سۋ يگىلىگى مينيسترلىگى قالىڭ جاڭبىر جاۋعان ولكەلەرگە قاراتا ءار ولكەنىڭ جاعدايىن كوزدەپ ساقتىق سيگنالىن تاراتتى 

ءوز حابارىمىز. وڭتۇستىك جۇڭگو، چاڭجياڭنىڭ وڭتۇستىگى قاتارلى جەرلەردە تاعى دا جاۋىن جاۋدى. سۋ يگىلىگى مينيسترلىگى قالىڭ جاڭبىر جاۋعان ولكەلەرگە قاراتا ءار ولكەنىڭ جاعدايىن كوزدەپ ساقتىق سيگنالىن تاراتىپ، قالىڭ جاڭبىردان ساقتانۋ، توتەپ بەرۋ قىزمەتىن ويداعىداي ىستەۋگە قۋزاپ، حالىق بۇقاراسىنىڭ باس اماندىعىنا كەپىلدىك ەتتى. 

گۋاڭدۇڭنىڭ كوپ جەرىندە 4-ايدىڭ 25-كۇنى كۇندىز قالىڭ جاڭبىر جاۋدى، ءىشىنارا جەرلەرىندە نوسەر قۇيدى. تاياۋدان بەرگى قالىڭ جاڭبىردىڭ ىقپالىنان جۋجياڭ وزەنى اعارىنداعى حانجياڭ وزەنىندە تاسقىن سۋ كورنەكتىلەندى. 4-ايدىڭ 25-كۇنى كەشكى ساعات 7 دەن 15 مينۋت وتكەندە، گۋاڭدۇڭنىڭ حانجياڭ وزەنى نەگىزگى اعىسى سانحىبا سۋ رايى پۋنكتىندە سۋ دەڭگەيى 42.02 مەترگە جەتىپ، ساقتىق سۋ دەڭگەيىنەن 0.02 مەتر اسىپ، «حانجياڭ وزەنىنىڭ 2024-جىلعى 2-ءنومىرلى تاسقىنى» دەپ اتالدى. 

تاسقىن جاعدايىنا قاراتا، سۋ يگىلىگى مينيسترلىگى جۋجياڭ سۋ يگىلىگى كوميتەتى گۋاڭدۇڭ، فۋجيان ولكەلەرىنىڭ سۋ يگىلىگى مەڭگەرمەسى سياقتى قاتىستى ورىندارمەن بىرلەسىپ ورنالاستىرۋ جاساپ، وزەندەردىڭ ورتا-تومەنگى اعارلارىنىڭ تاسقىننان ساقتانۋ قىسىمىن كۇش سالا جەڭىلدەتتى. سۋ يگىلىگى مينيسترلىگى جۋجياڭ سۋ يگىلىگى كوميتەتى تاسقىن سۋ جانە قۋاڭشىلىق اپاتتارىنان ساقتانۋ باسقارماسى ينجەنەريا ءبولىمىنىڭ باستىعى ۋ شانشان بىلاي دەدى: حانجياڭ وزەنىندەگى 2-ءنومىرلى تاسقىن سۋىنا قاراتا، جۋجياڭ سۋ يگىلىگى كوميتەتى تاسقىن سۋ وزگەرىسىن دەر كەزىندە قاداعالاپ، فۋجيان، گۋاڭدۇڭ ولكەلەرىنىڭ سۋ يگىلىگى تاراۋلارىمەن بىرگە حانجياڭ وزەنىندەگى ميانحۋاتان، گاۋبي سياقتى سۋ قويمالارىنا ىركىلگەن سۋدى الدىن الا اعىزىپ، تاسقىن ءبولىپ، وركەشىن تومەندەتەدى. 

جياڭشي ولكەسىندە 4-ايدىڭ 25-كۇنى ءبىرشاما كورنەكتى كونۆەكسيالىق جاۋىن-شاشىندى  اۋا رايى قالىپتاستى. وسى ولكەنىڭ شىعىس بولەگى مەن وڭتۇستىك بولەگىنىڭ ءىشىنارا جەرلەرىندە قالىڭ جاڭبىر جاۋدى ءارى كۇشتى ناجاعايلى، قىسقا ۋاقىتتىق نوسەر قۇيۋ، داۋىلدى نوسەر كۇشتى كونۆەكسيالىق اۋارايى قۇبىلىسى جارىققا شىقتى.