالا جازاعا تارتىلدى

ەڭ جوعارى حالىق سوت مەكەمەسى: تاياۋدا 12 دە 14 جاس ارالىعىنداعى ازامات جاسىنا تولماعان 4بالا جازاعا تارتىلدى، -دەدى.

 تاياۋدا 12 دە 14 جاس ارالىعىنداعى ازامات جاسىنا تولماعانداردىڭ ادام ءولتىرۋ، باسقالاردى اۋىر دارەجەدە زاقىمداۋ قىلمىسىنىڭ قىلمىستىق ىستەر جاۋاپكەرشىلىگىن قۋزاستىرۋ جونىندەگى تالقى جۇرت نازارىن جاپپاي اۋداردى. 

قازىر حالىق سوت مەكەمەسى وسى تەكتەس دەلولاردان 4 دەلونى، 4 ادامدى تەكسەرىپ ءبىر جاقتىلى ەتكەن، قىلمىسكەرلەر 12 دە 13 جاس ارالىعىندا بولىپ، زاڭ بويىنشا 10 دا 15 جىلدىق مەرزىمدى قاماۋ جازاسىنا ۇكىم ەتىلدى.

ەڭ جوعارى حالىق سوتى مەكەمەسى بىلاي دەپ باسا دارىپتەدى: تەرگەۋ ازامات جاسىنا تولماي جازا باسقانداردى جازالاپ، قىلمىسىن تانىپ، ەسكەرتۋ بەرەتىن ورىن بولۋمەن بىرگە، تاربيە بەرىپ دۇرىس جولعا باستايتىن ساباقحانا دا بولۋ كەرەك. جازالاۋدا «كەڭ پەيىل بولۋعا، ءبىراق ىرقىنا جىبەرمەۋگە» تاباندى بولىپ، سۋبيەكتيۆ جاقتان قاراعاندا قارا نيەتى قابىنعان، زاردابى اۋىر، اسىرەسە قايتا-قايتا تاربيە بەرىلسە دە تۇزەتپەگەندەردىڭ جازالاۋعا تيىستىلەرىن زاڭ بويىنشا جازالاپ، ساقتاندىرۋ-تاربيەلەۋ رولىن ساۋلەلەندىرىپ، زيانكەستىككە ۇشىراۋشىنىڭ جاقتاۋشىسى بولىپ، قوعامنىڭ ادىلدىگىن ايگىلەۋ كەرەك. باس قۇراۋ، وتباسى ىستەرى، ۇقىققا سۇعاناقتىق جاساۋ تەكتەس دەلولاردى قاراعاندا، قامقورلىق جاۋاپكەرشىلىگى مەن تاربيەلەپ جەتەكتەۋ قىزمەتىن كۇشەيتۋگە باسا ءمان بەرىپ، اكە-شەشەنى قامقورشى بولۋ مىندەتىن زاڭ بويىنشا وتەۋگە جەتەكتەۋ كەرەك. جاسى كىشى ازامات جاسىنا تولماعانداردى ارناۋلى تۇزەۋ قۇرىلىمدارىنىڭ كۇش-قۋاتى جەتەرسىز بولۋ جاعدايىن تەز ارادا وزگەرتىپ، ارناۋلى مەكتەپ قۇرۋ قۇرىلىسىن جەدەلدەتىپ، جاس وسپىرىمدەرگە باعىتتالعان دەربەس ءادىليا جۇيەسىن قۇرۋدى بىرتىندەپ ىلگەرىلەتىپ، قوعامعا اۋىر زيان جەتكىزگەن، ءبىراق قىلمىستىق ىستەر جاۋاپكەرشىلىگىن قۋزاستىرۋعا كەلمەيتىن ازامات جاسىنا تولماعانداردى دۇرىس جولعا تاربيەلەۋگە مۇمكىندىك جاساۋ كەرەك.