شي جينپيڭ قۇرىلىق ارميا اسكەري مەديتسينا داشۋەسىن كوزدەن كەشىرگەندە سوعىس مايدانىن، اسكەري ءبولىمدى، بولاشاقتى بەتكە الىپ، دۇنيە جۇزىندەگى بىرەگەي اسكەري مەديتسينا داشۋە قۇرۋعا قۇلشىنۋ كەرەك،-دەپ باسا دارىپتەدى

ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4-ايدىڭ 23-كۇنى قۇرىلىق ارميا اسكەري مەديتسينا داشۋەسىن كوزدەن كەشىردى. ول جاڭا داۋىردەگى ارميانى قۇدىرەتتەندىرۋ يدەياسىن ىشكەرىلەي دايەكتەندىرىپ، جاڭا داۋىردەگى اسكەري وقۋ اعارتۋ باعىتىن جالپى بەتتىك تياناقتاندىرىپ، سوعىس مايدانىن، اسكەري ءبولىمدى، بولاشاقتى بەتكە الىپ، مەكتەپ باسقارۋ، دارىندىلار تاربيەلەۋ ورەسىن جانە دەنساۋلىق ساقتاۋدى قامتاماسىزداندىرۋ قابىلەتىن جوعارىلاتىپ، دۇنيە جۇزىندەگى بىرەگەي اسكەري مەديتسينا داشۋەسىن قۇرۋعا قۇلشىنۋ كەرەك،-دەپ باسا دارىپتەدى.

تۇستەن بۇرىن ساعات 9 دان 45 مينۋت وتكەندە، شي جينپيڭ قۇرىلىق ارميا اسكەري مەديتسينا داشۋەسىنە كەلىپ، الدىمەن داشۋەنىڭ نەگىزگى جاعدايىن جانە سوعىس مايدانىنداعى مەديتسينالىق قۇتقارۋ-ەمدەۋ ءتۇيىندى پاندەرىنىڭ جاعدايىن ۇعىسىپ، سوعىس جاراقاتىنان شۇعىل قۇتقارۋ جابدىقتارى مەن كۋرسانتتاردىڭ جۇمىس كورسەتپەسىن كوردى. قۇرلىق ارميا اسكەري مەديتسينا داشۋەسى داڭقتى تاريحقا يە، ۇزاق ۋاقىتتىق مەكتەپ باسقارۋ امالياتى بارىسىندا ۇستىرتتەگى اسكەري ىستەر مەديتسيناسى، سوعىس جاراقاتى شيپاگەرلىگى، كۇيىك مەديتسيناسى سياقتى ايقىن ەرەكشەلىكتەر مەن ابزالدىلىقتاردى قالىپتاستىردى. 2017-جىلى رەتتەلىپ قۇرىلعاننان بەرى، داشۋە ارمياعا قىزمەت ەتۋگە تاباندى بولىپ، جاڭالىق جاراتا دامۋدى ىلگەرىلەتىپ، اسكەري شايقاس، دەنساۋلىق ساقتاۋ قامتاماسىزدىعى، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ-تىزگىندەۋ سياقتى ءبىر قىدىرۋ كەلەلى مىندەتتەردى تابىستى ورىندادى. شي جينپيڭ قۇرىلىق ارميا اسكەري مەديتسينا داشۋەسىنىڭ مەكتەپ قۇرۋ جانە مىندەتتى ورىنداۋ ناتيجەلەرىن تۇراقتاندىردى.

شاتىرلاي كوتەرىلگەن شاپالاق ءۇنى ىشىندە شي جينپيڭ قۇرىلىق ارميا اسكەري مەديتسينا داشۋەسىندەگى كوماندير-جاۋىنگەرلەردىڭ ۋاكىلدەرىمەن ىقىلاسپەن كەزدەستى ءارى كوپشىلىكپەن بىرگە ەستەلىك سۋرەتكە ءتۇستى.

شي جينپيڭ بىلاي دەپ باسا دارىپتەدى: قۇرىلىق ارميا اسكەري مەديتسينا داشۋەسى ارميامىزدىڭ مەديتسينا تۇرىندەگى جوعارى وقۋ-اعارتۋ مەكتەبى، بۇكىل ارميانىڭ دەنساۋلىق ساقتاۋ كۇشتەرى جۇيەسىنىڭ ماڭىزدى قۇرامداس بولەگى. ونەگە كورسەتىپ دارىندى تاربيەلەۋگە، سوعىس ءۇشىن دارىندى تاربيەلەۋگە تاباندى بولىپ، وقۋ-اعارتۋ، وقىتۋ رەفورماسىن تەرەڭدەتىپ، ءمورالدى دا قابىلەتتى جاڭا داۋىردەگى توڭكەرىستىك اسكەري شيپاگەرلەردى جەتىلدىرۋ كەرەك. ەرەكشە مەديتسينالىق عىلمي زەرتتەۋدە جاڭالىق جاراتۋدى زور كۇشپەن ىلگەرىلەتىپ، ءداستۇرلى باسىمدىقتى بەكەمدەپ، دامۋدىڭ الدىڭعى شەبىن يەلەپ، اسكەري مەديتسينا شىڭىنا باتىلدىقپەن شىعۋ كەرەك. دەنساۋلىق ساقتاۋ قىزمەتىن كۇشەيتىپ، ءتۇرلى ينجەنەريالاردى قامتاماسىز ەتىپ، اسكەري ءبولىمنىڭ جاۋىنگەرلىك قۋاتىنا پارمەندى قىزمەت وتەۋ، كوماندير-جاۋىنگەرلەردىڭ دەنساۋلىعىنا قىزمەت ەتۋ كەرەك.

شي جينپيڭ بىلاي دەپ باسا دارىپتەدى: پارتيانى جالپى بەتتىك قاتاڭ باسقارۋ تالابىن تياناقتاندىرىپ، پارتيانىڭ جاسامپازدىق نازارياسىمەن قارۋلانۋدى كۇشەيتىپ، پارتيا ءتارتىبىن ۇيرەنۋ تاربيەسىن ويداعىداي يگەرىپ، ەمدەۋ-دەنساۋلىق ساقتاۋ سالاسىن رەتكە سالۋدى، باسقارۋدى ۇزدىكسىز تەرەڭدەتىپ، داشۋەلەردىڭ وسكەلەڭ ورتالىقتانعان ءبىر تۇتاستىعىنا جانە كىرشىكسىزدىگىنە، بەكەمدەلۋىنە شىنايى كەپىلدىك ەتۋ كەرەك. مەكتەپتى زاڭ بويىنشا باسقارۋدى، مەكتەپتى قاتاڭ باسقارۋدى، وقىتۋ، اعارتۋدى باسقارۋدى قاتايتۋدى مىقتى يگەرىپ، نەگىزگى ساتىنى يگەرۋ، نەگىز قالاۋ قىزمەتىن ويداعىداي ىستەپ، بۇكىل مەكتەپتەگى وقىتۋشى-وقۋشىلاردىڭ، جۇمىسشى-قىزمەتكەرلەردىڭ ناتيجە جاراتىپ كاسىپ قۇرۋ بەلسەندىلىگىن قوزعاپ، داشۋە قۇرۋدا جاڭا جاعداي جاراتۋ ءۇشىن ءبىر جاعادان باس، ءبىر جەڭنەن قول شىعارا وتىرىپ، قۇلشىنا قىزمەت ەتۋ كەرەك.

حى ۋيدۇڭ قاتارلىلار كوزدەن كەشىرۋدە بىرگە بولدى.