ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى بەلگىلەمەگە قايشى 8 تيپتىك ماسەلەنى اشىق حابارلاندىردى

ءوز حابارىمىز. ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى جۋىقتا بەلگىلەمەگە قايشى ءىشىپ-جەۋ ماسەلەسىنە قاتىستى 8 تيپتىك ماسەلەنى اشىق حابارلاندىردى.

جياڭشي ولكەلىك حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى ورىنباسار شۋجيى، ورىنباسار مەڭگەرۋشىسى يىن مەيگىن، ەكولوگيالىق ورتا مينيسترلىگى   ورتا ينجەنەرياسىن باعالاۋ ورتالىعىنىڭ بۇرىنعى پارتكوم مۇشەسى، ورىنباسار مەڭگەرۋشىسى زوۋ شى-يىڭ، حاينان ولكەلىك ساياحات جانە مادەنيەت، راديو-تەلەۆيزيا، دەنە تاربيە مەڭگەرمەسىنىڭ 2-دارەجەلى شارلاۋشىسى ليۋ پيڭجيۋ، شينجياڭ ءوندىرىس-قۇرىلىس بيڭتۋانى 6-شىسىنىڭ ورىنباسار شىجاڭى، ۋجياچۇي قالاسىنىڭ ورىنباسار باستىعى يان شىڭحۇڭ جانە بيڭتۋان وقۋ-اعارتۋ مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى يىن روچياڭ، بەيجيڭ قالالىق قازىنا مەكەمەسى جاراتىلىستىق بايلىق جانە ەكولوگيالىق ورتا باسقارماسىنىڭ ورىنباسار باستىعى پەي ياڭ، حۋاديان ەنەرگيا شەكتى جارنا سەرىكتىگى پارتكومىنىڭ بۇرىنعى مۇشەسى، باس بۇعالتىرى لي شيجين، جۇڭگو قۇرىلىس بانكەسى شينجياڭ ۇيعۇر اۆتونوميالى رايونى بۇراتالا وبلىستىق بولىمشە بانكەسى پارتكومىنىڭ مۇشەسى، ورىنباسار بانكە باستىعى ۋ جيانبين قاتارلىلار جانە يۇننان ولكەسى يۇيشي قالاسى شينپيڭ يزۋ-دايزۋ اۆتونوميالى اۋداندىق حالىق سوتى مەكەمەسىنىڭ ۇكىمەت اقشاسىمەن ءىشىپ-جەۋ، ۇكىمەت قىزمەتىن ءادىل اتقارۋعا ىقپال جاساۋى مۇمكىن بولعان قوناعاسىعا بارۋ سياقتىلار قاتاڭ ءبىر جاقتى ەتىلدى.

ورتالىق ءتارتىپ تەكسەرۋ كوميتەتى، مەملەكەتتىك باقىلاۋ-تەكسەرۋ كوميتەتى مىنالاردى باسا دارىپتەدى: ءار دارەجەلى پارتيا ۇيىمدارى مەن باسشى كادرلار بەلگىلەمەگە قايشى ءىشىپ-جەۋ ماسەلەسىنىڭ زالالىن سەرگەكتىكپەن تانىپ، ءوز رايونىنىڭ، ءوز ورنىنىڭ، ءوز جۇيەسىنىڭ بەلگىلەمەگە قايشى ءىشىپ-جەۋ ماسەلەسىنە تۇجىرىم جاساۋدى كۇشەيتىپ، وڭاۋ-تۇزەتۋدى، جونگە سالۋدى باعىتتامالى تۇردە ورىستەتۋ كەرەك. ءار دارەجەلى ءتارتىپ تەكسەرۋ، باقىلاۋ-تەكسەرۋ ورگاندارى وسكەلەڭ جاۋاپكەرشىلىكپەن بەلگىلەمەگە قايشى ءىشىپ-جەۋدى قاتاڭ باسقارۋدى مىقتى يگەرىپ، بەلگىلەمەگە قايشى ءىشىپ-جەۋ ارەكەتىن قاتاڭ جازالاپ، ماسەلەسى كورنەكتى رايونداردى، جۇيەلەردى ارناۋلى قاتاڭ تەكسەرىپ، قاتاڭ ءبىر جاقتى ەتۋ كەرەك. «ۇشتە شىرىكتەسپەۋدى» ءبىر تۇتاس ىلگەرىلەتۋگە تاباندى بولىپ، پارتيالىلىقتى، پارتيا ستيلىن، پارتيا ءتارتىبىن بىرگە يگەرۋگە تاباندى بولىپ، باياندى باسقارۋ مەحانيزمىن ورناتۋ جانە كەمەلدەندىرۋ كەرەك. «1-مامىر» مەرەكەسى، قياق كۇرىش مەرەكەسى كەزىندە تاپجىلماي، بەلگىلەمەگە قايشى   ءىشىپ-جەۋ، بەلگىلەمەگە قايشى  تارتۋ-تارالعى، اقشا الۋ، ۇسىنۋ، ۇكىمەت اقشاسىمەن ساياحاتتاۋ سياقتى مەرەكە كەزىندە وڭاي تۋىلاتىن، كوپ تۋىلاتىن ماسەلەلەردى قاتاڭ تۇزەتىپ، تيپتىك دەلولاردى دەر كەزىندە حابارلاندىرىپ، پارمەندى، ءونىمدى شارالار ارقىلى مەرەكە كەزىندە ستيلدىڭ پاك، سالتتىڭ دۇرىس بولۋىنا كەپىلدىك ەتۋ كەرەك.